Бидэнтэй нэгдэх

Тод мэдээ

Нийгмийн хамгааллын тусгай төвийн өргөтгөл ашиглалтад орно

Огноо:

7 сар 17 өдөр.өмнө

,

Сэтгүүлч:

Хүний эрхийн Үндэсний Комиссын гишүүн Х.Мөнхзул, Гомдол, хяналт шалгалтын хэлтсийн ахлах референт Э.Сансар, Олон талт хамт ажиллагааны тасгийн төсөл хөтөлбөр, дотоод хамтын ажиллагаа хариуцсан референт Л.Мөнхтулга нарын бүрэлдэхүүн Нийгмийн хамгааллын тусгай төвийн нөхцөл байдалтай танилцаж, тулгамдаж буй асуудал, авч хэрэгжүүлэх арга хэмжээний талаар уулзалт, ярилцлага зохион байгууллаа.
 
Нийгмийн хамгааллын тусгай төв нь Монгол Улсын Засгийн газрын 2003 оны 138 дугаар тогтоол, Нийслэлийн Засаг даргын 2003 оны 417 дугаар захирамжаар нийслэлийн хэмжээнд байгаа орон гэргүй, тэнэмэл амьдралтай иргэдийг бүртгэлжүүлэн, түр хоноглох байраар хангаж, нийгмийн халамжийн суурь үйлчилгээ үзүүлэх чиглэлээр байгуулагдсан тусгай статустай, төрийн үйлчилгээний байгууллага юм.
 
Өөрийн гэсэн гэр оронгүй, эрхэлсэн тодорхой ажилгүй, харж хандах хүнгүй, хорихоос суллагдсан, нийгмийн эмзэг бүлгийн иргэдийг нийгэмшүүлэх, тэднийг бие даасан амьдралд шилжихэд нь тусалж, дэмжин бичиг баримтжуулах, эрүүл мэнд, сэтгэл зүй, сургалт, соёл хүмүүжлийн үйлчилгээ, хөдөлмөр эрхлэлтийг дэмжих, гэмт хэргээс урьдчилан сэргийлэх зэрэг 12 үйлчилгээ үзүүлдэг байна.
 
Орон гэргүй, зорилтот бүлгийн иргэдийн 90 хувь нь архины хамааралтай, үүний 80 хувь нь эрэгтэй, 20 хувийг эмэгтэйчүүд эзэлдэг. Тус иргэдийн архинд донтох болсон гол шалтгааны нэг нь гэр бүл салалт гэдэг нь судалгаагаар гарсан. Тус төв жилд жилд дунджаар 450-500 орчим иргэн хүлээн авдаг бөгөөд 25 орчим хувь нь бие даасан амьдралд шилждэг байна.
 
Комиссын ажлын хэсгийн бүрэлдэхүүн тус төвд ажиллахаар үеэр нийслэлийн Засаг даргын захирамжаар Баянзүрх дүүргийн XX хороо, Майхантын аманд төвийн өргөтгөлийн байрыг 2024 онд шинээр ашиглалтад оруулахаар ажиллаж байгаа талаар Нийгмийн хамгааллын тусгай төвийн дарга Ш.Мөнхцэцэг онцлон хэлж байв.
 
Цаашид орон гэргүй иргэдэд үзүүлж буй төрийн үйлчилгээний чанар, хүртээмжийг нэмэгдүүлэхийн тулд олон нийтийн оролцоог нэмэгдүүлэх, төрийн болон төрийн бус байгууллагуудын хамтын ажиллагаа, уялдаа холбоог сайжруулах, санхүүжилтийг нэмэгдүүлэх, нэгдсэн нэг бодлогоор дэмжих зэрэг санал хүсэлтийг ХЭҮК-ын гишүүн Х.Мөнхзул хүлээн авч, хүний эрх, эрх чөлөөний төлөв байдлын талаар холбогдох мэдээллийг өгч ажиллалаа гэж Монгол Улсын Хүний эрхийн үндэсний комиссоос мэдээллээ. 
Дэлгэрэнгүй унших
АНХААРУУЛГА: УИХ-ын 2024 оны ээлжит сонгуулийн хуулийн холбогдох заалтын хүрээнд тус сайтын сэтгэгдэл хэсгийг түр хугацаанд хаасан болно.

