Чөлөөт бүс
Ган замчид 70 жилийн ой, мэргэжлийн баяраа өргөн дэлгэр тэмдэглэн өнгөрүүллээ
Монгол-Оросын хувь нийлүүлсэн Улаанбаатар төмөр зам нийгэмлэг байгуулагдсаны түүхт 70 жилийн ой, төмөр замчдын мэргэжлийн баяр наадмаа наймдугаар сарын 3-ны өдөр Хүй 7 худагт өргөн дэлгэр тэмдэглэн өнгөрүүллээ.
Наадмын нээлтэд Зам, тээврийн хөгжлийн сайд Б.Энх-Амгалан, Дэд сайд Л.Халтар, УБТЗ ХНН-ийн дарга Д.Жигжиднямаа, УБТЗ ХНН-ийн Ерөнхий хорооны дарга, Оросын төмөр замууд НХН-ийн Тэргүүн дэд Ерөнхийлөгч А.С.Мишарин тэргүүтэй зочид төлөөлөгчид оролцов. Зам, тээврийн хөгжлийн сайд Б.Энх-Амгалан газарт гагнагдаж, тэнгэрт тэтгэгдсэн нийт ган замчиддаа Монгол-Оросын хувь нийлүүлсэн Улаанбаатар төмөр зам нийгэмлэг байгуулагдсаны түүхт 70 жилийн ой, төмөр замчдын мэргэжлийн баярын мэндийг дэвшүүлээд 70 жилийн хөгжлийн түүхэн чухал үед зүтгүүр нь болж яваа бахархах замналтай, байгуулсан гавьяатай хүчирхэг хамт олноор бахархаж байгаагаа илэрхийлэв.
Ган замчдын баяр наадамд Улс, аймгийн цолтой хүчит 128 бөх барилдсанаас Монгол Улсын залуу аварга Э.Оюунболд түрүүлж, Улсын гарьд Б.Гончигдамба үзүүрлэлээ. Мөн Их нас, соёолон насны хурдан хүлгүүд шандсаа сорив. Түүнчлэн Улсын баяр наадмаар Шагайн харвааны төрөлд аваргалсан УБТЗ ХНН-ийн Л.Болд ахлагчтай багийнханд Зам, тээврийн хөгжлийн сайд болон УБТЗ ХНН-ийн удирдлагуудын зүгээс баяр хүргэж, хүндэтгэл үзүүлсэн бөгөөд энэ нь Улаанбаатар төмөр замаар овоглосон багийн зургаа дахь түрүү юм. Мөн ойн баярыг угтан зохион байгуулагдсан спортын тэмцээнүүдэд амжилт үзүүлсэн баг тамирчдыг шагнаж урамшууллаа.
Эх сурвалж: Зам, тээврийн хөгжлийн яам
Чөлөөт бүс
Зэрлэг, тэжээвэр амьтдад хазуулсан үед авах арга хэмжээ
Анагаах ухаанд өнөөг хүртэл эмчлэх боломжгүй байгаа өвчнүүдийн нэг нь мал, амьтнаас хүнд халдварладаг галзуу өвчин юм.
Галзуу өвчтэй гэрийн тэжээвэр амьтад болон зэрлэг амьтанд хазуулах, ноцуулах, мөн өвчтэй амьтдын шүлс хүний ил шарх шалбархай, салст бүрхүүлд хүрсэн тохиолдолд энэ өвчин хүнд халдварлаж өвчлүүлдэг.
- Тиймээс зэрлэг, тэжээвэр амьтдад хазуулсан үед авах яаралтай арга хэмжээг та бүхэнд хүргэж байна.
- Шархыг усаар 15 минут сайтар урсгаж угаан, 5%-ийн иодын уусмалаар шархыг сайтар шавшаарай.
- Эмнэлэгт яаралтай очиж, галзуугийн эсрэг вакцинд хамрагдаарай.
- Эмчийн заавраар галзуу өвчний эсрэг вакцинд хамрагдана.
Чөлөөт бүс
Аянга цахилгаанаас хэрхэн урьдчилан сэргийлэх вэ
Чөлөөт бүс
“Улаанбаатарын үдэш 2025” шоу тоглолт долоодугаар сарын 11-нД болно
Тулгар төрийн 2234, Их Монгол Улсын 819, Үндэсний эрх чөлөө, тусгаар тогтнолоо сэргээн мандуулсны 114, Ардын хувьсгалын 104 жилийн ойд зориулсан “Улаанбаатарын үдэш 2025” Үндэсний их баяр наадмын шоу тоглолтыг Д.Сүхбаатарын талбайд уламжлалт ёсоор зохион байгуулна.
Тодруулбал, шоу тоглолтыг төв талбайд зассан, нийслэлийн өмчийн тайзнаа долоодугаар сарын 11-ний орой 21:00-00:00 цагийн хооронд зохион байгуулж, тайз дэлгэцийн дүрс видео, гэрэлтүүлэг чимэглэлийн шинэлэг хийц хөгжмийн дуугаралт, мэргэжлийн түвшний найруулгатайгаар нийслэлийн иргэд, залуучууд, гадаад, дотоодын жуулчдад хүргэнэ. Тоглолтод нийт 70 гаруй уран бүтээлч оролцох юм.
Тоглолтын хөтөлбөр, найруулгын агуулга нь үндсэн хоёр хэсгээс бүрдэх бөгөөд нэгдүгээр хэсэгт Монгол үндэсний хөгжмийн өнгө аяс, хэв маягийг орчин цагийн хөгжмийн урсгалтай хослуулсан этник хэв шинжийг агуулсан уран бүтээлийн чуулбарууд багтсан. Хоёрдугаар хэсэгт Монголын рок попын үе үеийн уран бүтээлчдийн шилдэг, хит дуунуудаас толилуулна.
