Бидэнтэй нэгдэх

Чөлөөт бүс

“Миний бяцхан тайз” хүүхдийн хөгжмийн уралдаанд оролцохыг урьж байна

Огноо:

,

Сэтгүүлч:

Монголын Үндэсний Олон Нийтийн Радио Телевиз ТОТАЛ МЮЗИК ХХК-тай хамтран үзэгч, сонсогч хүүхдүүдийн дунд хөгжмийн уралдааныг зарлаж байна.


Зорилго:

Короновирусний цар тахал дэлхий дахинд дэгдэж, хөл хорио тогтоосон энэ цаг үед гэртээ байгаа хүүхдүүдийн чөлөөт цагаа үр дүнтэй өнгөрүүлэх, авьяас билгээ хөгжүүлэх, аливаад бүтээлчээр хандах чадварыг дэмжих зорилготой.

Уралдааны хугацаа:

Уралдаанд зориулан тоглосон бүх төрлийн хөгжмийн бүтээлийг 2 минутын хугацаанд багтааж зөвхөн гэртээ гар утсаараа дүрс бичлэг хийн 2020 оны 05 дугаар сарын 05-наас 5-р сарын 25-ны өдрийн 16:00 цаг mymusic@mnb.mn цахим хаягаар хүлээн авна. Уралдааны шалгаруулалт болсны дараа байр эзэлсэн бүтээлүүдийг МҮОНРТ-ээр үзэгчдэд хүргэнэ.

Хамрах хүрээ, сэдэв:

Уралдаанд зориулсан бүтээл нь “МИНИЙ БЯЦХАН ТАЙЗ” нэрийн дор үндэсний болон сонгодог хөгжмөөр тоглож өрсөлдөнө. Уралдааны шалгаруулалтын ангилал нь мэргэжлийн сургуулийн, хөгжим сонирхогч хүүхдийн гэсэн 2 ерөнхий ангилалтай байна.

-------------------------------------------------------------------------------------

Сонирхогчийн ангилал:

• 5-11 нас

• 12-16 нас

Энэ ангилалд оролцох хүүхдүүд өөрийн тоглодог хөгжмийн бүтээлийг дэвсгэр хөгжимтэй тоглож болно.


Мэргэжлийн ангилал:

• 5-11 нас

• 12-16 нас

Энэ ангилалд мэргэжлийн сургуулийн сурагчид оролцох бөгөөд дэвсгэр хөгжимгүй тоглоно.
-------------------------------------------------------------------------------------

ШАГНАЛЫН САН

МЭРГЭЖЛИЙН АНГИЛАЛ

5-11 НАС: /БАЙР ТУС БҮРТ НЭГ ХҮҮХЭД/

Нэгдүгээр байр: Yamaha F51 даралтат хөгжим
Хоёрдугаар байр: Yamaha PSS-A50
Гуравдугаар байр: Medeli хөгжим
Тусгай байр: Даралтат хөгжим

12-16 НАС: /БАЙР ТУС БҮРТ НЭГ ХҮҮХЭД/

Нэгдүгээр байр: Medeli A810 даралтат хөгжим
Хоёрдугаар байр: Medeli A300 даралтат хөгжим
Гуравдугаар байр: Даралтат хөгжим Medeli
Тусгай байр: Medeli даралтат хөгжим

-------------------------------------------------------------------------------------
СОНИРХОГЧИЙН АНГИЛАЛ

5-11 НАС: /БАЙР ТУС БҮРТ НЭГ ХҮҮХЭД/

Нэгдүгээр байр: Yamaha F51 даралтат хөгжим
Хоёдугаар байр: Yamah PSS F30 даралтат хөгжим
Гуравдугаар байр: Yamah PSS F30 даралтат хөгжим
Тусгай байр: Medeli

12-16 НАС: /БАЙР ТУС БҮРТ НЭГ ХҮҮХЭД/

Нэгдүгээр байр: Yamaha PSR E363даралтат хөгжим
Хоёрдугаар байр: Yamaha PSS-A50
Гуравдугаар байр: Ukulele хөгжим
Тусгай байр: Medeli Даралтат хөгжим
-------------------------------------------------------------------------------------
Нийт шагналын сан: 8 сая төгрөг
-------------------------------------------------------------------------------------

ТАВИГДАХ ШААРДЛАГА:

• Уралдаанд дүрс бичлэгээ илгээхдээ дуу дүрсний чанарыг гэр бүлийнхнээсээ зөвлөгөө авч бэлдсэн бичлэгээ илгээнэ.
• Бичлэгийн үргэлжлэх хугацаа 2 минут хүртэл байна.
• Зөвхөн гар утсаар, гэртээ бичсэн бичлэг байна.
• Нэг хүүхэд нэг бичлэг илгээнэ.
• Бүтээлээ цаг mymusic@mnb.mn цахим хаягаар илгээнэ.
• Тухайн бүтээлийг тоглосон хүүхдийн овог нэр, нас, эцэг эхийн холбогдох утасны дугаар, гэрийн хаягийг бичлэгийн тайлбарын хамт хавсаргана.

