Бидэнтэй нэгдэх

Тод мэдээ

Боловсрол, шинжлэх ухааны сайд Л.Энх-Амгалан үе үеийн сайд нарыг хүлээн авч уулзлаа

Огноо:

,

Сэтгүүлч:

Боловсрол, шинжлэх ухааны сайд Л.Энх-Амгалан 1990 оноос хойш салбарын сайдаар ажиллаж ирсэн үе үеийн сайд нарыг өнөөдөр хүлээн авч уулзлаа.
 
Уулзалтад Боловсролын сайд Н.Уртнасан, Шинжлэх ухаан, Боловсролын сайд С.Төмөр-Очир, Гэгээрлийн сайд Ч.Лхагважав, А.Баттөр, Боловсрол, соёл, шинжлэх ухааны сайд А.Цанжид, Ө.Энхтүвшин, Н.Болормаа, Боловсрол, соёл, шинжлэх ухаан, спортын сайд Ж.Батсуурь, Г.Чулуунбаатар, Ц.Цогзолмаа, Боловсрол, шинжлэх ухааны сайд Л.Цэдэвсүрэн нар оролцлоо.
 
Уулзалтын эхэнд Боловсрол, шинжлэх ухааны сайд Л.Энх-Амгалан “Боловсрол, шинжлэх ухааны салбарын 100 жилийн ой тохиож байгаа энэ үед томилогдон ажиллаж байгаадаа би өөрийгөө азтай сайд гэж бодож байна. Өнгөрсөн хугацаанд нийт 38 сайд ажиллаж, сүүлийн 20 жилд 18 сайд томилогдон ажилласан байна. Бүрэн эрхийн хугацаагаа дуусгасан гурван сайд байдаг юм байна. Ингээд бодохоор нэг сайд дунджаар 4-6 сар ажил үүргээ явуулсан байгаа юм. Энэ бол сайд нарын буруу биш. Харин үүнийг Монгол Улсын бодлого, сонгуулийн тогтолцоо, нийгмийн гажиг гэж харж байгаа. Уламжлалгүйгээр шинэчлэл гэж байдаггүй. Тиймээс өнөөдөр сайд нарынхаа саналыг сонсъё гэж зорьсон. Би ажлаа аваад хэд хэдэн зүйлийг олж хараад байна. Өнөөдөр боловсрол, шинжлэх ухааны салбарт 101,390 хүн ажилладаг. Энэ бол нийт төрийн албан хаагчийн 40 гаруй хувь юм. Иймд төрийн албаны шинэчлэлийг манай салбараас эхэлж болохоор байна. Мөн боловсролын салбарт 1,7 их наяд төгрөгийн санхүүжилт хийгддэг. Үүнийгээ багш, хүүхдүүддээ зориулъя. Ерөнхий боловсролын сургуульд олгодог санхүүжилтээс болж ялгаа үүсч эхэлсэн. Төр өөрөө ялгааг бий болгож болохгүй. Шинжлэх ухааны салбар, их, дээд сургууль, хүрээлэнгүүдийн хамтран ажиллах сэтгэлгээ хангалтгүй байна. Боловсролын тогтолцоо ийм байхад бид санхүүжилтийг нэмсэн ч бодит байдал өөрчлөгдөхгүй. Тиймээс энэ бүгдийг шинэчилнэ. Энэ Засгийн газар боловсрол, шинжлэх ухаан, инновацийн салбарт анхаарч, улс төрийн дэмжлэг үзүүлж, УИХ-ын гишүүнийг давхар Боловсрол, шинжлэх ухааны сайдын үүргийг хаших томилгоо хийсэн” гэдгийг онцоллоо.
 
