Тод мэдээ
“Эрсдэлгүй өрх-Аюулгүй хөрш” аян амжилттай хэрэгжиж, шилдэг хороодыг тодрууллаа
“Дэлхийн зөн Монгол” олон улсын байгууллага, Онцгой байдлын ерөнхий газрын хамтран ажиллах санамж бичгийн хүрээнд “Гамшигт тэсвэртэй орон нутаг төсөл”-ийг нийслэлийн найман дүүргийн найман хороонд хэрэгжүүлсэн.
Тус төслийн хүрээнд “Аюулгүй ирээдүй айл өрхөөс” уриатай “Эрсдэлгүй өрх-Аюулгүй хөрш” сэдэвт аяныг 2021 оны аравдугаар сарын 13-наас 2022 оны наймдугаар сарын 15-ны хооронд зохион байгууллаа. Аянд идэвхтэй оролцсон шилдэг хороодод шагнал гардуулах хаалтын арга хэмжээг өнөөдөр Нийслэлийн Онцгой байдлын газар /НОБГ/-т зохион байгууллаа. Шагнал гардуулах ёслолд НЗДТГ-ын Хөгжлийн бодлого, төлөвлөлтийн хэлтсийн дарга Г.Мишээлт, НОБГ-ын ГУСХ-ийн дарга, хурандаа Г.Нэргүй, “Дэлхийн зөн Монгол” байгууллагын Хөтөлбөрийн нөөц, чанарын хэлтсийн захирал Б.Мөнхбаяр болон аянд хамрагдсан зорилтот найман хорооны албан хаагчид оролцлоо.
“Эрсдэлгүй өрх-Аюулгүй хөрш” аяны хүрээнд гамшгийн эрсдэлийг бууруулах мэдлэг, чадварыг олон нийтэд хүргэх, орон нутгийн гамшгийн эрсдэлийн ерөнхий үнэлгээнд суурилан иргэдийн оролцоо, идэвхийг харгалзан шилдэг хороог шалгаруулж урамшуулсан юм. Сүхбаатар дүүргийн 15 дугаар хороо нэгдүгээр байр, Баянзүрх дүүргийн 21 дүгээр хороо хоёрдугаар байр, Налайх дүүргийн 4 дүгээр хороо, тусгай байранд Чингэлтэй дүүргийн 12 дугаар хороо тус тус шалгарч өргөмжлөл, үнэ бүхий зүйлээр шагнууллаа.
Тод мэдээ
Х.Нямбаатар: Явган зам засварын хүрээнд сольсон эвдрэлгүй, хуучин хавтанг гэр хороололд тавихаар төлөвлөсөн
Нийслэлийн хэмжээнд энэ онд 15 байршилд 186.839 ам метр явган хүний замыг байгалийн чулуун хавтангаар тохижуулахаар төлөвлөсөн.
Өнөөдрийн байдлаар есөн байршилд явган хүний зам засварын ажил үргэлжилж байна. Явган замын ажилтай холбогдуулан нийслэлийн Засаг дарга бөгөөд Улаанбаатар хотын Захирагч Х.Нямбаатар, нийслэлийн Замын хөгжлийн газрын дарга Б.Одбаяр нар Сүхбаатарын талбай орчимд ажиллалаа.
Д.Сүхбаатарын талбай орчимд төв талбайн хоёр талын нийт 5012 ам метр талбай бүхий явган замыг шинэчилж буй. Энэ талаар хотын дарга Х.Нямбаатар “Хот явган замын стандарт мөрдөж байгаагүйгээс маш олон төрлийн материалаар хийсэн явган замтай болсон. Яг энэ Ленин клубийн автобусны орчимд гэхэд л алаг хавтан, асфальт, гөлгөр гадаргуутай чулуун зам эсвэл бетоноор хучсан алаг цоог явган замууд байна. Тиймээс явган замын иж бүрэн шинэчлэлийн ажлыг эхлүүлсэн. Шинээр тавьж байгаа явган замын хавтан барзгар гадаргуутай, цас бороонд гулгаж, халтирахгүй. Мөн явган зам засварын хүрээнд сольсон эвдрэлгүй, хуучин хавтанг гэр хороололд тавихаар төлөвлөсөн” гэлээ.
