Бидэнтэй нэгдэх

Тод мэдээ

Оюуны өмчийн чиглэлээрх хамтын ажиллагааны баримт бичиг байгуулав

Огноо:

,

Сэтгүүлч:

Швейцарын Женев хотноо энэ оны 7 дугаар сарын 14-22-ны өдрүүдэд Дэлхийн оюуны өмчийн байгууллагын Ерөнхий Ассамблейн 63 дугаар чуулган болов. Уг чуулганы Ерөнхий санал шүүмжлэлд Монгол Улсын Оюуны өмчийн газрын дарга Г.Элбэгсайхан үг хэлж, оюуны өмчийн эрхийг хамгаалах чиглэлээр манай улсын Засгийн газраас хэрэгжүүлж буй бодлого, үйл ажиллагааг танилцууллаа.

Тус чуулганы үеэр Оюуны өмчийн газрын дарга Г.Элбэгсайхан Дэлхийн оюуны өмчийн байгууллагын Ерөнхий захирал Дарен Тангтай уулзаж, хоёр талын хамтын ажиллагааны асуудлаар санал солилцон, хамтын ажиллагааны талаарх баримт бичгүүдэд гарын үсэг зурав.

Тухайлбал, Монгол Улсын Оюуны өмчийн газраас үзүүлж буй бизнесийн үйлчилгээг хөгжүүлэх асуудлаар хоёр байгууллагын хооронд хамтын ажиллагааны хэлэлцээр байгуулснаар  оюуны өмчийн үйлчилгээ, удирдлагыг сайжруулж, зардал багатай, чанартай шийдлүүдийг Оюуны өмчийн газрын үйл ажиллагаанд нэвтрүүлэх боломж бүрдэв.

Мөн Монгол Улсын Оюуны өмчийн газар, Монгол Улсын Соёл, урлагийн их сургууль, Санхүү эдийн засгийн их сургууль, Дэлхийн оюуны өмчийн байгууллага Оюуны өмчийн асуудлыг тусгасан хичээлийн хөтөлбөр боловсруулах, сургалтын үйл ажиллагааг явуулахад дэмжлэг үзүүлэх чиглэлээр хамтран ажиллах тухай хоорондын харилцан ойлголцлын санамж бичгийг байгуулснаар манай улсын холбогдох их сургуулиудын дээд боловсролын хөтөлбөрийн хүрээнд Дэлхийн оюуны өмчийн байгууллага болон Оюуны өмчийн газрын мэргэжилтнүүдээр хичээл заалгах, судалгаа шинжилгээ хийх, олон нийтийн мэдлэгийг дээшлүүлэх боломж бүрдэж, оюуны өмчийн салбарын хүний нөөцийн чадавхыг бэхжүүлэхэд хувь нэмэр оруулах юм.

Дэлгэрэнгүй унших
сурталчилгаа

Сэтгэгдэл

Тод мэдээ

"Зөвлөлдөж шийдье" зөвлөлдөх санал асуулгын эхний шатны мэдээлэл цуглуулалт орон даяар эхэллээ

Огноо:

,

Эхний шатны санал асуулга 2023 оны 1-р сарын 26-наас 2-р сарын 2-ныг дуустал үргэлжилнэ. Санал асуулгад түүвэрт сонгогдсон 157 нэгжийн 1570 иргэн хамрагдах бөгөөд статистикийн байгууллагаас тусгайлан бэлтгэсэн 77 мэдээлэл цуглуулагч ажиллаж байна гэж Үндэсний Статистикийн Хорооноос мэдээллээ.

Дэлгэрэнгүй унших

Тод мэдээ

Ерөнхий сайд Л.Оюун-Эрдэнэ Франц Улсын Элчин сайдыг хүлээн авч уулзлаа

Огноо:

,

Монгол Улсын Ерөнхий сайд Л.Оюун-Эрдэнэ Бүгд Найрамдах Франц Улсаас манай улсад суугаа Онц бөгөөд Бүрэн Эрхт Элчин сайд Себастиан Сүрүнийг хүлээн авч уулзаж, хоёр талын харилцаа, хамтын ажиллагааны талаар санал солилцлоо.

Монгол Улсын Засгийн газар цар тахлын дараах эдийн засгийн эрчимтэй өсөлтийг бий болгох, хөгжлийг хязгаарлагч хүчин зүйлсийг шийдвэрлэх зорилго бүхий “Шинэ сэргэлтийн бодлого” хэрэгжүүлж, боомт, эрчим хүч, аж үйлдвэр, хот хөдөөгийн тэнцвэрт хөгжил, ногоон хөгжил, төрийн бүтээмжийн зургаан багц зорилтын хүрээнд бүтээн байгуулалт, хөрөнгө оруулалт төвлөрүүлэн ажиллаж байгааг Ерөнхий сайд тэмдэглээд эдгээр салбарт Франц улстай хамтран ажиллах боломж нээлттэйг онцоллоо. Монгол, Францын харилцааг шинэ шатанд гаргахын тулд харилцаанд жинтэй хувь нэмэр оруулах, хоёр орны нийтлэг эрх ашигт нийцсэн хөгжлийн томоохон төсөл хэрэгжүүлэх нь ач холбогдолтойг Ерөнхий сайд тэмдэглэв.

