Тод мэдээ
Усны асуудалд нухацтай хандана
Монгол Улсын Засгийн газрын мөрийн хөтөлбөрт Усны нөөцийг хамгаалж, хомсдолоос сэргийлэх, нэгдсэн менежментийг хэрэгжүүлэх, гүний усыг ашиглахгүй байх зэрэг асуудлууд тусгагдсан. Энэ хүрээнд БОАЖ-ын сайд Д.Сарангэрэл амралтын энэ өдөр сайдын зөвлөлийг хуралдуулж Усны нөөц ба усан цахилгаан станцын асуудлаар хэлэлцүүлэг хийлээ. Хэлэцүүлэгт усны салбарын эрдэмтэн судлаачид, төрийн болон хувийн хэвшлийн төлөөллүүд оролцлоо. Энэ үеэр салбарын эрдэмтэн, судлаачид усны нөөцийг хуримтлуулах, усан цогцолбор барих, хуримтлуулан шилжүүлэн ашиглах, гадаргын усны хуримтлал үүсгэх, урсац тохируулга хийх зэрэг санал, санаачилгуудыг гаргаж байсан юм.
Сүүлийн жилүүдэд болж байгаа дэлхийн дулаарал, уур амьсгалын өөрчлөлтийн улмаас Монгол орны усны нөөц тодорхой хэмжээгээр багассан. Мөн усны нөөцийн хуваарьлалт жигд бус байгаа талаар мэргэжлийн хүмүүс ярьж байна. Нэг талаас дэлхийн уур амсгалын өөрчлөлт, дулааралд хэрхэн зохицож даван туулах, нөгөө талаас усны нөөцөө хэрхэн ашиглах вэ гэдэг асуудал хурцаар тавигдах болсон. Тиймээс цаашдаа бага оврын усан цахилгаан станцыг олноор байгуулах нь усны нөөцийг хуримтлуулах, усалгаатай газар тариалан, мал аж ахуйг хөгжүүлэх, нутгийн иргэдийн амьдрах нөхцлийг сайжруулах, мөн аялал жуулчлалыг хөгжүүлэх олон боломж нээгдэх юм.
БОАЖ-ын сайд Д.Сарангэрэл: “МУ-ын УИХ-аар Байгаль орчны салбарын 16 чухал асуудлыг хэлэлцэн баталлаа. Үүнд усны асуудал тэргүүлэх байр суурийг эзэлж, бие дааж орсон байгаа. Өнөөдөр бидэнд усны нөөцөө судлах, эргэлтэд оруулах, хайрлаж хамгаалах нэн тэргүүний шаардлага тулгараад байна. Дэлхийн дулаарал, уур амьсгалын өөрчлөлт болон хүний буруутай үйл ажиллагаанаас шалтгаалан усны нөөц, гарц буурсаар байгаа. Тиймээс усаа судлах, нөөцөө бүрдүүлэх, эдийн засгийн эргэлтэд оруулахаар 10 аймагт Тайшир сумын жишгээр усан цахилгаан станцыг бий болгох зорилго тавиад байна.” гэлээ
БОАЖЯ-ны харъяа Усны газрын даргын албан үүргийг түр орлон гүйцэтгэгч Ш.Мягмар: “Говь-Алтай аймгийн Тайшир суманд Тайширын усан цахилгаан станцыг барьсан. Ингэснээр 10 гаруй километр урт, 4 км өргөн Гэгээн нуур бий болсон. Энэ нуур нь газрын зураг дээр байгаагүй ч Тэрхийн цагаан нуур шиг том нуур болсон нь усны салбарын нэг том бахархал юм. Усан цахилгаан станцыг барьж хиймэл нуур үссгэснээр тухайн газар нутгийн уур амсгалыг зөөлрүүлэх чухал үүрэг гүйцэтгэснээр онцлогтой. Түүнчлэн Говь-Алтай аймгийн төвийг усаар бүрэн хангах, нутгийн экологийн тэнцлийг бий болгох таатай нөхцлүүд бүрдсэн гэх мэт олон эерэг үр дүнгүүдийг үзүүлж байгаа. Тиймээс цаашид бага оврын усан станцуудыг нэмж барих хэрэгцээ, шаардлага их байна.” гэсэн юм.
Эх сурвалж: БОАЖЯ
Тод мэдээ
“Агросити” дагуул хотын хөгжлийн ерөнхий төлөвлөгөө боловсруулах нээлттэй тендерийг дахин зарлалаа
Улаанбаатар хотын хүнсний аюулгүй байдал, импортын бүтээгдэхүүний хэмжээг бууруулах, хямд өртөгтэй эрүүл хүнсээр хангах, инновац шингэсэн үйлдвэрлэл, ажлын байрыг нэмэгдүүлэх зорилгоор “Агросити” дагуул хотыг барихаар төлөвлөж байна.
