Бидэнтэй нэгдэх

Тод мэдээ

МАН-ын дарга, Ерөнхий сайд Л.Оюун-Эрдэнэ “Хөгжлийн бэрхшээл-Шийдэл гарц” уулзалтад оролцлоо

Огноо:

,

Сэтгүүлч:

“Хөгжлийн бэрхшээлтэй иргэдийн хөдөлмөр эрхлэлтийг дэмжих төв”-ийг Улаанбаатар хотод барьж, өнөөдөр  /2024-06-18/ нээлээ. Энэ үеэр Монгол Ардын Намын дарга, Монгол Улсын Ерөнхий сайд Л.Оюун-Эрдэнэ хөгжлийн бэрхшээлтэй иргэдийн төлөөлөлтэй уулзав. Энэхүү  “Хөгжлийн бэрхшээл- Шийдэл гарц” уулзалтад хөгжлийн бэрхшээлтэй иргэдийн 200 гаруй төлөөлөл оролцож, санал бодлоо хуваалцав.

Энэхүү уулзалтад УИХ-ын сонгуулийн VIII тойрогт нэр дэвшигч, УИХ-ын гишүүн, Хөдөлмөр, нийгмийн хамгааллын сайд Х.Булгантуяа, Монгол Ардын намын жагсаалтаар нэр дэвшигч, АШУҮИС-ийн НЭМС-ийн багш,  “Ахиллис Монгол” төрийн бус байгууллагын гүйцэтгэх захирал О.Саранчулуун, Хөгжлийн бэрхшээлтэй хүний хөгжлийн ерөнхий газрын дарга болон холбогдох бусад албаныхан оролцсон юм. 

Монгол Ардын намын дарга, Ерөнхий сайд Л.Оюун-Эрдэнэ уулзалтыг нээж хэлсэн үгэндээ "Монгол Ардын намын жагсаалтад нэг ч улстөрчийг оруулахгүй, харин нийгмийн салбар бүрийн төлөөллийг багтаасан. Тэдний нэг бол жагсаалтын дөрөвдүгээрт бичигдсэн хөгжлийн бэрхшээлтэй иргэдийн дуу хоолой, төлөөлөл болж ажиллах АШУҮИС-ийн НЭМС-ийн багш, “Ахиллис Монгол” төрийн бус байгууллагын гүйцэтгэх захирал О.Саранчулуун юм. Хөгжлийн бэрхшээлтэй иргэд анх удаа өөрсдийг нь парламентад бүрэн дүүрэн төлөөлж чадах, хүчтэй дуу хоолойтой болох боломж нөхцөл бүрдлээ. Парламентын гишүүдийн тоог нэмэгдүүлж, 126 болгосон зорилго бол нийгмийн төлөөллийг нэмэгдүүлэх зорилго юм. Нийгмийн салбаруудын төлөөлөл тойрогт нэр дэвшиж гарч ирэхэд хүндрэлтэй байдаг. Тиймээс бид намынхаа жагсаалтад эрүүл мэнд, боловсрол, хөгжлийн бэрхшээлтэй иргэн, инженерүүд, үйлвэрчний эвлэл, Худалдаа аж үйлдвэрийн танхим, Шинжлэх ухааны академи зэрэг салбар бүрийн бүх төлөөллийг багтааж, бусад улс төрийн намд үлгэр дуурайл үзүүллээ. Харин цаашид энэ шийдэл жишиг болж хэвшээсэй гэж хүсэж байна. Нийгмийн тухайн бүлгийг, тэр салбарыг хэн нэгэн улстөрч биш харин тухайн салбарын эд эс болсон хүн л бүрэн дүүрэн төлөөлж, тэдний хүчтэй дуу хоолой болж чадна. Тиймээс энэ түүхэн жишгийг үргэлжлүүлж, хэвшүүлэхийн тулд та бүхэн маань өөрсдөө нэгдэн дэмжиж авч явах хэрэгтэй шүү” гэв.

“Хөгжлийн бэрхшээл- Шийдэл гарц” уулзалтад оролцогчдын асуултыг шууд болон цахимаар авч, Монгол Ардын Намын дарга, Ерөнхий сайд Л.Оюун-Эрдэнэ, УИХ-ын гишүүн, Хөдөлмөр, нийгмийн хамгааллын сайд Х.Булгантуяа нар хариулт өгөв.

