Бидэнтэй нэгдэх

Тод индэр

Ерөнхийлөгч Х.Баттулга Дорноговь аймагт ажиллаж, “Эхийн алдар” одон гардууллаа

Огноо:

,

Сэтгүүлч:

Монгол Улсын Ерөнхийлөгч Халтмаагийн Баттулга энэ  сарын 08-ны өдөр Дорноговь аймагт ажиллаж байна. Тус аймагт ажиллах үеэрээ Ерөнхийлөгч Дорноговь аймагт өрнөж буй бүтээн байгуулалтын ажлын явцтай танилцах юм.

Монгол Улсын Үндсэн хуулийн 33 дугаар зүйлийн 1 дэх хэсгийн 7 дахь заалт, Монгол Улсын Ерөнхийлөгчийн тухай хуулийн 15 дугаар зүйлийн 1 дэх хэсэгт заасны дагуу олон хүүхэд төрүүлж, өсгөн хүмүүжүүлсэн эхчүүдэд “Эхийн алдар” одон гардуулах тухай Монгол Улсын Ерөнхийлөгчийн зарлиг 2020 оны тавдугаар сарын 29-ний өдөр гарсан.

“Эхийн алдар” одонг жил бүрийн Олон улсын хүүхдийн эрхийг хамгаалах өдрөөр буюу зургадугаар сарын нэгний өдөр гардуулдаг уламжлалтай боловч дэлхий даяар тархсан коронавируст цар тахлын нөхцөл байдлыг харгалзан үзэж, энэ жил одон гардуулах үйл ажиллагааг хойшлуулаад байсан билээ. Монгол Улсын Ерөнхийлөгч Халтмаагийн Баттулга өнөөдөр Дорноговь аймагт ажиллах үеэрээ тус аймагт амьдардаг ээжүүдэд “Эхийн алдар” одонг гардууллаа.

Энэ жил Дорноговь аймгаас “Эхийн алдар” одонг нийт 203 ээжид, үүнээс Нэгдүгээр зэргийн одонг 12, Хоёрдугаар зэргийн одонг 191 ээжид одон хүртээж байгаа юм.

МОНГОЛ УЛСЫН ЕРӨНХИЙЛӨГЧ ХАЛТМААГИЙН БАТТУЛГА “ЭХИЙН АЛДАР” ОДОНГ ГАРДУУЛСНЫХАА ДАРАА БАЯР ХҮРГЭЖ:

“Ээж нар аа, эхчүүд ээ

Та бүхэнд энэ өдрийн мэндийг дэвшүүлж, Монголын иргэдийг эрүүл саруул, цовоо цолгин, аз жаргалтай өсгөн бойжуулж байгаад тань халуун талархал илэрхийлье.

Энэ жил дэлхий дахинд тархсан коронавируст цар тахлын улмаас Хүүхдийн баяраар “Эхийн алдар” одонг гардуулдаг уламжлал маань тасалдсан. Гэхдээ 720 ээжид “Эхийн алдар” нэгдүгээр зэргийн одон,  9,957 гаруй ээжид “Эхийн алдар” хоёрдугаар зэргийн одон олгох тухай зарлиг гарсан байгаа. Өнөөдөр Дорноговь аймагт ажиллах үедээ зарим эхчүүдийн одонг гардуулах үйл ажиллагааг зохион байгуулж байна.

Хүүхэд бол бидний залгамж ирээдүй, Монгол Улсын хамгийн үнэт баялаг, өрх бүрийн гэрэл гэгээ, аз жаргал, утга учир болсон эрхэм нандин эрдэнэ билээ. Хүүхдээ эрүүл саруул өсгөн бойжуулна гэдэг бол үндэстнийхээ өмнө байгуулж байгаа эрхэм гавьяа, улсынхаа хөгжилд оруулж байгаа томоохон хөрөнгө оруулалт юм.

Тийм учраас эхчүүд Та бүхний нөр их хөдөлмөр, зүтгэлийг Монголын төр өндрөөр үнэлж ирсэн. Та бүхэнд нийт ард түмнийхээ нэрийн өмнөөс болон хувиасаа халуун талархал илэрхийлж, дахин дахин баяр хүргэе.

Мөнх тэнгэрийн хүчин дор өрх гэр бүхэнд энхрий үрсийнх нь аз жаргалтай дуу хадаж, эрүүл саруул, эрдэм боловсролтой иргэн болж өсөн торних болтугай.

Баярлалаа” гэлээ.

Энэ жил “Эхийн алдар” одонг улсын хэмжээнд 10,677, үүнээс Нэгдүгээр зэргийн одонг 720, Хоёрдугаар зэргийн одонг 9,957 ээжид хүртээх бөгөөд “Өндөржүүлсэн бэлэн байдлын зэрэг”-т шилжүүлсэнтэй холбогдуулан Монгол Улсын Ерөнхийлөгч Халтмаагийн Баттулга засаг, захиргааны нэгжийн түвшинд үе шаттайгаар гардуулахаар болж байна.

