Бидэнтэй нэгдэх

Чөлөөт бүс

Пол Гоген : Бид өөр дээрээ мэдрэхээс нааш тэнэглэлийг ойлгодоггүй

Огноо:

,

Сэтгүүлч:

Яаж ч бодоод тайлбарлах аргагүй, ухаан санаа, тэргүүнд багтамгүй хачин давхцал, тэнэглэлүүд хүний амьдралд тохиолдож байдаг. Эрхэм та уншаад стрессээ тайлаарай. Стресс үгүй бол амьдрал сайхан. Бас өөрт тохиолдсон зүйлээ бичээрэй.


Ш.Мюллер гэгч эмэгтэй тархины гэмтэлтэй, Т.Вегас гэгч эр тархины хөнгөн доргилттой, Б.Коркоран гэгч эр буйлны ноцтой гэмтэлтэй, П.Клесик гэгч эм баруун гарын хоёр хуруугүй болж эмнэлэгт иржээ.

Тодруулбал, Мюллер авхай нөхрөө ажилд нь машинаараа дөхүүлж үүдэнд нь ирээд түр баяртай гэж хэлээд үнсэхтэйгээ зэрэгцэн түрхэн зуур цээжээ нөхөртөө ил гарган харуулж, бяцхан айлгүйтээд авч л дээ. Яг энэ үед хажуугаар нь гарч явсан таксины жолооч Т.Вегас нь бүсгүйн нүцгэн цээжийг гэнэт хараад анхаарал алдан замын хажууд байсан шүдний эмнэлгийн ханыг мөргөж орхив. Эмнэлгт хүний шүд үзэж байсан эмч П.Клесик машин мөргөхөд үүссэн доргилтоос болж цочихдоо эмчлүүлэгч Коркораны буйлыг санамсаргүйгээр хүчтэй сэтгэн хатгаж гэмтээхэд Коркоран өвдсөндөө өөрийнх эрхгүй шүдээ тас зуугаад Клесик эмчийн хоёр хурууг тас хазаж орхижээ. Харин мөргөх үед шүдний эмнэлгийн хананаас багагүй хэлтэрхий бүлт үсрэд нүцгэн цээжээ нөхөр сэм харуулан айлгүйтсэн Ш.Мюллер бүсгүйн толгой дээрээс унаж тархины гэмтэл учруулсан байна.

Үүнээс ч тэнэг хачин тэнэг хэрэг бас гарна. Жишээлэхэд, Артур де Соузу Коэльо гэгч бразил эр 2010 оны нэгдүгээр сард машинаа хулгайгаас сэргийлэх мэргэн арга сэджээ. Түүний амьдардаг дүүрэгт нь машины хулгайч дэндүү олон болохоор ямар нэг арга сэдэхээс өөр гарцгүй байж л дээ. Ингээд ням гарагийн орой тэрээр гэрийнхээ үүдэнд тавьсан машинаа тойруулан төмөр торон хашаа хийгээд түүнээ өндөр хүчдэлд залгасан байна. Сайхан унтаж амраад даваа гарагийн өглөө ажилдаа явахаар гэрээс гараад харамсалтайгаар амиа алджээ. Яасан бэ гэхээр ням гарагийн орой нам унтаад өглөө сэрэхдээ машинаа тойруулан барьсан төмөр хашаагаа өндөр хүчдэлд залгасан гэдгээ таг мартан барьж аваад цахилгаанд цохиулсан хэрэг.

Ер нь санаад оромгүй элдэв тэнэг үйлдэл хийхэд хүргэдэг хамгийн гол зүйл нь архи, согтууруулах ундаа байдаг. Үүний нэг жишээ бол Америкийн бөглүү нутгийн хоёр ковбойд тохиолдсон энэ явдал юм. Хэргийн эзэн хоёр эрийн амьдардаг нутаг дахь суурин утсан холбооны компани шугамаа шинэлчэн сольж эхэлжээ. Ингэхдээ нэг хэсэг газар кабель зам доогуур тавигдах ёстой болов. Кабель тавьж байсан ажилтнууд эхлээд замын талыг нь гүнзгийлэн ухаад кабелийнхаа талыг нь тавьчихаад, нөгөө талыг машин гаргах зай үлдээв. Тэгээд ухсан хэсгийн тойруулан элдэв алаг тууз татаж, анхааруулах тэмдэгийг гамгүй өрж хаагуур эргэн тойрохыг сайтар заасан байжээ.

