Тод мэдээ
Японд Эссэ бичлэгийн уралдаан боллоо
Монгол улсаас Япон улсад суугаа Элчин Сайдын Яам, Япон дахь Олон улсын боловсролын нийгэмлэг болон Монгол Японы төв, Монгол Японы Нетворкинг зэрэг байгууллага хамтран зохион явуулж, дүнгээ гаргалаа. “Сэнпай /Ахмад/-н үг, сургаал” хэмээх нэртэйгээр япон орныг зорих гэж байгаа, нутаг нэгтнүүддээ хандаж япон дахь амьдралын туршлага, алдаа оноо, хэл сурах арга барил, япон хүмүүстэй хэрхэн харилцах, огт өөр орчин, газарт хэрхэн хурдан дасан зохицох зэрэг ах эгчийн зүгээс ямар захиас хэлэх, түрүүлж ирээд амьдралын зах зухаас амсаад, мэдэрчихсэн ах эгч хүнээс сонсож байсан хамгийн үнэт сургамж, сэтгэлд тод үлдсэн дурсамжаа өөрийн үгээр чөлөөтэй илэрхийлэн бичих сэдвийн дор өрнөсөн билээ. Тус уралдаанд газар газраас олон залуус оролцож, 3-р сарын 25 нд шагнал гардуулах ёслол боллоо.
Тэргүүн байранд оюутан залуусын хэсгээс Ганболдын Бямбасүрэн, ур чадварын дадлагжигч хэсгээс Эрдэнэбаярын Гэрэлзаяа нар тус тус шалгарч 50 мянган иэнийн мөнгөн шагнал хүртэв. Дэд байрт Дамбын Энхзаяа, гутгаар байранд Ганбаатарын Золзаяа нар шалгарч тус тус 30 мянган иэн, тусгай байранд Одонтунгалагийн Баттуул, Мөнхбатын Зүгдор нар шалгарч тус тус 10 мянган иэний мөнгөн шагнал хүртлээ. Оролцсон бүх хүнд 3000 иэн бүхий бэлгийн карт бэлэглэв. Энэхүү уралдаан нь жил бүр уламжлал болон зохион явагдах ажээ.
Тод мэдээ
Мал аж ахуйн удирдах ажилтны зөвлөгөөн боллоо
Хүнс, хөдөө аж ахуй, хөнгөн үйлдвэрийн яамны Мал аж ахуй бодлогын хэрэгжилтийг зохицуулах газраас салбарын удирдах ажилтны зөвлөгөөнийг зохион байгууллаа.
Зөвлөгөөнийг мал аж ахуйн салбарын бүтээмжийг нэмэгдүүлж, эрсдэлийг бууруулах зорилгоор “Уур амьсгалд ухаалаг мал аж ахуй ба гамшгийн эрсдэлийн удирдлага” сэдвийн хүрээнд явуулж, 21 аймаг, нийслэлий, Хүнс, хөдөө аж ахуйн газрын Мал аж ахуйн хэлтсийн дарга болон харьяа байгууллагуудын төлөөллийг хамруулав.
Энэ үеэр салбарын тулгамдсан асуудлыг тодорхойлж, тогтвортой хөгжүүлэх гарц шийдлийг хэлэлцсэн. Тухайлбал, өсвөр мал бордож, эдийн засгийн эргэлтэд оруулах, малын гаралтай бүтээгдэхүүний экспортыг тогтвортой тогтмол байлгах тухай асуудлуудыг зөвлөлдлөө гэж ХХААХҮЯ-наас мэдээллээ.
Тод мэдээ
БНСУ-д хөдөлмөрийн гэрээний ажилтан илгээсээр байна
Монгол Улсын Засгийн газар Гэр бүл, хөдөлмөр, нийгмийн хамгааллын яам болон БНСУ-ын Засгийн газар Хөдөлмөр эрхлэлт, хөдөлмөрийн яам хооронд байгуулсан гэрээ, хэлэлцээрийн дагуу хөдөлмөрийн гэрээт ажилтан илгээх үйл ажиллагааг ХХҮЕГ тасралтгүй зохион байгуулан ажиллаж байна.
БНСУ нь 17 улс орноос гадаад ажилтан хүлээн авдаг бөгөөд Монгол Улс 2004 оноос өнөөг хүртэл жил бүр ажиллах хүсэлтэй иргэдийг бүртгэх, илгээх үйл ажиллагааг зохион байгуулдаг Засгийн газрын хэрэгжүүлэгч агентлаг Цорын ганц Төрийн байгууллага юм.
БНСУ-ын хөдөлмөрийн хөлсний 2024 онд мөрдөгдөж буй хэмжээ цалингийн доод 2,060,740 вон байна.
Өнгөрсөн 2024 онд 722 хүн илгээсэн байна. Хөдөлмөрийн биржийн ажил хайгчаар байршсан иргэдэд улирал тутам ажлын санал ирж, сар бүрийн тогтсон өдөр илгээсээр байна.
Өнөөдөр буюу 2025 оны 04 сарын 02-ны өдөр аж үйлдвэрийн салбарт 22 ажилтан ажиллахаар тус улсыг зорилоо.
Мөн 04 дүгээр сарын 08-нд тогтвортой 13 ажилтан, ХАА, газар тариалан 2 ажилтан, Үйлчилгээ 2 салбарт 5, Барилга 1 ажилтан тус тус илгээхээр бэлтгэл ажил хийгдэж байна.
Мөн барилгын салбарт илгээгдэх иргэн хувийн шалтгаанаар явах боломжгүй гэх хариу өгөөд байгаа аж.
Сүүлийн үед БНСУ-аас ажлын санал ирсний дараа иргэдийн өөрсдийн хариуцлагагүй байдлаас шалтгаангүйгээр хойшлуулах, явахгүй гэх мэт шалтгаан ихээр гарч байгаа тул БНСУ-ын ажил олгогч тухайн ажилтныг 17 улсын ажил хайгч олон дундаас сонгож, тухайн улсдаа татвар төлж, бичиг баримтыг бүрдүүлэн 6 сар орчим хүлээсний дараа хүлээн авах, цаг хугацаа, санхүүгийн тодорхой хохирол амсах эрсдэлтэй байдал удаа дараа үүсгэж байна.
Иймд манай улсын ажил хайгч иргэдийг олноор сонгохгүй байх эрсдлийг үүсгэж байгаа тул ажлын санал ирсэн иргэдийг дээрх асуудал үүсгэхгүй байхыг сануулж байна.
Тод мэдээ
УИХ-ын чуулганы нэгдсэн хуралдаан /2025.04.03/
