Бидэнтэй нэгдэх

Тод мэдээ

БШУЯ: Устаж үгүй болсон бэлчээрийн шимт ургамлыг сэргээх боломж байна

Огноо:

,

Сэтгүүлч:

Доройтсон бэлчээр сэргээх, уул уурхайн нөхөн сэргээлтэд дэмжлэг үзүүлэх, тэжээлийн ургамал тариалах үр бэлтгэх боломж мал аж ахуйн эрдэм шинжилгээний үндэсний хүрээлэнд байна.

Монгол орны бэлчээрт 600 орчим зүйлийн ашигт ургамал ургадаг. Энэ ургамлуудыг иддэг учир манай малын мах сүү тэжээллэг, амт чанар сайтай, экологийн цэвэр бүтээгдэхүүн болж чаддаг юм. Гэвч сүүлийн жилүүдэд бэлчээрийн зарим олон наст ургамал нэг наст болж, ашигт ургамал хог ургамал болж байгааг тогтоожээ.

Мал аж ахуйн хүрээлэн бүс нутгуудаас ургамлын генетик нөөцийг жил бүр цуглуулдаг учир устаж байгаа ургамлыг сэргээх боломж энэ хүрээлэнд хадгалагдаж байна. Хүрээлэнд өнөөдрийн байдлаар бэлчээрийн ургамлын 3570 дээж хадгалагдаж байна.

Социализмын үед Монгол улс тэжээлийн гурван аж ахуйтай байсан бол өнөөдөр зогсонги байдалд оржээ. Манай улс нэг жилд дунджаар 100-150 тонн тэжээлийн үр импортоор авдаг байна. Гэтэл энэ хэрэгцээг дотоодоосоо бүрэн хангах боломжтой. Тэжээлийн ургамлын чиглэлээр 12 сорт батлуулж, багсармал, царгасны хорголжин зэрэг олон төрлийн тэжээлийг гарган авчээ.

Алийг нь ч тарьж ургуулсан хоёр дахь жилээс ургацаа авах боломжтой юм. Эрчимжсэн мал аж ахуйг хөгжүүлэх, малынхаа үүлдэр угсааг сайжруулах зорилт тавьж хөдөө аж ахуйг тэргүүлэх салбар гэж үзэж байгаа бол судлаачдынхаа нэвтрүүлсэн шинэ бүтээлийг хэрэглээ болгон хэвшүүлэх шаардлагатай байна гэж Боловсрол, шинжлэх ухааны яамнаас мэдээллээ.
 

Дэлгэрэнгүй унших
сурталчилгаа
Монгол Улсын Ерөнхийлөгчийн 2021 оны сонгуулийн санал хураалт дуусах хүртэл сайтын сэтгэгдэл бичих талбарыг түр хаасан тул хүлцэл өчье. TODOTGOL.MN сайтын редакц

Тод мэдээ

УИХ-аас удирдлага нь томилогддог, ажлаа тайлагнадаг байгууллагуудын мэдээллийн технологийн ажилтнуудын уулзалт болов

Огноо:

,

Монгол Улсын Их Хурлын дарга Г.Занданшатарын санаачилгаа УИХ-аас удирдлага нь томилогддог, ажлаа тайлагнадаг байгууллагуудын мэдээллийн технологийн ажилтнуудын мэдээлэл, туршлага солилцох уулзалт 2022 оны 9 дүгээр сарын 28-ны өдөр Төрийн ордонд болов.

УИХ-ын Тамгын газрын Цахим парламент, инновацын газраас зохион байгуулсан тус уулзалтын эхэнд УИХ-ын даргын зөвлөх О.Номинчимэг Улсын Их Хурлын дарга Г.Занданшатарын мэндчилгээг оролцогчдод уншиж танилцуулсан.

Инновац, цахим бодлогын байнгын хорооны дарга Э.Батшугар Байнгын хорооны үйл ажиллагаа, хэрэгжүүлж буй арга хэмжээний талаар товч мэдээлэл өглөө. Мөн “Та бүхэн өөрсдийн ажиллаж буй байгууллагад нэвтрүүлсэн сайн туршлагыг нээлттэй хуваалцаж, харилцан суралцсан, шинэ технологийг нэвтрүүлэх санал санаачилга гаргасан үр дүнтэй уулзалт болно гэдэгт итгэлтэй байна” хэмээлээ.

УИХ-ын Тамгын газрын дэд дарга С.Батбаатар “2020 онд байгуулагдсан найм дахь парламентын гол онцлог бол 2019 онд баталсан Монгол Улсын Үндсэн хуулийн нэмэлт, өөрчлөлтөд нийцүүлж, эрх зүйн шинэтгэл хийх, хууль тогтооход хүний эрхийг амин сүнс болгон суулгах, Цахим шилжилт хийж цахим парламент болох гэсэн шинэчлэлийн гурван том зорилт дэвшүүлэн, бодит ажил болгон ажиллаж байна” хэмээн уулзалтыг нээх үеэр хэлсэн. Түүнчлэн “Монгол Улс дижитал үндэстэн болох тухай зорилтыг Засгийн газрын үйл ажиллагааны хөтөлбөртөө дэвшүүлсэн.