Гэтэл өглөө нь тэр нутгийн шериф буюу манайхаар бол хэсгийн төлөөлөгчийг кабель тавихаар ухсан нүхэнд машин уначихсан байна гэсэн мэдээ иржээ. Хэргийн газар ирсэн шериф, орон нутгийн оршин суугчид, утасны компаний ажилчид нь машиныг нүхнээс гарган хартал тэр хавьдаа уудгаараа алдартай хоёр кобвой эр дотор нь амьсгаа хураасан байхыг олжээ. Ингээд цугласан хүмүүс хэргийн газарт маш нарийн үзлэг хийв. Тэгтэл хоёр хүний амийг авч одсон гол буруутан нь талийгчад өөрсдөө болох нь тогтоогджээ.

Яасан бэ гэхээр мань хоёр жижиг хотынхаа бааранд тун ч манарталаа виски ууж байгаад нэлээд орой болсон хойно машиндаа суун гэрийн зүг, өөрөөр хэлбэл эдлэн газрынхаа зүг хөдөлжээ. Ингэж яваад нөгөө ухсан нүх, анхааруулах тэмдэг, тойрох чиг зэрэгтэй таарчээ. Тэгээд яг хажуугаар нь гарах гэж байгаад гэнэт хоёул нэгэн мэргэн арга сэдээд буцаад ухарч. Зүгээр нэг ухарсангүй машинаасаа бууж ирээд нөгөө сэрэмжүүлсэн алаг тууз, анхааруулах тэмдэг, тойрох чиг заасан тэмдэг зэргийн байрыг нь солиод машин явах ёстой газар тавьжээ. Өөрөөр хэлбэл тэдний дараа явсан машинтай хүнийг нүхэнд унаган бах таваа хангах гэсэн байна. Ингээд халамцуу хоёр ямар мундаг мэргэн арга сэдэв ээ гэж нэгнээ хөөргөсөөр машиндаа суугаад явахдаа өөрсдөө тэмдэгээ сольсон гэдгээ мартаа нүх унаж амиа алдсан хэрэг.

Ямар ч үнээр хамаагүй ашиг, орлого гэсэн хүсэл мөн л санаанд оромгүй тэнэглэл хийхэд хүргэдэг. Жишээлэхэд, 2006 онд хаягдал төмөр цуглуулж байсан гурван вьетнам эрийн хэрэг байна.

Яасан бэ гэхээр мань гурав хаягдал төмөр цуглуулж яваад нэгэн толгодыгн орой дээрээс дайны үеэс үлдсэн тэсрээгүй 250 кг жинтэй бөмбөг олжээ. Гурвуулаа ч өргөөд дийлэхгүй ийм хүнд төмөр олсондоо мань гурван вьетнам эр ихэд баярлсан нь гарцаагүй. Тэгээд хаягдал төмөр авдаг газар руу бага ч болов дөхүүлэхийн тулд толгойдын уруу өнхөрүүлэхээр шийджээ. Тэсрэх бөмбөг гэдэг янз бүрийн доргилтоос болж дэлбэрч байхаар бүтээгдсэн болохоор толгойн уруу өнхөрч эхэлмэгцээ дэлбэрч 5 метр орчим диаметртэй том бөгөөд гүн нүх үлдээн тэсрэхдээ хэргийн эзэн гурваас юм бараг үлдээгээгүй байна.

Зарим хүн нас ахисан ч ухаан суудаггүй нь харамсалтай. Жишээлэхэд, Ивица Плантнер гэгч өвөө юм. Тэрээр 2008 онд 68 нас зооглочихоод байсан аж. Галт тэрэг дөхөж ирэхээр машин замыг түр хугацаагаар хаадаг гэдгийг жолооч нар сайн мэднэ. Ингээд 2008 онд энэ өвөө ч бас Порш машинынхаа жолооны ард суугаад уртаас урт дараалалд зогсож байж л дээ. Гэвч хурдан сайхан машинтайдаа болсондоо ч тэрүү гэнэт галт тэрэг ирж амжихаас өмнө хаалтыг тойроод төмөр зам дээгүүр гарахаар шийдсэн байна. Ингээд урдах машинууд, замын хаалтыг хажуугаар шунганан гартал харамсалтай нь яг төмөр зам дээр тэгнээд гацаж орхижээ.

Яг тэр үед нь тун ч дөхөж ирээд байсан галт тэрэгнээс анхааруулах дохио өгч эхэлсэн нь мэдээж. Амь наана там цаана үед жолооч үнэтэй ч гэлээ машинаа орхин зугатаж амь гарах нь мэдээж. Өвөө ч бас машинаа хаян гарч гүйжээ. Гэхдээ замын нөгөө тал руу биш төмөр замын хөндлөвчийг даган галт тэрэгний өөдөөс гараараа даллан “зогсоорой, миний машин тэнд гацчихлаа” гэж орилсоор гүйсэн байна. Үр дүнд нь хөөрхий өвгөн ба машиныг галт тэрэг “будаа” болгосон нь ойлгомжтой. Яаж бодохоороо хэдэн мянган тонн хүнд галт тэрэгний цуваа хэдхэн метр яваад тормозлоно гэж бодсон юм бол бүү мэд.

