Тод мэдээ
Хувь нийлүүлсэн хөрөнгийн хэмжээг нэмэгдүүлэх хугацааг хойшлууллаа
Санхүүгийн зохицуулах хорооны ээлжит хоёрдугаар хуралдаанаар банк бус санхүүгийн байгууллагуудын хувь нийлүүлсэн хөрөнгийн доод хэмжээг нэмэгдүүлэх хуваарийг хойшлуулахаар шийдвэрлэлээ.
Учир нь, Хорооны 2019 оны 441 дүгээр тогтоолоор банк бус санхүүгийн байгууллага /ББСБ/-уудын хувь нийлүүлсэн хөрөнгийн доод хэмжээ, үе шаттай нэмэгдүүлэх хуваарийг шинэчлэн баталсан. Үүнд, банк бус санхүүгийн зээлийн үйл ажиллагааг бусад үйл ажиллагаатай хавсран эрхэлж буй ББСБ-ууд хувь нийлүүлсэн хөрөнгийн доод хэмжээг энэ сарын 10-ны дотор Улаанбаатар хотод 1.9 тэрбум төгрөг, Орхон аймгийн Баян-Өндөр, Дархан-Уул аймгийн Дархан сумдад 475.0 сая төгрөг, бусад аймаг, сумдад 145.0 сая төгрөгт хүргэхийг үүрэг болгосон. Харин банк бус санхүүгийн гадаад валютын арилжааны үйл ажиллагааг дагнан эрхэлж буй ББСБ-ууд мөн өдрийн дотор нийслэлд 300.0 сая төгрөг, аймаг, сумдад 200.0 сая төгрөгт хүргэхээр заасан.
Гэтэл цаг үеийн нөхцөл байдлаас үүдэж буюу коронавирус /КОВИД-19/-т халдварт цар тахлын улмаас манай улсын санхүү, эдийн засгийн салбарт хүндрэл үүсч, эдгээр байгууллагын зээлдэгчдийн зээлийн эргэн төлөлт удааширч, салбарын үйл ажиллагаа доголдохын зэрэгцээ дээрх байгууллагуудын хувь нийлүүлсэн хөрөнгийн хэмжээг нэмэгдүүлэх боломжгүй байдал үүссэн.
Иймээс Хорооны ээлжит хоёрдугаар хуралдаанаар 2019 оны 441 дүгээр тогтоолын хавсралтыг шинэчлэн батлах тухай” 26 дугаар тогтоолыг хэлэлцээд, дээрх байгууллагуудын хувь нийлүүлсэн хөрөнгийн доод хэмжээг үе шаттай нэмэгдүүлэх хуваарийг нэг жилийн хугацаагаар хойшлуулахаар ийнхүү шийдвэрлэсэн юм.
Эх сурвалж: СЗХ
Тод мэдээ
“Агросити” дагуул хотын хөгжлийн ерөнхий төлөвлөгөө боловсруулах нээлттэй тендерийг дахин зарлалаа
Улаанбаатар хотын хүнсний аюулгүй байдал, импортын бүтээгдэхүүний хэмжээг бууруулах, хямд өртөгтэй эрүүл хүнсээр хангах, инновац шингэсэн үйлдвэрлэл, ажлын байрыг нэмэгдүүлэх зорилгоор “Агросити” дагуул хотыг барихаар төлөвлөж байна.
Энэхүү “Агросити” дагуул хотын хөгжлийн ерөнхий төлөвлөгөө боловсруулах ажлын гүйцэтгэгчийг сонгон шалгаруулах нээлттэй тендерийг дахин зарлалаа. Тендерийн материал хүлээн авах эцсийн хугацаа тавдугаар сарын 7-ны өдөр бөгөөд орон нутгийн төсвийн хөрөнгө оруулалтаар санхүүжүүлнэ.
