Бидэнтэй нэгдэх

Тод мэдээ

Швейцарын Холбооны Улсын Парламентын Тамгын газрын төлөөлөгчдийг хүлээн авч уулзлаа

Огноо:

,

Сэтгүүлч:

Улсын Их Хурлын Ерөнхий нарийн бичгийн дарга Л.Өлзийсайхан Швейцарын Холбооны Улсын Парламентын Тамгын газрын төлөөлөгчдийг хүлээн авч уулзлаа.

Уулзалтын эхэнд УИХ-ын Ерөнхий нарийн бичгийн дарга Л.Өлзийсайхан эрхэм хүндэт төлөөлөгчидтэй дахин уулзаж буйдаа баяртай байгаагаа илэрхийлээд,  зургаан жилийн өмнө УИХ-ын Тамгын газрын ажилтнууд Швейцарын парламентын Тамгын газарт парламетын хяналт, шалгалтын талаар туршлага судлах ажлыг эхлүүлж байсан бол өдгөө УИХ-ын Тамгын газрын ажилтнууд хуулийн хэрэгжилтийн үр дагаварт хийсэн үнэлгээний тайлангаа танилцуулан санал, зөвлөмж сонсох хэмжээнд хүртэл хамтын ажиллагаа өргөжсөнд талархалтай байна хэмээлээ. 

Швейцарын Холбооны Улсын Парламентын Тамгын газрын Парламентын техникийн хамтын ажиллагааны хэлстийн ахлах зөвлөх Александр Фузэссэри хэлсэн үгэндээ, Швейцарын парламентын Тамгын газар олон орны парламенттай хамтран ажилладаг ч хамгийн олон жил тогтвортой хамтран ажиллаж байгаа нь Монгол Улсын парламентын Тамгын газар гэдгийг онцлоод, Тамгын газрын ажилтнуудын хяналт шалгалт, үнэлгээ хийх мэдлэг чадвар, үйл ажиллагаа сайжирч буйг хараад сэтгэл хангалуун байгаагаа илэрхийлэв.

Тэрбээр, УИХ-ын Тамгын газрын Хяналт шалгалт, үнэлгээний газрын хоёр ажилтны хийсэн хяналт, шинжилгээний тайлантай танилцсанаа дурдаад, хяналт шинжилгээг олон талаас нь өргөн хүрээнд судалсныг хараад хоёр талын туршлага судлах хамтын ажиллагаа үр дүнгээ өгчээ хэмээн дүгнэснээ онцолсон юм.

Швейцарын Холбооны Улсын Парламентын Тамгын газрын Хяналтын хэлтсийн дэд дарга Феликс Стребел, Хяналтын хэлтсийн төслийн менежер Раул Кензиг нар хууль тогтоогчдын зүгээс ирүүлсэн хяналт шалгалт, үнэлгээ хийх захиалга, хүсэлтийг богино хугацаанд гүйцэтгэхээр Тамгын газрын ажилтнууд ачаалалтай ажиллахын зэрэгцээ мэдлэг, ур чадвараа сайжруулсныг харахад таатай байна гэж байлаа.

УИХ-ын Ерөнхий нарийн бичгийн дарга Л.Өлзийсайхан,  УИХ 2019, 2023 онд Үндсэн хуульдаа нэмэлт, өөрчлөлт оруулсан. 2024 онд 126 гишүүнтэй парламент бүрэлдэж, Монголын парламентын ардчиллын хувьд цоо шинэ үе эхэлнэ. УИХ-ын гишүүдийн тоо 50-аар нэмэгдэх бөгөөд сонгуулийн холимог тогтолцоог мөн хуульчилсан. Энэхүү томоохон өөрчлөлтийн хүрээнд Улсын Их Хурал, Улсын Их Хурлын Тамгын газрын үйл ажиллагааг зохицуулдаг бүхий л хууль, бодлогын баримт бичгүүдийг шинэчлэх шаардлага үүсээд байгаа онцлон тэмдэглээд ийм цаг үед өндөр хөгжилтэй орны, нэн ялангуяа ардчиллын сонгодог жишээ болсон Швейцар Улсын ардчиллыг бэхжүүлж буй үйл явц, туршлагаас суралцах нь манай улсын парламентын өөрчлөлт, шинэчлэлтэд үнэтэй хувь нэмэр оруулна гэж үзэж байгаагаа илэрхийллээ.