Дэлгэрэнгүй унших
сурталчилгаа
Монгол Улсын Их Хурлын 2020 оны сонгуулийн санал хураалт дуусах хүртэл сайтын сэтгэгдэл бичих талбарыг түр хаасан тул хүлцэл өчье. TODOTGOL.MN сайтын редакц

Чөлөөт бүс

“Акашагийн мэдээлэл” буюу зөн билгийн орчин...

Огноо:

,

Уншигч та бүхний амралтад зориулж "“Акашагийн мэдээлэл” буюу зөн билгийн орчин..." хэмээх танин мэдэхүйн мэдээллийг хүргэж байна. Энэ мэдээлэлд итгэх эсэх нь зөвхөн уншигч таны мэдэх хэрэг юм шүү...


Ихэнх паранормаль үзэгдлүүд маш нууцлаг, оньсого мэт байдаг тул орчин үеийн эрдэмтэд ийм үзэгдлүүдэд шинжлэх ухааны үндэслэлтэй тайлбар өгч чаддаггүй. Зөнтэй зүүд, далдыг харах чадвар, үхлийн тухай амьдрал буюу хойд төрөл гээд л өнөөг хүртэл шинжлэх ухааны тайлбаргүй ч хүн төрөлхтөн итгэл үнэмшилтэйгээр ханддаг үзэгдлүүд олон. Бидний олонх ямар нэг нөхцөл байдалтай тулгарахаараа урьд өмнө энэ явдал болж байсан гэдгийг мэдрэх, мөн гэнэт л толгойд нь элдэв сонин бодол зурсхийн орж ирээд хожмоо энэ нь биелэх тохиолдолтой учирч байсан. Үүнийг далдын ид шид, бурхантай холбон тайлбарладаг. Магадгүй үндэстэн бүр өөр өөрийнхөөрөө нэрлэдэг бурхан гэгч ямар нэгэн зүйл оршин тогтнож байгаа хэмээдэг. Ямар нэгэн зүйл, өөр өөрийнхөө нэрлэж байгаа хэмээсний учир нь дэлхий дээр болж буй бүхий л үйл явдлыг хадгалан үлдэж, тархинд мэдээлэл дамжуулдаг био оронзай байдаг аж. Энэ талаар эртний сэцэн мэргэн, сэтгэгчид сайн мэддэг байжээ.

Зөн билэгтнүүдийн оньсого мэт үзэгд­лүүдийг судалдаг эрдэмтэд тухайн хүмүүс яг тэр мөчдөө хүлээж авахыг хүсч байгаа дүрслэлийг хэрхэн ухамсараа хүлээн авдаг талаараа тайлбарлаж чаддаггүй гэдгийг онцлон өгүүлдэг. Жишээ татахад Мэрилин Монро амиа хорлосон, АНУ-ын Ерөнхийлөгчийн сон­гуулийн дүн, зөвлөлтийнхөн анх удаа сансарт хиймэл дагуул нисгэсэн, Берлиний хана нурсан зэрэг олон үйл явдлыг урьдаас зөгнөн хэлсэн Америкийн нэрт зөнч эмэгтэй Жин Диксон “Миний зөгнөлийн гол эх сурвалж нь харах явдал. Үргэлж бүх зүйл нарийн тодорхой харагддаг юм. Түүнийг тайлбарлах шаардлагагүй, үзэгдэл миний өмнө нээгдэж, миний зүгээс ямар нэг хичээл зүтгэл шаардагддаггүй” хэмээн ярьсан байдаг. Үүний зэрэгцээ бүхий л зөн билэгчид мэдэхийг хүсч буй тэр зүйлдээ ан­хаарлаа хичээнгүйлэн төвлөрүүлдэг. Магадгүй энэ нь оюун санаагаараа дамжуулан хүсэлт илгээж байгаагийн хэлбэр байж болох бөгөөд гэхдээ хэнд хандан энэхүү хүсэлтийг тавьж байгаа гэдэг нь мөн л оньсого хэвээр үлдэж байгаа юм.

