Бидэнтэй нэгдэх

Тод мэдээ

Хан-Уулчууд хамтад нь дэмжиж, багаар нь сонгоно гэдгээ илэрхийлсээр байна

Огноо:

,

Сэтгүүлч:

Монгол Ардын Намаас УИХ-ын 2024 оны ээлжит сонгуульд XII тойрогт нэр дэвшигч Т.Мөнхсайхан, Л.Нинжжамц, Ж.Алдаржавхлан нар дүүргийнхээ хороодын иргэд, сонгогчидтой хийх уулзалтаа үргэлжлүүлж, Хан-Уул дүүргийн 20, 22 дугаар хороонд ажиллалаа.

МАН-аас Төрийн соёрхолт, эмч Т.Мөнхсайханыг эрүүл мэндийн салбартаа их ажил хийгээсэй, хэвлэл мэдээллийн төлөөлөгч Л.Нинжжамцыг хүүхэд, эмэгтэйчүүд болон нийгмийн асуудалд дорвитой ажил хийж, дүүргийн Засаг дарга Ж.Алдаржавхланг хот, нийслэлийн засаг захиргааны төлөө тууштай ажиллаасай хэмээн итгэл хүлээлгэн, УИХ-ын сонгуульд илгээгээд байгаа.

Иргэд, сонгогчидтой хийх уулзалтад оролцсон сонгогчдын хувьд тулгамдаж байгаа асуудлуудаа хэлж, шийдвэрлэх боломжийн талаар нэр дэвшигчдээс асуулаа.

Тухайлбал, хүн ам ихтэй 20-р хорооны оршин суугчдын хувьд тулгамдаж байгаа гол асуудал бол арьс ширний үйлдвэрлэлийн бохирын өмхий үнэр байна. Олон жил бохирын хортой үнэрт амьдарч байгаа оршин суугчид эрүүл мэндээрээ хохирч байна гэдгийг эмч Т.Мөнхсайхан болон Засаг дарга Ж.Алдаржавхланд онцгойлон хэлж байлаа. Мөн дүүрэгт хийгдэж байгаа зам дэд бүтэц болон газар чөлөөлөлт гэх мэт олон асуудлыг иргэд хөндөн тавьж байв. Түүнчлэн гол санаа зовоох асуудал бол хүн ам, нийгмийн эрүүл мэндийн асуудлыг бодлогоор цогцоор шийдвэрлэж өгөх, хүнсний аюулгүй байдалд анхаарах, хүүхдийн сурч хөгжих орчин болох сургууль, цэцэрлэгийн хүртээмжийг нэмэгдүүлэх гээд олон асуудал байгааг иргэд онцлов.

Хан-Уул эко дүүргийн хувьд хүн амын тоо нь сүүлийн дөрвөн жилд 100 мянгаар нэмэгдэж, 285 мянга гаруй иргэн оршин сууж байна. Хүн ам өсөж нэмэгдэхийн хэрээр сургууль, цэцэрлэгийн хүртээмж шаардлагатай болж өнгөрсөн 2020-2024 онд 11 сургууль, 21 цэцэрлэгийг ашиглалтад оруулаад буй.

Дүүргийн Засаг дарга Ж.Алдаржавхлангийн хувьд НИТХ-д хоёр удаа сонгогдож, дүүрэгтээ долоон жил зургаан сар ажиллаж байгаа бөгөөд ард түмнийхээ ажил жаргал зовлонг жинхэнэ мэдэрч яваа Засаг дарга. Тэрбээр одоо засаг захиргааны маш том реформын гол санаачлагч болж ажиллаж байгаа. Тодруулбал,  сүүлийн 30 гаруй жил өөрчлөгдөөгүй Улаанбаатар хотын засаг захиргааны шинэчлэлийг хийхээр төлөвлөж, санаачилсан ажил нь МАН-ын мөрийн хөтөлбөрт "20 минутын хот" хөтөлбөрөөр хэрэгжихээр болсонд иргэд, сонгогчид талархалтай байна.

Нэр дэвшигч Л.Нинжжамцын хувьд хэвлэл мэдээллийн салбарт олон жил нүд чих болж ажилласан. Ялангуяа охид эмэгтэйчүүдийн төлөө их ажил хийнэ гэдэгт итгэж байгаа ажээ.

Эмч, нэр дэвшигч Т.Мөнхсайханы нийгмийн эрүүл мэндийн бодлого руу чиглэсэн олон ажил хийж, хүн амаа аливаа эрсдэлт өвчнөөс урьдчилан сэргийлэх, эрт илрүүлэгт хамруулж, ард түмнээ эрүүл байлгах зөв бодлогыг гаргаж ажиллана гэдэгт итгэж байгаа юм.