Хөгжлийн бэрхшээлтэй иргэдийн тавьсан асуулт, санал хүсэлтийн дийлэнхийг парламентад төлөөлөлтэй болох боломж нөхцөлийг бүрдүүлсэнд, мөн Хөгжлийн бэрхшээлтэй иргэдийн хөгжлийн ерөнхий газартай, “Хөгжлийн бэрхшээлтэй иргэдийн хөдөлмөр эрхлэлтийг дэмжих” төвтэй болсонд, түүнчлэн хараагүй хүмүүст зориулан намынхаа мөрийн хөтөлбөрийг баррель үсгээр хэвлэсэнд талархаж, Монгол Ардын Намын дарга, Ерөнхий сайдын багийг дэмжихээ илэрхийлж, амжилт хүссэн сэтгэгдэл эзэлж байв.  

Тухайлбал,  “Эрхэм чанар” протезийн үйлдвэрийн захирал А.Оюунцэцэг “Бидний жаргал зовлонг мэдэрч, ойлгодог хүн биднийг төлөөлж парламентад орох гэж буйд баяртай байна. Мөн бидний төлөөллүүд Монгол Улсын Ерөнхий сайдын зөвлөхөөр, мөн агентлагийн даргаар ажиллаж байгаа нь ахиц дэвшил юм. Энэ бол бидний бодит дуу хоолой төрийн бодлого шийдвэрт хүрч байна гэсэн үг. Харин одоо бид төрөөс бэлэн халамж хүсэх бус нэгдэж, хамтарч хийж бүтээх цаг болсон” хэмээгээд Монгол Ардын Намын дарга, Монгол Улсын Ерөнхий сайд Л.Оюун-Эрдэнийг “Эрхэм чанар” протезийн үйлдвэрт зочилж, хөгжлийн бэрхшээлтэй хүмүүсийн хийж бүтээж буй зүйлтэй танилцахыг урилаа.

Энэ мэтчилэн уулзалтад оролцогчдын асуусан асуултад Монгол Ардын Намын дарга, Монгол Улсын Ерөнхий сайд Л.Оюун-Эрдэнэ хариулахдаа хөгжлийн бэрхшээлтэй иргэдийн оролцоонд тулгуурлаж орон сууцны асуудлыг шийдвэрлэх шаардлагатайг энэхүү уулзалт ойлгуулсан гэдгийг тодотгов. Тэрбээр “Баригдаж буй энгийн орон сууцанд стандарт тогтоох, мөн тусгайлсан орон сууцны хөтөлбөр хэрэгжүүлэх шаардлага бий болжээ. Хамгийн чухал нь аливаа зүйлд өөсрдөө оролцох нь зөв хандлага. Төр засаг оролцоонд тулгуурлаж бодлого, шийдвэр гаргадаг байх ёстой. Харин нэг зорилго чиглэлийн төлөө ажиллаж буй байгууллагууд нэгдэж чаддаг байх хэрэгтэй. Хоорондоо нэгдэн нийлэх тусам та нарын дуу хоолой хүчтэй байж, тэр хэрээр хөрөнгө оруулалтыг бий болгож чадна” хэмээгээд нэлээд олон хүн хөгжлийн бэрхшээлтэй иргэдийн төлөөллийг орон нутгийн сонгуульд нэр дэвшүүлэх асуудлыг хэрхэн дэмжих тухай асуулт асуусанд талархалтай хандаж буйгаа хэлээд тэрбээр “Энэ асуултыг олон хүн асууж байгаа нь хөгжлийн бэрхшээлтэй иргэдийн маань итгэл сэргэж байна гэсэн үг. Өмнө нь хөгжлийн бэрхшээлтэй иргэн сонгуульд нэр дэвших тухай ойлголт боломжгүй мэт байдаг байсан бол бид энэ үзэл хандлагыг өөрчилж итгэл өгч чаджээ. Тиймээс орон нутгийн түвшинд хөгжлийн бэрхшээлтэй иргэдийн оролцоог хэрхэн нэмэгдүүлэх тухайд хамтдаа гарц шийдэл эрэлхийлье” хэмээн хариулав.