Харин Америкийн зөн билэгч Эдгар Кейсиг судалж байсан эрдэмтэд арай өөр дүгнэлт хийжээ. Тэрбээр ирээдүйг зөгнөн хэлсэн мэдээллүүдээ “Акашагийн мэдээлэл”-ээс олж “уншдаг” аж. “Акаша” хэмээх ойлголт нь дээд тэнгэрийн мөн чанарыг илтгэх бөгөөд энэ ойлголтыг нэн эртний үед Энэтхэгийн сэтгэгчид ахуйд нэвтрүүлжээ. Энэ­хүү мөн чанар нь огторгуйд болж буй бүхий л үйл явдлыг шингээн, тэмдэглэж авснаар “Акашагийн мэдээлэл” үүсдэг аж. Акаша гэдэг нь огторгуйд тэмдэглэгдсэн бүхий л үйлдэл, үгсийн ул мөр үлддэг агуу том ном гэсэн үг юм. Харин энэхүү “бичлэгүүд”-ийг гагцхүү гэгээрсэн хүмүүс уншиж чаддаг юм байна. ХХ зуунд “Акашагийн мэдээлэл”-ийг судалж байсан Елена Рерих энэхүү үзэгдлийн тухай ийнхүү өгүүлжээ. “Далдыг харах явдал нь ихэвчлэн одоо болон ойрын ирээдүйд хамааралтай байдаг. Харин өнгөрсөн цаг үед хамаарах нь ховор, тэр дундаа алсын ирээдүйн талаар мэдээлэл ирэх нь бүр ховор. Мөн бидний өнгөрсөн амьдралтай холбоотой үзэгдлүүд орж ирэх нь бүр ховор” гэжээ.

Харин орчин үеийн зөн билэгчид “Акашагийн мэдээлэл” мэтийн үзэгдэлд өөр тайлбар олжээ. Тэдний үзэж байгаагаар өнгөрсөн болон ирээдүйн тухай бүхий л мэдээлэл дэлхийг хамарсан эрчим хүч мэдээллийн оронд хадгалагддаг аж. Энэхүү орон зайд бактер үхсэнээс эхлээд галт уулын дэлбэрэлт хүртэл бүхий л үйл  явдал чухал эсэхээс үл хамааран хадгалагдан үлддэг аж. Энэхүү онолыг уламжлалт шинжлэх ухааны эрдэмтэд ч гарган ирсэн гэдгийг энд дурдах хэрэгтэй. Гараг ертөнц дээр асар богино хугацаанд ч гэсэн оршин байсан бүхий л материаллаг объектууд өөрийн гэсэн эрчим хүчний орон болон зохих цацрагтай байдаг.

Энэ нь эд зүйлсийн соронзон орон, газар нутгийн гео соронзон орон, амьд амьтны био орон ба хамгийн гол нь хүний био орон юм. Тэдгээрээс гарч байгаа цацраг нь объектийн шинж чанар  төдийгүй энэ объекттой холбоотой болсон бүхий л үйл явдлын тухай мэдээллээр дүүрсэн байдаг. Энэ тохиолдолд ертөнц дээрх бүхий л зүйл хоосноос үүсдэггүй, хаашаа ч алга болдоггүй, бүгд нэг хэлбэрт оршиж байгаад нөгөөд шилждэг гэсэн энерги хадгалагдах хуулийг санах хэрэгтэй. Тэгэхээр дэлхий дээр явагдаж буй бүхий л үйл явдлын мэдээлэл нь биднийг хүрээлэн байх даяаршлын мэдээллийн оронд орж, тэнд үүрд хадгалагдан үлддэг байх нь.

Даяаршлын мэдээллийн орноос бүхий л боломжит цацрагийн төсөөлшгүй бөөгнөрөл гардаг байна. Тэр бүгд нь материаллаг объект болон цаг хугацааны явцад өөрчлөгдөж буй түүний өөрчлөлтүүдийн тухай тодорхой мэдээллийг агуулдаг аж.  Үүнийг орон зайд, оролцогч бүр нь өөр өөрсдийн үүргийг гүйцэтгэж байгаа найрал дуу эгшиглэж байгаатай зүйрлэж болно. Гэхдээ энэхүү “найрал дуу” нь маш том аюулыг өөртөө агуулж байдаг гэдгийг онцлох хэрэгтэй. Учир нь түүний хэсгүүд нь дуу чимээний чичиргээгээрээ бидний тархины долгионы дотоод чичиргээнд ойрхон байдаг аж.

Профессор Д.И.Дубровскийгийн үзэж байгаагаар  даяаршлын мэдээллийн орноос авсан эдгээр импульсуудын боловсруулалт нь бидний мэдрэхүйн дотоод эрхтнүүдээс авсан бүхий л мэдээллийг задлан шинжлэхэд шаардагддаг энергийн алдагдлаас таваас зургаа дахин их энерги шаарддаг аж. Хэрвээ хүн даяаршлын энэхүү орон руу байнга нэвтрэх гарц нээгдсэн бол хүний тархи цахилгаан соронзон бөөгнөрөл дунд учраа мэдэхгүй болох байсан. Гэхдээ цэцэн ухаант байгаль эх бидэнд зориулан серотонин хэмээх найдвартай хамгаалалт бий болгож өгсөн юм. Хүний тархи энэхүү гормоныг тодорхой мэдээллүүдийн дохиог солилцоход зориулагдсан нейронуудын янз бүрийн хэсгүүдийн дотоод холбоонд зориулан ашигладаг байна.