2023 он Монгол, Франц хоёр улсын харилцаа, хамтын ажиллагааны чухал жил болно гэдэгт итгэлтэй байгаагаа Элчин сайд Себастиан Сүрүн илэрхийлэв.  Соёл, боловсрол, шинжлэх ухаан, хөдөө аж ахуйн салбарын хамтарсан төслүүд амжилттай хэрэгжиж байгаад талууд санал нэгтэй байлаа.

Дэлгэрэнгүй унших

Тод мэдээ

Автомашины нүүрсэн яндан хулгайлдаг бүлэг этгээдийг баривчиллаа

Огноо:

,

Нийслэлийн хэмжээнд “Toyota Prius” маркийн тээврийн хэрэгсэл 133,235 байгаагаас “Toyota Prius – 20” маркийн тээврийн хэрэгсэл 67,456  буюу 50,6 хувь, “Toyota Prius – 30” маркийн тээврийн хэрэгсэл 50,631 буюу 38,0 хувь, “Toyota Prius – 40” маркийн тээврийн хэрэгсэл 15,148 буюу 11,3 хувийг эзэлж байна. Нийслэлийн нутаг дэвсгэрт гудамж талбай, автомашины ил зогсоолд байрлуулсан “Toyota Prius” маркийн автомашины нүүрсэн яндан хулгайлдаг Т, Д, Э нарын гурван бүлгийн 12 этгээд холбогдох нүүрсэн яндан хулгайлах 27 гэмт хэргийг цагдаагийн алба хаагчид илрүүлэн, мөрдөн шалгах ажиллагаа явуулж байна.

Ташрамд мэдээлэхэд, Улаанбаатар хотын хэмжээнд сүүлийн гурван жилийн байдлаар “Тоёото Приус” маркийн автомашины нүүрсэн яндан алдагдсан нийт 234 хэрэг бүртгэгджээ. 2023 оны 1 дүгээр сарын байдлаар 21 гэмт хэрэг бүртгэгдсэнээс 17 хулгайлах гэмт хэргийн буруутныг олж тогтоон, илрүүлэлт 80.9 хувьтай байна. 

Түүнчлэн иргэдийг өөрийн эзэмшиж буй тээврийн хэрэгслийн нүүрсэн янданг бусдад зарж борлуулахгүй байх, тээврийн хэрэгслээ хараа хяналтгүй газар орхихгүй байж хяналтын камертай бүсэд харуул хамгаалалттай орчинд байрлуулж, энэ төрлийн гэмт хэргээс урьдчилан сэргийлэхийг цагдаагийн байгууллагаас зөвлөлөө.

Дэлгэрэнгүй унших
сурталчилгаа
Тод мэдээ2023/01/27

"Зөвлөлдөж шийдье" зөвлөлдөх санал асуулгын эхний шатны мэ...

Тод мэдээ2023/01/27

Ерөнхий сайд Л.Оюун-Эрдэнэ Франц Улсын Элчин сайдыг хүлээн авч уулзл...

Тод индэр2023/01/27

Д.Амарбаясгалан: Төрийн өмчит компаниудад нээлттэй сонгон шалгаруула...

Тод мэдээ2023/01/27

Автомашины нүүрсэн яндан хулгайлдаг бүлэг этгээдийг баривчиллаа

Өнөөдөр2023/01/27

“Амар байна уу 2023” үзэсгэлэнд 1000 гаруй жижиг, дунд б...

Тод мэдээ2023/01/27

“Эртэч өглөө” хөтөлбөр хэрэгжүүлж эхэллээ

Өнөөдөр2023/01/27

Улсын тусгай хэрэгцээнд 496 га газрыг авахыг дэмжив

Тод мэдээ2023/01/27

13А маягтыг цахимд шилжүүлэх туршилтыг ирэх долоо хоногт эхлүүлнэ

Өнөөдөр2023/01/27

Ойрын хоногуудад ихэнх нутгаар хүйтний эрч суларна

Өнөөдөр2023/01/27

Үс шинээр үргээлгэх буюу засуулбал өнгө зүс сайжирна

Өнөөдөр2023/01/26

"Зөвлөлдөж шийдье" зөвлөлдөх санал асуулгын эхний шатны мэ...

Тод мэдээ2023/01/26

УБТЗ уурхайчдын вагон захиалгыг 100 хувь хангаж байна

Санал болгох