Бидэнтэй нэгдэх

Тод зураг

“Ардчиллаас ирээдүйд бидний хүлээх 30 өөрчлөлт” сэдэвт эссе бичлэгийн уралдаан зарлалаа

Огноо:

,

Сэтгүүлч:

УРАЛДААНЫ УДИРДАМЖ

Ардчилсан намаас  “Ардчилсан хувьсгалын 30 жил”-ийн ойг тохиолдуулан “Олон Улсын Ардчиллын өдөр”-ийг тэмдэглэн өнгөрүүлэх ажлын хүрээнд “Ардчиллаас ирээдүйд бидний хүлээх 30 өөрчлөлт” сэдэвт эссений уралдааныг оюутан залуусын дунд зарлаж байна. Энэхүү уралдаанд ЕБС-ийн 12-р ангийн сурагчид, Их дээд сургуулийн оюутнууд болон 25 хүртэл насны залуус оролцох боломжтой.

Нэг. ЗОРИЛГО:

Ардчиллын тухай ойлголтыг оюутан залуусын дунд түгээн дэлгэрүүлэх, ардчиллын үр дүнд нийгмийн болон хувь хүний хөгжилд нөлөөлсөн эерэг нөлөөллийг  түгээхэд оршино.

Хоёр. СЭДВИЙН АГУУЛГА:

Бүтээл нь ардчиллын үнэ цэнэ,  хүний эрх, эрх чөлөө, шударга ёс, эдийн засгийн эрх чөлөөний талаарх түгээмэл ойлголтуудад суурилан өөрийн үзэл бодлоо илэрхийлсэн, нийгмийн өөрчлөлтийг харьцуулсан түүхэн сургамж, ололт амжилтыг гаргасан байна.  Ардчилал, эрх чөлөөнд тулгарч буй сорил, ирээдүйд хийх өөрчлөлтийн талаар санал дэвшүүлсэн байх нь чухал.  Ашиглах баримт, жишээ нь үнэн зөв, бодит мэдээлэлд тулгуурласан байна.

Гурав.  ТАВИГДАХ ШААРДЛАГА:

  1. Эссе нь сэдвийн агуулгад бүрэн нийцсэн байх.
  2. Ардчиллын эерэг үр нөлөөний талаарх залуусын ойлголт хандлагыг нэмэгдүүлэхэд нэмэр болохуйц, таниулан сурталчилсан байх.
  3. Шинэлэг, олон нийтийн анхаарлыг татахуйц сонирхолтой асуудлыг шийдвэрлэх арга замыг эрэлхийлсэн байх.
  4. Эссе нь А4-ийн цаасан дээр Arial 12 фондоор мөр хооронд 1,5 зайтай бичсэн хоёр хуудсаас илүүгүй байх, үгийн тоо 500 хүртэл байна.
  5. Эссе бичихдээ mn хаягаар орж дээрх хоёр логог  татаж, тавьсан байх.

Дөрөв. БҮТЭЭЛ ИРҮҮЛЭХ

  1. Эссегээ tengis1010@gmail.com хаягаар ирүүлнэ. Ингэхдээ өөрийн овог нэр, сургууль ажлын газрын хаяг, утасны дугаар, электрон шуудангийн хаягийг тодорхой бичсэн байна.
  2. Уралдаанд ирүүлэх нийтлэл, нэвтрүүлгийн хүртээмж, олон нийтийн сүлжээг ашиглан түгээсэн байдал нь давуу тал болно.

Тав. ХУГАЦАА

  • Оролцох эссег хүлээн авах хугацаа:

2019 оны 09 дугаар сарын 09-ны өдрийн 18 цагаас өмнө tengis1010@gmail.com хаягаар хүлээн авна.  

  • Зохион байгуулагдах хугацаа:

I үе шат: 2019.09.13-ны 09 цагт. /Нийт оролцогчдоос эхний 100 хүн  шалгарна/

II үе шат: 2019.09.20-ны 14 цагт. /Шилдэг 30 оролцогчид шалгарч, зохион байгуулагчдын зүгээс бэлдсэн гэрийн даалгавар авна/

III үе шат: 2019.09.30-ны 18 цагт. /Шилдэг 5 оролцогчид шилдэгээ тодруулна/

Шалгарсан бүтээлийг  хэвлэл мэдээллийн хэрэгслээр олон нийтэд таниулан сурталчилна.

