Дэлхий нийтээр..
Японы телевиз 2030-2040 он хүртэлх шилдэг техник технологийн шинэчлэлийн төлөвлөгөөгөө гаргажээ
"ABU" 62 дугаар чуулганы техникийн хорооны салбар хурлаар хэд хэдэн уриалга дэвшүүллээ. Дэлхий даяар хэвлэл мэдээллийн салбарт хиймэл оюун ухаан ашиглан цаг хугацаа хэмнэх, мэдээ мэдээлэл түгээхээс гадна уран бүтээл туурвиж байна.
Тиймээс хиймэл оюун ухааны шилдэг технологийг ашиглах, хөгжүүлэх, улам бүр боловсронгуй болгохын төлөө Ази, номхон холбооны өргөн бүсийн холбоонд нэгдсэн улс бүр хамтдаа хичээхийг уриаллаа.
Хиймэл оюун ухааны ямар ч төгс хэлбэр, хүний оролцоогүйгээр бүтэх боломжгүйг онцлоод энэ жилээс эхлэн "ABU" гийн шилдэг инженер шалгаруулах болсноо зарлалаа. Цаашлаад хиймэл оюун ухааныг хууль, эрх зүйн хүрээнд хэрхэн зөв зохистой ашиглах талаар санаа бодлоо хуваалцсан юм.
Энэхүү салбар хуралдааны үеэр Японы телевиз 2030-2040 он хүртэлх шилдэг техник технологийн шинэчлэлийн төлөвлөгөө гаргаснаа мэдэгдсэн. Харин Хятад улсын телевиз хуучны бичлэгээ хэрхэн сэргээн засварлах, он удаан жил зөв горимоор хадгалан ирээдүй хойчдоо үлдээх талаар судалгаа хийж байна гэлээ
Дэлхий нийтээр..
“Al Jazeera”-гийн сэтгүүлч амь үрэгдсэнд эмгэнэл илэрхийллээ
Газын зурваст ажиллаж байсан Al Jazeera телевизийн сэтгүүлч Вишах Израилын цохилтын үеэр амь үрэгдсэн талаар олон улсын хэвлэлүүд мэдээлж байна. Мэдээллээр, сэтгүүлч Вишах Газын зурваст болж буй үйл явдлыг сурвалжилж байх үед цохилтод өртсөн бөгөөд хамт ажиллаж байсан хэвлэл мэдээллийн ажилтнууд түүнийг эмгэнэн хүндэтгэл үзүүлжээ.
Газын сэтгүүлчид болон хэвлэл мэдээллийн байгууллагууд:
- Сэтгүүлчдийн аюулгүй байдлыг хангахыг
- Сурвалжлагчдыг онилохгүй байхыг
- Олон улсын байгууллагууд анхаарал хандуулахыг уриалсан байна.
Al Jazeera телевизийн зүгээс сэтгүүлчийн амь үрэгдсэнд эмгэнэл илэрхийлж, мөргөлдөөний бүсэд ажиллаж буй сэтгүүлчдийн аюулгүй байдлын асуудал улам ноцтой болж байгааг онцолжээ.
Сүүлийн саруудад Газын зурваст хэд хэдэн сэтгүүлч амь үрэгдсэн талаар олон улсын байгууллагууд анхааруулж байгаа бөгөөд хэвлэл мэдээллийн ажилтнууд мөргөлдөөний бүсэд хамгийн өндөр эрсдэлтэй нөхцөлд ажиллаж буйг тэмдэглэж байна.
Ойрхи Дорнодын нөхцөл байдал хурц хэвээр байгаа бөгөөд Газын зурваст агаарын цохилт, хуурай замын ажиллагаа үргэлжилсээр байна.
Дэлхий нийтээр..
НҮБ-ын төлөөлөгч Тегеранд очиж хохирлын нөхцөл байдалтай танилцлаа
НҮБ-ын тусгай төлөөлөгч Тегеран хотод ажиллаж, агаарын довтолгоонд өртсөн гэх иргэний байгууламжуудтай газар дээр нь танилцсан талаар олон улсын хэвлэлүүд мэдээлж байна.
