Тод мэдээ
Энхтайваны гүүрийн доор үерийн хамгаалалтын түшиц хана барих ажил 80 хувьтай үргэлжилж байна
Энэ онд Геодези, усны барилга, байгууламжийн газар ОНӨААТҮГ-аас Сэлбэ, Дунд гол дагуу нийт есөн байршилд далан засварлах, шинээр барих, хүчитгэх ажлыг хийхээр төлөвлөсөн.
Өнөөдрийн байдлаар зургаан байршилд далан хүчитгээд байна. Үүний нэг болох Энхтайваны гүүрийн доор гурван метр өндөр, 50 метр урт үерийн хамгаалалтын түшиц хана барих ажил 80 хувьтай үргэлжилж байна.
Энэ талаар ГУББГ-ын дарга Б.Бямбасайхан “Өнгөрсөн оны долоо, наймдугаар сард болсон үер болон энэ зун орсон хэд хэдэн удаагийн усархаг борооны улмаас үерийн хамгаалалтын байгууламжуудад их, бага хэмжээгээр эвдрэл үүссэн. Энэ хүрээнд эрсдэл өндөртэй есөн байршилд далан засварлах, шинээр барих, хүчитгэх ажлыг үе шаттай хийж байна. Тодруулбал, өнгөрсөн онд болсон үерийн улмаас Энхтайваны гүүрний доор замын хоёр тийшээ ус хальж, нүхэн гарц усаар дүүрэн, автомашин живсэн хүнд нөхцөл үүсэж байсан. Уг асуудлыг шийдвэрлэхээр нийт гурван метр өндөр, 50 метр урт босоо түшиц хана цутгах зураг төслийг боловсруулан, өнгөрсөн долоо хоногт ажлыг эхлүүлсэн юм” гэв.
Ойрын таван жилтэй харьцуулахад энэ өвөл халиа тошин үүсэх хамгийн өндөр эрсдэлтэй гэсэн судалгаа гарсан. Хэрэв төлөвлөсөн байршлуудыг товлосон хугацаанд хийхгүй бол түүнээс ч олон байршилд халиа тошин үүсэх, хаврын шар усны үеэр эвдрэл улам бүр нэмэгдэх эрсдэл үүсэж буй. Үүнээс үүдэн үерийн хамгаалалтын байгууламжийг засварлан, шинэчлэхэд энэ онд суулгасан төсөвт өртөг 2-3 дахин нэмэгдэж болзошгүй. Иймд ойрын өдрүүдэд өдөртөө нэмэх хэмтэй байгаа тул төлөвлөсөн байршлуудыг арваннэгдүгээр сарын 10-ны өдөр гэхэд бүрэн дуусгахаар шахуу хуваарийн дагуу ажиллаж байна.
Тод мэдээ
ЗГ: 2026 оныг “Боловсролыг дэмжих жил” болголоо
Засгийн газрын ээлжит хуралдаан 2025 оны дөрөвдүгээр сарын 2-нд болж, 2026 оныг “Боловсролыг дэмжих жил”-ээр зарлах Засгийн газрын тогтоол гарлаа.
“Боловсролыг дэмжих жил"-ийн хүрээнд хэрэгжүүлэх арга хэмжээний төлөвлөгөө боловсруулан Засгийн газарт танилцуулж, шийдвэрлүүлэхийг Боловсролын сайд П.Наранбаярт үүрэг болголоо.
Ерөнхий сайд Л.Оюун-Эрдэнэ Засгийн газрын 2024-2028 оны үйл ажиллагааны хөтөлбөрт туссан “Эрдэм боловсролтой Монгол хүн” зорилго, “Тэгш, хүртээмжтэй, чанартай боловсрол”, “Мэдлэг, чадвартай мэргэжилтэн”, “Багшлах хүний нөөц”, “Цахимжсан боловсрол” зорилтын хэрэгжилтийг хангах, бүх шатны боловсролын тогтолцоо, агуулгын нэгдмэл бодлого боловсруулж хэрэгжүүлэхэд дэмжлэг үзүүлэх зорилгоор 2026 оныг “Боловсролыг дэмжих жил”-ээр зарлах санаачилга гаргажээ.
Боловсролыг дэмжих жил болгон зарласнаар багш бэлтгэх тогтолцоо, хичээлийн хөтөлбөрийн шинэчлэл, багшийн нийгмийн баталгаа, цалин хангамж, сургуулийн менежментийн шинэчлэл, шинэ сургууль, цэцэрлэг барих хөрөнгө оруулалт, бага сургуулийн цогцолборуудыг нэмэгдүүлэх, ахлах сургуулиудыг төрөлжүүлэн хөгжүүлэх, их сургуулиудын шинэчлэл, хөрөнгө оруулалт зэрэг асуудлууд тодорхой шийдэлд хүрэх боломж бүрдэх, боловсролын салбарт дэмжлэг үзүүлэх, салбар дундын хамтын ажиллагаа, уялдааг хангах нөхцөл бүрдэх юм.
Тод мэдээ
Үхрийн цул мах 22394 төгрөгийн дундаж үнэтэй байна
Өмнөх долоо хоногтой харьцуулахад үхрийн ястай махны үнэ 0.2 хувиар өсөж 19919 төгрөг, үхрийн цул махны үнэ 0.2 хувиар буурч 22394 төгрөгийн дундаж үнэтэй байна
Тод мэдээ
МАН-ын бүлэг Авлигатай тэмцэх газрын дарга З.Дашдавааг улируулан томилох саналыг дэмжлээ
УИХ дахь МАН-ын бүлэг ээлжит бус хуралдаанаар Авлигатай тэмцэх газрын даргын томилгооны асуудлыг хэлэлцлээ.
Монгол Улсын Ерөнхий сайд АТГ-ын даргыг улираан томилуулах саналыг танилцууллаа. АТГ-ын даргаар З.Дашдаваа 2019 онд УИХ-ын 37 дугаар тогтоолоор томилогдсон. Энэ хугацаанд Авлигатай тэмцэх Үндэсний хөтөлбөр болон хэрэгжүүлэх төлөвлөгөөг батлуулж, авлигатай тэмцэх газрын чадавхыг бэхжүүлэх, ижил чиг үүрэг бүхий гадны байгууллагуудтай хамтын ажиллагааг өргөжүүлэх чиглэлд тодорхой үр дүн гарсан байна.
Авлигатай тэмцэх чиглэлд тодорхой олон үр дүн гарсан учраас АТГ-ын дарга З.Дашдавааг улируулан сонгох нь зүйтэй гэж УИХ дахь МАН-ын бүлгийн хуралдаанд оролцсон гишүүдийн олонх нь үзэж, байнгын хороо, чуулганы нэгдсэн хуралдаанаар хэлэлцэхийг дэмжлээ.
-
Тод зураг2019/12/30
“Монголын түүх-Монгол бахархал” эсээ бичлэгийн уралдаанд тэргүүлсэн ...
-
Тод мэдээ2021/02/22
Орон нутгийн жендэрийн дэд хөтөлбөрт хийсэн хөндлөнгийн үнэлгээ, бодлогын зөвлөм...
-
Өнөөдөр2023/06/07
УИХ: Өнөөдөр хуралдах ажлын хэсгүүд
-
Өнөөдөр2025/01/24
Улаанбаатарт өдөртөө 7 хэм хүйтэн