Тод мэдээ

Няцаалт

Огноо:

1 цаг 46 минут

,

Сүүлийн үед УИХ-ын нэр бүхий гишүүний зүгээс Монгол Улсын Ерөнхийлөгчийг онц хүнд гэмт хэрэгт илтэд гүтгэсэн, ёс зүйгүй, хариуцлагагүй мэдээллийг удаа дараа гаргаж буйд харамсаж байна. Бодит байдалтай огт нийцэхгүй худал мэдээллийг нийгэмд зориуд тарааж буйг албан ёсоор няцааж байна. 

Монгол Улсын Ерөнхийлөгч нийгэмд шударга ёс тогтоохын тулд хүн засагладаггүй, хууль засагладаг байх ёстой, Монгол Улс парламентын засаглалаа улам бэхжүүлж, ардчилсан засаглалыг төгөлдөржүүлэх ёстой гэсэн байр сууриа удаа дараа илэрхийлж ирсэн. Мөн Монгол Улсын Үндсэн хуульд Ерөнхийлөгчийн нэр төр, халдашгүй байдлыг хуулиар хамгаална, хүн бүр хууль, шүүхийн өмнө эрх тэгш байна гэж заасан байдаг. 

Иймд хууль тогтоогч УИХ-ын гишүүн нь Монгол Улсын Үндсэн хууль, бусад хуулийг дээдлэн ажиллах зарчмыг баримтлан илтэд худал мэдээлэл тарааж буй ёс зүйгүй, хариуцлагагүй үйл ажиллагаагаа нэн даруй таслан зогсоохыг шаардаж байна.

Монгол Улсын Ерөнхийлөгчийн Хэвлэлийн төлөөлөгч бөгөөд
ЕТГ-ын Хэвлэл мэдээллийн албаны дарга Ө.Золбаяр

Дэлгэрэнгүй унших

Тод мэдээ

ОХУ-д зорчих иргэдийн анхааралд

Огноо:

1 цаг 52 минут

,

Оросын Холбооны Улсын Засгийн газрын 2024 оны 1510 дугаар тогтоолоор 2025 оны 6 дугаар сарын 30-ны өдрөөс 2026 оны 6 дугаар сарын 30-ны өдөр хүртэлх хугацаанд ОХУ-ын бүх шалган нэвтрүүлэх боомтоор нэвтрэх визгүй зорчих гадаадын иргэд өөрийн биометрийн мэдээллийг өгөх шаардлагатай болсон.
 
Үүнтэй холбогдуулан гадаадын иргэд ОХУ-ын хилээр нэвтрэхээс хамгийн багадаа 3 хоногийн өмнө буюу 72 цагийн өмнө цахим бүртгэлд хамрагдсан байх шаардлагатай ба яаралтай тохиолдолд /жишээлбэл, төрөл төрөгсөд нь өвдсөн, нас барсан зэрэг/ хил нэвтрэхээс 4 цагийн өмнө богино хугацаанд хүсэлт гаргахыг зөвшөөрөхөөр зохицуулжээ.
 
Иргэд нэвтрэх урьдчилсан бүртгэлийг “RuID” гар утасны программ ашиглан хийж, QR код авах шаардлагатай бөгөөд QR кодыг үүсгэхийн тулд гадаад улсын иргэн “Госуслуги RuID” программаар хувийн мэдээллээ бөглөж, өөрийн зургийг байршуулж, тус улсад байх хугацааг оруулна.
 
Хэрэв, гадаад улсын иргэн ОХУ руу нэвтрэх хүсэлт гаргаснаас хойш 90 хоног өнгөрч, ОХУ-д нэвтрээгүй бол QR кодыг дахин авах шаардлагатай болох юм.
ОХУ-д нэвтрэх QR кодыг хэрхэн авах вэ?
 
· “RuID” гар утасны программд бүртгүүлнэ.
 
· Хувийн дэлгэрэнгүй мэдээллээ бөглөн оруулж, өөрийн зургийг байршуулна.
 
· ОХУ-д оршин суух зорилго, байх хугацааг агуулсан цахим мэдүүлгийг тус улсад зорчихоос хамгийн багадаа 72 цагийн өмнө бөглөж, хариу авна.
 
· Бүртгэл хийгдсэний дараа QR код үүснэ.
 
· ОХУ-ын хилийн боомт дээр QR код болон гадаад паспортын хамтаар шалгуулна.
 