Уулзалтын үеэр иргэдийн асуусан асуултаас онцолбол,

20-р хорооны иргэн н.Сувд: 

-Манай хорооны иргэд өмхий үнэрт хордож дууслаа. Энэ үнэрийг дарж, цэвэршүүлж өгөх арга хэмжээ байна уу. Мөн зам засварын ажлууд ямар шатанд явж байгаа вэ?

Дүүргийн Засаг дарга Ж.Алдаржавхлан: 

-“Бохирын үнэрийг олон жил олон дарга ярьсан. Хамгийн сүүлд Х.Нямбаатар даргатай хамт арьс ширний үйлдвэрлэл явуулдаг 28 компанитай уулзаж, нүүлгэхээр болж, гарын үсэг зуруулсан. Ирэх намраас энэ компаниуд Эмээлтийн Аж үйлдвэр технологийн парк руу нүүнэ. Бүгд зөвшөөрсөн. Эдгээр компани нүүгээд бохир оргүй арилна гэж байхгүй. Эндэхийн олон хотхоны бохирын шугамыг төвийн бохирын шугамтай холбох ажлыг үе шаттай хийнэ.  Замуудын тухайд “Ази фарм”-аас Цагаан хаалга хүртэлх бүх замыг энэ жил шинэчилнэ. Төсөв мөнгө нь батлагдсан байгаа. “Мишээл”-ийн зам өнөөдрөөс эхлээд гэрлэн дохиотой, дөрвөн замын уулзвартай болсон. Дөрвөн замын уулзвар болгож байгаа нь “Мишээл”-ээс “Оргинак” зах руу зам тавих гэж дөрвөн замын уулзвар болохоор төсөвт мөнгө нь суугдсан. “Саруул Шилтгээн” хотхоны баруун талын газрын зөвшөөрлийг цуцалж, сургууль, цэцэрлэг барихаар ярилцаж байгаа.

22-р хорооны иргэн н.Болор:

-Манай энэ хавьд улсын сургууль яагаад баригдаж болдоггүй юм бэ. Хувийн сургууль барих зөвшөөрлөө яаж авдаг вэ. Газар олголт их байна. Хууль ёсны зөвшөөрөлтэй гэдгийг хаанаас шалгадаг вэ?

Дүүргийн Засаг дарга Ж.Алдаржавхлан: 

-Газар олголтын зөвшөөрлийг БОАЖЯ-наас өгнө. Замбараагүй газар олголт, төлөвлөлтгүй хотын тулгамдсан энэ асуудал яах аргагүй томоохон барилгын компаниудад “отог байгуулах” нэрийдлээр газрын зөвшөөрөл аваад тэр газар дээрээ сургууль, цэцэрлэггүй олон давхар байшин, барилга барьчихсан. Иймд улсын сургууль, цэцэрлэгтэй болохын тулд Зайсан, Нүхт, Яармагийн урд талыг бүхэлд нь тусгай хамгаалалтаас гаргаж байж шийдэгдэнэ. Тусгай хамгаалалтаас газар нутгийг гаргаж, хууль эрх зүйн хувьд шинэчлэл хийх төлөвлөгөөтэй байна. Богд уулын тусгай хамгаалалттай газарт дүүргээс барилга байгууламж барих зөвшөөрөл өгдөггүй. БОАЖЯ-наас олгодог. Тусгай хамгаалалттай газарт газар олголтыг үе үеийн сайд нар өгсөн байдаг. Иргэнд ээлгүй замбараагүй газар олголтын энэ асуудлын шийдлийг бодож төлөвлөсөн ажил бий.

Ийнхүү тулгамдсан асуудлаа нээлттэй хэлж, гарц, шийдэл дээр санал солилцсон 20, 22-р хорооныхонтой хийсэн уулзалтын төгсгөлд иргэдийн зүгээс МАН-аас нэр дэвшсэн гурван нэр дэвшигчийг шинэ түвшинд гарч, шинийг санаачилж ажиллаж чадна гэдгийг онцолж байв. Мөн МАН-ын мөрийн хөтөлбөрт хэрэгтэй олон ажлыг тусгасан байгааг дурдаад “Хан-Уулчууд хамтад нь дэмжиж багаар нь сонгоно” гэдгээ илэрхийллээ. Харин төрд гурвуулаа сонгогч түмнээ гараад сонгогч түмнээ эргэж тойрч, эхлүүлсэн ажлаа дуусгаж, төр түмнийхээ нүд чих болж, төрийн бодлого боловсруулж, нийгэмдээ дуу хоолойгоо нэгтгэж нийлж, хүчтэй ажиллахыг сонгогч түмэн хүслээ. 