Зургаа.  ШАГНАЛЫН САН

Эссе:

1-р байр:  Өргөмжлөл, “Гэгээн Од” алтан медаль, Хонг Конг аялах эрхийн бичиг, 500.000,00 төгрөг

2-р байр: Өргөмжлөл, “Гэгээн Од” алтан медаль, Хонг Конг аялах эрхийн бичиг, 400.000,00 төгрөг

3-р байр:  Өргөмжлөл, “Гэгээн Од” алтан медаль, 300.000,00 төгрөг

Тусгай байр-2:    Өргөмжлөл, 200.000,00 х 2= 400.000,00 төгрөг

Шаардлагатай мэдээллийг дараах дугаараас тодруулна уу: 9102-0880

Дэлгэрэнгүй унших
сурталчилгаа
Монгол Улсын Ерөнхийлөгчийн 2021 оны сонгуулийн санал хураалт дуусах хүртэл сайтын сэтгэгдэл бичих талбарыг түр хаасан тул хүлцэл өчье. TODOTGOL.MN сайтын редакц

Тод зураг

Анааш хэлээрээ чихээ цэвэрлэж чаддаг

Огноо:

,

Анааш нь Африк тивд амьдардаг салаа туурайтай хөхтөн. Хуурай газар амьдарч буй амьтдаас хамгийн өндөр бөгөөд хамгийн том хивэгч амьтан юм. Нас бие гүйцсэн эр анааш дунджаар 1.191 кг, эм нь 828 кг байна. Өндөр нь дунджаар 4.3-5.2 метр. Гэхдээ хамгийн өндөр бүртгэгдсэн анааш 6 метр хүрч байжээ.

Анааш нь голдуу саванна, өвст тал, ойрхог газраар нутаглана. Хуайс мод ихтэй газарт дурлана. Арьс нь шаргал бордуу өнгийн толбо хээтэй ба цагаан судлуудаар эрээлжилсэн байдаг. Анааш бүр өөр байдаг. Анааш нь хөнгөн зөөлөн алхаа, явдалтай ч хэрэгцээтэй үед цагт 55 км-ээс илүү хурдалж чаддаг ажээ.

Анаашийн зүрх 10 кг хүртэл жинтэй, 60 см урттай, том байдаг. Энэ нь зүрхнээс тархи хүртэл 2 метр зайнд цус шахахад зохицсон ба бусад том хөхтөнөөс хоёр дахин өндөр цусны даралттай аж. 40 см хүрэх урт хэлтэй ба үүгээрээ өндөр модны оройгоос навч зэргийг ороон авч иддэг. Анааш хэлээрээ чихээ цэвэрлэж чаддаг байна. Анааш нь хөхтөний дотор хамгийн богино унтдаг амьтан юм. Нэг өдөрт 10-20 минут, уртдаа л 1 цаг гаруй унтдаг ажээ. 

Эм анааш 400-460 өдөр үр төлөө тээх ба ихэвчлэн нэг тугал төрүүлнэ. Ховор тохиолдолд ихэрлэдэг. Дөнгөж төрсөн нялх анааш 1.8 метр өндөр, 50 кг жинтэй байх ба хэдхэн цагийн дотор хөл дээрээ тэнцэн гүйж, давхина. Дөрвөн нас хүрээд нас бие гүйцэх ба 25 хүртэл насалдаг аж. Амьтны хүрээлэн зэрэг газар 35 наслах нь бий. 

Дэлгэрэнгүй унших

Тод зураг

"Даншиг наадам-Хүрээ цам 2022"

Огноо:

,

Аялал жуулчлалын өвөрмөц бүтээгдэхүүн "Даншиг наадам-Хүрээ цам 2022" шашин, соёлын наадам Хүй долоон худагт болж өндөрлөлөө.  НЗДТГ, Нийслэлийн Аялал жуулчлалын газар, Гандантэгчэнлин хийд хамтран зохион байгуулж буй тав дахь удаагийн  Даншиг наадам нь Монголын соёл, шашин, өв уламжлал, онцлог хэв шинжийг цогцоор нь харуулсан өвөрмөц наадам юм.

