Бидэнтэй нэгдэх

Тод индэр

Мэдэгдэл

Огноо:

,

Сэтгүүлч:

Сүүлийн үед олон нийтийн сүлжээгээр “Өргөн нэвтрүүлгийн хууль батлагдсанаар Үндэсний телевизийн сарын хураамж 20,000 төгрөг болно гэнэ” гэсэн худал мэдээлэл цацагдаж олон нийтийг эргэлзээнд оруулж байгаа тул дараах мэдэгдлийг гаргаж байна.

МҮОНРТ нь 2005 оноос эхлэн Олон нийтийн радио телевизийн тухай хуулийн дагуу үйл ажиллагаагаа явуулж эхэлсэн. Энэхүү хуулийн 17.1.1-д “МҮОНРТ-ийн санхүүжилтийн нэг эх үүсвэр нь радио, телевизийн нэвтрүүлгийн үйлчилгээний хөлс байна”, 18.1-д “Олон нийтийн радио, телевизийн нэвтрүүлгийн үйлчилгээний хөлсийг нийтийн антенн, өөрийн сансрын хүлээн авах, нэвтрүүлэх станц, кабелийн телевизийн шугамтай эсэхээс үл хамааран айл өрхөд болон байгууллага, аж ахуйн нэгжид радио-хүлээн авагч, телевизор тус бүрээр тооцон ногдуулна” заасан байдаг.

Монгол Улсын Засгийн газрын 2000 оны 28 дугаар тогтоолоор “Телевизийн нэвтрүүлгийн үйлчилгээний хөлсийг айл өрх, аж ахуйн нэгж байгууллага, хувь этгээдээс хураан төвлөрүүлэх журам” батлагдсан. Энэхүү журмын дагуу Радио, телевизийн хэрэг эрхлэх газрын даргын 2001 оны 403 тоот тушаалаар Улаанбаатар хот, түүний дүүрэгт оршин суух айл өрх, хувь иргэдээс 1,100 төгрөг, албан байгууллагаас 1,650 төгрөг, аймгийн төвийн айл өрх, хувь этгээдээс 850 төгрөг, албан байгууллага, аж ахуйн нэгжээс 1,200 төгрөг, сум багийн айл өрх, хувь этгээд, албан байгууллага, аж ахуйн нэгжээс 600 төгрөгийн телевизийн нэвтрүүлгийн үйлчилгээний хөлсийг сар бүр авахаар тогтоосон нь одоог хүртэл хүчин төгөлдөр мөрдөгдөж байгаа бөгөөд айл өрхийн сарын цахилгааны төлбөр дээр нэмж авах байдлаар төвлөрүүлдэг.

2019 оны 12 дугаар сарын 12-ны өдөр батлагдаж, 2020 оны 07 дугаар сарын 01-ний өдрөөс дагаж мөрдөж эхэлсэн Өргөн нэвтрүүлгийн тухай хуулиар өргөн нэвтрүүлгийн үйлчилгээ эрхлэх эрх зүйн үндсийг тодорхойлж, зах зээлийн шударга өрсөлдөөний таатай орчныг бүрдүүлэх, үндэсний болон нийтийн ашиг сонирхолд нийцсэн өргөн нэвтрүүлгийн үйлчилгээ эрхлэхтэй холбогдсон харилцааг зохицуулдаг. Өргөн нэвтрүүлгийн тухай хуулийн 3.1-д “Олон нийтийн радио, телевизийн үйл ажиллагаатай холбогдох харилцааг Олон нийтийн радио, телевизийн тухай хуулиар зохицуулна” гэж заасан. Өөрөөр хэлбэл МҮОНРТ-ийн үйл ажиллагааг зөвхөн Олон нийтийн радио, телевизийн тухай хуулиар зохицуулахаар хуульчилсан.

Иймд Өргөн нэвтрүүлгийн хууль батлагдаж мөрдөгдсөнөөр МҮОНРТ-ийн нэвтрүүлгийн үйлчилгээний хөлс буюу хураамж нэмэгдэхгүй хэвээр байгаа гэдгийг албан ёсоор мэдэгдэж байна.

Монголын Үндэсний Олон Нийтийн Радио, Телевиз

Дэлгэрэнгүй унших
сурталчилгаа
Монгол Улсын Их Хурлын 2020 оны сонгуулийн санал хураалт дуусах хүртэл сайтын сэтгэгдэл бичих талбарыг түр хаасан тул хүлцэл өчье. TODOTGOL.MN сайтын редакц

Тод индэр

Тэтгэлэгт хамрагдсан 24 оюутан батламжаа гардан авлаа

Огноо:

,

Орон нутагт дутагдалтай хүний нөөцийг бүрдүүлэх тэтгэлэгт хөтөлбөрийг Өмнөговь аймагт 4 дэх жилдээ хэрэгжүүлж байна. Тус хугацаанд давхардсан тоогоор 349 оюутан хамрагдаж сургалтын төлбөрөө 100 хувь төлүүлэн суралцаж байгаа бол энэ жил шинээр 24 оюутан хамрагдахаар гэрээ байгуулав.