Дэлгэрэнгүй унших
сурталчилгаа
Монгол Улсын Их Хурлын 2020 оны сонгуулийн санал хураалт дуусах хүртэл сайтын сэтгэгдэл бичих талбарыг түр хаасан тул хүлцэл өчье. TODOTGOL.MN сайтын редакц

Тод индэр

“Эрдэнэт үйлдвэр” ТӨҮГ-ын Ерөнхий захирал Х.Бадамсүрэнд ШУТИС-ийн “Хүндэт доктор” цол олголоо

Огноо:

,

Монгол Улсын уул уурхай, хүнд үйлдвэрийн салбарт олон жил үр бүтээлтэй ажиллаж, хөгжлийн чухал хөтөлбөрүүдийг боловсруулж хэрэгжүүлэн, уул уурхайн салбарт эдийн засгийн үр өгөөжтэй шинэ техник, технологийг үйлдвэрлэлд нэвтрүүлэх, өргөжүүлэх замаар ШУТИС-ийн сургалт судалгааны ажлыг дэмжин, ШУТИС-ийн харьяа “Эрдэнэт цогцолбор” дээд сургуулийн статус, үйл ажиллагаанд оруусан үнэтэй хувь нэмрийг үнэлэн “Эрдэнэт үйлдвэр” ТӨҮГ-ын Ерөнхий захирал, Техникийн шинжлэх ухааны доктор Х.Бадамсүрэнд ШУТИС-ийн “Хүндэт доктор” цол олгосныг энэ сарын 18-ны өдөр гардууллаа.

     Шинжлэх Ухаан, Технологийн Их сургуулийн Хүндэт доктор цол нь ШУТИС-ийн тэргүүн дээд шагнал юм. Олон улс болоод Монгол Улсын төр, нийгэм, шинжлэх ухаан, технологи, боловсролын хөгжилд үнэтэй хувь нэмэр оруулсан улс төрийн нэрт зүтгэлтэн, эрдэмтдэд ШУТИС-ийн хүндэт доктор цол олгодог уламжлалтай. 

     Хүндэт доктор цол олгох талаар Эрдэм шинжилгээ, технологийн проректорын албанд ирсэн саналыг нягталсны үндсэн дээр Эрдмийн зөвлөлийн дэргэдэх Эрдмийн ба Хүндэт цолны зөвлөлөөр авч хэлэлцэн, ил санал хураалтаар шийдвэр гаргадаг байна. Шинжлэх ухаан, технологийн хөгжилд үнэтэй хувь нэмэр оруулсан, үндэсний үйлдвэрлэл, бизнесийн хөгжилд дорвитой хувь нэмэр оруулсан, ШУТИС-ийн хөгжилд бодитой хувь нэмэр оруулсан зэрэг шаардлагуудыг үндэслэн Хүндэт доктор цол олгодог юм. 

     Өнөөдөр, Хүндэт доктор цол олгох шийдвэрийг Эрдмийн ба Хүндэт цолны дэд зөвлөлийн нарийн бичгийн дарга доктор, дэд профессор Н.Ганзориг танилцуулж, Хүндэт докторт өмсгөл, медаль, диплом гардуулан өглөө. 

     “Эрдэнэт үйлдвэр” ТӨҮГ-ын Ерөнхий захирал, Техникийн шинжлэх ухааны доктор, ШУТИС-ын Хүндэт доктор Х.Бадамсүрэнд ШУТИС-ийн ГУУС-ийн Зөвлөх профессор, академич П.Очирбат, “Эрдэнэт үйлдвэр” ТӨҮГ-ын Ерөнхий захирлын Санхүү, эдийн засаг хариуцсан орлогч Д.Үүрийнтуяа нар баяр хүргэж үг хэлсэн. Ёслолын ажиллагаанд хүрэлцэн ирсэн Зөвлөлийн гишүүд, эрдэмтэн багш нар болон хүндэт зочдод хандан шинэхэн “Хүндэт доктор” талархал илэрхийлж, сайн сайхныг хүсэн ерөөлөө.   

Э.Мөнх-Уянга
Фото: Б.Баттөгс

Дэлгэрэнгүй унших

Тод индэр

Манлай сумын иргэн У.Пагмадуламынх хувийн байшинтай боллоо

Огноо:

,

2020 оныг Өмнөговь аймгийн хэмжээнд ӨРХ ГЭР БҮЛИЙН ХӨГЖЛИЙН ЖИЛ болгон зарлаж, 22 өрхийг хувийн байшинтай болоход аймгийн ЗДТГ-аас тус бүр 10.000.000 төгрөгийн дэмжлэг үзүүлсэн. Сум, баг зохион байгуулалт хийж айл өрхүүдээ байшинтай болгосоор байна.