“Агросити” дагуул хот нь Сонгинохайрхан дүүргийн 21 дүгээр хорооны нутаг дэвсгэрт 361-ын гарам, Рашаант, Жаргалант зэрэг бодлогын баримт бичигт тусгагдсан суурьшлын бүсүүдтэй. Дагуул хотын нутаг дэвсгэрийн 9000 га талбайд Засгийн газрын 2024 оны 220 дугаар тогтоолоор “Эдийн засгийн тусгай бүс”-ийг байгуулсан. Одоогийн байдлаар хотын уг суурьшлын бүсэд 2689 өрхийн 7652 иргэн оршин сууж байна. Тус бүсэд цахилгаан хангамжийн шугам сүлжээ хэвийн, бие даасан дулааны эх үүсвэртэй.
“Агросити” дагуул хотын хөгжлийн ерөнхий төлөвлөгөө боловсруулах ажлын гүйцэтгэгчийг сонгон шалгаруулах нээлттэй тендерийн дэлгэрэнгүй мэдээллийг ЭНД дарж үзнэ үү.
Тод мэдээ
Зам тээврийн осолд өртсөн 164 хүүхдийн эрхийг хамгаалж ажиллав
Тээврийн прокурорын газраас Нийслэлийн төвийн 6 дүүргийн хэмжээнд зам тээврийн ослын улмаас хүүхэд хохирсон хэргийг 2025 оны 1 дүгээр улирлын байдлаар судалж, энэ төрлийн гэмт хэрэг, зөрчлөөс урьдчилан сэргийлэх ажлыг сайжруулах талаар 10 аж ахуйн нэгжид прокурорын мэдэгдэл хүргүүлжээ.
Тодруулбал, зам тээврийн 147 ослын улмаас 164 хүүхэд өртөж, 83 хүүхдийн эрүүл мэндэд хохирол учирсан байна. 2024 оны мөн үетэй харьцуулахад хохирсон хүүхдийн тоо 4.1 хувиар өссөн байна.
Үүнээс 52.4 хувь нь 14-17 насны хүүхдүүд байгаа бол 26.2 хувь нь 10-13, 15.8 хувь нь 6-9, 3.6 хувь нь 3-5, 1.8 хувь нь 3 хүртэлх насныхан байна. Зам тээврийн осолд өртсөн хүүхдүүдийн 85 нь эрэгтэй, 79 нь эмэгтэй хүүхэд байна.
Зам тээврийн ослын улмаас хүүхдэд учирсан 75.2 сая төгрөгийн хохирол мөрдөн шалгах ажиллагааны явцад нөхөн төлөгджээ.
Тод мэдээ
Жилд таван мянган тонн хар тугалганы батарейг дахин боловсруулж байна
БОУАӨЯ-ны Хүрээлэн буй орчны бодлогын газар, салбарын хяналтын газрын хамтарсан ажлын хэсэг өнөөдөр Налайх дүүрэгт ажиллаж байна.
Ажлын хэсэг хар тугалган батарейг байгальд ээлтэй технологиор дахин боловсруулах чиглэлээр үйл ажиллагаа явуулдаг "Электрокем Монгол" ХХК-ийн үйл ажиллагаатай танилцлаа.
Тус үйлдвэр нь жилд 12 мянган тонн хар тугалган батарейг боловсруулах хүчин чадалтай ч өнөөдрийн байдлаар жилд 5 мянган тонныг боловсруулж байна гэж Байгаль орчин, уур амьсгалын өөрчлөлтийн яамнаас мэдээллээ.
-
Өнөөдөр2020/04/20
УИХ дахь намын бүлэг, зөвлөл өнөөдөр хуралдана
-
Тод мэдээ2019/08/27
Замын-Үүд боомтод “Цүнхээ шалга” аянг зохион байгуулж байна
-
Тод мэдээ2024/05/15
Шалбарсан, гэмтэлтэй цахилгааны утас ашиглахгүй байхыг зөвлөж байна
-
Тод зураг2019/06/25
Ямар ч бичиг баримтгүйгээр химийн бодис нэвтрүүлэхийг завджээ