Мөн УИХ-аас цахим засаглалын үндэсний хөтөлбөрийг баталсан. Төрийн үйл ажиллагаанд цахим шилжилт хийх нь зөвхөн манай улс төдийгүй дэлхий нийтийн асуудал. Дэлхийтэй хөл нийлүүлж алхъя гэвэл цахим шилжилтийг хийхээс өөр аргагүй. Сүүлийн жилүүдэд цахим шилжилтийн үйл явц манай улсад маш эрчимтэй өрнөж байна. Манай улс 2018 онд 496 төрлийн төрийн үйлчилгээг иргэдэд цахимаар үзүүлж байсан бол өнөөдөр 1526 төрлийн төрийн үйлчилгээг цахимаар үзүүлж байна.

Богино хугацаанд чамлахааргүй ахиц дэвшил үзүүлсэн гэж хэлж болно. Цахим шилжилт бол монгол үндэстний том зорилго. Төрийн байгууллагууд цахим шилжилт хийх, үйлчилгээгээ иргэдэд ил тод байдлаар шуурхай хүргэх нь бид бүгдийн хамтын үйл ажиллагаанаас хамаарна. Бид хамтын ажиллагааны уялдаа холбоогоо хангах нь нэн чухал” гэлээ.

Туршлага солилцох уулзалтын үеэр УИХ-ын Тамгын газрын Цахим парламент, инновацын газрын дарга Б.Өлзийбат тус газрын үйл ажиллагаа болон D.parliament цахим системийн талаар оролцогчдод танилцуулсан юм.

Үүний дараа УИХ-ын Тамгын газрын Мэдээллийн технологийн хэлтсийн дарга Ж.Элбэгзаяа мэдээллийн технологийн бодлогын баримт бичгийн талаар мэдээлэл өгсөн.

Уулзалт чөлөөт асуулт, харилтаар үргэлжилсэн бөгөөд төгсгөлд нь оролцогчид Улсын Их Хурлын чуулганы нэгдсэн хуралдааны танхим, техникийн удирдлага, парламентын сэтгүүлчид, серверийн өрөөтэй танилцаж хуралдааны цахим системийн талаар мэдээлэл авлаа хэмээн Улсын Их Хурлын Хэвлэл мэдээлэл, олон нийттэй харилцах хэлтсээс мэдээлэв.

Дэлгэрэнгүй унших

Тод мэдээ

Г.Занданшатар: Халамжид зарцуулж буй мөнгөний тодорхой хэсгийг хөдөлмөр эрхлэхэд шингээх бодлого барина

Огноо:

,

УИХ-ын дарга Г.Занданшатар, Төсвийн байнгын хорооны дарга Г.Тэмүүлэн нар 2022 оны 9 дүгээр сарын Монголын үндэсний худалдаа аж үйлдвэрийн танхимын /МҮХАҮТ/ удирдлага болон бизнес эрхлэгчдийн төлөөлөлтэй уулзаж, цаг үеийн нөхцөл байдлын талаар санал солилцлоо.

МҮХАҮТ-ын ерөнхийлөгч О.Амартүвшин цар тахлын дараах бизнесийн нөхцөл байдлын талаар хийсэн судалгааны тайлан болон цар тахлаас үүдэлтэйгээр бизнес эрхлэгчдийн өмнө тулгамдаад буй асуудлуудын талаар УИХ-ын даргад танилцуулсан. Бизнес эрхлэгчдийн зүгээс хилийн боомтын болон тээвэр логистикийн асуудлыг шийдэх, хөнгөлөлттэй зээлийн хүртээмжийг нэмэгдүүлэх, татварын дэмжлэг үзүүлэх шаардлагатай байгааг илэрхийлж байлаа. Цар тахлын дараа бизнес эрхлэгчдийн 71 хувь нь зээл авах хүсэлтэй, зээл авахаар хандсан боловч 27 хувь нь л зээлээ авч чадсан. Зээлийн олдоц муу, хүүгийн түвшин өндөр, хугацаа богино, барьцаа хөрөнгийн шаардлага хангахгүй зэргээс хамааран зээл авч чадахгүй байгаа аж. Түүнчлэн эргэлтийн хөрөнгөгүйгээс үйл ажиллагаа нь саатахад хүрсэн тухайгаа тайлбарлалаа.

Хувийн хэвшлийнхэнд тулгамдаад буй дараагийн том асуудал нь ажиллах хүчний хомсдол болоод буй юм байна. Сард 1.5 сая төгрөгийн цалин амлаад ч ажиллах хүн олдохгүй байгаа нь халамжийн хавтгайрсан бодлоготой холбоотой. Халамжаас хөдөлмөрт шилжих бодлогыг яаралтай хэрэгжүүлэх шаардлагатай. 2023 оны нэгдсэн төсвийн хэлэлцүүлгийн үеэр хавтгайрсан халамжаа танаж, ажлын байрыг хамгаалахад чиглүүлэх цаг нь болсон хэмээн үзэж байна хэмээн МҮХАҮТ-ын ерөнхийлөгч О.Амартүвшин хэлж байв.