 

 

Дэлгэрэнгүй унших
АНХААРУУЛГА: УИХ-ын 2024 оны ээлжит сонгуулийн хуулийн холбогдох заалтын хүрээнд тус сайтын сэтгэгдэл хэсгийг түр хугацаанд хаасан болно.

Тод мэдээ

ШУТИС-ийн харьяа Олон улсын инженерийн сургууль байгуулна

Огноо:

,

Монгол Улсын Засгийн газрын ээлжит хуралдаан 2024 оны долдугаар сарын 17-нд болж, Шинжлэх ухаан, технологийн их сургуулийн харьяа Олон улсын инженерийн сургууль байгуулах төслийн талаар Боловсролын сайд П.Наранбаяр Засгийн газрын хуралдаанд танилцууллаа.

Уг төслийг эхлүүлж хэрэгжилтийг Засгийн газарт тайлагнахыг Боловсролын сайд П.Наранбаяр, Гадаад харилцааны сайд Б.Батцэцэг нарт даалгав.

Монгол Улсын “Алсын хараа-2025” урт хугацааны хөгжлийн бодлогын баримт бичигт Монгол Улс, ОХУ, БНХАУ-г дамжсан эдийн засгийн коридорыг хөгжүүлэх, чөлөөт худалдааны хэлэлцээр байгуулж, бүс нутгийн эдийн засаг, худалдааны интеграцид нэгдэх замаар эдийн засгийн гадаад харилцааг нэмэгдүүлэх зорилт тавьсан. Энэ эдийн засгийн коридорын аж үйлдвэрт үйлчлэх хүний нөөцийг бэлтгэх, бүс нутгийн тогтвортой хөгжлийг дэмжих шинэ мэдлэг, шинэ технологийг хөгжүүлэх олон улсын инженерийн сургуулийг тусгайлан байгуулахаар төлөвлөж байна.

Дэлгэрэнгүй унших

Тод мэдээ

ЗГ: Төрийн жинхэнэ албан хаагчдыг чөлөөлөхгүй, орон тоо нэмэхгүй байхад анхаарч ажиллана

Огноо:

,

Монгол Улсын Засгийн газрын ээлжит хуралдаан 2024 оны долдугаар сарын 17-нд болж дараах асуудлуудыг хэлэлцэн шийдвэрлэлээ. Тус хуралдаанаар хэлэлцсэн асуудлын талаар Монгол Улсын сайд, ЗГХЭГ-ын дарга Н.Учрал мэдээлэл хийв.

Тэрбээр,

Засгийн газрын үйл ажиллагааны хөтөлбөр, хамтарсан Засгийн газрын гэрээ болон Улсын төсвийн тодотголын төслийг УИХ-д өргөн мэдүүлнэ. Хамтарсан Засгийн газрыг бүрдүүлж байгаа улс төрийн гурван намын төлөөллөөс бүрдсэн Ажлын хэсэг ажиллаж байна.

Монгол Улсын Ерөнхий сайд Л.Оюун-Эрдэнэ тус хуралдааны үеэр Төрийн албаны тухай хуулийг чанд мөрдөж, төрийн жинхэнэ албан хаагчдыг чөлөөлөх, халах шийдвэр гаргахгүй байх, орон тоо нэмэхгүй байхад анхаарч ажиллахыг сайд нарт үүрэг болгосон гэдгийг тэрбээр хэллээ.

Мөн Засгийн газрын эхний 100 хоногт эхлүүлэх төсөл, хөтөлбөр болон хэрэгжүүлэх ажлын төлөвлөгөөг гаргаж байгааг тэмдэглэв.

Дэлгэрэнгүй унших

Тод мэдээ

Баяр наадмын амралтаар 357.916 тээврийн хэрэгсэл орон нутаг руу зорчжээ

Огноо:

,

Улсын их баяр наадмын амралт буюу 2024 оны долдугаар сарын 9-13-ны өдрүүдэд Улаанбаатар хот тойрсон зургаан төлбөр авах цэгээр 357.916 тээврийн хэрэгсэл орон нутгийн чиглэлд зорчсон байна.

Жолооч, тээвэрчид та бүхэн олон улс, улсын чанартай авто зам ашигласны төлбөрөө ezam.mn, Emongolia, Ebarimt, Toki, Mostmoney, Gerege киост аппликейшнүүдээр цахимаар төлөх боломжтой.
2024 онд улсын хэмжээнд байгаа 32 төлбөр авах цэгийг бүрэн цахимжуулахаар төлөвлөн ажиллаж байна гэж Зам, тээврийн хөгжлийн яамнаас мэдээллээ.

