Тод мэдээ
Монголоос Францад био хүнсний бүтээгдэхүүн экспортлох боломжийн талаар санал солилцлоо

Франц Улсад анхны био сушийг гаргасан “Да Cа” компанийн захирал Б.Саран, “Үүрдийн Монгол” ТББ-ын тэргүүн Б.Эрдэнэхуяг нарын санаачилгаар Монгол Улсаас БНФУ-д суугаа ЭСЯ-тай хамтран 5 дугаар сарын 14-ний өдөр Үндэсний Ассамблейн гишүүн Вержини Дөби-Мюллер, “Bio Frais” компанийн Ерөнхийлөгч Филипп Грандчамп нартай уулзалт зохион байгуулж, Монгол Улсаас Франц Улсад био буюу байгалийн цэвэр хүнсний бүтээгдэхүүн экспортлох асуудлаар санал солилцлоо.
Уг уулзалтад Монгол Улсаас БНФУ-д суугаа Элчин сайд А.Баттөр, Швейцарын Холбооны Улсад суугаа Элчин сайд Л.Пүрэвсүрэн нар оролцов. Монголын био бүтээгдэхүүнийг Франц Улс болон Европын Холбооны бусад гишүүн орнуудад экспортлоход шаардлагатай дэмжлэгийг үзүүлэхэд бэлэн буйгаа оролцогчид илэрхийллээ.
Францын “Bio Frais” компани нь 2001 онд байгуулагдсан бөгөөд 50 гаруй орны био бараа, бүтээгдэхүүнийг өөрийн салбар дэлгүүрүүдээр борлуулдаг. “Да Са” компани өөрийн “MGL Sushi” нэртэй био сушийг тус компанийн дэлгүүрүүдэд борлуулахын зэрэгцээ монголчуудыг ажлын байраар ханган ажиллаж байна. Үндэсний Ассамблейн гишүүн Вержини Дөби-Мюллер тус компанийн ажилчдыг орон сууцаар хангахад дэмжлэг үзүүлэхээ илэрхийлэв.
Тод мэдээ
“Улаанбаатар марафон 2025” олон улсын гүйлтийн өдөр хаах авто замууд
“Улаанбаатар марафон 2025” олон улсын гүйлтийн өдөр буюу тавдугаар сарын 24-нд дараах байршилд 06-18 цаг хүртэл зам хаана.
Хязгаарлалт эхэлж буй уулзвар болон замууд:
- Цэцэг төвийн уулзвар
- Зоос гоёлын уулзвар
- Сансарын имартын уулзвар
- Бөхийн өргөөний уулзвар
- Зүүн 4 замын уулзвар
- Нарантуул захын уулзвар
- Өгөөмөр захын уулзварын нүхэн гарц
- Дүнжингаравын урд зам
- Улиастайн уулзвар
- Цэцэрлэгт хүрээлэнгийн дугуйн зам
- Маршалын гүүрний хойд уулзвар
- Хоум плаза
- Гандигийн гудамж
- Олимпийн гүүр
- Гадаад хэргийн яамын уулзвар
- Сүхбаатарын Талбай
Тод мэдээ
Авто замын хашлага мөргөж, эвдсэн ачааны тээврийн хэрэгслийн жолоочийг шалгаж байна
Өнөөдөр 08:00 цагийн үед Хан-Уул дүүргийн 8 дугаар хороо, Сонсголонгийн гүүрний урд замд ачааны тээврийн хэрэгсэл авто замын барилга байгууламж буюу хашлага мөргөн, эвдрэл учруулж байгаа бичлэг олон нийтийн сүлжээнд тавигдсан.
Тээврийн цагдаагийн албанаас шалгалтын ажиллагаа явуулж, тээврийн хэрэгслийн улсын дугаар болон жолоочийг олж тогтоосон. Ослын газарт нөхөн үзлэг хийж, хариуцлагын арга хэмжээг тогтоох шалгалт хийж байгаа талаар Тээврийн цагдаагийн албанаас мэдээлж байна. Түүнчлэн Тээврийн цагдаагийн албанаас иргэдийн гомдол мэдээллийн дагуу тавдугаар сарын 19-ний өдөр Улаанбаатар хот руу нэвтэрч буй том оврын тээврийн хэрэгслийг шалган зөрчил гаргасан тээврийн хэрэгслийн жолооч нарт Зөрчлийн тухай хуулийн 14.7 дугаар зүйлийн 47 дахь хэсэгт зааснаар торгуулийн арга хэмжээ авч ажилласан.