· ОХУ-ын хилийн боомтоор нэвтрэх үед биометрийн /зураг, гар, хурууны хээ авна/ процедурт хамрагдана.
 
· ОХУ-ын хилээр нэвтрэн орсны дараа 10 хоногийн дотор банкан дээр биеэр очин биометрийн өгөгдлөө баталгаажуулах шаардлагатай. /Энэхүү баталгаажуулалтыг хийлгэснээр ОХУ-д сим карт худалдан авах, RuID гар утасны программд буй үйлчилгээг авах зэрэг боломж нээгдэнэ./
 
Тухайн туршилтаас дараах иргэд чөлөөлөгдөнө.
 
Үүнд:
 
- Бүгд Найрамдах Беларусь Улсын иргэд;
 
-Гадаад улсаас ОХУ-д суух Дипломат төлөөлөгчийн газрын Тэргүүн болон ажилтан, тэдгээрийн гэр бүл;
 
-ОХУ-ын Засгийн газартай тус улсын нутаг дэвсгэрт оршин суух хэлэлцээр байгуулсан олон улсын байгууллагын албан тушаалтан, түүний гэр бүл;
 
- Албан ажлаар ОХУ-ын нутаг дэвсгэрт нэвтрэх, эсхүл гарах олон улсын байгууллагын албан тушаалтан;
 
- Албан зорилгоор, эсхүл төлөөлөгчдийн бүрэлдэхүүнд багтан ОХУ-д зорчих дипломат, эсхүл албан паспорттой виз авсан иргэн болон түүний гэр бүл;
 
-Дипломат, эсхүл албан ангиллын визтэй гадаадын иргэн түүний гэр бүл;
 
- 6 нас хүрээгүй гадаадын иргэн болон харьяалалгүй хүн.
 
Бусад анхаарах асуудал:
 
Программын тусламжтайгаар цахимаар хүсэлт гарган бүртгүүлж, QR код хүлээн авснаар ОХУ-д нэвтрэх 100 хувийн баталгаа болохгүй.
 
Хэрэв гадаад улсын иргэн “Госуслуги RuID”-ээр дамжуулан урьдчилсан цахим хүсэлт гаргаагүй, QR код аваагүй бол ОХУ-д нэвтрүүлэхгүй. Мөн тус программаар ОХУ-д нэвтрэхийг хориглосон тохиолдолд мөн адил нэвтрүүлэхгүй.
 
Хэрэв биометрийн өгөгдөл таарахгүй бол хилээр нэвтрүүлэхээс татгалзаж болно. Хэрэв хүсэлт гаргасан гадаадын иргэн нь хяналтад байгаа этгээдийн жагсаалт, бүртгэлд байгаа, эсхүл нийтийн хэв журмыг ноцтой зөрчсөн үйлдэлд өмнө нь холбогдож байсан бол түүнийг ОХУ-д нэвтрүүлэхгүй зэргийг анхаарна уу.
 
Дэлгэрэнгүй мэдээллийг ОХУ-аас Монгол Улсад суугаа ЭСЯ-ны цахим хуудаснаас авах боломжтой.
 
Доорх холбоосоор зааварчилгааны видео мэдээлэлтэй танилцана уу.
 
Оросын Холбооны Улсын Засгийн газрын 2024 оны 1510 дугаар тогтоолыг дараах холбоосоор орж үзэх боломжтой.
Дэлгэрэнгүй унших

Тод мэдээ

“Дүнжингарав” худалдааны төвийн авто замын урд эгнээг хааж, шинэчилнэ

Огноо:

2 цаг 2 минут

,

Баянзүрх дүүргийн 26 дугаар хороо, “Дүнжингарав” худалдааны төвийн уулзвараас 133-р сургууль хүртэлх авто замын зорчих хэсгийн урд эгнээг хааж, шинэчилнэ. Тодруулбал, зургаадугаар сарын 29-ний 22:00 цагаас хааж, долоодугаар сарын 1-ний 06:00 цагт нээнэ.

Авто замын засвар, шинэчлэлтийн хүрээнд зорчих хэсгийн суурийн бүтээцийг хүчитгэх, асфальт бетон хучилт, тэмдэглэгээний ажлыг хийх юм. Тус авто замаар зорчих тээврийн хэрэгслийг сөрөг хөдөлгөөнөөр зохицуулах тул иргэд, жолооч та бүхэн бусад замыг сонгон хөдөлгөөнд оролцоно уу.

