Бидэнтэй нэгдэх

Тод индэр

Ж.Ганбаатар: Хөрөнгө оруулалтын таатай орчныг бүрдүүлэхэд бүх түвшинд анхаарч ажиллана

Огноо:

,

Сэтгүүлч:

Канадын хайгуулч, олборлогчдын холбоо (PDAC)-оос 91 дэх жилдээ зохион байгуулж буй “Олон улсын эрдэс баялгийн хайгуул, олборлолтын чуулга уулзалт 2023” арга хэмжээ энэ сарын 5-8-ны өдүүдэд Канад улсын Торонто хотноо боллоо.
 
Монгол Улс нь энэхүү арга хэмжээнд 2006 оноос хойш 17 дахь жилдээ оролцож байгаа бөгөөд чуулганаар гадаадын хөрөнгө оруулагчдад Монголын уул уурхайн салбарын талаар цогц мэдээлэл өгөх, салбарын сайдууд болон хөрөнгө оруулагчид, оролцогч талуудтай санал солилцох чухал ач холбогдолтой уулзалтуудад оролцлоо. Мөн анх удаа үзэсгэлэнгийн талбай ажиллуулж, “Монголын өдөр” арга хэмжээг зохион байгуулсан нь хөрөнгө оруулагчдын анхаарлыг татсан, эрэлт өндөр арга хэмжээ болсныг оролцогчид онцлов. Түүнчлэн өөрийн орны ашигт малтмалын хэтийн төлөв, салбарын дэд бүтэц, хууль эрх зүйн орчны шинэчлэл, цаашид баримтлах бодлогын талаарх мэдээлэл бүхий тараах материал бэлтгэн хүргэлээ.
 
Чуулганаар Уул уурхай, хүнд үйлдвэрийн сайд Ж.Ганбаатар Монгол Улсын ашигт малтмалын нөөц бололцоо, салбарын бодлогын шинэчлэлийн талаар илтгэл тавьж, Уул уурхайн сайд нарын дээд хэмжээний уулзалтад оролцлоо. Тэрээр мөн Канад Улсын Парламентын нийтийн танхимын дарга Энтони Рота, Канад Улсын Байгалийн баялгийн дэд сайд Жон Ф.Ж Ханнафорд, Англи (ИБУИНВУ)-ийн Эрдэс баялгийн асуудал хариуцсан сайд Nusrat Ghani, мөн Канад, АНУ-ын хөрөнгө оруулалтын сангууд, банкууд, хөрөнгө оруулагчдыг урьж уулзан салбарын хөрөнгө оруулалтын асуудлаар санал солилцлоо. Уулзалтын үеэр салбарын сайд хөрөнгө оруулагчдад уул уурхайн салбарт хөрөнгө оруулах боломж, давуу тал, хөрөнгө оруулагчдад тулгарч байсан бэрхшээлүүдийг шийдвэрлэж буй талаар, мөн салбарын дэд бүтцийг сайжруулах чиглэлд анхаарч ажиллаж буйг танилцуулсан.
 
Чуулга уулзалтын албан ёсны арга хэмжээний дараа сайд Ж.Ганбаатар Канад улсын Олон улсын худалдаа, экспорт, жижиг дунд бизнес, эдийн засгийн хөгжлийн сайдын парламентын нарийн бичгийн дарга Ариф Вирани, АНУ-ын Эрчим хүчний нөөцийн товчооны Эрчим хүчний засаглал, хүртээмж хариуцсан нарийн бичгийн дарга Пол Хюпер, Канадын EDC банкны төлөөлөл, Бүгд Найрамдах Энэтхэг Улсын Уул уурхайн яамны Төрийн нарийн бичгийн дарга Вивек Бхарадваж нартай уулзсан.
 
Америкийн нэгдсэн улс нь манай улстай газрын ховор элемэнт, баттарейн түүхий эдийн чиглэлээр хамтран ажиллах өндөр сонирхолтой байгаагаа илэрхийлсэн бол Канад Улс өөрийн орны байгальд ээлтэй, хүлэмжийн хийн ялгарлыг бага байлгах технологийг Монгол улсад нутагшуулах, түүнчлэн уул уурхайн дэвшилтэт техник, мэргэжлийн боловсон хүчин бэлтгэх, нийлүүлэх чиглэлд хамтран ажиллах сонирхлоо илэрхийлсэн.
 
