Бидэнтэй нэгдэх

Өнөөдөр

Явган зорчигч руу ус цацвал 100 мянган төгрөгөөр торгоно

Огноо:

,

Сэтгүүлч:

Хур борооноос үүдэн зам талбайд ус тогтдог. Энэ үед зарим жолооч нар явган зорчигч руу санаатайгаар ус цацсан гэх гомдол тасардаггүй ирдэг. Хэрэв жолооч та санаатайгаар явган зорчигч руу ус цацсан бол 100 мянган төгрөгөөр торгуулах аж. Энэ талаар Тээврийн цагдаагийн албанаас дараах тайлбарыг өгч байна.
 
Явган зорчигч руу ус цацсан жолоочид тооцдог арга хэмжээ гэж бий юү?

Монгол Улсын Замын хөдөлгөөний дүрмийн 1.3. –т “Замын хөдөлгөөнд оролцогч нь аюул, хохирол учруулахгүй, хөдөлгөөнд осолтой байдал бий болгохгүйгээр зорчино.” гэж заасан байдаг тул жолооч нь бороо ороогүй үед замын зорчих хэсэгт тогтсон устай хэсгээр аль болох хурдаа хасч, зорчих хэсгийн хажуугийн явган хүний замаар яваа явган зорчигч руу тогтоол усыг санаатайгаар цацаж тэднийг айлгах цочоох, хувцас эд зүйлийг нь бохирдуулах зэргээр аюул, хохирол учруулахгүйгээр зорчих шаардлагатай юм.

 
Учир нь замын хөдөлгөөний дүрмийн 1.5.-т “Замын хөдөлгөөнд оролцогч нь энэ дүрмийн өөрт хамаарах заалт, шаардлагыг мэддэг, сахин биелүүлдэг байвал зохино.”, мөн дүрмийн 1.6.-т “Замын хөдөлгөөний дүрэм зөрчсөн этгээдэд холбогдох хууль тогтоомжийн дагуу хариуцлага хүлээлгэнэ.” гэж заасны дагуу санаатайгаар явган зорчигч руу замын зорчих хэсэгт тогтсон усыг тойрч гарах, эсхүл хурд багатай аюул, осолтой байдал үүсгэхгүйгээр зорчих боломжтой байдал түүнийгээ биелүүлээгүй бол дээрх замын хөдөлгөөний дүрмийн 1.3-т заасныг зөрчсөн гэж үзэж Монгол улсын Зөрчлийн тухай хуулийн 14.7.51.-т заасны дагуу “Жолооч замын хөдөлгөөний дүрэм зөрчиж бусдын эрүүл мэнд, эд хөрөнгөд хохирол учруулсан нь эрүүгийн хариуцлага хүлээлгэхээргүй бол хүнийг 100.000 төгрөгөөр торгоно.” гэсэн хуулийн зохицуулалттай.
 
Харин уг авто замын ус зайлуулах шүүрт худгийн таг алга болсон, эвдэрсэн, замын зорчих хэсгийн түвшингээс дээш байрлаж тогтсон усыг зайлуулах боломжгүй буруу тавигдсан бол Монгол Улсын Зөрчлийн тухай хуульд заасны дагуу 14.5. 8.-т заасны дагуу “3ам дээр хийгдсэн үзлэгийн, шүүрт худгийн таг алга болсон, эвдэрсэн, замын зорчих хэсгийн түвшинтэй нэг түвшинд байрлуулаагүйгээс зам тээврийн осол, зөрчил гарах нөхцөлийг бүрдүүлсэн бол хариуцсан аж ахуйн нэгж байгууллагаар учруулсан хохирол, нөхөн төлбөрийг гаргуулж хүнийг 100.000 төгрөгөөр, хуулийн этгээдийг 1.000.000 төгрөгөөр торгоно.” хуулийн зохицуулалттай болно.

Жолоочийн зохисгүй үйлдэлд өртсөн иргэн хаана хандах вэ?

 
Тухайн зөрчлийн талаар холбогдох нотлох баримт болох зам дээр тогтсон тогтоол усны болон тухайн хэсгийг автомашинтай иргэд тойроод гарах боломж байсан эсэх харуулсан дүрс бичлэг, фото зураг, ус цацсан гэх автомашины зураг зэргийг хавсарган харьяа нутаг дэвсгэрийн замын цагдаагийн нэгжид бичгээр өргөдөл гарган шалгуулах боломжтой.
 
