Тод мэдээ
“Хаппи веритас” ХХК-ийн нэхэмжлэлтэй захиргааны хэргийн шүүх хуралдаан дахин хойшиллоо
Засгийн газраас хэрэгжүүлж буй “Элэг бүтэн Монгол” үндэсний хөтөлбөрийн хүрээнд ЭМДЕГ-тай элэгний В, С вирусийн идэвхжил тодорхойлох шинжилгээний тусламж, үйлчилгээ үзүүлэх гэрээ байгуулан ажиллаж байсан “Хаппи Веритас“ ХХК-ийн үйл ажиллагаанд хийсэн шалгалтаар эрүүл мэндийн даатгалын байгууллагатай хийсэн гэрээний үүргээ зөрчиж, элэгний С вирусын идэвхжил тодорхойлох шинжилгээг 8700 гаруй хүнд хийхдээ сертификатгүй, зөвхөн судалгааны зориулалттай төхөөрөмжөөр хийсэн зөрчилд эрүүл мэндийн даатгалын улсын байцаагчийн актаар 876,7 сая төгрөгийн төлбөр гаргуулахаар шийдвэрлэсэн талаар бид мэдээлж байсан.
“Хаппи Веритас“ ХХК нь эрүүл мэндийн даатгалын санг хохиролгүй болгох уг шийдвэрийг хүлээн зөвшөөрөхгүй Нийслэл дэх Захиргааны хэргийн анхан шатны шүүхэд улсын байцаагчийн актыг хүчингүй болгуулах тухай нэхэмжлэлийг гаргасан бөгөөд хэрэг хянан шийдвэрлэх ажиллагаанд байна.
Тус хэргийн шүүх хурал “Хаппи Веритас“ ХХК-ийн хүсэлтээр удаа дараа хойшилж байгаа бөгөөд энэ сарын 06-ны өдөр болсон Нийслэлийн захиргааны хэргийг хянан шийдвэрлэх шүүх хуралдааны явцад “Хаппи Веритас“ ХХК хүсэлтийг хангахаас татгалзсан шүүгчийн захирамжид гомдол гаргана гэсэн үндэслэлээр шүүх хуралдааныг дахин хойшлууллаа.
Харин ЭМДЕГ-ын зүгээс шүүх хуралдааныг хойшлуулах хүсэлт огт гаргаагүй бөгөөд товлосон хугацаанд шүүх хуралдаанд тогтмол оролцож байна.
Эх сурвалж: ЭМДЕГ
Тод мэдээ
“Сөүлийн найрамдлын фестиваль” олон улсын арга хэмжээ үргэлжилж байна
БНСУ-ын Сөүл хотын захиргаанаас уламжлал болгон жил бүр зохион байгуулдаг “Сөүлийн найрамдлын фестиваль” олон улсын арга хэмжээ энэ сарын 25, 26-ны өдрүүдэд болж байна.
Уг фестивальд “Улаанбаатар театр” ОНӨТҮГ-ын уран бүтээлчид оролцож, Монгол Улсын үндэсний соёл, урлагийг сурталчилж байна.
Мөн Бээжин, Бангкок, Жакарта, Вьентьян, Веллингтон, Хаккайдо, Лима зэрэг 10 хотын 110 гаруй уран бүтээлчид оролцож, өөрсдийн улс, үндэстний соёл, урлагийг сурталчилж байгаа нь онцлог юм.
Ташрамд, Улаанбаатар болон Сөүл хотууд 1995 онд анх найрсаг харилцаа тогтоосон түүхтэй юм. Энэ онд хоёр хотын ах дүүгийн харилцаа тогтоосны 30 жилийн ой энэ жил тохиож байна. Хоёр хот соёл, урлаг, аялал жуулчлал, боловсрол, эрүүл мэнд зэрэг олон салбарт найрсаг харилцаа, хамтын ажиллагааг өргөжүүлж байгаа билээ.
Тод мэдээ
АИ-92 шатахууны үнийг литр тутамд 200 төгрөгөөр нэмжээ
Ерөнхий сайдын дэргэдэх Эдийн засгийн зөвлөхөөс АИ-92 шатахууны үнийг 200 төгрөгөөр нэм гэсэн үүрэг өгч, угаас алдагдалтай байсан шатахуун импоргтлогч компаниуд алгаа ташин хүлээн авсан гэсэн мэдээлэл байна. Энэ нь Засгийн газрыг унагахтай зэрэгцэн хийж буй акц уу, эс бөгөөс цаг үетэй давхардан ийм шалтаг шалтгаан үүсэв үү гэдэг нь тодорхойгүй байна.
Тод мэдээ
Бүгд Найрамдах Австри Улсын Ерөнхийлөгч Монгол Улсад өнөөдөр айлчилна
Монгол Улсын Ерөнхийлөгч Ухнаагийн Хүрэлсүхийн урилгаар Бүгд Найрамдах Австри Улсын Ерөнхийлөгч Александр Ван дер Беллен 2025 оны тавдугаар сарын 25-28-ны өдрүүдэд төрийн айлчлал хийнэ.
Айлчлалын үеэр төрийн тэргүүн нар албан ёсны хэлэлцээ хийж, харилцаа, хамтын ажиллагааг өргөжүүлэх, эдийн засаг, хөрөнгө оруулалт, уур амьсгалын өөрчлөлт, цөлжилттэй тэмцэх зэрэг даян дэлхийн тулгамдсан асуудлуудыг шийдвэрлэхэд хамтын хувь нэмрээ оруулах, тогтвортой хөгжлийн зорилтуудыг хангах зэрэг чиглэлээр ярилцана.
Айлчлалын үеэр Монгол-Австрийн Хамтарсан тунхаглал болон харилцаа, хамтын ажиллагааг нийгмийн хамгаалал, санхүү, ашигт малтмал, шинжлэх ухаан, соёл, урлаг зэрэг салбарт гүнзгийрүүлэхтэй холбоотой баримт бичгүүдэд гарын үсэг зурж, хэвлэл мэдээллийн байгууллагын төлөөлөлд мэдээлэл өгнө.
Монгол Улс, Бүгд Найрамдах Австри Улсын хооронд 1963 оны 07 дугаар сарын 01-ний өдөр дипломат харилцаа тогтоосон. Бүгд Найрамдах Австри Улсын төрийн тэргүүн манай улсад анх удаа айлчилна.
-
Тод мэдээ2022/11/25
Ослоос зайлсхийхийн тулд өмнөө яваа тээврийн хэрэгслээс 4 секундийн зай барихыг ...
-
Тод мэдээ2021/11/29
Эрүүл мэндийн сайд С.Энхболд "Амгалан" амаржих газарт ажиллалаа
-
Тод мэдээ2022/09/05
БНХАУ-ын БХАТИХ-ын Байнгын хорооны дарга Ли Жаньшу Монгол Улсад албан ёсны айлчл...
-
Тод мэдээ2021/03/30
УИХ-ын гишүүн Э.Бат-Амгалан Баянзүрх дүүргийн эрүүл мэндийн төвд тулгамдсан түрг...