Улаанбаатар хотод нээлтээ хийж буй  “Хөгжлийн бэрхшээлтэй иргэдийн хөдөлмөр эрхлэлтийг дэмжих төв”  нь  найман давхар, 4073.45 ам метр талбайтай бөгөөд хөгжлийн бэрхшээлтэй хүнд зориулсан, олон улсын стандартад нийцсэн автомашины түр зогсоол, хөтөч зам, талбай байгуулжээ. Мөн барилгын нэг, хоёрдугаар давхрыг Сэргээн засалт, сургалт, үйлдвэрлэлийн төвийн барилгатай хоолойогоор холбож, төрийн үйлчилгээг нэг дороос түргэн шуурхай авах боломжоор хангасан байна.

Хөгжлийн бэрхшээлтэй иргэдийг хөдөлмөр эрхлэлтэд бэлтгэх, ажилд зуучлах, ажил мэргэжлийн зөвлөгөө өгөх, мэргэжлийн чиг баримжаа олгох, ажил олгогчид зориулсан сургалт зохион байгуулах, дэмжлэг үзүүлэх, судалгаа инноваци болон хөдөлмөрийн сэргээн засалт, бизнес инкубаторын үйлчилгээ үзүүлэх гэх мэт өргөн хүрээний зорилготой төвийг 21 аймагт байгуулахаар төлөвлөснөөс одоогоор  Архангай, Дорнод, Дундговь, Хөвсгөл, Ховд, Дархан-Уул аймагт барьж байгуулан ашиглалтад оруулжээ.

Монгол Улсын хэмжээнд хөгжлийн бэрхшээлтэй 111 мянга гаруй хүн байдаг. Үүний 88 хувь нь хөдөлмөрийн насных боловч дөнгөж 30 гаруй хувь нь хөдөлмөр эрхэлж байгаа нь хөдөлмөр эрхлэх орчин нөхцөл, хууль эрх зүйн орчин бүрдээгүйтэй холбоотой тул үүний засч сайжруулах чиглэлд анхаарч, тусгайлсан бодлого хөтөлбөр  хэрэгжүүлэн ажиллаж, тодорхой хэмжээний ахиц дэвшил бий болгож байгаа гэдгээ УИХ-ын гишүүн, Хөдөлмөр нийгмийн хамгааллын сайд Х.Булгантуяа тус төвийг нээж хэлсэн үгэндээ тодотгосон юм. 

 

 

Дэлгэрэнгүй унших
АНХААРУУЛГА: УИХ-ын 2024 оны ээлжит сонгуулийн хуулийн холбогдох заалтын хүрээнд тус сайтын сэтгэгдэл хэсгийг түр хугацаанд хаасан болно.

Тод мэдээ

Сэлбэ хотын орон сууцжуулах төслийн шинэчилсэн таван багц тендерийг зарлалаа

Огноо:

,

Сэлбэ хотын орон сууцжуулах төслийн 3, 4 дүгээр багц тендерийг задалж, тав хувааж зарлана гэдгийг өнгөрсөн долоо хоногт албаныхан мэдэгдэж байсан. Тэгвэл уг таван багц тендерийг долоодугаар сарын 3-ны өдөр албан ёсоор зарлалаа.

Уг багцад инженерийн шугам сүлжээ, орон сууцны барилга, ногоон байгууламж бүхий цогц бүтээн байгуулалт болох Сэлбэ хотын гол хэсгийг бүрдүүлэх төслийн ажлууд багтаж байна. Тендер зарлахаас өмнө бэлтгэл ажлын хүрээнд талбайг хашаажуулах ажил бүрэн дууссан. Цэвэрлэгээ, ариутгал, инженерийн дэд бүтцийн ажлууд дуусах шатандаа үргэлжилж байна.

Уг 3, 4 дүгээр багц тендерийг 5 багц болгон өргөжүүлснээр дотоодын үйлдвэрлэгчид, дотоодын барилга угсралтын компаниудыг дэмжих ач холбогдолтой. 3, 4 дүгээр багц тендерийг 5 багц болгон задалснаар төслийн зохион байгуулалтад өөрчлөлт орсон хэдий ч ерөнхий графикт өөрчлөлт оруулахгүйгээр алдагдсан хугацааг шахаж, 2026 ондоо 5 багц тендерийн ажлыг дуусгах хуваарийн дагуу ажиллахаа “Сэлбэ хорин минутын хот корпорац” ХХК-ийн төслийн багаас мэдээллээ.

НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС

Дэлгэрэнгүй унших

Тод мэдээ

Наадмын нээлтийн тоглолтыг долоодугаар сарын 11-ний 21:00 цагт дахин тоглоно

Огноо:

,

Тулгар төрийн 2234 жил, Их Монгол Улсын 819 жил, Үндэсний эрх чөлөө, тусгаар тогтнолоо сэргээн мандуулсны 114, Ардын хувьсгалын 104 жилийн ой, Үндэсний их баяр наадмын бэлтгэл ажил үргэлжилж байна.