Энэ оны наймдугаар сарын байдлаар улсын төсвийн тэнцэл 889.7 тэрбум төгрөгийн алдагдалтай гарсан нь цар тахлын үед татвар, нийгмийн даатгалын шимтгэл, халамжийн шинжтэй арга хэмжээг хэрэгжүүлэхэд нөлөөлсөн гэж хувийн хэвшлийнхэн үзэж байгаа аж. 

УИХ-ын даргын зүгээс дээрх саналуудыг нэгтгэж холбогдох Байнгын хороодын дарга нарт хамтран ажиллаж, асуудлыг шийдэх үүрэг чиглэл өгөхөө мэдэгдлээ. Түүнчлэн уулзалтын төгсгөлд УИХ-ын дарга Г.Занданшатар халамжид зарцуулж буй мөнгөний тодорхой хэсгийг хөдөлмөр эрхлэхэд шингээх бодлого барина гэдгээ онцлон дурдав.

Уулзалтад УИХ-ын гишүүн Д.Тогтохсүрэн, Ч.Ундрам, Б.Энхбаяр болон Монголбанкны Ерөнхийлөгч Б.Лхагвасүрэн нар байлцлаа хэмээн УИХ-ын Хэвлэл мэдээлэл, олон нийттэй харилцах хэлтсээс мэдээлэв.

Дэлгэрэнгүй унших

Тод мэдээ

БШУЯ: 47 дугаар цэцэрлэг 3 байранд 750 хүүхдийг сургаж байна

Огноо:

,

Нийслэлийн цэцэрлэгийн хүртээмжийг нэмэгдүүлэх хүрээнд цэцэрлэгийн хэд хэдэн хувилбарыг бий болгосон. Түрээсийн, салбар, байгууллагын цэцэрлэгүүд үе шаттайгаар нээгдэж хүүхдүүдээ хүлээн авсаар байна. Улаанбаатар хотын захын хороод болон гэр хорооллын дунд Өргөө цэцэрлэг байгуулахаар төлөвлөсөн.

Орчин үеийн шийдэл бүхий дотроо ариун цэврийн байгууламжтай, шалны халаалт бүхий гэр хэлбэртэй энэ цэцэрлэгийг 40 хоногийн хугацаанд барьсан байна. 4 бүлэг бүхий 120-140 хүүхдийн хүчин чадалтай. Өргөө цэцэрлэгийн эхнийх Сонгинохайрхан дүүргийн 33 дугаар хороонд 271 дүгээр цэцэрлэгийн салбар бүлэг хэлбэрээр хичээллэж байна.

Энэ онд орчин үеийн шийдэл бүхий 11 Өргөө цэцэрлэг байгуулахаар ажиллаж байна. Энэ цэцэрлэгийн давуу тал нь хүүхдүүд гэрийнхээ хажууд хамран сургах тойрогтоо цэцэрлэгт хамрагдахаас гадна Монгол өв уламжлал, ёс заншилтай танилцах боломжийг бүрдүүлж байгаа юм. Цаашид энэ хэлбэрийн цэцэрлэгүүдийг илүү чанаржуулан олноор байгуулах юм. Ялангуяа сумдад Өргөө цэцэрлэг илүү тохиромжтой, өртөг зардал хямд юм.

Дэлгэрэнгүй унших
сурталчилгаа
Тод мэдээ2 минутын өмнө

УИХ-аас удирдлага нь томилогддог, ажлаа тайлагнадаг байгууллагуудын ...

Тод мэдээ8 минутын өмнө

Г.Занданшатар: Халамжид зарцуулж буй мөнгөний тодорхой хэсгийг хөдөл...

Тод мэдээ12 минутын өмнө

БШУЯ: 47 дугаар цэцэрлэг 3 байранд 750 хүүхдийг сургаж байна

Өнөөдөр24 минутын өмнө

Улаанбаатарт өдөртөө 17 хэм дулаан

Өнөөдөр30 минутын өмнө

Үс шинээр үргээлгэх буюу засуулбал бие эрхтний хүч сайжирна

Тод мэдээ2022/09/28

Аравдугаар ангийн сурагчдын сонгон судлах хичээлийн цахим сургалт эх...

Тод мэдээ2022/09/28

Ерөнхий сайд Л.Оюун-Эрдэнэ Япон Улсын Ерөнхий сайд агсан Абэ Шинзото...

Тод мэдээ2022/09/28

Хөдөлмөр, нийгмийн хамгааллын сайд Д.Сарангэрэлийг огцруулахаар боло...

Тод мэдээ2022/09/28

УИХ-ын дарга Г.Занданшатар хүүхдийн эрхийн зөрчилд онцгойлон анхаара...

Тод мэдээ2022/09/28

Ерөнхийлөгч У.Хүрэлсүхээс ЮНЕСКО-д илгээсэн дурсгалыг гардуулав

Тод мэдээ2022/09/28

Нийт шүүгчийн хуралдаан боллоо

Өнөөдөр2022/09/28

Банкны нэг хувийн шимтгэлтэй холбоотой хэргийг хяналтын шатны шүүх х...

Санал болгох