Сайд нар өөрийн ажиллаж байсан үеийн бодлого, зорилт, авч хэрэгжүүлсэн ажил, арга хэмжээнийхээ алдаа, оноог ярилцаж, салбарын шинэ сайдад хандаж, засаж сайжруулах чиглэлээр хэд хэдэн санал хэллээ. Тухайлбал, боловсролын зорилгыг улсын хөгжлийн зорилготой уялдуулах, үндэсний боловсролын тогтолцоог дэлхийтэй өрсөлдөхүйц хэмжээнд хүргэх, хүмүүжилтэй хүн бэлтгэх, англи хэлийг хоёр дахь хэл болгох, шинжлэх ухаанч соёлыг түгээн дэлгэрүүлэх, боловсрол судлалыг хөгжүүлэх, их, дээд сургуулиудын хөтөлбөрийн давхцалыг арилгах шаардлагатай байна гэв.
 
Түүнчлэн багш бэлтгэх тогтолцоо, сургалтын хөтөлбөр хэрэгжүүлэх, сурах бичиг бүтээх харилцаануудыг хуульчлах шаардлагатай, Мэргэжлийн боловсрол, сургалтыг Боловсролын яамны харьяанаас гаргасан нь алдаатай бодлого байсан. Үүнээс болж салбарын шаталсан тогтолцоонд доголдол гарч, багш нар нь хохирсон хэмээж байсан юм.
 
Шилжилтийн эхэн үед буюу 1990-1993 онд Боловсролын сайдаар ажиллаж байсан Н.Уртнасан “Миний үед сайдын албыг хашихдаа малчин өрхийн хүүхдүүдийг боловсролтой болгоход анхаарч ажилласан. Сургууль бол хүнийг хөдөлмөрт сургадаг гэж би боддог. Эрдэм мэдлэгээс гадна насан туршдаа хөдөлмөр эрхлэх, хүмүүжихэд гол анхаарах нь чухал байна. Улс орны бодлогыг тодорхойлж, түүнийгээ тууштай, үр дүнтэйгээр хэрэгжүүлж чадсан бол өнөөдрийн түвшинд шүүмжлээд байгаа шиг нөхцөл байдал тулгарахгүй байсан болов уу. Бид зориг, тэвчээр гаргаад тууштай хийж чадаагүй нэг ажил бол багш нарын боловсрол, чадвар, нийгмийн асуудалд анхаарах явдал гэж боддог. Иймд цаашид үүнд анхаарч ажиллаарай” гэв.
 
1995-1996 онд Шинжлэх ухаан, боловсролын сайдаар ажиллаж байсан С.Төмөр-Очир “Өнөөдөр монгол хүнд дутагдаж байгаа нэг зүйл бол хүмүүжил юм. Иймд хүмүүжүүлж, төлөвшүүлэхэд анхаарах хэрэгтэй байна. Зүрх сэтгэлийн боловсролыг оруулж өгөх нь чухал. Хүн бүр өөрийгөө боловсролыг мэддэг гэж боддог. Гэтэл үнэн хэрэгтээ тийм ч олон хүн боловсролыг мэддэггүй. Надад захиж хэлэх зүйл байна. МСҮТ боловсролын тогтолцоо юм бол яамны харьяанд авах хэрэгтэй. Мөн багш бэлтгэдэг системийг сайжруулж, онц сайн сурдаг хүүхдүүдийг багшийн их сургуульд сургах хэрэгтэй” хэмээсэн юм.
 
Сайд Л.Энх-Амгалан уулзалтын төгсгөлд хэлсэн үгэндээ “Та бүхний үнэт саналыг ажил хэрэгтээ тусгана. Бодлого боловсруулахад оролцоорой. Та бүхэн хийж, хэрэгжүүлж амжаагүй зүйлээ надаар дамжуулан хэрэгжүүлээрэй. “Хамтрах соёл”-ыг үе үеийн боловсролын сайд нараас эхлүүлье” гэж уриаллаа. Сайд нар ч салбарын шинэ сайдтай хамтарч, дэмжиж ажиллах бүрэн боломжтой гэдгээ тодотгон хэлцгээж байлаа.
 
Одоогийн Боловсрол, шинжлэх ухааны яам 1924 онд Ардыг гэгээрүүлэх яам нэртэйгээр байгуулагдсан бөгөөд энэ хугацаад 38 хүн салбарын сайдаар ажиллаж иржээ.
 