PDAC2023 чуулганаар манай улс, уул уурхайн салбарын хөрөнгө оруулалтын орчин өдрөөс өдөрт таатай болж өөрчлөгдөж байгаа, хариуцлагатай уул уурхайг бүх талаар дэмжиж, найдвартай, тогтвортой түншлэгч байх, хөрөнгө оруулалтын үр өгөөжийг төсөл хэрэгжүүлэгч болон нутгийн иргэдэд харилцан үр ашигтай хүргэх, ойлголцол дээр тулгуурлан хамтран ажиллах боломжтойг хөрөнгө оруулагчдад хүргэхийг зорьж ажиллалаа.
 
Эх сурвалж: УУХҮЯ
Дэлгэрэнгүй унших
АНХААРУУЛГА: УИХ-ын 2024 оны ээлжит сонгуулийн хуулийн холбогдох заалтын хүрээнд тус сайтын сэтгэгдэл хэсгийг түр хугацаанд хаасан болно.

Тод индэр

Монгол Улсын Ерөнхийлөгч У.Хүрэлсүх Ялалтын баярын ёслолд оролцлоо

Огноо:

,

Монгол Улсын Ерөнхийлөгч, Зэвсэгт хүчний Ерөнхий командлагч Ухнаагийн Хүрэлсүх ОХУ-ын Ерөнхийлөгч В.В.Путины урилгаар Аугаа их Эх орны дайны ялалтын түүхт 80 жилийн ойн  баярын цэргийн хүндэтгэлийн ёслолд оролцлоо.

Ялалтын баярын жагсаалд ОХУ-ын 11 мянга гаруй цэргийн алба хаагч, Монгол Улс, БНХАУ, Азербайжан, Беларусь, Тажикстан, Казахстан, Туркменистан, Кыргызстан, Египет, Узбекистан, Вьетнам, Лаос, Мьянмар зэрэг 13 орны 1,500 гаруй цэргийн алба хаагч оролцлоо.

28 офицер, 50 ахлагч, цэргийн гэрээт хоёр алба хаагчаас бүрдсэн Монгол Улсын Зэвсэгт хүчний бие бүрэлдэхүүний жагсаалыг 032 дугаар ангийн захирагч, дэд хурандаа Э.Билэгсайхан ахаллаа.
Алба хаагчид өнгөрсөн сард ОХУ-ын Батлан хамгаалах яамны харьяа “Звенигородский” цэргийн амралт, сувиллын газар Казахстан, Тажикстан, Туркменистан улсын цэргийн багтай хамтран бэлтгэлээ хийжээ.  

Монгол Улс, монголын ард түмэн дайны эхний өдрөөс “Бүхнийг фронтод, бүхнийг ялалтын төлөө” уриан дор хөдөлмөрлөж, Зөвлөлт Холбоот Улс, Улаан армид “Хувьсгалт Монгол” танкийн цуваа, “Монгол ард” нисэх хүчний эскадриль, 500 мянган агт морьдоос гадна зургаан удаа дулаан хувцас, хоол хүнс, бүхий 740 вагон тусламжийн бараа нийлүүлж, ялалтад өөрийн хувь нэмрээ оруулсан юм.


 

Дэлгэрэнгүй унших

Тод индэр

Н.Мөнхбаяр: Сэлбэ дэд төвийн газар чөлөөлөлтөөс татгалзсан 30 орчим иргэн байна

Огноо:

,

Сэлбэ дэд төвийн гэр хорооллыг орон сууцжуулах төслийг Чингэлтэй дүүргийн 14, 18 дугаар хороо, Сүхбаатар дүүргийн 14 дүгээр хорооны нутаг дэвсгэрийн 158 га талбайд хэрэгжүүлж буй.