Зөнтэй зүүд бол мэдээллийн дэлхийн банктай холбогдох хамгийн өргөн дэлгэрсэн хувилбар юм. Учир нь серотонин гормон нүдээр харсан дүрслэх үзэгдлийн мэдээллийг харааны төвд дамжуулдаг нейронуудыг боловсруулдаг. Шөнийн цагаар тэдгээр нь ачаалалгүй шахам байдгийн зэрэгцээ мэдрэхүйн дотоод эрхтнүүдээс гарсан дохиог боловсруулахад шаардагддаг дотоод энергийн зарцуулалт буурдаг байна. Энэ үед хүнд серотонин “чимээ” намсаж, мэдээллийг зөвхөн хүлээн авах биш тархины төв боловсруулах боломж олгодог  илүүдэл энерги үүсдэг. Ингэснээр зөнтэй зүүд зүүдэлдэг аж.

Тэгэхээр хүмүүс зүүд биеллээ, зүүдээрээ дамжин ирээдүйгээ харлаа гэж ярилцдаг нь ортой төдийгүй, тархины нарийн үйл ажиллагаатай холбоотой болж таарлаа. Гэхдээ ирээдүйг харах үзэгдэл нь эрдэмтдийн хувьд оньсого болоод байгаа цорын ганц үзэг­дэл биш ээ.

Хүний тайлбарлаж чадахгүй олон үзэгдлүүд хариултаа нэхэн оршин тогтносоор байгаа, хүн мэдэхгүй зүйлийнхээ дайсан байдаг гэдгийг батлан нууцлаг үзэгдлүүдийг үгүйсгэх биш ердөө л олон жилийн судалгааны үр дүнд тайлагдашгүй нууцууд тайлалтай нууц болно гэдгийг хүлээх хэрэгтэй.

Дэлгэрэнгүй унших

Чөлөөт бүс

Хэзээ ч ганцаардахгүй байж болох уу

Огноо:

,

Ганцаардах нь эмгэг үү, эсвэл утга учир уу? Тодорхойлж, тооцоолж боломгүй олон янзын агшин хүний амьдралд тохиолддогийн нэг нь ганцаардал. Yүнийг хэрхэн даван туулахаас л бидний цаашдын амьдралын гэрэл асах уу, бүдгэрэх үү гэдэг нь шалтгаалдаг. Зарим хүн ганцаардлаас айж, зүрх сэтгэлээ сонсох бүхий л арга замыг хаачихдагаас болж гэмт хэргийн сэтгэхүйг өөртөө бий болгодог бол зарим нь ганцаардлыг ухаалгаар сонсож, “түүний” юу хүсээд байгааг нь хүлээн зөвшөөрч, тайтгаруулж сурсан байдаг. Тэгвэл өөр нэг хэсэг буюу цөөнх нь ганцаардлыг овжин ашиглаж урлагийн бүтээл болгон түүхнээ үлдээсэн нь өдгөө бидний нүд, сэтгэлийг баясгаж байна.

Ганцаардал бол хүн төрөлхтний мөнхийн зовлон бөгөөд тэдний хөгжил дэвшлийн бүхий л шат зөвхөн ганцаардлын эсрэг зогсож байсан мэт санагдана. Өөрөөр хэлбэл хүн төрөлхтөн ганцаардлыг даван туулахын төлөө амьдарч, нийгэмшиж, зугаа цэнгэлийн газруудыг үй олноор нь бүтээн босгож, урлагийн бүтээл туурвиж, нүд сэтгэлээ хуурах боломж бүхнийг бүтээн босгосныг бид харж байна. Тийм ч учраас өнөөдөр зугаа цэнгэлийн газрууд болон цаг нөхцөөх арга хэрэгслүүд нь мөнгийг уул овоо мэт хураах хамгийн хялбар арга болжээ. Яагаад гэвэл хүмүүс цаг үргэлж ганцаардаж байдгаас л тэр. Яг энэ л шалтгаанаар хүн төрөлхтөн гэмт хэрэгтнүүдийг гэсгээх хамгийн оновчтой арга бодож олсон нь тэдний эрх чөлөөг хасаж, олон нийтээс тусгаарладаг шорон гяндан. Шоронд аймшигтай ганцаардал тэнүүчлэн явдаг бөгөөд гэмт хэрэгтнийг хүмүүсийн дунд яагаад байж болохгүй болсныг нь зүй ёсоор ухааруулдаг.