Шалгалтын явцад том оврын тээврийн хэрэгсэлтэй жолооч нар замын хөдөлгөөнд оролцох үедээ тээврийн хэрэгслийн жин тонн хэтрүүлсэн, зам, замын байгууламжид эвдрэл үүсгэсэн, хучлагагүй ачаа тээвэрлэж, замын зорчих хэсэг бохирдуулсан, замын зорчих хэсгээр шороо болон зуурмаг асгасан зэрэг зөрчил илэрснийг арилгуулсан байна.
Сүүлийн жилүүдэд Улаанбаатар хотын авто замуудын хайс, тоноглол, тэмдэг, хурд сааруулагчийг тээврийн хэрэгсэл мөргөж эвдэх тохиолдол нэмэгдэж байна. Гэтэл засвар арчлалтын хөрөнгийг нийслэлийн Замын сангаас гаргадаг. Тодруулбал, 2024 онд 903 авто замын тэмдэг, 2176 тэмдэг арчлалт, 380 ам.метр хурд сааруулагч, 380 ам.метр хурд сааруулагчийн тэмдэглэгээ эвдэрснийг зассан. Эвдрэл гэмтлийн тоо өсөж, улмаар 2025 онд нийслэлийн Замын сангийн хөрөнгөөр хотын гол болон туслах гудамж замуудад 2550 авто замын тэмдэг, 2620 тэмдэг арчлалт, 1000 ам.метр хурд сааруулагч, 1000 ам.метр хурд сааруулагчийн тэмдэглэгээ, 3000 метр хайс, тоноглолыг засахаар төлөвлөсөн.
Нийслэлийн хэмжээнд тээврийн хэрэгсэл, ялангуяа том оврын тээврийн хэрэгсэл авто замын эд ангиудыг эвдэх зөрчил нэмэгдэж байгаа учраас жолооч та бүхэн авто замын эд ангид гамтай хандаж, замын хөдөлгөөнд соёлтой оролцохыг уриалж байна.
Тод мэдээ
ХӨСҮТ: Улаанбурхан өвчний лабораториор батлагдсан тохиолдол 2828 болжээ
Өнөөдөр буюу 2025 оны тавдугаар сарын 22-ны байдлаар нийт улаанбурхан өвчний лабораториор батлагдсан 2828, эмнэлэгт хэвтэн эмчлүүлж байгаа 404, гэрээр 658, эдгэрсэн 1765, Хавьтал 44 774, нас баралт 1 байна.
Улаанбурхан өвчин нь халдварлалт өндөртэй ч вакцинаар сэргийлэгдэх боломжтой халдварт өвчин юм. Улаанбурхан өвчний тохиолдлууд ихэвчлэн Ерөнхий боловсролын сургуульд голомтлон гарч байгаатай холбоотой хамт сурдаг, ажиллаж байгаа хүүхэд, иргэд халдвараас сэргийлэх үүднээс улаанбурханы эсрэг вакцинд хамрагдан өөрийгөө болон бусдыг улаанбурхан өвчнөөс хамгаалах боломжтой юм.
Эрүүл мэндийнхээ төлөө иргэн бүр хариуцлагатай байж, халдвараас сэргийлцгээе.
-
Өнөөдөр2022/02/10
Үс шинээр үргээлгэх буюу засуулахад тохиромжгүй
-
Тод мэдээ2021/01/27
УИХ-ын байнгын хороод өнөөдөр хуралдана
-
Тод мэдээ2023/05/03
Унгар Улсын Үндэсний Ассамблейн дарга Көвер Ласло Монгол Улсад албан ёсны айлчла...
-
Тод мэдээ2021/05/07
Ерөнхийлөгч Х.Баттулга Монгол Улсын Ерөнхийлөгчийн сонгуулийн тухай хуульд өөрчл...