Эх сурвалж: БШУЯ
Дэлгэрэнгүй унших
АНХААРУУЛГА: УИХ-ын 2024 оны ээлжит сонгуулийн хуулийн холбогдох заалтын хүрээнд тус сайтын сэтгэгдэл хэсгийг түр хугацаанд хаасан болно.

Тод мэдээ

ТҮЦ эрхлэгчдийн холбоодтой зөвшилцөх ажлыг үргэлжлүүлж байна

Огноо:

,

Нийслэл, дүүргийн Засаг даргын захирамжаар нийтийн эзэмшлийн гудамж, талбай болон явган хүний зорчих хэсэгт саад болж, хотын өнгө үзэмжийг алдуулж буй зөвшөөрөлгүй байршуулсан ТҮЦ-үүдийг өнгөрсөн дөрөвдүгээр сараас нүүлгэж эхэлсэн.

Энэ хүрээнд өнөөдөр НЗДТГ-ын дарга Д.Амгалан, Улаанбаатар хотын Ерөнхий менежер бөгөөд Захирагчийн ажлын албаны дарга Г.Батзориг нар нийслэлийн төвийн зургаан дүүргийн удирдлагуудтай уулзаж, ТҮЦ эрхлэгчдэд авах цаашдын арга хэмжээний талаар санал солилцлоо.

Нийслэлээс ТҮЦ эрхлэгчдийн холбоодтой зөвшилцөх ажлыг үргэлжлүүлж байгаа бөгөөд хэд хэдэн саналыг тавьсан. Тодруулбал ажлын байр санал болгох, 1 удаагийн нөхөх олговор олгох, лангуу түрээслэх асуудлыг шийдвэрлэх зэрэг санал тавьсан байна. 

Дэлгэрэнгүй унших

Тод мэдээ

Нийслэлийн хэмжээнд 40 байршилд нөөцийн махны өргөтгөсөн худалдаа зохион байгуулж байна

Огноо:

,

Өргөтгөсөн худалдаа тавдугаар сарын 31-ээс зургаадугаар сарын 6-ныг дуустал үргэлжлэх бөгөөд хонины махыг гулуузаар 1 кг нь 10,000 төгрөг, үхрийн махыг 13,000 төгрөгөөр тус тус борлуулна.

Нөөцийн махыг нийслэлийн есөн дүүргийн 446 хүнсний дэлгүүр, 40 байршилд хямдралтай үнээр худалдаагаар борлуулж буй.

Засгийн газрын 2023 оны 344 дүгээр тогтоолоор баталсан “Стратегийн хүнсний улирлын нөөц бүрдүүлэх, зарцуулах журам”-ын хүрээнд нийслэлийн хүн амын 2025 оны хаврын махны нөөц бүрдүүлэх зорилгоор нийт 10 аж ахуйн нэгжийн 8713 тонн нөөцийн мах бэлтгэсэн. Өнөөдрийн байдлаар 75.3 тонн үхрийн мах, 68.6 тонн хонины мах буюу нийт 143.9 тонн мах худалдан борлуулаад байна.

Дэлгэрэнгүй унших

Тод мэдээ

ГЕГ: Гаалийн 9 түр агуулахад хугацаа хэтэрсэн 324 автомашин болон 30 гаруй чингэлэг бараа, бүтээгдэхүүн байна

Огноо:

,

Гаалийн түр агуулах болон, баталгаат бүсэд байгаа хугацаа дууссан бараа, тээврийн хэрэгслүүдийн нөхцөл байдал, тулгамдаж буй асуудлуудыг хэрхэн шийдвэрлэх талаар хэлэлцүүлэг зохион байгууллаа.

“Гааль-Бизнесийн түншлэл” болон төрийн байгууллага хоорондын хамтын ажиллагааг өргөжүүлэн, хөгжүүлж, үйл ажиллагаагаа уялдуулж, мэдээлэл солилцох тогтолцоог бүрдүүлэх чиглэлийн хүрээнд өнөөдөр Улаанбаатар хот дахь гаалийн газрын хурлын танхимд түр агуулах, баталгаат бүсэд  байгаа хадгалах хугацаа дууссан бараа, тээврийн хэрэгслийг хэрхэн шийдвэрлэх талаарх “Асуудал-Шийдэл 2025” панелист хэлэлцүүлэг боллоо. 