Үндэсний их баяр наадмын ерөнхий найруулагчаар Монгол Улсын Төрийн соёрхолт, УГЗ найруулагч Н.Наранбаатар ажиллаж буй. Баяр наадмыг “Мөнхөд гэрэлтэх Монгол” агуулгын дор зохион байгуулж байгаа бөгөөд энэ жилийн наадмын арга хэмжээнд нийт 2500 гаруй уран бүтээлч оролцох юм.

Мөн наадмын нээлтийн тоглолтыг 7 дугаар сарын 11-ний 21:00 цагт дахин тоглоно. Ингэхдээ тайз, дэлгэц, гэрэл, дүрслэлийн цогц шийдэлтэй урлагийн шоу хэлбэрээр өрнөх юм. Оройн тоглолтын тасалбар 80.000 төгрөгийн үнэтэй бөгөөд www.enaadam.mn, www.ticket.mn сайтаар худалдаалж байна.

НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС

Дэлгэрэнгүй унших

Тод мэдээ

УИХ: Өнөөдөр хуралдах байнгын хороод

Огноо:

,

Монгол Улсын Их Хурлын байнгын хороодын өнөөдрийн /2025.07.07/ хуралдааны тов, хэлэлцэх асуудлын дарааллыг та бүхэнд хүргэж байна.

Д/Д

ХУРАЛДААН

ХЭЛЭЛЦЭХ АСУУДАЛ

ЦАГ

ТАНХИМ

1

Хууль зүйн байнгын хороо

· Гэмт этгээд шилжүүлэх тухай Монгол Улс болон Бүгд Найрамдах Киргиз Улс хоорондын гэрээний төсөл /Засгийн газар 2025.07.02-ны өдөр ирүүлсэн, зөвшилцөх, санал, дүгнэлтээ Аюулгүй байдал, гадаад бодлогын байнгын хороонд хүргүүлнэ./

· “Монгол Улс дахь хүний эрх, эрх чөлөөний байдлын талаарх 24 дэх илтгэл, эрүү шүүлтээс урьдчилан сэргийлэх асуудал эрхэлсэн гишүүний тайланг хэлэлцсэнтэй холбогдуулан авах зарим арга хэмжээний тухай” Улсын Их Хурлын тогтоолын төсөл

· Замын хөдөлгөөний аюулгүй байдлын тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүд /Улсын Их Хурлын гишүүн П.Батчимэг нарын 9 гишүүн 2025.07.03-ны өдөр өргөн мэдүүлсэн, хэлэлцэх эсэх/

· Харьяатын тухай хуульд нэмэлт оруулах тухай хуулийн төсөл болон хамт өргөн мэдүүлсэн хуулийн төсөл /Улсын Их Хурлын гишүүн П.Сайнзориг нарын 9 гишүүн 2025.06.19-ний өдөр өргөн мэдүүлсэн, анхны хэлэлцүүлэг/

· Эд хөрөнгийн эрхийн улсын бүртгэлийн тухай хуульд өөрчлөлт оруулах тухай хуулийн төсөл /Үндсэн хуулийн цэцийн 2025 оны 06 дугаар дүгнэлтийг хүлээн зөвшөөрсөнтэй холбогдуулан боловсруулсан, анхны хэлэлцүүлэг/

· Бусад

12.00

“Жанжин Д.Сүхбаатар”

2

Эдийн засгийн

байнгын хороо

· Эрчим хүчний тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүд /Засгийн газар 2025.06.26-ны өдөр өргөн мэдүүлсэн, анхны хэлэлцүүлэг/

·    ухай хуулийн төсөл болон хамт өргөн мэдүүлсэн хуулийн төслүүд /Улсын Их Хурлын гишүүн Ж.Алдаржавхлан 2025.05.02-ны өдөр өргөн мэдүүлсэн, анхны хэлэлцүүлэг/

· Нийтийн өмчийн хууль /Шинэчилсэн найруулга/-ийн төсөл болон хамт өргөн мэдүүлсэн хууль, тогтоолын төслүүд /Засгийн газар 2025.06.25-ны өдөр өргөн мэдүүлсэн, хэлэлцэх эсэх/

