Чөлөөт бүс

Орхон аймгийн наадмын өмнөх сорилго барилдаанд Б.Гантөмөр түрүүллээ

Огноо:

11 сар 9 өдөр.өмнө

2020/07/08

Сэтгүүлч:

Тодотгол

Их Монгол Улсын 814, Тулгар төрийн 2229, Ардын хувьсгалын 99 жилийн ой, Орхон аймгийн наадам хэдхэн хоногийн дараа болох гэж байна. Баяр наадамд барилдах бөхчүүд хэд хэдэн гал болж наадмын бэлтгэлдээ гарсан бөгөөд энэ сарын 5-ны өдөр нэгдсэн сорилго барилдаанаа “Хангай” амралтын газарт зохион байгууллаа.

Наадмын өмнөх сорилго барилдаан тухайн жилийн баяр наадамд барилдах бөхчүүдийн өнгийг тодорхойлдог гэдгээрээ онцлог. Өнөөдөр болсон сорилго барилдаанд хүчин 64 бөх оролцож барилдсанаас Завхан аймгийн Завханмандал сумын харъяат аймгийн арслан Батцэрэнгийн Уртбаяр, Булган аймгийн Сэлэнгэ сумын харьяат аймгийн арслан Батсүхийн Гантөмөр, Говь-Алтай аймгийн Хөхморьт сумын харьяат аймгийн арслан Д.Цэрэндаваа, Завхан аймгийн Завханмандал сумын харьяат Болормаагийн Хүдэрчулуун нар их шөвгийн дөрөвт үлдэж барилдсан.

Сорилго барилдаанд Завхан аймгийн Завханмандал сумын харьяат аймгийн арслан Батцэрэнгийн Уртбаяр үзүүрлэж, Булган аймгийн Сэлэнгэ сумын харьяат аймгийн арслан Батсүхийн Гантөмөр түрүүллээ.

Бөхчүүдийн галын зөвлөх багш Увс аймгийн тэс сумын харьяат Монгол улсын начин Довчингийн Нэгдэл өнөөдрийн барилдааны хөлийн цэцээр ажиллав. Энэ үеэр УИХ-ын гишүүн Дамбын Батлут, Орхон аймгийн Засаг даргын орлогч, Засаг даргын бүрэн эрхийг хэрэгжүүлэн ажиллагч Сэмжидийн Батжаргал нар бөхийн барилдааныг үзэж сонирхон, бэлтгэлд гарсан бөхчүүддээ амин дэм гардуулан өгсөн. Мөн барилдааны төгсгөлд түрүүлж үзүүрлэсэн бөхчүүдийн шагналыг гардууллаа гэж Орхон аймгийн мэдээллийн төвөөс мэдээллээ.

Дараах мэдээ

Сэргээгдэх эрчим хүчээр ажилладаг гудамжны гэрэлтүүлгийг туршиж байна

Өмнөх мэдээ

Залуу эрдэмтдэд БСШУС-ын сайдын нэрэмжит тэтгэлэг олголоо

Дэлгэрэнгүй унших

сурталчилгаа

Монгол Улсын Ерөнхийлөгчийн 2021 оны сонгуулийн санал хураалт дуусах хүртэл сайтын сэтгэгдэл бичих талбарыг түр хаасан тул хүлцэл өчье. TODOTGOL.MN сайтын редакц

Чөлөөт бүс

Камбожийн Кох-конг мужийн ойг устгах ажил явагдсаар байна

Огноо:

13 өдрийн өмнө

2021/05/30

A24 агентлаг: Хөгжлийн төсөл хэрэгжүүлэх зорилготой хөрөнгө оруулалтын компаниуд Камбожийн зүүн өмнөд хэсгийн Кох Конг мужийн нутаг дэвсгэрийн ой модыг устгаж байна. Энэ мужийн газар нутгаас томоохон хэсгийн олон жилийн өмнө төслийн хүрээнд хувийн хэвшлийн компаниудад өгсөн бөгөөд одоогоор маш их хэмжээний ой модыг устган, олон тооны тосгоны оршин суугчид өөрсдийн амьдралын цорын ганц эх үүсвэр болсон гэр орон, газар нутгаа орхин явахаас өөр аргагүйд хүрчээ. Тэд ойгоос өөрсдийн хэрэгцээт хүнсээ хангадаг байж.