Судалгаанаас үзвэл тамхи татдаг эмэгтэйчүүд бүгд л ямар нэгэн хэмжээгээр ганцаардлаас үүдсэн сэтгэл зүйн хямралыг биеэрээ амсаж, туулсан байдаг. Түүнийг даван туулах хамгийн ойр дөт арга нь тамхи. Бусадтай хуваалцаж боломгүй сэтгэлийн зовлонд өртсөн эмэгтэйчүүд хэзээ ч түүнээс татгалзаж чадахгүй болтлоо тамхинд орсон байдгийн нууц нь ердөө л энэ.

Харин эрчүүдийн хувьд ганцаардах гэгч эмгэгийг мэдрэх ч сөхөөгүй болтлоо хөлчүүрэх ганц боломж бол архи. Сархдын аагт согтсон ямар ч хүнд түүний амьдрал, ганцаардал нь хөгийн өчүүхэн санагддагаас тэд мансуурлын тэрхэн агшнаар амьдралаа солиход бэлэн болсон байдаг. Тэгвэл хэзээ ч ганцаардахгүй байж болох уу? гэсэн асуулт эндээс урган гарна. Хариулт нь “огтхон ч үгүй”.

Ганцаардана гэдэг эрүүл сэтгэхүйтэй хүн бүрт зайлшгүй тохиолдох ёстой сорил юм. Энд сорил гэж хэлэхийг анзаарав уу? Өөрөөр хэлбэл ганцаардал нь хатуу ширүүн, яхир чанга араншинтай амьдралыг даван туулах нэг талын сэтгэл зүйн бэлтгэл болж өгдөг учраас түүнээс зугтан дайжихыг хичээнэ гэдэг таныг хожим амьдралын өмнө цагаан тугаа өргөөд нэг насныхаа утга учрыг хогийн сав руу чулуудах эхлэл болж ч мэднэ.

Тиймээс ганцаардалд нэгэнт хүлэгдсэн бол та юуны өмнө түүнийг яг л ээж шиг нь анхааралтай сонсох хэрэгтэй. Учир нь ганцаардлыг үүсгэгч нь юуны өмнө хувь хүн өөрөө байдаг. Харин түүнийг хэрхэн жолоодох вэ гэдэг нь ганцаардагчийн сэтгэл оюун. Бүр тодруулбал хүн ганцаардлыг удирдан жолоодож болно гэсэн үг. Яаж гэж үү...?

Зарим хүн “сайн дураараа” ганцаарддаг. Энэ нь тэдэнд утга учир авчирдгаас л тэр шүү дээ. Ийнхүү сайн дураараа ганцаарддаг хүмүүс ихэвчлэн амьдралыг бүтээгчид байдаг. Тэд ганцаардалтайгаа илэн далангүй ярилцаж чаддаг бөгөөд үр дүнд нь үзгээ шүүрэн авч, бийр янтайгаа бариад урлагийн бүтээл туурвидаг.

Жинхэнэ ганцаардал жинхэнэ урлагийг бүтээж чаддагийг тэд амьдралаасаа суралцсан байдгийн нэг жишээ энэ. Харин өөр нэг хэсэг нь ганцаардлаа сонсохоос үргэлж айдаг учраас аль болох оюун ухаанаа самууруулах, цаг хугацааг мартагнах хамгийн хялбар аргыг эрж олохоор гадуур хувцсаа шүүрэн аваад зугаа цэнгэлийн газруудаар хэрэн хэсдэг байхад үлдсэн хэсэг нь ганцаардлаа муйхраар таслан зогсоохоор олс, дээс барин өндөр байшин руу мацах юм уу, буруутныг эрж олохоор бухимдана. Хүн бүрт урлагийн авьяас байдаггүй тул та үзэг цаас бариад ганцаардлаа сонс гэх нь тийм ч оновчтой хувилбар биш.

Бид инээмээр байсан ч инээхгүйг хичээж, уйлмаар байсан ч нулимсаа тэвчин шүд зуусаар хэдэн жил, сарыг элээх нь бий. Хэрвээ танд сэтгэлээ онгойтол хэн нэгэнтэй ярилцмаар, гэнэт чангаар хашгирмаар, холын хол тэнүүчлэн одмоор, үгүй бол бүр хангинатал дуулмаар, уйлмаар сэтгэгдэл төрөөд байх болсон бол та ганцаардлын тун хүнд шатанд өөрийн мэдэлгүй орчихсон байна гэсэн үг.

Тэгвэл энэ бүхэн гарах ёстой зүйлсээ цаг тухайд нь гаргахгүй байсантай л холбоотой. Зарим хүн кино үзэж байхдаа дэргэдэх нь нулимс унагаж суухыг харвал арчаагүй доройг нь шоолон инээж, ингэснээрээ дэлгэцэн дээрх гунигтай агшныг мартагнан өнгөрөөхийн сацуу сул доройчуудын эгнээнд өөрийгөө оруулалгүй авч үлдэх гэж хичээж байхтай бид цөөнгүй таардаг. Тэднийг харин ч шоолон инээх хэрэгтэй.