Хэлэлцүүлэгт ГЕГ-ын Хяналт, бүрдүүлэлтийн газрын төлөөлөл, УБГГ-ын удирдлагууд, гаалийн улсын ахлах байцаагчид болон УБТЗ, Монголын тээвэр зуучлагчдын нэгдсэн холбоо, Гаалийн хяналтын бүс эзэмшигч ААН, Гаалийн зуучлалын мэргэшсэн холбоодын удирдах албан тушаалтнууд оролцож, хадгалах хугацаа дууссан бараа, тээврийн хэрэгслүүдийн өнөөгийн нөхцөл байдал, тулгамдаж буй асуудал, цаашид хэрхэн шийдвэрлэх арга замуудын талаар ярилцаж, санал солилцлоо.

Энэ оны тавдугаар сарын байдлаар Улаанбаатар хотод байрлаж буй гаалийн 9 түр агуулахад хугацаа хэтэрсэн 324 автомашин болон 30 гаруй чингэлэг бараа, бүтээгдэхүүн байгаа талаар Улаанбаатар хот дахь гаалийн газраас мэдээллээ. Гаалийн түр агуулахад байрлаж буй хугацаа хэтэрсэн бараа бүтээгдэхүүний хамгийн их хувийг цементийн нэмэлт болон тамхи, эмнэлгийн тоног төхөөрөмж эзэлж байгаа аж. Мөн энэ оны I улирлын байдлаар Улаанбаатар хот дахь гаалийн газрын гаалийн хяналтын бүс болон баталгаат бүсэд байрлаж байсан хугацаа хэтэрсэн 8.8 тонн барааг 990 горимоор устгасан бол 1.9 тэрбум үнийн дүн бүхий 94 ширхэг барааг хурааж улсын орлого болгохоор НЗДТГ-т шилжүүлжээ. 

Харин “Материалимпэкс” Олон Улсын Тээвэр Зуучлалын байгууллагын гаалийн хяналтын бүсэд хадгалах хугацаа хэтэрсэн 154 ширхэг автомашин, бүрдүүлэлт хийгдээгүй 38700 кг хуучин хувцас байгаа бол “Амгалан” гаалийн хяналтын бүсэд хүлээн авагч нь олдохгүй байгаа 2 тонн гаруй сэлбэг, 40 хайрцаг линзний шингэн гэх мэт бүтээгдэхүүнүүд байгаа нь ААН-үүдийн хувьд тулгамдаж буй асуудал болж байгааг хэллээ. Энэ мэтчилэн хугацаа хэтэрсэн бараа, бүтээгдэхүүнээс үүдэн талбай чөлөөлөх үйл явц удаашрах, чингэлгүүдийг тээвэрлэлтэд ашиглах боломжгүй болох, хадгалалт болон тээвэрлэлтийн хөлсөө төлөөгүйгээс үүдэн ААН-үүдэд хохирол учрах цаашлаад эдийн засгийн урсгал удаашрах гэх мэт хүндрэлтэй асуудлууд гарч байгааг хэлэлцүүлэгт оролцогч талууд дурдлаа.

Цаашид дээрх арга хэмжээг үе шаттайгаар хэрэгжүүлж, хэлэлцүүлэгээс гарсан санал, дүгнэлтийг эцэслэн боловсруулж удирдлагын зөвлөлд оруулж ажиллах юм. 

Дэлгэрэнгүй унших
сурталчилгаа
Тод мэдээ7 цаг 8 минут

ТҮЦ эрхлэгчдийн холбоодтой зөвшилцөх ажлыг үргэлжлүүлж байна

Тод мэдээ7 цаг 17 минут

Нийслэлийн хэмжээнд 40 байршилд нөөцийн махны өргөтгөсөн худалдаа зо...