Малын эмч, төмөр зам, хүний их эмч, бага ангийн багш, дуу хөгжмийн багш зэрэг орон нутагт дутагдалтай мэргэжлээр сурч байгаа оюутнууд хамрагдсан байна. Тэд 2.8 голч буюу түүнээс дээш үнэлгээтэй суралцах ёстой. Сурч байх хугацааны сургалтын төлбөрийг орон нутаг бүрэн хариуцаж төлнө. Харин төгсөж ирэхэд нь орон нутагтаа заавал ажиллуулах ба ажлын байранд зуучилж өгөх юм.
Дэлгэрэнгүй унших

Тод индэр

Бог малыг угаах, хашаа хороог ариутгах ажлыг аймгийн хэмжээнд эхлүүлэв

Огноо:

,

Мал эрүүл бол хүнс эрүүл. Өмнөговь аймгийн Засаг даргын үйл ажиллагааны хөтөлбөрт мал сүргийг угаах, хашаа хороог ариутгах ажлыг тусгасан. Бодит ажил хэрэг болгон хэрэгжүүлж байгаа бөгөөд аймгийн 2,9 сая толгой бог малыг угаах, 5764 хашаа хороог ариутгах ажлыг зохион байгуулж байна.

Энэхүү ажлыг хийснээр мал сүргийг гадны шимэгч хорхойн өвчнөөс урьдчилан сэргийлэх, эрүүлжүүлэхэд ач холбогдолтой юм. Мөн өвөлжөө бууц, хашаа хорооны ариутгал халдваргүйтгэлийг хийсний үр дүнд шимэгч хорхойн өвчнийг үүсгэгчийг устгах, халдвар тархах замыг таслан зогсооход нөлөөлнө.
Дэлгэрэнгүй унших

Тод индэр

“Говийн оюутан-2” төслийн эзэд шалгарлаа

Огноо:

,

Оюутнуудын суурь ур чадварыг нэмэгдүүлж, зөв зүйлд сэдэлжүүлэх нэгдсэн зорилго дор хэрэгжсэн “Говийн оюутан-2” зорилтот төслийг Өмнөговь аймгийн оюутны холбооноос санаачлан “Төгс Голомт” ТББ-тай хамтран Өмнөговь аймгийн Засаг Даргын Тамгын Газрын дэмжлэгтэйгээр хэрэгжүүлэн зохион байгуулагдаж дүнгээ гаргалаа.
 
ТЭРГҮҮН БАЙР: Даланзадгад 4-р багийн SG travel application-ны төсөл. Уг application нь Өмнөговийн үзэсгэлэнт газруудын танилцуулга, буудал, бааз, ресторан, спорт заалны мэдээлэл, захиалгыг нэр дор нэгтгэснээрээ онцлог байсан төдийгүй багийн гишүүд 1 сарын дотор design, code-оо өөрсдөө хийж гүйцэтгэсэн нь Говийн оюутнуудын бүтээлч байдал, ур чадвар хэр хөгжиж буйг харуулсан төсөл байлаа
.
ДЭД БАЙР: Даланзадгад 5-р багийн Хөгжлийн бэрхшээлтэй иргэдэд зориулсан хувцас, сургалтын төсөл. Олон нийтийн нөлөөллийн ажлаа Хөгжлийн бэрхшээлтэй иргэдийн эрх ашгийг хамгаалахад чиглэн амжилттай гүйцэтгэсэн энэ баг төслийн ажлаа ч мөн хөгжлийн бэрхшээлтэй иргэдэд зориулан гүйцэтгэжээ. Дээрх багийн оюутнуудын хэрэгжүүлсэн төсөл нь хөгжлийн бэрхшээлтэй иргэдэд зориулсан тусгай хувцасны төсөл байсан ба энэ нь шинэлэг, өвөрмөц, хүндээ хэрэгтэй төсөл байснаараа онцлог байлаа.
 
ГУТГААР БАЙР: Даланзадгад 8-р багийн Бялдаржуулах Кардио талбайн төсөл. Аймгийн угтах хаалганы хойно байрлах бялдаржуулах дасгалын төхөөрөмжүүд бол 8-р багийн оюутнуудын гүйцэтгэсэн төслийн ажил юм. Кардио талбайн төсөл нь хүний хүсэл, хэрэгцээг хангасан, залуусыг зөв зүйлд уриалсан, Өмнөговьчуудын амьдралын зөв хэвшилд нэмэр боллоо.
Дэлгэрэнгүй унших
сурталчилгаа
Чөлөөт бүс1 цаг 29 минут

Хувцасныхаа шошгыг тайлж уншихын учир...

Чөлөөт бүс1 цаг 33 минут

Хүний тархитай холбоотой зарим сонирхолтой баримтууд

Чөлөөт бүс1 цаг 40 минут

Эмэгтэйчүүдэд зориулсан хэдэн зөвлөгөө

Тод мэдээ1 цаг 52 минут

Монгол, Киргизийн цахим уулзалт болов

Тод индэр2 цаг 1 минут

Тэтгэлэгт хамрагдсан 24 оюутан батламжаа гардан авлаа

Тод индэр2 цаг 4 минут

Бог малыг угаах, хашаа хороог ариутгах ажлыг аймгийн хэмжээнд эхлүүл...

Тод индэр2 цаг 7 минут

“Говийн оюутан-2” төслийн эзэд шалгарлаа

Тод мэдээ2 цаг 10 минут

Орон нутгийн зорчигч тээврийн үйлчилгээг сайжруулна

Тод мэдээ2 цаг 16 минут

Өвөлжилтийн бэлтгэл хангах ажлын төлөвлөгөөг баталж хэрэгжүүлэхээр б...

Тод мэдээ2 цаг 21 минут

Агаарын чанарын бүсийг шинэчлэн тогтооно

Тод мэдээ2 цаг 23 минут

Соёлын өвийн бүртгэл, хамгаалалтад авах шаардлагатай 41 барилга байн...

Тод мэдээ2 цаг 28 минут

Цэцэрлэгийн бүртгэл, элсэлтийг энэ жил цахимаар зохион байгуулахгүй

Санал болгох