Тод мэдээ
Израилийн тэрбумтан авлигын хэргээр шүүхэд дуудагджээ

Израилийн тэрбумтан Бен Штейнмец нь Гвиней Улсад холбогдсон авлигын гэмт хэргийн шүүх хурал 1 дүгээр сарын 11-22-ны өдрийн хооронд Женевийн шүүхэд болох талаар Ройтерс агентлагаас мэдээлжээ.
Израилийн тэрбумтны өмгөөлөгч Марк Боннан шүүгдэгч шүүх хуралд биечлэн оролцоно гэж мэдэгдсэн байна. Бен Штейнмец нь 2005-2010 оны хооронд ашигт малтмал олборлох эрхийн лиценз авахаар 10 сая ам.долларын хахуулийг Гвиней Улсын Ерөнхийлөгч асан Лансан Контегийн эхнэрт 2019 оны 8 дугаар сард өгсөн хэрэгт буруутгагдсан байна.
Штейнмец болон түүний 2 хамтрагчийн үйлдсэн хээл хахууль өгсөн, бичиг баримт хуурамчаар үйлдсэн хэрэгт 2-оос 10 жилийн хорих ял оногдуулах талаар Женевийн прокурор Клаудио Маскотто мэдэгджээ.
“Хуулийн болон бодит үндэслэлгүйгээр буруутгасан. Штейнмец нь хатагтай Мамади Туред нэг ч цент өгөөгүй, тэр хэзээ ч хуурамч баримт бичигт гарын үсэг зураагүй” гэж түүний өмгөөлөгч Марк Боннан хэлсэн байна.
Шүүн таслах ажиллагааны явцад дэлхийн том төмрийн хүдрийн ордын нэг Симанду ордын ашиглалтын талаар яригдсан байна. Ерөнхийлөгч Альфа Кондэгаар ахлуулсан Гвиней Улсын Засгийн газрын 2011 оноос өмнө байгуулсан ашигт малтмал, уул уурхайн гэрээнүүдийг шалгасан байна.
Бен Штейнмец групп /Beny Steinmetz Group Resources (BSGR)/ нь Симандугийн уурхайн эрхийг 2008 онд авсан бөгөөд авлигын хэрэгт буруутгагдсаны дараа Засгийн газар Симанду болон Зогот уурхайн зөвшөөрлийг цуцалсан байна.
Эх сурвалж: rossaprimavera.ru
Тод мэдээ
"Орчлон" хорооллын зүүн талын хашааг буулгаж, явган хүний зам барилаа
СХД-ийн 27 дугаар хороо, "Орчлон" хорооллын зүүн талын хашааг буулгаж, явган хүний зам барьж ашиглалтад орууллаа.
Дээрх байршилд өмнө нь орон сууцны барилга барих зориулалтаар гурван иргэн, аж ахуйн нэгж байгууллага газар эзэмшиж байсан. Газрыг хоёр жил ба түүнээс дээш хугацаагаар зориулалтын дагуу ашиглаагүй, явган хүний орц гарц хааж хашаалсан байсан юм.
Иймээс зөрчлийг арилгаж, дүүргийн Захиалагчийн алба ОНӨААТҮГ-аас өнгөрсөн амралтын өдрүүдэд явган хүний зам барьж ашиглалтад орууллаа.
Тод мэдээ
Ураны төслийг хэрэгжүүлэхэд ОУ-ын итгэмжлэгдсэн лаборатори байгуулж давхар хяналт хийнэ
Монгол-Францын Засгийн газар хоорондын комиссын хуралдаан 11 жилийн дараа Парис хотод болж, дараах асуудлаар харилцан тохиролцоонд хүрлээ. Хуралдаанд Францын талаас Европ, Гадаад хэргийн яамны Ерөнхий нарийн бичгийн дарга, хатагтай Анн-Мари Дэкот, Монголын талаас ЗГХЭГ-ын дарга Н.Учрал нар оролцлоо.