Тод мэдээ7 цаг 22 минут

ГЕГ: Гаалийн 9 түр агуулахад хугацаа хэтэрсэн 324 автомашин болон 30...

Тод мэдээ7 цаг 28 минут

БНСУ болон Монгол Улс Парисын хэлэлцээрийн хүрээнд хамтын ажиллагааг...

Өнөөдөр7 цаг 55 минут

УИХ: Өнөөдөр болох хэлэлцүүлгүүд

Тод мэдээ8 цаг 11 минут

УИХ: Өнөөдөр болох байнгын хороодын хуралдаан

Өнөөдөр8 цаг 21 минут

УИХ: Өнөөдөр хуралдах ажлын хэсгүүд

Тод мэдээ8 цаг 30 минут

ЭЗБХ: Монголбанкны 2024 оны санхүүгийн тайланг хэлэлцэв

Өнөөдөр8 цаг 43 минут

УБЦТС: Өнөөдөр хийгдэх засварын хуваарь

Өнөөдөр8 цаг 55 минут

Улаанбаатарт өдөртөө 20 хэм дулаан

Тод мэдээ2025/06/03

ХӨСҮТ: Улаанбурхан өвчний лабораториор батлагдсан 5075, эмнэлэгт 647...

Тод мэдээ2025/06/03

Хууль бусаар хөдөлмөр эрхэлсэн БНХАУ-ын 18 иргэнийг албадан гаргалаа...

Тод мэдээ2025/06/03

Орон нутгийн замд хөдөлгөөнт эргүүл ажиллаж байна

Тод мэдээ2025/06/03

Нийгмийн даатгалын сангийн хөрөнгө 8.6 тэрбум төгрөгөөр арвижлаа

Тод мэдээ2025/06/03

Замын хөдөлгөөний дүрэм зөрчвөл зургаар баталгаажуулж, холбоосоор ил...

Тод мэдээ2025/06/03

БНСУ-ын Үндэсний гал түймэртэй тэмцэх газартай хамтын ажиллагааны са...

Тод мэдээ2025/06/03

Монгол, Туркменистаны бизнес эрхлэгчид урт хугацааны хамтын ажиллага...

Өнөөдөр2025/06/03

УБЦТС: Өнөөдөр хийгдэх засварын хуваарь

Өнөөдөр2025/06/03

Улаанбаатарт өдөртөө 23 хэм дулаан

Тод мэдээ2025/06/03

“Монгол Улсын Ерөнхий сайдад итгэл хүлээлгэх тухай” УИХ-ын тогто...

Тод мэдээ2025/06/02

Явган хүний замыг шинэчлэхдээ ил кабелуудыг газар доогуур хонгилын с...

Тод мэдээ2025/06/02

Нийслэлийн төр, захиргааны байгууллагын ажил 07:00 цагт эхэлж 16:00 ...

Тод мэдээ2025/06/02

Төрийн ордонд анх удаа хүүхдийн өрөөтэй боллоо

Тод мэдээ2025/06/02

Өнөөдөр зарим автозамын хөдөлгөөнийг түр хязгаарлана

Тод мэдээ2025/06/02

УИХ-ын гишүүд Хүүхдийн хөгжлийг дэмжих тухай анхдагч хуулийн төслийг...

Тод мэдээ2025/06/02

Туркменистан Улсын Ерөнхийлөгч Сердар Бердымухамедов Монгол Улсад тө...

Өнөөдөр2025/06/02

УИХ: Чуулганы нэгсэн хуралдаанаар Ерөнхий сайдад итгэл хүлээлгэх эсэ...

Өнөөдөр2025/06/02

Улаанбаатарт өдөртөө 17 хэм дулаан

Өнөөдөр2025/06/02

УБЦТС: Өнөөдөр хийгдэх засварын хуваарь

Өнөөдөр2025/06/02

"ДЦС-3” ТӨХК-ийн Өндөр даралтын турбин цехэд гал гарчээ

Санал болгох