Дэлгэрэнгүй унших

Тод зураг

Усан доорх гайхамшигт музей "Ланзаротын Атлантик"

Огноо:

,

Испани улсын Ланзароте аралтай залгаа орших хэсэгт дэлхийн нэгэн гайхамшиг болох усан доорх музей оршдог. Тус музейн үзмэрүүд нь өнгөрөгч 2016 оны 3 дугаар сараас үзэгчдийн хүртээл болж эхэлжээ. Музейн үзмэрүүдийн ойролцоо жижиг наймаалж, сардин загас болон бусад далайн амьтад ихээр ирж, цугларах болсон нь тус музейг зорин ирж байгаа жуулчдад илүү сайхан сэтгэгдэл төрүүлж байдаг аж.

Энэхүү гайхмшигт музей нь Атлантын далай дор 14 метрийн гүнд байрлаж байгаа бөгөөд музейг "Ланзаротын Атлантик музей" хэмээн нэрлэсэн байна. Музейн үзмэрүүдийг Их Британийн уран барималч Жесон де Сайрес Тейлор сүүлийн 2 жилийн турш урлан бүтээсэн бөгөөд тэрээр туурвисан бүтээлүүдээрээ түүхэн он цаг үе, ялангуяа дүрвэгчдийн амьдралыг тод дүрсэлж өгчээ.

Түүнчлэн Испани улсын ёс заншлыг харуулсан 200 гаруй хүн дүрст бүтээлүүд энэхүү далай доорх музейд тавигджээ. Энэхүү бүтээлүүдийг байгаль орчинд ээлтэй  материалаар хийсэн бөгөөд энэ нь хүн төрөлхтөн болон амьтан, ургамалд ямар ч сөрөг нөлөөгүй материал юм. Музейн үзмэрүүд ньойролцоогоор 30 метрийн урттай ханан дундах цэцэрлэгт хүрээлэнд байрлах юм. "Ланзаротын Атлантик музей" нь Европ тивийн гайхалтай шинэ бүтээн босголтуудын нэг болж байгаагаараа онцлог ажээ.





















Дэлгэрэнгүй унших
сурталчилгаа
Тод индэр17 цаг 8 минут

Ерөнхий сайд Л.Оюун-Эрдэнэ: Уул уурхайн бүтээгдэхүүнд нэмүү өртөг ши...

Тод мэдээ17 цаг 11 минут

Ерөнхийлөгч У.Хүрэлсүх Бүгд Найрамдах Словени Улсын Ерөнхийлөгч Бору...

Тод мэдээ17 цаг 14 минут

Суварга хайрхан ууланд холбогдох түүх, шашин, соёлын судалгааны үр д...

Тод индэр17 цаг 18 минут

Монгол Улсын Ерөнхийлөгч НҮБ-ын Ерөнхий нарийн бичгийн даргатай уулз...

Тод мэдээ17 цаг 22 минут

Шаамар сумын хэмжээнд хүлэмж барих 600 сая төгрөгийн хүсэлтийг шийдв...

Тод мэдээ17 цаг 26 минут

УИХ-ын дарга Г.Занданшатар Сэлэнгэ аймгийн зарим сумдад ажиллалаа

Тод мэдээ17 цаг 30 минут

Нийслэлчүүдийн хүсэн хүлээсэн “Автомашингүй өдөр” өргөн ...

Өнөөдөр17 цаг 34 минут

Үс шинээр үргээлгэх буюу засуулахад тохиромжгүй

Тод мэдээ2022/09/23

"Автомашингүй өдөр-2022"-өөр нийтийн тээврийн 39 чиглэлд ө...

Тод мэдээ2022/09/23

Автомашингүй өдрийг тохиолдуулан эрүүл мэндийн гүйлт зохион байгуулн...

Тод мэдээ2022/09/23

Есдүгээр сарын 25-ны ням гарагт “Автомашингүй өдөр-2022”...

Тод индэр2022/09/23

С.Бямбацогт: Цемент үйлдвэрлэгч үндэсний компаниуддаа баярлалаа

Санал болгох