Хэрэв санаатайгаар тань руу ус цацсан нь тогтоогдвол тухайн жолоочид арга хэмжээ тооцох боломжтой. Харин тус үйл явдал болох үед бороо орж байсан, замын эвдрэл нүхэнд тогтсон ус дугуйн доргилтын улмаас цацагдсан зэргээр жолоочийн санаатай бүдүүлэг үйлдлээс шалтгаалаагүй бол жолоочид арга хэмжээ тооцох боломжгүй болно.
Дэлгэрэнгүй унших
сурталчилгаа

Сэтгэгдэл

Өнөөдөр

Улаанбаатарт өдөртөө 11 хэм дулаан

Огноо:

,

Малч­ид, иргэд, хадланчид, тариаланчдын анхааралд: Өнөөдөр нутгийн өмнөд хэсгээс эхлэн бага зэрэг дулаарна.


2023 оны есдүгээр сарын 29-ний 08 цагаас 20 цаг хүртэл: Нутгийн баруун хагаст багавтар үүлтэй. Бусад нутгаар үүлэрхэг. Төвийн аймгуудын зүүн хэсэг, зүүн аймгуудын нутгийн зарим газраар бороо, нойтон цас, цас орно.

Нутгийн зүүн хэсгээр баруун өмнөөс баруун хойш эргэж, бусад нутгаар баруун хойноос секундэд 5-10 метр, говь, талын нутгаар түр зуур секундэд 13-15 метр хүрч ширүүснэ.

Монгол-Алтай, Хангай, Хөвсгөлийн уулархаг нутаг, Завхан голын эх, Идэр, Байдраг голын хөндийгөөр 1-6 хэм, Хэнтийн уулархаг нутаг, Тэс, Эг, Үүр, Туул, Тэрэлж голын хөндийгөөр 7-12 хэм, говийн бүс нутгийн баруун өмнөд хэсгээр 16-21 хэм, бусад нутгаар 10-15 хэм дулаан байна.


УЛААНБААТАР ХОТ ОРЧМООР: Үүлэрхэг. Хур тунадас орохгүй. Салхи баруун хойноос секундэд 6-11 метр. 9-11 хэм дулаан байна.

БАГАНУУР ОРЧМООР: Үүлэрхэг. Хур тунадас орохгүй. Салхи баруун хойноос секундэд 6-11 метр. 8-10 хэм дулаан байна.

ТЭРЭЛЖ ОРЧМООР: Үүлэрхэг. Хур тунадас орохгүй. Салхи баруун хойноос секундэд 5-10 метр. 7-9 хэм дулаан байна.


2023 оны 09 дүгээр сарын 30-наас 10 дугаар сарын 04-нийг хүртэлх
цаг агаарын урьдчилсан төлөв

10 дугаар сарын 1-нд баруун аймгуудын нутгийн зарим газраар, 2-нд нутгийн хойд хэсгээр, 3-нд төв болон зүүн аймгуудын нутгийн хойд хэсгээр бороо, нойтон цас, цас орно. Салхи ихэнх хугацаанд секундэд 6-11 метр, 3-нд говь, тал, хээрийн нутгаар түр зуур секундэд 16-18 метр хүрч ширүүснэ. 30-наас ихэнх нутгаар өдөртөө бага зэрэг дулаарч Алтай, Хангай, Хөвсгөлийн уулархаг нутаг, Завхан голын эх, Хүрэнбэлчир орчим, Идэр, Тэс голын хөндийгөөр шөнөдөө 6-11 хэм хүйтэн, өдөртөө 3-8 хэм дулаан, Хэнтийн уулархаг нутаг, Эг, Үүр, Хараа, Ерөө, Туул, Тэрэлж голын хөндийгөөр 1-6 хэм хүйтэн, өдөртөө 8-13 хэм, говийн бүс нутгийн өмнөд хэсгээр шөнөдөө 4-9 хэм, өдөртөө 17-22 хэм, бусад нутгаар шөнөдөө 1 хэм хүйтнээс 4 хэм, өдөртөө 12-17 хэм дулаан байна. 2-нд нутгийн хойд хэсгээр, 3-нд нутгийн зүүн хэсгээр сэрүүснэ. 