Энэ үеэр:
- Дорноговь аймагт олон улсын итгэмжлэгдсэн лаборатори байгуулж цацраг идэвхит ашигт малтмалын хүн, мал, амьтан, хүрээлэн байгаа орчинд үзүүлэх цацрагийн нөлөөлөлд хийсэн хэмжилт, шинжилгээг давхар хяналтанд оруулах санал гаргалаа. Хөрөнгө оруулагч талын зүгээс итгэмжлэгдсэн лаборатори байгуулахыг дэмжин ажиллах,
- Төслийн дэргэд хараат бус хяналтын зөвлөлийг иргэний нийгмийн байгууллагууд, мэргэжлийн холбоод, орон нутгийн иргэдийн төлөөллийг оролцуулан байгуулж иргэний хяналт тогтоож, ил тод нээлттэй ажиллах нөхцлийг бүрдүүлж, олон нийтийн мэдэх эрхийг хангаж ажиллах,
- Хоёр улс Онцгой байдлын нисдэг тэрэг, техник төхөөрөмжийн туслалцаа, эрчим хүчний эс үүсвэрийг төрөлжүүлэх, боловсрол, соёлын хамтын ажиллагааг өргөжүүлэх,
- Ажлын хэсгийн хуралдааны үеэр Монгол Улсын Иргэний нисэхийн ерөнхий газар, Бүгд Найрамдах Франц Улсын Иргэний нисэхийн ерөнхий газар хоорондын “Иргэний нисэхийн салбарт хамтран ажиллах тухай Техник хамтын ажиллагааны гэрээ”-нд гарын үсэг зурлаа.
Мөн 2026 онд Монгол Улсад зохион байгуулагдах Цөлжилттэй тэмцэх тухай НҮБ-ын суурь конвенцын Талуудын 17 дугаар бага хуралд дэмжин оролцохоор тохиролцлоо.
Сануулахад, энэ онд хоёр улсын хооронд дипломат харилцаа тогтоосны 60 жилийн ой тохиож байна.
Тод мэдээ
Бусдын эрүүл мэндэд хохирол учруулсан 192 хэргийг шүүхээр шийдвэрлүүлжээ
Тээврийн прокурорын газраас 2024 онд зам тээврийн ослын 224 эрүүгийн хэрэгт Эрүүл мэндийн даатгалын тухай хуулийн 12 дугаар зүйлийн 12.1 дэх хэсгийн 12.1.1-т заасны дагуу эрүүл мэндийн даатгалын сангаас гаргасан 412 сая төгрөгийн төлбөрийг гэм буруутай этгээдээр нөхөн төлүүлэхээр шүүхээр шийдвэрлүүлсэн байна.
2025 оны 5 дугаар сарын 01-ний өдрийн байдлаар Эрүүгийн хуулийн 27.10 дугаар зүйлд заасан “Тээврийн хэрэгслийн хөдөлгөөний аюулгүй байдал, ашиглалтын журам зөрчиж” бусдын эрүүл мэндэд хохирол учруулсан 192 хэргийг шүүхээр шийдвэрлүүлсэн. Үүнээс 135 хэрэгт Эрүүл мэндийн даатгалын санд учирсан 230.3 сая төгрөгийн хохирлыг гэм буруутай этгээдээр нөхөн төлүүлэхээр шийдвэрлүүлсэн.
Шүүхээр шийдвэрлэсэн хэргээс “Тээврийн хэрэгслийн хөдөлгөөний аюулгүй байдал, ашиглалтын журам зөрчих” гэмт хэргийн улмаас хүний эрүүл мэндэд хүндэвтэр хохирол учруулсан 97, хүнд хохирол учруулсан 35, хүний амь нас хохироосон 3 хэрэг байна.
Тээврийн прокурорын газраас 2025 оны эхний 5 сарын байдлаар гэмт хэргийн улмаас Эрүүл мэндийн даатгалын санд учирсан хохирлыг гэм буруутай этгээдээс гаргуулж, эрүүгийн хэрэгт хамтатган шийдвэрлүүлсэн хэргийн тоог өмнөх оны мөн үетэй харьцуулахад 31.8 хувиар, шийдвэрлүүлсэн хохирлын хэмжээ 26.7 хувиар тус тус өссөн дүнтэй байна.
-
Тод мэдээ2020/09/01
УИХ-ын дэд дарга С.Одонтуяа Элчин сайд Кобаяши Хироюкиг хүлээн авч уулзав
-
Тод индэр2020/02/17
Төрийн байгууллагууд амны хаалт хэрэглээгүй иргэнд үйлчлэхгүй
-
Өнөөдөр2019/06/26
“Эрүүдэн шүүхийн хохирогчдын эрхийн асуудал” нээлттэй хэлэлцүүлэг бо...
-
Өнөөдөр2021/05/31
Үс шинээр үргээлгэх буюу засуулахад тохиромжгүй