Уулзалтад УИХ-ын Тамгын газрын дэд дарга Ц.Батбаатар, УИХ-ын Тамгын газрын Хяналт шалгалтын хэлтсийн дарга С.Янжинхорлоо нар оролцов.

УИХ-ын Ерөнхий нарийн бичгийн дарга Л.Өлзийсайхан уулзалтын дараа Монгол Улсын Их Хурлын Тамгын газар, Швейцарын Холбооны Улсын Парламентын Тамгын газар, Швейцарын хөгжлийн агентлаг, “Монгол Улсад парламентын ардчиллыг бэхжүүлэх нь” төсөлтэй хамтран зохион байгуулж байгаа Монгол Улсын Их Хурлын Тамгын газар, Швейцарын Парламентын Тамгын газар хоорондын парламентын хяналт шалгалтын асуудлаар туршлага солилцох хоёр дахь өдрийн арга хэмжээнд оролцлоо хэмээн Улсын Их Хурлын Хэвлэл мэдээлэл, олон нийттэй харилцах газраас мэдээллээ. 

Дэлгэрэнгүй унших

Сэтгэгдэл

Тод мэдээ

МҮОНТ “Монгол хүүхэд” 5 цагийн шууд нэвтрүүлэг бэлтгэн хүргэнэ

Огноо:

,

Монголын Үндэсний Олон Нийтийн Телевиз “Олон улсын хүүхдийн эрхийг хамгаалах” өдрийг тохиолдуулан “Монгол хүүхэд” нэртэй 5 цагийн шууд нэвтрүүлгийг бэлтгэн хүргэхээр ажиллаж байна.

“Монгол хүүхэд” баярын үйл ажиллагаанд Улаанбаатар хотоос гадна орон нутгийн тал бүрийн авьяастай, оюунлаг, чадварлаг хүүхдүүд, хариуцлагатай аав, ээжийн төлөөлөл, хүүхэд хамгааллын мэргэжилтэн болон дуучид гэр бүлийн хамт зочноор оролцоно.

Тухайлбал, 6 настайгаасаа Монгол бичгээр уншиж, бичиж сурсан З.Мөнх-Эрдэнэ, пара олимпийн тамирчин хүүхдүүд, боксчин эгч, дүүс оролцож байна.

Энэ жилийн баярын хөтөлбөрт байгалийн үнэт өв, хэл соёл, ахуй зан заншлын талаар “Малчны удам”, “Тайгын охин”, “Нуур бид хоёр” зэрэг нэвтрүүлгүүд мөн Төв цэнгэлдэх хүрээлэнд Улаанбаатар хотын хамгийн том дүрслэх урлагийн нээлттэй фестиваль буюу “Kids Art Festival”, “Тумбаахайн өдөрлөг”, “ABU-Робокон-2024” , “Браво цирк-4” зэрэг хөтөлбөрүүд багтсан байна.

Энэхүү өдөрлөгийг Хүүхэд, гэр бүлийн хөгжил, хамгааллын ерөнхий газартай хамтран зохион байгуулж байна.

Хүүхэд багачуудад ном унших дадлыг суулгах, боловсрол олгох, танин мэдүүлэх зорилго бүхий “Тумбаахайн найзууд” нэвтрүүлэг нь нийт 80 дугаарыг үзэгч хүүхдүүдэд хүргэжээ.

Тус нэвтрүүлгийн Тумбаахай, Дэгдүүнэ, Хувдай нар үзэгч хүүхдүүдтэйгээ уулзан өдөрлөг зохион байгууллаа. 

“Kids Art Festival” нь “More Art, More Fun” уриатайгаар хүүхдийн сэтгэн бодох, өөрийгөө илэрхийлэх, бүтээлч байдлыг дэмжсэн, дүрслэх урлагийн төрөл бүрийн хөтөлбөрүүдийг багтааж байна. 

Хүрэлцэн ирснээр хүүхэдтэйгээ хамт зурж, будаж, хайчилж, урлах боломжтойгоос гадна урлагийн боловсрол олгох байгууллага, сургалт, студиудтэй танилцах боломжтой юм.