Энэ хүрээнд 2206 нэгж талбарыг чөлөөлөхөөс 1736 иргэнтэй нөхөн олговрын гэрээ байгуулж, нөхөх олговрыг олгоод байна.

Энэ талаар нийслэлийн Газар зохион байгуулалтын албаны Газар чөлөөлөх хэлтсийн дарга Мөнхбаяр “Сэлбэ дэд төвийн 158 га газрын нөлөөлөлд 2206 иргэний газар өртсөн. Өнгөрсөн оны гуравдугаар сарын 18-нд иргэдээс нийгэм, эдийн засгийн судалгаа болон санал асуулга авч, 70-аас дээш хувийн дэмжлэг авсан тул төслийн газар чөлөөлөлтийн ажлыг эхлүүлсэн. Өнөөдрийн байдлаар 1736 иргэнтэй нөхөн олговрын гэрээ байгуулж, иргэдийн мөнгийг дансанд нь шилжүүлсэн. Үүнээс 1562 айл байсан газрыг чөлөөлж цэвэрлээд байна” гэлээ.

Мөн газар чөлөөлөөгүй 280 орчим нэгж талбар үлдсэн бөгөөд үүний 30 орчим нь уг төслийг огт дэмжээгүй байна. Иймээс эдгээр иргэдтэй өдөр бүр уулзаж, сонсох ажиллагаа хийж байгааг хэллээ.

Дэлгэрэнгүй унших

Тод индэр

Я.Чулуунхүү: Эзэнгүй нохой, муурыг барьж, иргэдийн аюулгүй орчинд амьдрах орчныг бүрдүүлж байна

Огноо:

,

Нийслэлийн иргэдийн эрүүл, аюулгүй орчинд амьдрах нөхцөлийг бүрдүүлэх зорилгоор эзэнгүй нохой, муур, мал амьтныг барьж, асрамжлах газарт байрлуулах ажлыг дөрөвдүгээр сарын 24-28-ны өдрүүдэд зохион байгуулж байна. Энэ талаар УБЗАА-ны Захиргаа, санхүүгийн удирдлагын газрын дарга Н.Отгонбаяраас тодрууллаа.

Тэрбээр “2025 онд НЗДТГ болон Улаанбаатар хотын Захирагчийн ажлын албанд эзэнгүй нохой, мууртай холбоотой гомдол олноороо ирсэн. Тиймээс нийслэлийн Засаг даргын захирамжаар эзэнгүй нохой, муурыг эзэнжүүлэх, түр асрах байранд хүргэх, анхан шатны вакцин хийх, туулга өгөх, үржлийг хязгаарлах үйлчилгээ үзүүлж байна. Нохой, муур барих ажилд нийслэлийн зургаан дүүргийн онцгой, цагдаагийн албан хаагчид болон УБЗАА, нийслэлээс холбогдох албаныхан 1000 гаруй хүн ажиллаж байна. Энэ удаагийн байршил СХД-ийн 20 дугаар хорооноос эхэлж, Туулын бургаснаас хойш самнах ажиллагаа явуулж байна” гэлээ.

Сонгинохайрхан дүүргийн 20 дугаар хорооны Засаг дарга Я.Чулуунхүү “Нийслэлийн Засаг даргын захирамжаар нохой, муур барих, эзэнжүүлэх арга хэмжээ 20 дугаар хороонд хоёр дахь өдрөө үргэлжилж байна. Манай хороо гэр хороолол, байшин хороолол, үйлдвэрлэлийн бүс ихтэй. Үйлдвэрлэлийн бүсэд эзэнгүй нохой, муур олон байдаг. Бага насны хүүхдүүдийг хичээл сургуульдаа явахад айлгадаг. Тиймээс нохой, муур барих ажил иргэдийн аюулгүй орчинд амьдрах нөхцөлийг бүрдүүлэх чухал ач холбогдолтой” гэв.

Дэлгэрэнгүй унших
сурталчилгаа
Тод мэдээ18 цаг 32 минут

Ураны төслийг хэрэгжүүлэхэд ОУ-ын итгэмжлэгдсэн лаборатори байгуулж ...