Хүний нулимс, инээд хоёр маш их эрч хүч агуулж байдаг зүйл. Тэрхүү эрч хүчийг өөрөө өөрөөсөө харамлаж сууна гэдэг бие сэтгэлээ ганцаардлын харанхуйд сайн дураараа төөрүүлж байгаагаас өөрцгүй. Тиймээс уйлмаар санагдсан бол уйлж, инээмээр байгаа бол өөрийгөө хүчээр хорьж доромжлолгүй инээх л хэрэгтэй. Хөгжилтэй орнууд өөрийгөө хүндэтгэдэг хүн бүр сэтгэл зүйч эмч дээр нэг бус удаа очдог. Тэд сэтгэхүйн өвчтэйдээ юм уу, оюуны хомсдолтойдоо тийм алхам хийж байгаа хэрэг огтхон ч биш.

Хүний сэтгэхүй гэдэг цаг үргэлж дүүрч, дундарч байдаг нэг төрлийн сав учраас түүнийгээ хэн нэгэнтэй хуваалцан дундалж, дүүргэж байх учиртайг тэд ойлгосон байдаг тул ийнхүү сэтгэл зүйч эмчид ханддаг байна. Гэхдээ бидний нөхцөлд ийнхүү байнга сэтгэл зүйч эмч дээр очоод байх боломжгүй учраас ойр дотныхондоо юм уу, найзууддаа зүрх сэтгэлээ нээж байх нь чухал.

Хүмүүс яагаад бие биедээ хайртай гэдгээ илэрхийлж, түүнийг нь хүлээж авсан тохиолдолд хязгааргүй догдлон баярладаг вэ гэдгийн тайлал нь энэ. Тиймээс та өөртөө хандаад ирсэн хэн нэгний үгийг тас цохин хөөхөөсөө өмнө анхааралтай сонсохыг хичээгээрэй. Ингэснээр та түүнийг ганцаардлаас булаан авч чадах төдийгүй өөртөө ч сэтгэл хангалуун үлдэх болно.

Нэг гэр бүлийнхэн хоорондоо ойлголцохоо больсон байх нь цөөнгүй. Энэ тохиолдолд тэд бие биенээ жигшин үздэг. Сайн анзаарвал тэдний дотор маш их уйтгар, ганцаардал буглан явсаар бөөн хар энерги болон хуралдсан байхыг та мэдэрч болно. Тийм айлд ороход нэг л хүйтэн, гэрэлгүй мэт санагддаг.

Харин тун удахгүй зад тавих гэж байгаа тэр хар энергийн эх үүсвэр нь тухайн гэр бүлийн гишүүдийн хэн нэгний өөртөө итгэлгүй, хүндэтгэлгүй ханддаг болон ганцаардлаа механикаар тайлж сурсантай л холбоотой байдаг. Хар үүл мэт хуралдсан тэр энергийг тайлахын тулд үүсгэгчийг нь олох хэрэгтэй.

Нэгэнт түүнийг олсон бол хамгийн гол нь тэр хүнийг анхааралтай сонсож, үнэн сэтгэлээсээ анд нөхөд бололцохыг хичээвэл хар энерги маш түргэн задран сарних болно. Ер нь ганцаардлаас үүдсэн хар санаа маш хэврэг зүйл байдаг. Ганцхан түүнийг задлан сарниах хамгийн оновчтой аргыг л олох нь чухал.

Эцэст нь хэлэхэд удирдан жолоодож сурсан цагт ганцаардал гэдэг тийм ч аймшигтай зүйл биш бөгөөд харин ч таны амьдралыг утга учиртай болгож чадах Бурхны хишиг юм. Хэрвээ та яг одоо ганцаардаж байгаа бол таны зүрх сэтгэл танаас өөрийгөө хүндэтгэхийг шаардаж байна гэсэн үг. Бүр тодруулбал таны байгаа байдал зүрх сэтгэлээсээ ямар нэг хэмжээгээр дор орсон байгааг танд сануулж байгаа нь тэр. Тиймээс зүрх сэтгэлээ өндөрт өргөж, түүнд таарч тохирох эмийг эрүүл ухаанаар эрж олох хэрэгтэй.

Дэлгэрэнгүй унших

Чөлөөт бүс

Уйлж буй хүүхдийг бүү сэгсэр...