Дэлгэрэнгүй унших

Өнөөдөр

Булган аймагт нийт ашигт малтмалын 87 тусгай зөвшөөрөлтэй

Огноо:

,

Байгаль орчин, аялал жуулчлалын Сайдын "Эрүүл аюулгүй-цэвэр орчин" бүрдүүлэх 2023 оны 02 дугаар албан даалгаврыг хэрэгжүүлэх ажлын хүрээнд сумдад 14 хог тээвэрлэх автомашин, 2 бохир соруулах автомашин нийлүүлсэн.
 
БОАЖ-ын Сайдын 04 дүгээр албан даалгаврын хүрээнд 16 сум 1 тосгоны хэмжээнд хаврын бүх нийтийн хог цэвэрлэгээнд 14902 га газрын 1498 тн хог хаягдлыг цэвэрлэж 26.976.635 төгрөгийг зарцуулсан. Үүнээс суурин газрын 8317 га талбай 564.6 тн, гол горхи, булаг шандын 1245 га талбайн 126 тн, айл өрхийн гудамжны 3045 га талбайн 626 тн, улсын болон орон нутгийн зам дагуух 2295 га талбайн 801 тн, ангилан ялгасан 653 тн хог хаягдлыг цэвэрлэв.
 
Аймгийн хэмжээнд ангилан ялгаж хоёрдогч түүхий эдийн цэгт 16 тн хуванцар, 10 тн лааз, 561 ширхэг шил, бохир хуванцар, гялгар уут, бор картон цаас гэх мэт бусад 66.8 тн нийт 92 тн хог хаягдлыг эдийн засгийн эргэлтэд оруулсан.
 
2023 оны 09 дүгээр сарын байдлаар Булган аймагт нийт ашигт малтмалын 87 тусгай зөвшөөрөл байгаагаас 30 хайгуулын тусгай зөвшөөрөл, 57 ашиглалтын тусгай зөвшөөрөл байна.
 
Булган аймгийн хэмжээнд уул уурхай, ашигт малтмалын олборлолт болон дэд бүтэц бүтээн байгуулалтын үйл ажиллагааны улмаас нийт 350 орчим га талбай эвдрэлд өртсөн байна. “Нөхөн сэргээлт-2024” нэгдсэн арга хэмжээний хүрээнд 2021 онд техникийн 184,8 га, биологийн 139,9 га, 2022 онд техникийн нөхөн сэргээлт 161 га, биологийн нөхөн сэргээлт 114 га талбайд хийсэн байна. Ашигт малтмалын ашиглалтын 57 тусгай зөвшөөрөл байгаагаас 2023 оны Байгаль орчны менежментийн төлөвлөгөөг 8 аж ахуйн нэгж буюу "Гэрэлт шинэчлэл" ХХК, "Хантэнгэрийн дуудлага" ХХК, "Батбродерс майнинг" ХХК, “Мөнх нархан орд” ХХК, "Платинум Ланд" ХХК, “ГБНБ” ХХК, "Өгөөжбаян хангай" ХХК зэрэг 7 алтны ордыг ашиглах төсөл, "Илчит металл" ХХК-ийн эрээн чулуун нүүрсний ордыг ашиглах төслүүд тус тус батлуулсан байна.
 
Эх сурвалж: БОАЖЯ
Дэлгэрэнгүй унших

Өнөөдөр

Үс шинээр үргээлгэх буюу засуулбал өлзийтэй сайн

Огноо:

,

Аргын тооллын 2023 оны есдүгээр сарын 29. Баасан гараг. Билгийн тооллын XVII жарны “Үзэсгэлэн болгогч” хэмээх усан туулай жилийн Намрын дунд цагаагчин тахиа сарын шинийн 15. Сугар гараг. Могойг хүлэгч одтой, таван шар мэнгэтэй, цагаан бар өдөр.

Өдрийн наран 6 цаг 48 минутад мандан, 18 цаг 38 минутад жаргана. Тухайн өдөр морь, нохой жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй.

Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, сүм дуганыг сэргээх, амилуулах, өглөгийн түллэг хийх, хишиг дуудуулах, хот балгадын үйл, цэрэг, цагдаагийн үйл, андгай тангараг, гэрээ, хэлцлээ буцаахад сайн. Гөлөг тэжээх, золиг гаргах, бомбын үйл, хүүхэд хөлд оруулахад муу.

Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод баруун урагш мөрөө гаргавал зохистой. Үс шинээр үргээлгэх буюу засуулбал өлзийтэй сайн хэмээжээ.

Дэлгэрэнгүй унших
сурталчилгаа
Өнөөдөр2023/09/28

Улаанбаатарт өдөртөө 11 хэм дулаан

Тод мэдээ2023/09/29

"Мал аж ахуйн тогтвортой өөрчлөлт” олон улсын анхдугаар б...

Тод мэдээ2023/09/29

“Шударга байдлын үнэлгээ” судалгааны мэдээллийг бүрэн цу...

Тод мэдээ2023/09/29

Төмөр замын тээврийн тухай хууль 2024 оны нэгдүгээр сарын 1-ний өдрө...

Тод мэдээ2023/09/29

Гурван улсын тээвэр ОХУ-ын Новосибирск хотод хүрлээ

Тод мэдээ2023/09/29

“Улаанбаатар бонд” өрийн хэрэгсэл шинээр бүртгэгдлээ

Тод индэр2023/09/29

Л.Оюун-Эрдэнэ: Аялал жуулчлалын гол бүс Ханх-Хатгал чиглэлд хатуу ху...

Тод мэдээ2023/09/29

"Цахимаар үйлдэгдэж буй хүн худалдаалах гэмт хэргийг илрүүлэх, ...

Өнөөдөр2023/09/29

Булган аймагт нийт ашигт малтмалын 87 тусгай зөвшөөрөлтэй

Тод мэдээ2023/09/29

“ХАА салбарын санхүүжилтийн шинэ гарц, шийдэл” форум зох...

Өнөөдөр2023/09/29

Үс шинээр үргээлгэх буюу засуулбал өлзийтэй сайн

Тод мэдээ2023/09/28

Үндэсний их баяр наадмыг зохион байгуулах хорооны хурал боллоо

Тод индэр2023/09/28

Цөмийн зэвсгийг бүрэн устгах олон улсын өдрийг тэмдэглэх өндөр түвшн...

Тод мэдээ2023/09/28

Л.Оюун-Эрдэнэ Хөвсгөл аймагт ажиллаж байна

Тод мэдээ2023/09/28

Эрдэнэс Тавантолгой ХК 20 сая дахь тонн нүүрсээ борлууллаа

Өнөөдөр2023/09/28

НИТХ: Эдийн засаг, төсвийн хорооны өргөтгөсөн хурал боллоо

Тод мэдээ2023/09/28

“Монгол-Оросын хамтарсан комиссын XIX хуралдаан” эхэллээ...

Тод мэдээ2023/09/28

“Сэлбэ дунд” голын хамгаалалтын бүсийг орон нутгийн тусг...

Тод мэдээ2023/09/28

УИХ-ын Тамгын газрын удирдлагууд ахмадууддаа хүндэтгэл үзүүллээ

Өнөөдөр2023/09/28

ГССҮТ: “Yuang Rung” эмнэлэгтэй хамтын ажиллагааны гэрээг...

Өнөөдөр2023/09/28

Үс шинээр үргээлгэх буюу засуулбал эд, мал арвидна

Тод мэдээ2023/09/27

Хүнсний ногооны хураалт 40.1 хувьтай байна

Чөлөөт бүс2023/09/27

Тарьсан модоо өвөлд хэрхэн бэлдэх вэ

Тод мэдээ2023/09/27

Монгол Улсад архи, согтууруулах ундааны хэрэглээ буурчээ

Тод мэдээ2023/09/27

УЕПГ: Авлига, албан тушаалтантай холбоотой 6 хэргийг шүүхэд шилжүүлэ...

Өнөөдөр2023/09/27

УИХ дахь улстөрийн намуудын төлөөлөл ХБНГУ-д ажиллаж байна

Тод мэдээ2023/09/27

Цоохор ирвэс айлын хотонд орж, мал барьжээ

Тод мэдээ2023/09/27

Монгол Улс, БНСУ хоорондын эдийн засгийн түншлэлийн хэлэлцээрийн яри...

Тод мэдээ2023/09/27

Ажил гүйцэтгээгүй гүйцэтгэгчтэй байгуулсан гэрээний гүйцэтгэлийг дүг...

Тод мэдээ2023/09/27

Хөх хотод 30 сувилагч суралцаж байна

Санал болгох