Мэдээллээр НҮБ-ын төлөөлөгч Тегеран хотын хэд хэдэн дүүрэгт очиж, орон сууцны барилга, иргэний дэд бүтэц, боловсролын байгууллагуудад учирсан хохирлын талаар холбогдох албаныхнаас тодруулга авчээ. Зарим бүсэд дэлбэрэлтийн улмаас барилгын цонх хагарч, ойр орчмын байгууламжууд гэмтсэн гэх мэдээлэл гарсан байна.
НҮБ-ын төлөөлөгчийн энэ айлчлал нь агаарын довтолгооны үеэр иргэний байгууламжууд онилогдсон эсэхийг тодруулах, олон улсын хүмүүнлэгийн эрх зөрчигдсөн эсэхийг шалгах зорилготой гэж эх сурвалжууд мэдээлжээ.
Үүнтэй холбоотойгоор НҮБ нөхцөл байдлыг анхааралтай ажиглаж байгаа бөгөөд шаардлагатай тохиолдолд Аюулгүйн зөвлөлийн түвшинд асуудлыг хэлэлцэх боломжтой гэж үзэж байна.
Сүүлийн 12 цагийн хугацаанд Ираны хэд хэдэн хотод дэлбэрэлт болсон гэх мэдээлэл гарч, Тегеран хотын зарим дүүрэгт агаарын хамгаалалтын систем ажилласан тухай мэдээлэл мөн гарсан юм. Энэ нөхцөл байдалтай зэрэгцэн НҮБ-ын төлөөлөгч газар дээр нь ажилласан нь Ойрхи Дорнодын нөхцөл байдал шинэ шатанд шилжиж байгааг ажиглагчид онцолж байна.
Одоогоор Ираны тал хохирлын талаар дэлгэрэнгүй албан ёсны мэдээлэл гаргаагүй байгаа бөгөөд нөхцөл байдлыг олон улсын байгууллагууд үргэлжлүүлэн ажиглаж байна.
Дэлхий нийтээр..
Путин, Саудын Арабын хунтайж нар Ойрхи Дорнодод гал зогсоохыг уриалав
Владимир Путин болон Мухаммед бен Салман нар дөрөвдүгээр сарын 2-нд утсаар ярьж, Ойрхи Дорнодод үргэлжилж буй мөргөлдөөн, бүс нутгийн нөхцөл байдлын талаар хэлэлцжээ. Кремлийн мэдээлснээр хоёр тал гал зогсоох яаралтай шаардлагатай байгааг онцолж, мөргөлдөөнийг дипломат аргаар шийдвэрлэхийг уриалсан байна.
Ярианы үеэр, Ойрхи Дорнодын нөхцөл байдал дордож буй, болон энгийн иргэдийн хохирол нэмэгдэж, стратегийн дэд бүтцэд хохирол учирч байгаа асуудалд ноцтой санаа зовниж байгаагаа илэрхийлжээ.
Мөн бүх талын хууль ёсны ашиг сонирхлыг харгалзан үзэж, улс төр, дипломат хүчин чармайлтыг эрчимжүүлэх шаардлагатайг онцолсон байна. Түүнчлэн мөргөлдөөний улмаас:
- Эрчим хүчний үйлдвэрлэл
- Газрын тосны тээвэрлэлтийн аюулгүй байдал
- Дэлхийн эрчим хүчний зах зээл сөргөөр нөлөөлж болзошгүйг тэмдэглэжээ.
Ийм нөхцөлд ОПЕК+ хүрээнд Орос болон Саудын Араб-ын хамтын ажиллагаа дэлхийн газрын тосны зах зээлийг тогтворжуулахад чухал ач холбогдолтой гэж хоёр тал үзсэн байна. Ийнхүү Орос болон Саудын Арабын удирдагчид Ойрхи Дорнодын хурцадмал байдлыг намжаах, эрчим хүчний зах зээлийг тогтворжуулах чиглэлд хамтран ажиллах байр сууриа илэрхийллээ.
-
Үйл явдал2020/03/27
Тусгай үүргийн онгоцоор ирэх иргэдийн анхааралд
-
Тод зураг2019/12/06
Улаанбаатарт өдөртөө 9 хэм хүйтэн
-
Дэлхий нийтээр..2022/08/05
Австралид ажиллах болон амрах визийн зохицуулалтын хэрэгжилтийн талаар ярилцав
-
Үйл явдал2022/12/08
УИХ: Чуулганы нэгдсэн хуралдаанаар энэ долоо хоногт...