Түүнчлэн явган замын шинэчлэлийн хүрээнд гэрлийн шонд өлгөсөн кабелийн үйлчилгээ үзүүлэгч компаниудын кабелийн утаснуудыг явган замын доогуур сувагчилж, далдана гэдгийг онцолсон юм. Харин нийслэлийн Замын хөгжлийн газрын дарга Б.Одбаяр “Энэ жил 15 байршилд явган замын ажил хийхээс есөн байршилд гүйцэтгэгч шалгараад ажлаа эхлүүлээд байна. Бусад байршлуудад тендер зарласан. Д.Сүхбаатарын талбайн хоёр талын нийт 5012 ам метр талбай бүхий явган замыг энэ сарын 27-ны өдрөөс эхлэн шинэчилж байна. Үргэлжлүүлэн Энхтайваны өргөн чөлөө, Их тойруу, Бага тойруу, Их Монголын гудамж, Чингисийн өргөн чөлөө зэрэг хотын томоохон гудамж, замууд шинэчлэхээр төлөвлөсөн” гэдгийг хэллээ.
Нийслэлийн хэмжээнд энэ онд 15 байршилд 186.839 ам метр явган хүний замыг байгалийн чулуун хавтангаар тохижуулахаар төлөвлөсөн. Өнөөдрийн байдлаар есөн байршилд явган хүний зам засварын ажил үргэлжилж байна. Явган замын ажилтай холбогдуулан нийслэлийн Засаг дарга бөгөөд Улаанбаатар хотын Захирагч Х.Нямбаатар, нийслэлийн Замын хөгжлийн газрын дарга Б.Одбаяр нар Сүхбаатарын талбай орчимд ажиллалаа.
Д.Сүхбаатарын талбай орчимд төв талбайн хоёр талын нийт 5012 ам метр талбай бүхий явган замыг шинэчилж буй. Энэ талаар хотын дарга Х.Нямбаатар “Хот явган замын стандарт мөрдөж байгаагүйгээс маш олон төрлийн материалаар хийсэн явган замтай болсон. Яг энэ Ленин клубийн автобусны орчимд гэхэд л алаг хавтан, асфальт, гөлгөр гадаргуутай чулуун зам эсвэл бетоноор хучсан алаг цоог явган замууд байна. Тиймээс явган замын иж бүрэн шинэчлэлийн ажлыг эхлүүлсэн. Шинээр тавьж байгаа явган замын хавтан барзгар гадаргуутай, цас бороонд гулгаж, халтирахгүй. Мөн явган зам засварын хүрээнд сольсон эвдрэлгүй, хуучин хавтанг гэр хороололд тавихаар төлөвлөсөн” гэлээ.
Түүнчлэн явган замын шинэчлэлийн хүрээнд гэрлийн шонд өлгөсөн кабелийн үйлчилгээ үзүүлэгч компаниудын кабелийн утаснуудыг явган замын доогуур сувагчилж, далдана гэдгийг онцолсон юм. Харин нийслэлийн Замын хөгжлийн газрын дарга Б.Одбаяр “Энэ жил 15 байршилд явган замын ажил хийхээс есөн байршилд гүйцэтгэгч шалгараад ажлаа эхлүүлээд байна. Бусад байршлуудад тендер зарласан. Д.Сүхбаатарын талбайн хоёр талын нийт 5012 ам метр талбай бүхий явган замыг энэ сарын 27-ны өдрөөс эхлэн шинэчилж байна. Үргэлжлүүлэн Энхтайваны өргөн чөлөө, Их тойруу, Бага тойруу, Их Монголын гудамж, Чингисийн өргөн чөлөө зэрэг хотын томоохон гудамж, замууд шинэчлэхээр төлөвлөсөн” гэдгийг хэллээ.