Энэ талаар тус тосгоны иргэд "Энэ хэсэг модоор дүүрэн байсан. Бидэнд багахан хэмжээний нарийн зам байсан, машин байхгүй, мотоцикл байхгүй амар тайван байжээ. Харин Хятадын хөгжлийн төсөл хэрэгжсэнээр энд нэг ч мод үлдээгүй. Энэ газар өмнө нь олон том модтой байсан тул хумхаа өвчнөөр амархан тархдаг байсан, харин одоо ийм жижигхэн мод л байна. Энэ хөгжлийн төслийн эхэн үед бидэнд төслөө танилцуулахаар ирсэн хүмүүст бид их баяртай байсан. Учир нь бид ойд амьдардаг, ямар ч автомашин, мотоцикл байдаггүй болохоор маш их баяртай байсан. Тэд бидэнд зохимжтой нөхөн төлбөр олгоно гэж хэлсэн, дээрээс нь энэ хэсгийн хөгжүүлэх тул бид баяртай байгаа. Би өөрийн амьдардаг хэсгээс нүүсэн боловч одоо болтол тэр хэсэгт хөгжүүлэлт хийгдээгүй байна, дахин хэр удаан хүлээх ёстойгоо мэдэхгүй байна" хэмээн ярьж байна.

Мөн тэд "Ой модонд зэрлэг заан амьдарсаар байгаа, манай хүү заантай тааралдаад түүнийг хөөсөн. Тэгэхээр би ойн хажууд амьдрахдаа аюулгүй бус байдаг", "Тосгоны оршин суугчдын хэн нь ч будааны тариалан эрхэлдэггүй, тэд ойн нөөц бололцооноос хамааралтай амьдардаг эсвэл механикчаар ажилладаг" хэмээн өгүүлцгээж байна.

Дэлгэрэнгүй унших

Чөлөөт бүс

Усан доорх гайхамшигт музей "Ланзаротын Атлантик"

Огноо:

1 сар 28 өдөр.өмнө

2021/04/15

Испани улсын Ланзароте аралтай залгаа орших хэсэгт дэлхийн нэгэн гайхамшиг болох усан доорх музей оршдог. Тус музейн үзмэрүүд нь өнгөрөгч 2016 оны 3 дугаар сараас үзэгчдийн хүртээл болж эхэлжээ. Музейн үзмэрүүдийн ойролцоо жижиг наймаалж, сардин загас болон бусад далайн амьтад ихээр ирж, цугларах болсон нь тус музейг зорин ирж байгаа жуулчдад илүү сайхан сэтгэгдэл төрүүлж байдаг аж.

Энэхүү гайхмшигт музей нь Атлантын далай дор 14 метрийн гүнд байрлаж байгаа бөгөөд музейг "Ланзаротын Атлантик музей" хэмээн нэрлэсэн байна. Музейн үзмэрүүдийг Их Британийн уран барималч Жесон де Сайрес Тейлор сүүлийн 2 жилийн турш урлан бүтээсэн бөгөөд тэрээр туурвисан бүтээлүүдээрээ түүхэн он цаг үе, ялангуяа дүрвэгчдийн амьдралыг тод дүрсэлж өгчээ.

Түүнчлэн Испани улсын ёс заншлыг харуулсан 200 гаруй хүн дүрст бүтээлүүд энэхүү далай доорх музейд тавигджээ. Энэхүү бүтээлүүдийг байгаль орчинд ээлтэй материалаар хийсэн бөгөөд энэ нь хүн төрөлхтөн болон амьтан, ургамалд ямар ч сөрөг нөлөөгүй материал юм. Музейн үзмэрүүд ньойролцоогоор 30 метрийн урттай ханан дундах цэцэрлэгт хүрээлэнд байрлах юм. "Ланзаротын Атлантик музей" нь Европ тивийн гайхалтай шинэ бүтээн босголтуудын нэг болж байгаагаараа онцлог ажээ.

Дэлгэрэнгүй унших

Чөлөөт бүс

Монгол орны нийт нутаг дэвсгэрийн 60 гаруй хувьд тарвага амьдрах боломжтой

Огноо:

2 сар 15 өдөр.өмнө

2021/03/29

Монгол орны нийт нутаг дэвсгэрийн 60 гаруй хувьд тарвага амьдрах боломжтой. Олон жил дараалан бүлийн хэвийн үржил, нөхөн төлжилтийг тооцолгүй эрчимтэй агнасан, тархац нутгийн зарим хэсэгт газар тариалан эрхэлсэн, тахал өвчнөөс урьдчилан сэргийлэх зорилгоор сийрэгжүүлэх агналт, устгал их хэмжээгээр хийсэн, тархац нутгийн дийлэнх хэсэгт ган болж, тарга тэвээрэг муу авч өвөлжихөд шаардлагатай өөхөн давхаргаа хуримтлуулж чадаагүй зэрэг нь тарваганы тоо толгой буурах, тархац нутаг хумигдах үндсэн шалтгаан болдог байна.