Өнөөдрийн билэгт сайн өдөр Манлай сумын У.Пагмадуламынх иж бүрэн хувийн байшинтай боллоо. 3 хүүхдийн хамт амьдардаг өрх толгойлсон ээж бөгөөд сумын Эрүүл мэндийн төвд ажилладаг. Ажилдаа хариуцлагатай, хөдөлмөрч түүнийг сонгож Манлайчууд 7*8 харьцаатай, иж бүрэн хувийн байшинг барьж бүрэн хашаажуулсны зэрэгцээ дотоод тохижилт тавилга, эд зүйлсийг ч шийдэж өгсөн байна.
Дэлгэрэнгүй унших

Тод индэр

Монгол Улсын Ерөнхийлөгч Х.Баттулга Баян-Өлгий аймагт ажиллалаа

Огноо:

,

Монгол Улсын Ерөнхийлөгч Халтмаагийн Баттулга өчигдөр  Баян-Өлгий аймагт ажиллалаа. Энэ үеэрээ Баян-Өлгий аймаг дахь нисэх буудлаар зочилж, үйл ажиллагаатай нь танилцлаа.

Баян-Өлгий аймгийн нисэх буудлын суурийг 1958 онд тавьснаас хойш 1996 оны Монгол Улсын Засгийн газрын тогтоолоор тус нисэх буудал олон улсын боомтын статустай болжээ. Улмаар 2004 онд цагт 50 зорчигчид үйлчлэх хүчин чадалтай нисэх буудлын цогцолбор барилга байгууламжаа ашиглалтад оруулсан байна.

Одоогоор тус нисэх буудал нь долоо хоногт “Аэро-Монголиа” компанийн зорчигч, шуудан тээврийн рейсийн нислэг 2 удаа, “Хүннү-Эйр” компанийн зорчигч шуудан тээврийн рейсийн нислэг 2 удаа, бусад тусгай болон онцгой үүргийн нислэгүүдийг хүлээн авч нислэгийн аюулгүй байдлыг бүрэн хангаж аэронавигацийн болон газрын техникийн үйлчилгээг үзүүлэн ажиллаж байна.

Түүнчлэн цагт 50 зорчигчид үйлчлэх хүчин чадалтай тус нисэх буудалд 75-100 хүний багтаамжтай агаарын хөлгүүд нислэг үйлдэж, зорчигчийн тоо нэмэгдэж, жилд дунджаар 40,000 хүн явдаг болсон талаар Монгол Улсын Ерөнхийлөгчид энэ үеэр танилцуулж байв. Улмаар зорчигчдын 80% нь гадаад зорчигчид тул аэровокзалын хүчин чадал хүрэлцэхгүй байгаа бөгөөд аэровокзалд өргөтгөл, ачаа тээшний конвер шаардлагатай байгаа гэлээ.

Дэлгэрэнгүй унших
сурталчилгаа
Чөлөөт бүс2 цаг 9 минут

“Акашагийн мэдээлэл” буюу зөн билгийн орчин...

Өнөөдөр3 цаг 40 минут

Есөн настай охиныг хойд эцэг нь хөнөөсөн байж болзошгүй...

Чөлөөт бүс6 цаг 38 минут

Хэзээ ч ганцаардахгүй байж болох уу

Чөлөөт бүс6 цаг 42 минут

Уйлж буй хүүхдийг бүү сэгсэр...

Тод индэр6 цаг 50 минут

“Эрдэнэт үйлдвэр” ТӨҮГ-ын Ерөнхий захирал Х.Бадамсүрэнд ...

Тод мэдээ6 цаг 54 минут

“Бид хамтдаа” хөтөлбөрийн хүрээнд Боловсролын салбарт 4 ...

Тод индэр7 цагын өмнө

Манлай сумын иргэн У.Пагмадуламынх хувийн байшинтай боллоо

Тод мэдээ7 цаг 8 минут

Гадаад харилцааны сайд Н.Энхтайван ОХУ-д албан ёсны айлчлал хийж бай...

Тод мэдээ7 цаг 14 минут

Дархан, Сэлэнгийг газар тариалан, эрчимжсэн мал аж ахуйн бүс нутаг б...

Тод мэдээ7 цаг 17 минут

Ерөнхийлөгч Х.Баттулга Өлгий сумын бүтээн байгуулалтын ажлын явцтай ...

Тод мэдээ7 цаг 20 минут

Ерөнхийлөгч Х.Баттулга “Азат Халал” махны үйлдвэрээр зоч...

Тод мэдээ7 цаг 24 минут

Баян-Өлгий аймгийн 548 ээж “Эхийн алдар” одон хүртлээ

Санал болгох