Тод мэдээ
Хоёр иргэн тогтоол усанд живж амиа алджээ
Өмнөговь аймгийн Даланзадгад сумын нутаг дэвсгэрт “Тогтоол усанд хүмүүс живсэн байна” гэсэн дуудлага, мэдээлэл энэ оны 05 дугаар сарын 27-ны өдөр цагдаагийн байгууллагад бүртгэгдсэн байна.
Уг дуудлага, мэдээлэлтэй холбогдуулан шалгалтын ажиллагаа явуулахад 26-30 насны хоёр эрэгтэй согтууруулах ундаа хэрэглэсэн үедээ 2 метрийн гүнтэй тогтоол усанд живж, нас барсан байж болзошгүй байдал урьдчилан тогтоогдоод байна.
Иймд иргэд та бүхэн архи, согтууруулах ундааны зүйл хэрэглэсэн үедээ тогтоол болон гол нуурын усанд орохгүй байж болзошгүй эрсдэлээс урьдчилан сэргийлэхийг зөвлөлөө.
Тод мэдээ
“Аялал жуулчлалын сургалтын төв” нээлтээ хийлээ
Монгол Улс, Бүгд Найрамдах Солонгос Улсын хоорондын аялал жуулчлалын салбарын харилцаа, хамтын ажиллагаа сүүлийн жилүүдэд эрчимтэй хөгжиж өнөөдөр 5.5 тэрбум вонийн төсөвт өртөг бүхий “Аялал жуулчлалын сургалтын төв” албан ёсоор нээлтээ хийлээ. Соёл, спорт, аялал жуулчлал, залуучуудын сайд Ч.Номин арга хэмжээг нээж, хуран цугласан зочид, төлөөлөгчид, салбарын албан хаагчдадаа мэндчилгээ дэвшүүллээ.
“Аялал жуулчлалын сургалтын төв”-ийн нээлтийн арга хэмжээнд БНСУ-ын Соёл, Спорт, Аялал Жуулчлалын Яам, Олон улсын хамтын ажиллагааны хэлтэс дарга И Хэ Рим (Lee Herim), БНСУ-ын Аялал Жуулчлалын Төрийн Өмчит Корпорац(KTO), MICE-ийн Газрын дарга Жон Чан Үг (JEONG CHANG UK), БНСУ-ын Аялал Жуулчлалын Төрийн Өмчит Корпорац, KTO Улаанбаатар Төлөөлөгчийн Газрын Суурин Төлөөлөгч Ким Ил Жүн (KIM ILJUNG), БНСУ-аас МУ-д суугаа Элчин Сайдын Яам ODA хариуцсан нэгдүгээр Нарийн бичгийн дарга Гваг Хан Соль (KWAK HANSOL), Монгол Улсын Соёл, спорт, аялал жуулчлал, залуучуудын яамны удирдлага, БНСУ-ын Соёл, спорт, аялал жуулчлалын яамны төлөөлөгчид, 21 аймгийн аялал жуулчлалын байгууллагын төлөөлөгч, албан хаагчид оролцлоо.
Монгол Улсын Засгийн газар, Бүгд Найрамдах Солонгос Улсын Засгийн газар хоорондын хэлэлцээрийн хүрээнд хоёр орны яам хоорондын байгуулсан “Аялал жуулчлалын салбарын хүний нөөцийн чадавхыг бэхжүүлэх төсөл” амжилттай хэрэгжиж, БНСУ-ын Засгийн газрын буцалтгүй тусламжаар Солонгосын аялал жуулчлалын төрийн өмчит корпораци бүтээн байгуулалтын ажлыг хийж гүйцэтгэсэн юм.
-
Өнөөдөр2022/08/01
Үс шинээр үргээлгэх буюу засуулбал бие эрхтний хүч сайжирна
-
Тод мэдээ2021/11/15
Гадаадаас ирэх иргэдийн анхааралд...
-
Тод индэр2021/03/25
Зээлийн Батлан Даалтын сан “Ажлын байрыг дэмжих зээл”-д хамрагдах аж...
-
Өнөөдөр2022/06/08
Дархлаажуулалтын цэгийг дүүрэг тус бүрээр танилцуулж байна