УРАЛДААНЫГ ДҮГНЭХ:

Уралдааныг 2020 оны 05 дугаар сарын 25-наас 05 дугаар сарын 28-ны өдрүүдэд МҮОНРТ-ийн уран бүтээлчид, ТОТАЛ МЮЗИК компанийн мэргэжилтнүүд хамтран дүгнэж шилдэг хөгжимчин хүүхдийг шалгаруулна.

ЗОХИОН БАЙГУУЛАГЧ:

МОНГОЛЫН ҮНДЭСНИЙ ОЛОН НИЙТИЙН РАДИО ТЕЛЕВИЗ,

ТОТАЛ МЮЗИК ХХК

Холбоо барих утасны дугаар: 80807630

Дэлгэрэнгүй унших
сурталчилгаа
Монгол Улсын Ерөнхийлөгчийн 2021 оны сонгуулийн санал хураалт дуусах хүртэл сайтын сэтгэгдэл бичих талбарыг түр хаасан тул хүлцэл өчье. TODOTGOL.MN сайтын редакц

Чөлөөт бүс

Олон улсын хөлбөмбөгийн холбоо 201 сая гаруй ам.долларын нөхөн төлбөр авна

Огноо:

,

Дэлхийн хөлбөмбөгийн удирдах байгууллага болох Олон улсын хөлбөмбөгийн холбоо /FIFA/ нь авлигын схемийн хохирлын төлбөрт 201 сая ам.долларын нөхөн олговор авах болно гэж АНУ-ын Хууль зүйн яамнаас мэдээллээ.

Энэхүү нөхөн төлбөрийг уг схемд оролцсон хуучин албан тушаалтнуудын банкны данснаас хураан авчээ. Хууль зүйн яамнаас тус авлигын хэргийг 2015 онд шалгаж эхэлснээс хойш 50 гаруй этгээд ял сонсоод байгаа юм. Мөн 27 хүн, 4 аж ахуйн нэгж байгууллага гэм буруугаа хүлээсэн байна. 

"Хөлбөмбөгийн авлигач албан тушаалтнууд, спортын маркетингийн удирдлагууд авлига, шунахай байдлаар хулгайлсан хөрөнгийг буцаан өгч, тус хөрөнгийг спортын ашиг тусын тулд хэрэглэгдэх болно гэдгийг өнөөдрийн мэдэгдэл баталж байна.” хэмээн Нью-Йоркийн зүүн дүүргийн прокурорын үүрэг гүйцэтгэгч Жаклин Касулис хэлсэн байна.

Энэхүү мөрдөн шалгах ажиллагааг гэм буруутай этгээдийг яллах, хууль бусаар алдагдсан хөрөнгийг сэргээн хөл бөмбөгийн ашиг тусын тулд ажилладаг хүмүүст өгөхөд чиглэгдэж ирсэн байна.

Дэлгэрэнгүй унших

Чөлөөт бүс

Ю.Цэдэнбалын нэрэмжит цахим музейн нээлтийн ажиллагаа боллоо

Огноо:

,

Төр нийгмийн нэрт зүтгэлтэн Ю.Цэдэнбалын нэрэмжит Цахим музей өнөөдөр нээлтээ хийлээ. Музейн нээлтийн үйл ажиллагаанд Төрийн өмчийн бодлого зохицуулалтын газрын дарга Б.Цэнгэл болон холбогдох албаны хүмүүс, “Эрдэнэт” үйлдвэрийн Ерөнхий захирал Х.Бадамсүрэн болон үйлдвэрийн удирдлагууд оролцлоо.

“Эрдэнэт” үйлдвэр анх байгуулагдсан цаг үеэс өнөөг хүртэлх хөгжлийн шат дамжлага, технологийн өөрчлөлт шинэчлэлтийг харуулсан уурхайчдын арвин баялаг түүхийг өгүүлэхүйц энэхүү музей Монголын анхны цахим музей гэдгээрээ онцлог юм.

