Тод мэдээ
БОАЖ-ын дэд сайдаар ахлуулсан ажлын хэсэг Өмнөговь аймагт ажиллаж байна
Байгаль орчин аялал жуулчлалын дэд сайд Ц.Батбаяраар ахлуулан ажлын хэсэг Өмнөговь аймагт ажиллаж байна. Аймгийн удирдлагууд, холбогдох байгууллагын төлөөлөлтэй уулзлаа. Уулзалтын үеэр БОАЖЯ-ны сайд, аймгийн Засаг дарга нарын байгуулсан гэрээний хэрэгжилтийг хэлэлцэв.
Долоон чиглэл 32 заалт бүхий гэрээ хагас жилийн байдлаар 52.2 хувийн гүйцэтгэлтэй байна. Дараах онцлох ажлуудыг хийж хэрэгжүүлжээ.
-2020 онд Шинээр бичил цэцэрлэг, ойн зурвасыг 3,1 га талбайд байгуулж 3700 мод, 331 м2 талбайд цэцгийн мандал хийж, 0,3 га талбайг нөхөн зүлэгжүүлж, 25369 мод, 5980 бут сөөг, нийт 31349 мод бут сөөгийг тарьж, ургуулав.
-Он гарсаар аймгийн 10 сумын 11 багийн 18 цэгт хууль бусаар алт олборлох, эрэн хайх зөрчлийн улмаас 30 орчим га талбай эвдэгдсэн. Аймгийн Засаг дарга 5 удаагийн Захирамж гаргаж, хамгаалалт, зохион байгуулалтад 220 гаруй албан хаагч ажилласан байна.
-Зэрлэг ан амьтдын усан хангамжийг нэмэгдүүлэх зорилгоор 11 суманд 13 худаг гаргасан байна.
-Хог хаягдлын менежментийн төлөвлөгөөг хэрэгжүүлж байна.
БОАЖЯ-ны дэд сайд Ц.Батбаяр гэрээний хэрэгжилтийг сайн байна гэж онцлоод байгаль орчин, зэрлэг ан амьтдаа хамгаалах, ард иргэдэд нөлөөллийн ажил зохион байгуулах, нөхөн сэргээлтийг эрчимжүүлэх, иргэдийн оролцоог нэмэгдүүлэхийг анхааруулав.
Түүнчлэн Өмнөговь аймгийн Бичил уурхай эрхлэгчдийн холбоо, нөхөрлөлийн төлөөлөлтэй уулзаж тэдний санал бодлыг сонссон юм.
Эх сурвалж: Өмнөговь аймгийн ЗДТГ
Тод мэдээ
Нөөцийн махны өргөтгөсөн худалдаа зохион байгуулна
Нөөцийн махыг гуравдугаар сарын 11-нээс есөн дүүргийн 375 хүнсний дэлгүүрээр борлуулж эхэлсэн. Мөн ирэх амралтын өдрүүдэд буюу энэ сарын 19, 20-нд нөөцийн махны өргөтгөсөн худалдаа зохион байгуулна. Тодруулбал, Баянгол, Чингэлтэй дүүрэгт тус бүр тав, Сонгинохайрхан дүүрэгт дөрөв, Баянзүрх, Хан-Уул, Сүхбаатар дүүрэгт тус бүр гурав, Налайх, Багануур дүүрэгт тус бүр нэг, нийт 25 байршилд өргөтгөсөн худалдаа зохион байгуулах юм. Өргөтгөсөн худалдаагаар хонины махыг гулуузаар, кг-ыг нь 8900 төгрөг, ямааны махыг гулуузаар, кг-ыг нь 6700 төгрөгөөр зарж борлуулна.
Засгийн газрын 2023 оны 344 дүгээр тогтоолоор баталсан “Стратегийн хүнсний улирлын нөөц бүрдүүлэх, зарцуулах журам”-ын хүрээнд нийслэлийн хүн амын 2024 оны хаврын улирлын махны нөөц бүрдүүлэх зорилгоор бэлтгэн нийлүүлэгч долоон аж ахуйн нэгжийг сонгон шалгаруулж, нийт 6337 тонн нөөцийн мах бэлтгэсэн. Тодруулбал, бэлтгэсэн нөөцийн махны 60 хувь нь хонь, 30 хувь нь үхрийн, 10 хувь нь ямааны мах байна.
НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС
Тод мэдээ
Гадна зар сурталчилгаа, хаягийн стандартыг мөрдүүлж байна
Нийтийн ашиг сонирхлыг хамгаалах, иргэдийн аюулгүй орчинд ажиллах, амьдрах орчныг бүрдүүлэх зорилгоор холбогдох хууль, тогтоомж, дүрэм, журам, норм, стандартыг зөрчсөн зөрчлийг газар дээр нь шуурхай арилгуулан ажиллаж буй. Энэ хүрээнд шаардлагатай тохиолдолд зөрчил гаргасан иргэн, ААН-ийн газар эзэмших, ашиглах эрхийг хүчингүй болгох, газрыг чөлөөлөх, зөвшөөрөлгүй болон хууль, тогтоомж, барилгын норм ба дүрмийг зөрчиж барьсан байгууламжийг албадан буулгах, эрсдэл учруулж буй эд зүйл, техник хэрэгслийг хураах, зам талбайг чөлөөлөх чиглэлээр хотын стандартыг мөрдүүлж байна.
Тухайлбал, худалдаа, үйлчилгээний чиглэлээр үйл ажиллагаа явуулж буй иргэн, аж ахуйн нэгжийн гадна хаягийн стандартыг мөрдүүлэх ажлын хүрээнд холбогдох шалгалтыг хийж байна. Нийт 87 иргэн, аж ахуйн нэгж, байгууллагад сурталчилгааны байгууламжид тавих ерөнхий шаардлага зөвлөмж хүргүүлэн, 15 байгууллагын гадна хаягийг газар дээр нь буулгуулж зөрчлийг арилган ажиллалаа.
НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС
Тод мэдээ
“Алтайн хүдэр” компанийн захирлуудаас тайлбар мэдүүлэг авна
Эрүүгийн цагдаагийн албанаас өнөөдөр /2024.04.15/ “Алтайн хүдэр”компанийн захирал Р.Базарын ажлын байранд нэгжлэг хийж байгаа аж. Тодруулбал, түүнийг мөнгө угаасан, хууль бусаар сонгууль санхүүжүүлж байж болзошгүй гэх үндэслэлээр ийнхүү шалгаж байгааг хуулийн байгууллагаас мэдээллээ.
Энэ хүрээнд “Алтайн хүдэр” компанийн гүйцэтгэх захирал В.Бат-Эрдэнэ болон ерөнхий захирал Р.Базараас тайлбар мэдүүлэг авахаар авч явжээ.
-
Тод индэр2021/05/20
“Төрийн их өгөгдлийг бодлогын шийдвэрт ашиглах нь” төслийн танилцуул...
-
Тод мэдээ2022/06/28
Барилгын аюул, ослоос урьдчилан сэргийлж ажиллахыг үүрэг болголоо
-
Тод индэр2022/05/03
Э.Батхүү: Цахим сэтгүүл зүй цахим орчинд хэрэглэгчдээ хамгаалах цаг болсон
-
Тод мэдээ2022/11/01
Энэ долоо хоногт цаг агаар ямар байх вэ
Сэтгэгдэл