Дэлгэрэнгүй унших
сурталчилгаа
Тод мэдээ21 цаг 34 минут

ШУТИС-ийн харьяа Олон улсын инженерийн сургууль байгуулна

Өнөөдөр21 цаг 35 минут

Улаанбаатарт өдөртөө 30 хэм дулаан

Тод мэдээ21 цаг 43 минут

ЗГ: Төрийн жинхэнэ албан хаагчдыг чөлөөлөхгүй, орон тоо нэмэхгүй бай...

Тод мэдээ21 цаг 46 минут

Баяр наадмын амралтаар 357.916 тээврийн хэрэгсэл орон нутаг руу зорч...

Тод мэдээ21 цаг 49 минут

Гол мөрний усны түвшин богино хугацаанд огцом нэмэгдэх эрсдэлтэй бай...

Тод мэдээ21 цаг 52 минут

ОБЕГ: Зургаан аймаг хуурайшилтын зэрэг ихтэй байна

Тод мэдээ21 цаг 53 минут

“Даншиг наадам-Хүрээ цам 2024” ирэх сарын 3, 4-ний өдрүү...

Өнөөдөр21 цаг 56 минут

Төрийн албаны тусгай шалгалт өнөөдөр болно

Тод мэдээ21 цаг 59 минут

Энэ оны эхний хагас жилийн байдлаар виз олголт 57 хувиар өсжээ

Өнөөдөр22 цаг 3 минут

Авлигатай тэмцэх газрын дарга үүрэгт ажлаасаа чөлөөлөгдөх хүсэлт өгө...

Тод мэдээ2024/07/17

Долоодугаар сард олгох нийгмийн халамжийн тэтгэвэр, тэтгэмж, хөнгөлө...

Тод мэдээ2024/07/17

Иргэн бүр хариуцлагатай байж, аюулгүй байдлаа хангана уу

Тод мэдээ2024/07/17

И-Монголиа аппликейшнээр ЭМД-ын шимтгэлээ хэрхэн төлөх вэ

Тод мэдээ2024/07/17

Баяр наадмын өдрүүдэд жилд дунджаар 17 хүн усны ослоор амь насаа алд...

Тод мэдээ2024/07/17

Алба хаагчид голын эрэг дагуу зорчсон 10872 иргэнд сэрэмжлүүлэг зөвл...

Тод мэдээ2024/07/17

Ирэх арав хоногт цаг агаар ямар байх вэ

Өнөөдөр2024/07/17

БНСУ-ын авто зам барих, засварлах туршлагыг Монгол Улсад нэвтрүүлнэ

Тод мэдээ2024/07/17

Баяр наадмын үеэр ГССҮТ-д 3506 хүн тусламж үйлчилгээ авчээ

Өнөөдөр2024/07/17

Нийслэлийн 18 байршилд 15.6 км дулааны магистраль шугамыг шинэчилж э...

Өнөөдөр2024/07/17

Улаанбаатарт өдөртөө 28 хэм дулаан

Тод мэдээ2024/07/08

Монгол Улсын Ерөнхийлөгч У.Хүрэлсүх “Парис-2024” олимп, ...

Тод мэдээ2024/07/08

Найман жил тасраагүй зуурмаг “ХӨӨРХӨН” брэнд

Өнөөдөр2024/07/08

Энэ зуны хит клаб дуу

Тод мэдээ2024/07/05

Хэрлэн голын үер наадмын өдрүүдэд үерийн түвшинг 10 см орчим давах м...

Тод мэдээ2024/07/05

Нийтийн тээврийн цахим төлбөрийн системийг нийслэлд шилжүүлэн авах а...

Тод мэдээ2024/07/05

Монгол, Орос, Хятад гурван улсын Гадаад хэргийн сайд нарын уулзав

Тод мэдээ2024/07/05

Монгол Улсад суугаа Элчин сайдууд болон олон улсын байгууллагаас тур...

Тод мэдээ2024/07/05

Баяр наадмын өдрүүдэд 8-аас дээш сартай жирэмсэн эхчүүдийг хол замд ...

Өнөөдөр2024/07/05

Сэлбэ, Дунд гол дагуу 70 мянган шоо метр лаг хагшаасыг цэвэрлэх явц ...

Өнөөдөр2024/07/05

Монгол Улсын Ерөнхийлөгч У.Хүрэлсүх НҮБ-ын Ерөнхий нарийн бичгийн да...

Санал болгох