МҮОНТ нь жил бүр олон улсын хүүхдийн эрхийг хамгаалах өдрөөр хүүхэд багачуудад зориулсан нэвтрүүлэг, хөтөлбөрүүдийг үзэгчдэдээ хүргэдэг билээ.

Үзэгч та бүхэн эх үрсийн баяраар дээрх баярын хөтөлбөрүүдийг хүлээн авч үзнэ үү. 

Дэлгэрэнгүй унших

Тод мэдээ

Дэлхийн 27 орон 270 орчим хуурай боомтыг хөгжүүлээд байна

Огноо:

,

Далайд гарцгүй хөгжиж буй орнууд хуурай боомт, логистикийн төвүүдийг байгуулах замаар бусад улс орнуудтай тээвэр, худалдааг төвөггүй эрхэлж байна.

Эдүгээ дэлхийн 27 орон 270 орчим хуурай боомтыг хөгжүүлж, худалдаа, тээврийн асуудлаа шийдэж байна.

Далайд гарцгүй орнуудын худалдааны тээврийг хөнгөвчилсөн олон улсын зохицуулалт болох НҮБ-ын Ази, Номхон Далайн бүс нутгийн Эдийн Засаг, нийгмийн комиссоос (UN-ESCAP) гишүүн орнуудын хуурай боомтын Засгийн газар хоорондын хэлэлцээрийг 2016 онд баталсан байдаг.

Энэхүү хэлэлцээрийн хүрээнд Монгол Улс Замын-Үүд, Улаанбаатар хот, Хөшигийн хөндий, Алтанбулаг, Сайншанд, Бичигт, Чойбалсан, Ховд гэсэн 8 байршилд хуурай боомтыг хөгжүүлэхээр тодорхойлж, худалдаа бараа эргэлтийн гол зангилаа болох Замын-Үүдээс уг ажлыг эхлэхээр шийдвэрлээд байгаа гэж Боомтын сэргэлтийн үндэсний хорооноос мэдээллээ. 

Дэлгэрэнгүй унших

Тод мэдээ

Үерийн аюул, гамшгаас урьдчилан сэргийлэх арга хэмжээ авч, бэлтгэл хангаж ажиллахыг үүрэг болголоо

Огноо:

,

Засгийн газрын 2024 оны тавдугаар сарын 29-ний өдрийн хуралдаанд “2024 оны зуны улирлын цаг агаарын урьдчилсан төлөв”-ийг Байгаль орчин, аялал жуулчлалын сайд Б.Бат-Эрдэнэ Засгийн газрын гишүүдэд танилцууллаа.

2024 оны зуны улиралд уруйн үер болон гол, мөрний үерийн аюул, гамшгаас урьдчилан сэргийлэх арга хэмжээ авч, бэлтгэл хангаж ажиллахыг Монгол Улсын Шадар сайд С.Амарсайхан, Байгаль орчин, аялал жуулчлалын сайд Б.Бат-Эрдэнэ, Барилга, хот байгуулалтын сайд Ц.Даваасүрэн, Нийслэлийн Засаг дарга бөгөөд Улаанбаатар хотын Захирагч Х.Нямбаатар нарт үүрэг болголоо. 

Зуны улирлын цаг агаарын урьдчилсан төлөвөөр ихэнх нутгаар олон жилийн дунджийн орчим болон дунджаас ахиу хур тунадас орохоор байна. Мөн сүүлийн жилүүдэд уур амьсгалын өөрчлөлтэй холбоотой гэнэтийн ус ихтэй аадар бороо, үер, мөндөр, аянга цахилгаан, нөөлөг салхины давтагдал өндөр байгаа тул анхаарал болгоомж алдахгүй байх, мэргэжлийн байгууллагаас гаргаж буй мэдээ, мэдээллийг амьдрал ахуйдаа тогтмол хэрэглэж сурах, үер, усны аюулаас сэрэмжтэй байж, айл өрхүүд хонхор хотгор газар, голын татамд суурьшихгүй байх, нөөлөг салхины эрсдэлээс сэргийлж гэрээ даруулах, үер ус, аянга цахилгаанаас хамгаалах уламжлалт болон дэвшилтэт аргуудыг хэрэглэх зэргээр бэлтгэлтэй байхыг Цаг уур, орчны шинжилгээний газраас сэрэмжлүүлж байна.