· “Зээлийн хүүг бууруулах хүрээнд авах зарим арга хэмжээний тухай” Улсын Их Хурлын тогтоолын төсөл

· Монголбанкны бүтцийн талаар Монголбанкны мэдээллийг сонсох

· Байнгын хорооны тогтоолын төсөл /Монголбанкны бүтцийн өөрчлөлтийн талаар авах арга хэмжээний тухай/

· Байнгын хорооны тогтоолын төсөл /Засгийн газарт чиглэл өгөх тухай/

· Эдийн засагт тулгамдаж буй асуудлууд болон холбогдох байгууллагуудын зүгээс авч хэрэгжүүлэх арга хэмжээний талаар Санхүүгийн тогтвортой байдлын зөвлөлийн мэдээллийг сонсох

· Хадгаламжийн даатгалын корпорацын өнөөгийн нөхцөл байдал, үйл ажиллагааны талаар болон хадгаламжийн даатгалын сангийн мөнгөн хөрөнгийн талаар Монголбанкны мэдээллийг сонсох

· Бусад

13.30

“Их Эзэн Чингис хаан”

3

Төрийн байгуулалтын байнгын хороо

· Нийслэл Улаанбаатар хотын замын хөдөлгөөний түгжрэлийг бууруулах, гэр хорооллыг орон сууцжуулах тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүд /Засгийн газар 2025.06.20-ны өдөр өргөн мэдүүлсэн, эцсийн хэлэлцүүлэг/

· Нийтээр тэмдэглэх баярын болон тэмдэглэлт өдрүүдийн тухай хуульд нэмэлт оруулах тухай хуулийн төсөл болон хамт өргөн мэдүүлсэн хуулийн төсөл /Улсын Их Хурлын гишүүн Б.Уянга нарын 2 гишүүн 2025.06.27-ны өдөр өргөн мэдүүлсэн, анхны хэлэлцүүлэг/

· “Төрийн үйлчилгээнд процессын дахин инженерчлэл хийх ажлыг эрчимжүүлэх талаар чиглэл өгөх тухай” Улсын Их Хурлын тогтоолын төсөл

· “Монгол Улсын Их Хурлын 2025 оны намрын ээлжит чуулганы хугацаанд хийх төлөвлөгөөт хяналт шалгалтын цаглавар батлах тухай” Улсын Их Хурлын тогтоолын төсөл

· “Монгол Улсын Их Хурлын 2025 оны намрын ээлжит чуулганаар хэлэлцэх асуудлын тухай” Улсын Их Хурлын тогтоолын төсөл

· Улсын Их Хурлын Тамгын газрын 2024 оны үйл ажиллагааны тайлан

14.00

“Жанжин Д.Сүхбаатар”

4

Аюулгүй байдал, гадаад бодлогын байнгын хороо

· Гэмт этгээд шилжүүлэх тухай Монгол Улс болон Бүгд Найрамдах Киргиз Улс хоорондын гэрээний төсөл /Засгийн газар 2025.07.02-ны өдөр ирүүлсэн, зөвшилцөх/

· Кибер аюулгүй байдлын хуулийн хэрэгжилтийн талаарх Кибер аюулгүй байдлын зөвлөлийн ажлын албаны мэдээллийг сонсох

· Байнгын хорооны тогтоолын төсөл /Ажлын хэсэг байгуулах тухай/

14.30

“Их засаг”

5

Байгаль орчин, хүнс, хөдөө аж ахуйн байнгын хороо, Эдийн засгийн байнгын хорооны хамтарсан хуралдаан

· Байнгын хороодын хамтарсан тогтоолын төсөл /Ерөнхий хяналтын сонсголын тов тогтоох, сонсгол даргалагчийг сонгох тухай

15.00

“Их Эзэн Чингис хаан”

6

Байгаль орчин, хүнс, хөдөө аж ахуйн байнгын хорооны хуралдаан үргэлжилнэ.

· Байгаль орчин болон Хүнс, хөдөө аж ахуй, хөнгөн үйлдвэрийн салбарт олон улсын зээл, тусламжийн хөрөнгөөр хэрэгжиж байгаа төсөл хөтөлбөрүүдийн хэрэгжилтийн явц, үр дүнгийн талаар холбогдох санал, дүгнэлт гаргах, шийдвэрийн төсөл боловсруулах үүрэг бүхий ажлын хэсгийн санал, дүгнэлт

· Байнгын хорооны тогтоолын төсөл /Засгийн газарт чиглэл өгөх тухай/

· Бусад

-

“Их Эзэн Чингис хаан”

 

Дэлгэрэнгүй унших
сурталчилгаа
Өнөөдөр2025/07/07

Улаанбаатарт дуу цахилгаантай аадар бороо орно

Тод индэр2025/07/07

"Монгол дархан: өв, урлахуй" тусгай үзэсгэлэнд 60 уран бүтээлч 130 г...