Тод мэдээ22 цаг 5 минут

Замын-Үүд боомтоор орж ирсэн жимс, хүнсний ногоонд пестицидийн үлдэг...

Тод мэдээ22 цаг 9 минут

Өвөр гүнтийн 4.5 км авто замын засвар, шинэчлэлтийн ажил эхэллээ

Тод мэдээ22 цаг 18 минут

“Улаанбаатар аялал жуулчлалын үзэсгэлэн-2025” зохион байгуулагдл...

Тод мэдээ22 цаг 23 минут

Дорноговь аймгийн 12 сум хүнсний эрхийн бичгээс татгалзаад байна

Тод мэдээ22 цаг 26 минут

Хот, тосгоны эрх зүйн байдлын тухай хуульд өөрчлөлт оруулах тухай ху...

Өнөөдөр22 цаг 31 минут

УИХ: Өнөөдөр хуралдах намын бүлэг, ажлын хэсгүүд

Өнөөдөр22 цаг 39 минут

УБЦТС: Өнөөдөр хийгдэх засварын хуваарь

Өнөөдөр23 цаг 10 минут

Улаанбаатарт өдөртөө 25 хэм дулаан

Тод мэдээ2025/05/16

Авто замыг хааж, шинэчилнэ

Тод мэдээ2025/05/16

Ерөнхийлөгчийн ивээл дор 37 дахь удаагийн “Номын баяр” болно

Тод мэдээ2025/05/16

Монгол Улс руу чиглэсэн кибер халдлагын 70 хувь нь Засгийн газрыг ...

Тод мэдээ2025/05/16

АТГ: Ерөнхий сайдын нэр дурдагдсан гомдол, мэдээлэлд хяналт шалгалт ...

Тод мэдээ2025/05/16

Шадивлангаас Дамбадаржаа хүртэлх нэгдүгээр хэсгийн 2.4 км авто замын...

Тод мэдээ2025/05/16

Орон сууцны залилах гэмт хэргээс урьдчилан сэргийлье!

Өнөөдөр2025/05/16

УИХ: Өнөөдөр болох байнгын хороодын хуралдаан, хэлэлцүүлэг

Өнөөдөр2025/05/16

УИХ: Өнөөдөр чуулганы нэгдсэн хуралдаанаар...

Өнөөдөр2025/05/16

УБЦТС: Өнөөдөр хийгдэх засварын хуваарь

Өнөөдөр2025/05/16

Цаг агаарын аюултай үзэгдлээс сэрэмжлүүлж байна!

Тод мэдээ2025/05/15

Орон сууцны үнэ өмнөх оны мөн үеэс 16 хувиар өсжээ

Тод мэдээ2025/05/15

"Богд уул" сувиллыг хууль бусаар ашиглаж байсныг таслан зогсоож, ний...

Тод мэдээ2025/05/15

Гашуунсухайт-Ганцмод боомтын төмөр замын бүтээн байгуулалтыг 22 сары...

Тод мэдээ2025/05/15

“Улаанбаатар марафон 2025” олон улсын гүйлтийн бүртгэл энэ сарын...

Тод мэдээ2025/05/15

Гашуунсухайт боомтын эрдэс баялаг, нүүрс экспортлох хүчин чадал гура...

Тод мэдээ2025/05/15

Ерөнхий сайд Л.Оюун-Эрдэнэ БНХАУ-ын ӨМӨЗО-ы Ганцмод боомтод ажиллав

Тод мэдээ2025/05/15

Сар бүрийн сүүлийн 7 хоногийн пүрэв гарагт аюулгүй байдлаа шалгаж, у...

Өнөөдөр2025/05/15

УИХ: Өнөөдөр чуулганы нэгдсэн хуралдаанаар...

Өнөөдөр2025/05/15

УБЦТС: Өнөөдөр хийгдэх засварын хуваарь

Өнөөдөр2025/05/15

Улаанбаатарт өдөртөө 11 хэм дулаан

Тод мэдээ2025/05/14

УИХ: Академич С.Чулуун “Дэлхийд тархсан монгол өв” 12 боть бүтээ...

Санал болгох