“Эрдэнэт” үйлдвэрийн Соёл урлагийн цогцолборын хоёр давхарт байрлах Цахим музей нь хамгийн сүүлийн үеийн технологи бүхий 4D-ээр хийгдсэн 6 танхимтай. Уул уурхайн салбар, Эрдэнэт үйлдвэрийн бүтцийн нэгжүүдийн цахим танилцуулга, Үйлдвэрийн түүхэн замнал, Үйлдвэрлэл технологи, Нийгмийн хариуцлага, Бидний бахархал гэсэн танхимуудаар орж зууны манлай үйлдвэртэй танилцах боломжтой.

Түүнчлэн “Эрдэнэт” үйлдвэрийн тухай 200 гаруй контент, баримтат кино, 160 гаруй ном, тус үйлдвэрийн анхдагч ажилчдын хэрэглэж байсан ховор эд зүйлс, түүхэн баримт бүхий 30, нийтдээ 450 гаруй үзмэрүүдийг музейд байршуулжээ.

Ийнхүү “Эрдэнэт” үйлдвэр орчин үеийн тоног төхөөрөмж бүхий үйлдвэрийн бүх цаг үеийн түүхийг цахим болон биет үзмэрээр харуулсан музейг сонирхсон хүн бүхэн боломжтой юм.

Дэлгэрэнгүй унших

Чөлөөт бүс

Үс шинээр үргээлгэх буюу засуулахад тохиромжгүй

Огноо:

,

Өнөөдөр аргын тооллын 2021 оны 9 дүгээр сарын 21. Мягмар гараг. Билгийн тооллын XVII Жарны “Цөөвөр” хэмээх Цагаагчин төмөр үхэр жилийн Намрын дунд улаагчин тахиа сарын шинийн 16. Ангараг гараг. Могойг хүлэгч одтой, таван шар мэнгэтэй, хар бич өдөр. 

Өдрийн наран 6 цаг 38 минутад мандан, 18 цаг 53 минутад жаргана. Тухайн өдөр хулгана, луу жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр элдэв үйлд хянуур байх хэрэгтэй ба ан, гөрөө хийх, мал, адгуус муулах, сүм, дуганыг сэргээх, бүжиг наадам хийх, цэцэрлэг байгуулах, урлан бүтээхэд сайн.

Хувцас эсгэх, шинэ хувцас өмсөх, зөвлөгөө хийх, гөлөг тэжээхэд муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод зүүн урагш мөрөө гаргавал зохистой. Үс шинээр үргээлгэх буюу засуулахад тохиромжгүй бөгөөд өвчин ирнэ хэмээжээ.

Дэлгэрэнгүй унших
сурталчилгаа
Тод мэдээ8 цаг 24 минут

Монгол Улсын Ерөнхийлөгч У.Хүрэлсүх БНСВУ-ын Ерөнхийлөгчтэй уулзав

Тод мэдээ8 цаг 30 минут

Хөвсгөл нуурт живсэн автомашин, техникийн байршлыг тогтоож байна

Тод мэдээ8 цаг 34 минут

Торгох шийтгэл хүлээсэн жолоочдын 22.6 хувь нь өршөөлд хамрагджээ

Тод мэдээ8 цаг 36 минут

Хөдөлмөр, нийгмийн хамгааллын салбарын статистик мэдээлэлтэй холбоот...

Чөлөөт бүс8 цаг 39 минут

Олон улсын хөлбөмбөгийн холбоо 201 сая гаруй ам.долларын нөхөн төлбө...

Тод индэр10 цаг 4 минут

Ж.Батбаясгалан: Найрамдлын буухиа уулзалтаар ирэх 100 жилийн харилца...

Тод мэдээ10 цаг 7 минут

Швед дэх Дэлхийн соёлын Үндэсний музейтэй хамтран ажиллана

Өнөөдөр10 цаг 12 минут

Улаанбаатарт өдөртөө 21 хэм дулаан

Өнөөдөр10 цаг 18 минут

Өнөөдөр нийслэлд ажиллах дархлаажуулалтын цэгүүд

Өнөөдөр10 цаг 22 минут

ЗУРХАЙ: Үс шинээр үргээлгэх буюу засуулахад тохиромжгүй

Чөлөөт бүс2021/09/23

Ю.Цэдэнбалын нэрэмжит цахим музейн нээлтийн ажиллагаа боллоо

Тод индэр2021/09/23

Имарт түгээлтийн хэлтсийн агуулахад гэнэтийн ослын сургалт амжилттай...

Санал болгох