Тод мэдээ2025/07/07

Сэлбэ хотын орон сууцжуулах төслийн шинэчилсэн таван багц тендерийг ...

Тод мэдээ2025/07/07

Наадмын нээлтийн тоглолтыг долоодугаар сарын 11-ний 21:00 цагт дахин...

Тод мэдээ2025/07/07

УИХ: Өнөөдөр хуралдах байнгын хороод

Тод мэдээ2025/07/07

УИХ: Өнөөдөр хуралдах намын бүлэг, ажлын хэсгүүд

Өнөөдөр2025/07/07

УБЦТС: Энэ долоо хоногт хийгдэх засварын хуваарь

Тод мэдээ2025/07/07

Он гарсаар усны ослоор 23 иргэн нас баржээ

Өнөөдөр2025/07/07

АНХААР: Зарим авто замын хөдөлгөөнийг түр хязгаарлана!

Тод мэдээ2025/07/07

Япон Улсын Цог Жавхлант Эзэн Хаан Нарүхито, Эрхэм дээд Хатан Масако ...

Өнөөдөр2025/07/06

Зарим авто замын хөдөлгөөнийг түр хязгаарлана!

Өнөөдөр2025/07/06

Улаанбаатарт шөнөдөө 16 хэм дулаан

Тод мэдээ2025/07/06

Япон Улсын Цог Жавхлант Эзэн Хаан Нарүхито, Эрхэм дээд Хатан Масако ...

Тод мэдээ2025/07/04

Шинжлэх ухаан, технологийн тухай хуульд нэмэлт, өөрчлөлт оруулах тух...

Тод мэдээ2025/07/04

Унадаг дугуйтай бага насны хүүхэд замын хөдөлгөөнд оролцож байх үедэ...

Өнөөдөр2025/07/04

Баяр наадмаар 171 байцаагч хяналт шалгалт хийнэ

Тод мэдээ2025/07/04

Тэтгэврийн зээлд тавьсан хязгаарлалтыг цуцлах асуудлаар санал нэгдлэ...

Тод мэдээ2025/07/04

Ой, хээрийн гал түймэртэй тэмцэх, шуурхай хариу арга хэмжээ авахад ш...

Тод мэдээ2025/07/04

Улаанбаатар хотод нийгмийн хамгааллын тусгай үйлчилгээг хөгжүүлэх чи...

Тод мэдээ2025/07/04

УИХ: Өнөөдөр чуулганы нэгдсэн хуралдаанаар...

Тод мэдээ2025/07/04

УИХ: “Зээлийн хүүг бууруулах хүрээнд авах зарим арга хэмжээний...

Тод мэдээ2025/07/04

УИХ: Үндэсний их баяр наадмын тухай хуульд өөрчлөлт оруулах тухай ху...

Өнөөдөр2025/07/04

Хангай, Хөвсгөлийн уулархаг нутгаар бороо орж, сэрүүхэн байна

Өнөөдөр2025/07/04

УБЦТС: Өнөөдөр хийгдэх засварын хуваарь

Тод мэдээ2025/07/03

Үндэсний их баяр наадмын хөтөлбөр

Чөлөөт бүс2025/07/03

“Улаанбаатарын үдэш 2025” шоу тоглолт долоодугаар сарын 11-нД бо...

Тод мэдээ2025/07/03

Ч.Төгсдэлгэр: Авто зогсоолын хүртээмжийг нэмэгдүүлэхдээ эхний ээлжид...

Тод мэдээ2025/07/03

Зарим хуулийн төслүүдийг яаралтай хэлэлцүүлэх хүсэлтийг УИХ-д хүргүү...

Тод мэдээ2025/07/03

Засгийн газрын агентлаг, төрийн өмчит үйлдвэрийн газар, компанийн чи...

Тод мэдээ2025/07/03

Баруун бүсийн эрчим хүчний есөн компанийг нэгтгэж дөрөв болголоо

Санал болгох