Огноо:

,

Хүүхэд уйлах үед заримдаа эцэг, эх нь тэвчээрээ алдаж сэгсрэх юм уу алгаддаг. Хүүхдээ хүчтэй сэгсэрвэл гэмтэл учруулж болзошгүй. Хүүхдийг хүчтэй сэгсэрснээс хүүхэд нас барж, эсвэл тархины гэмтэл авч болзошгүйг хүмүүс тэр бүр ойлгодоггүй. Нэг ой хүртэлх насны хүүхэд сэгсрэлтэд илүү эмзэг байдаг. Мөн түүнээс дээш насанд ч гэмтэл авч болно.


Хүүхдээ сэгсэрвэл хүүхэд ухаан алдах буюу таталт өгөх, улмаар сөрөг үр дагаварт хүрэх аюултай.

Yүнд:

-нас барах
-тархи гэмтэх, толгой болон нүдний дотуур цус алдах
-хөдөлгөөн хязгаарлагдах, булчингийн агшилт үүсэх
-сохрох
-эпилекси /унаж татах өвчин/-тэй болох

Хүүхэд насанд тохиолдсон ихэнх гэмтэл эдгэрдэг боловч толгой, тархиндаа гэмтэл авсан хүүхэд насан туршдаа тахир дутуу болох аюултай. Та хүүхдийнхээ асрагч, цэцэрлэгийн ажилтан, эсвэл таны хүүхдийг харж буй найз, хамаатны хүмүүстэй ярилцаж хүүхдийг хүчтэй сэгсэрвэл аюултай гэдгийг ойлгож байгаа эсэхийг асууж, бататгах хэрэгтэй.


Хүүхдээ хүчтэй сэгсэрвэл...

Хүүхдийг сэгсрэхэд амархан гэмтэл авдаг нь хүүхдийн толгойн хэмжээ биетэй нь харьцуулахад том, хүзүү нь сул байдагтай холбоотой юм. Хүүхдийг сэгсрэхэд хүзүүний булчин нь толгойгоо урагш, хойш хөдлөхөөс хамгаалж чадахгүй учир толгойн доторх жижиг цусны судас урагдаж тархин дотор цус алдах буюу тархины гэмтэл авч болно. Хүүхдийн тархи маш эмзэг байдаг. Энэ нь том хүүхэд буюу насанд хүрсэн хүнийхтэй харьцуулахад зөөлөн бөгөөд гавлын ясны дотор илүү хөдөлгөөнтэй байдаг. Тийм учраас хүүхдийг сэгсрэхэд тархи нь амархан гэмтэж цусан харвалт үүсч болдог.


Хүүхдийг унагаавал...

Тархины гэмтэл үүсч болно. Тийм учрас нярай хүүхдийг хэзээ ч дээшээ өргөж шидэх буюу гараас нь барьж тойруулж эргүүлж болохгүй. Түүнээс дээш насны хүүхэд ингэж дээшээ шидэгдэж гар дээр бууж тоглох дуртай байдаг ч гэсэн унагасан тохиолдолд хүнд гэмтэл авч болзошгүй. Тиймээс хүүх
Дэлгэрэнгүй унших
сурталчилгаа
Чөлөөт бүс2 цаг 37 минут

“Акашагийн мэдээлэл” буюу зөн билгийн орчин...

Өнөөдөр4 цаг 8 минут

Есөн настай охиныг хойд эцэг нь хөнөөсөн байж болзошгүй...

Чөлөөт бүс7 цаг 6 минут

Хэзээ ч ганцаардахгүй байж болох уу

Чөлөөт бүс7 цаг 10 минут

Уйлж буй хүүхдийг бүү сэгсэр...

Тод индэр7 цаг 18 минут

“Эрдэнэт үйлдвэр” ТӨҮГ-ын Ерөнхий захирал Х.Бадамсүрэнд ...

Тод мэдээ7 цаг 22 минут

“Бид хамтдаа” хөтөлбөрийн хүрээнд Боловсролын салбарт 4 ...

Тод индэр7 цаг 28 минут

Манлай сумын иргэн У.Пагмадуламынх хувийн байшинтай боллоо

Тод мэдээ7 цаг 36 минут

Гадаад харилцааны сайд Н.Энхтайван ОХУ-д албан ёсны айлчлал хийж бай...

Тод мэдээ7 цаг 42 минут

Дархан, Сэлэнгийг газар тариалан, эрчимжсэн мал аж ахуйн бүс нутаг б...

Тод мэдээ7 цаг 45 минут

Ерөнхийлөгч Х.Баттулга Өлгий сумын бүтээн байгуулалтын ажлын явцтай ...

Тод мэдээ7 цаг 48 минут

Ерөнхийлөгч Х.Баттулга “Азат Халал” махны үйлдвэрээр зоч...

Тод мэдээ7 цаг 52 минут

Баян-Өлгий аймгийн 548 ээж “Эхийн алдар” одон хүртлээ

Санал болгох