Дэлгэрэнгүй унших
сурталчилгаа
Тод мэдээ1 цаг 46 минут

Няцаалт
Тод мэдээ1 цаг 52 минут

ОХУ-д зорчих иргэдийн анхааралд
Өнөөдөр1 цаг 56 минут

Даншиг наадамд улс, аймгийн цолтой 256 бөх зодоглоно
Өнөөдөр2 цагын өмнө

Улаанбаатар хотын тахилга шүтлэгт дөрвөн уулын тахилга болж байна
Тод мэдээ2 цаг 2 минут

“Дүнжингарав” худалдааны төвийн авто замын урд эгнээг хааж, шинэ...
Өнөөдөр5 цаг 38 минут

Улаанбаатарт өдөртөө 32 хэм дулаан
Өнөөдөр5 цаг 46 минут

УИХ: Өнөөдөр чуулганы нэгдсэн хуралдаанаар...
Тод мэдээ5 цаг 54 минут

Эрчим хүчний тухай хуульд нэмэлт, өөрчлөлт оруулах тухай хуулийн төс...
Өнөөдөр6 цагын өмнө

УБЦТС: Өнөөдөр хийгдэх засварын хуваарь
Өнөөдөр2025/06/26

УБЦТС: Энэ долоо хоногт хийгдэх засварын хуваарь
Тод мэдээ2025/06/26

10 дугаар хороолол орчимд 370 авто машины ил зогсоол барина
Тод мэдээ2025/06/26

ХӨСҮТ: Улаанбурхан өвчний лабораториор батлагдсан тохиолдол 9833 бол...
Өнөөдөр2025/06/26

УИХ: Өнөөдөр чуулганы нэгдсэн хуралдаанаар...
Тод мэдээ2025/06/26

УИХ-ыг Төрийн байгуулалтын байнгын хорооны даргаар Ц.Сандаг-Очирыг с...
Өнөөдөр2025/06/26

Улаанбаатарт өдөртөө 30 хэм дулаан
Өнөөдөр2025/06/25

УИХ: Өнөөдөр хуралдах байнгын хорооны хуралдаан, хэлэлцүүлэг, сонсго...
Тод мэдээ2025/06/25

УИХ: Өнөөдөр хуралдах ажлын хэсгүүд
Өнөөдөр2025/06/25

Улаанбаатарт өдөртөө 32 хэм дулаан
Тод мэдээ2025/06/25

Олон хүүхэд төрүүлж өсгөсөн эхийг урамшуулах тухай хуульд өөрчлөлт о...
Тод мэдээ2025/06/25

УИХ-ын эмэгтэй гишүүд ОУПХ-ны ажлын хэсгийн төлөөллийг хүлээн авч уу...
Тод мэдээ2025/06/25

ТББХ: УИХ-ын тухай хуульд нэмэлт, өөрчлөлт оруулах тухай гурван хуул...
Тод мэдээ2025/06/25

Монгол, Узбекистан Улс харилцааны түвшнийг ахиулж, “Иж бүрэн түншл...
Тод мэдээ2025/06/25

Ерөнхийлөгч У.Хүрэлсүх, Ш.Мирзиёев нар албан ёсны хэлэлцээ хийлээ
Тод мэдээ2025/06/25

Узбекистаны Ерөнхийлөгчийг албан ёсоор угтаж авлаа
Өнөөдөр2025/06/25

УБЦТС: Өнөөдөр хийгдэх засварын хуваарь
Тод мэдээ2025/06/24

Зөвшөөрөлгүй усан замын тээвэр хийсэн аж ахуйн нэгжүүдийн үйл ажилла...
Өнөөдөр2025/06/24

Зарим гудамж замуудын хөдөлгөөнийг түр хугацаанд хязгаарлаж хамгаала...
Тод мэдээ2025/06/24

Сэлэнгэ аймгийн Шаамар суманд гарсан ойн түймрийг бүрэн унтраалаа
Тод мэдээ2025/06/24

“Узбекистаны худалдааны төв” нээлтээ хийж, бизнес эрхлэгчдийн ха...
Тод мэдээ2025/06/24

ТЦА: Зам дээр дрифт хийсэн жолоочийн эрхийг гурван сараар хассан

Санал болгох