Дэлгэрэнгүй унших
сурталчилгаа
Өнөөдөр18 цаг 12 минут

Улаанбаатарт өдөртөө 17 хэм дулаан

Тод мэдээ19 цаг 45 минут

МҮОНТ “Монгол хүүхэд” 5 цагийн шууд нэвтрүүлэг бэлтгэн х...

Тод мэдээ19 цаг 48 минут

Дэлхийн 27 орон 270 орчим хуурай боомтыг хөгжүүлээд байна

Тод мэдээ19 цаг 51 минут

Үерийн аюул, гамшгаас урьдчилан сэргийлэх арга хэмжээ авч, бэлтгэл х...

Тод мэдээ19 цаг 53 минут

Хурдан морины бүсийн уралдааныг аймгийн баяр наадамтай хамтатган зох...

Тод мэдээ19 цаг 56 минут

Ард иргэдийг үерийн аюулаас сонор сэрэмжтэй байхыг анхааруулж байна

Тод мэдээ19 цаг 59 минут

Монгол Улсад жил бүр 4300 орчим хүн тамхины улмаас нас бардаг

Өнөөдөр20 цаг 2 минут

Үерийн эрсдэлтэй бүсэд голын голдирол өөрчлөн барьсан барилга, байгу...

Өнөөдөр20 цаг 6 минут

Хүүхдийг ахуйн хүрээний болон зам тээврийн осол, гэмтлээс сэргийлээр...

Өнөөдөр20 цаг 8 минут

Цэцэрлэгийн хүүхдийн хоолны мөнгийг нэмэгдүүлнэ

Тод мэдээ2024/05/29

Гэр орноосоо дайжсан хүүхдүүдийн ихэнх нь охид байна

Тод мэдээ2024/05/29

"Ганцмод" боомт хүргэх нөхцөлтэй 320 мянган тонн эрчим хүч...

Тод мэдээ2024/05/29

Хонины махны үнэ цэний сүлжээнд оролцогчдын түншлэлийн уулзалт болж ...

Тод мэдээ2024/05/29

ЕБС-ийн сурагчид сүү, сүүн бүтээгдэхүүний үйлдвэрүүдтэй танилцав

Өнөөдөр2024/05/29

Нийслэлд хүнсний гол нэрийн барааны үнэ өмнөх сараас 5.3 хувиар өсжэ...

Тод мэдээ2024/05/29

Монгол Улсын бүсчилсэн хөгжлийн үзэл баримтлал батлах тухай УИХ-ын т...

Өнөөдөр2024/05/29

УИХ: Байнгын хороо, ажлын хэсэг хуралдана

Өнөөдөр2024/05/29

Улаанбаатарт өдөртөө 16 хэм дулаан

Тод мэдээ2024/05/28

Он гарсаар 13 удаа усны осол бүртгэгджээ

Тод мэдээ2024/05/28

БНСУ-аас Монгол Улсад суух Элчин сайд Итгэмжлэх жуух бичгээ өргөн ба...

Тод мэдээ2024/05/28

"Урт цагаан"-ы тохижилтын тендерийг зарлалаа

Өнөөдөр2024/05/28

УИХ: Өнөөдөр хуралдах байнгын болон түр хороо

Өнөөдөр2024/05/28

УИХ: Өнөөдөр чуулганы нэгдсэн хуралдаанаар...

Өнөөдөр2024/05/28

Улаанбаатарт өдөртөө 18 хэм дулаан

Тод мэдээ2024/05/27

Зургаадугаар сард баруун аймгуудын нутгаар хур тунадас багатай, дула...

Тод мэдээ2024/05/27

Сүрьеэг илрүүлэх зөөврийн дижитал рентген аппаратыг хүлээлгэн өглөө

Тод мэдээ2024/05/27

Интерполын “Хөх булант” зар мэдээгээр эрэн сурвалжлагдаж...

Тод мэдээ2024/05/27

Нийслэлийн 6 байршилд зам засвар, шинэчлэлтийн ажил хийж байна

Тод мэдээ2024/05/27

ОХУ-ын Батлан хамгаалахын дэд сайд хахууль авсан хэргээр баривчлагдж...

Тод мэдээ2024/05/27

Ахмад настны тухай хуульд нэмэлт өөрчлөлт оруулах тухай хуулийг УИХ ...

Санал болгох