Энэхүү “Агросити” дагуул хотын хөгжлийн ерөнхий төлөвлөгөө боловсруулах ажлын гүйцэтгэгчийг сонгон шалгаруулах нээлттэй тендерийг дахин зарлалаа. Тендерийн материал хүлээн авах эцсийн хугацаа тавдугаар сарын 7-ны өдөр бөгөөд орон нутгийн төсвийн хөрөнгө оруулалтаар санхүүжүүлнэ.
“Агросити” дагуул хот нь Сонгинохайрхан дүүргийн 21 дүгээр хорооны нутаг дэвсгэрт 361-ын гарам, Рашаант, Жаргалант зэрэг бодлогын баримт бичигт тусгагдсан суурьшлын бүсүүдтэй. Дагуул хотын нутаг дэвсгэрийн 9000 га талбайд Засгийн газрын 2024 оны 220 дугаар тогтоолоор “Эдийн засгийн тусгай бүс”-ийг байгуулсан. Одоогийн байдлаар хотын уг суурьшлын бүсэд 2689 өрхийн 7652 иргэн оршин сууж байна. Тус бүсэд цахилгаан хангамжийн шугам сүлжээ хэвийн, бие даасан дулааны эх үүсвэртэй.
“Агросити” дагуул хотын хөгжлийн ерөнхий төлөвлөгөө боловсруулах ажлын гүйцэтгэгчийг сонгон шалгаруулах нээлттэй тендерийн дэлгэрэнгүй мэдээллийг ЭНД дарж үзнэ үү.
Тод мэдээ
Зам тээврийн осолд өртсөн 164 хүүхдийн эрхийг хамгаалж ажиллав
Тээврийн прокурорын газраас Нийслэлийн төвийн 6 дүүргийн хэмжээнд зам тээврийн ослын улмаас хүүхэд хохирсон хэргийг 2025 оны 1 дүгээр улирлын байдлаар судалж, энэ төрлийн гэмт хэрэг, зөрчлөөс урьдчилан сэргийлэх ажлыг сайжруулах талаар 10 аж ахуйн нэгжид прокурорын мэдэгдэл хүргүүлжээ.
Тодруулбал, зам тээврийн 147 ослын улмаас 164 хүүхэд өртөж, 83 хүүхдийн эрүүл мэндэд хохирол учирсан байна. 2024 оны мөн үетэй харьцуулахад хохирсон хүүхдийн тоо 4.1 хувиар өссөн байна.
Үүнээс 52.4 хувь нь 14-17 насны хүүхдүүд байгаа бол 26.2 хувь нь 10-13, 15.8 хувь нь 6-9, 3.6 хувь нь 3-5, 1.8 хувь нь 3 хүртэлх насныхан байна. Зам тээврийн осолд өртсөн хүүхдүүдийн 85 нь эрэгтэй, 79 нь эмэгтэй хүүхэд байна.
Зам тээврийн ослын улмаас хүүхдэд учирсан 75.2 сая төгрөгийн хохирол мөрдөн шалгах ажиллагааны явцад нөхөн төлөгджээ.
Тод мэдээ
Жилд таван мянган тонн хар тугалганы батарейг дахин боловсруулж байна
БОУАӨЯ-ны Хүрээлэн буй орчны бодлогын газар, салбарын хяналтын газрын хамтарсан ажлын хэсэг өнөөдөр Налайх дүүрэгт ажиллаж байна.
Ажлын хэсэг хар тугалган батарейг байгальд ээлтэй технологиор дахин боловсруулах чиглэлээр үйл ажиллагаа явуулдаг "Электрокем Монгол" ХХК-ийн үйл ажиллагаатай танилцлаа.
Тус үйлдвэр нь жилд 12 мянган тонн хар тугалган батарейг боловсруулах хүчин чадалтай ч өнөөдрийн байдлаар жилд 5 мянган тонныг боловсруулж байна гэж Байгаль орчин, уур амьсгалын өөрчлөлтийн яамнаас мэдээллээ.
-
Тод мэдээ2020/01/17
Нийслэлийн хүн амын махны хангамжийг нэмэгдүүлэх чиглэлээр зохион байгуулах ажлы...
-
Тод зураг2019/11/12
Сургуулиуд дээр явуулсан гэнэтийн хяналт, шалгалтын үр дүнг мэдээлнэ
-
Тод индэр2020/01/13
З.Болормаа: Бэлгийн идэвхтэй харилцаа амьдралын чанарыг бий болгодог
-
Тод мэдээ2021/12/03
Нийслэл хотод шилжин суурьшигчдын дийлэнх нь залуус байна гэв