Бидэнтэй нэгдэх

Тод мэдээ

Ц.Оюунгэрэл: С.Эрдэнийн тамга бол Улсын бүртгэлийн ерөнхий газраар баталгаажсан хүчинтэй тамга

Огноо:

,

Сэтгүүлч:

Ардчилсан намд сүүлийн үед 2 дарга болон 2 тамганы асуудал нэлээд маргаан үүсгээд байгаа. АН-ын дарга С.Эрдэнийн тайлбарлаж буйгаар 2020 оны УИХ-ын ээлжин сонгуулийн ялагдлын дараа түүний өөрийн томилсон АН-ын даргын үүргийг түр орлон гүйцэтгэгч Ц.Туваан нь ҮДХ-ны шийдвэрийг зөрчиж, дүрмийн бус үйл ажиллагаа явуулсан, АН-ын үндсэн дүрмийг зөрчин цахим хуралдаан явуулах журмыг батлалгүйгээр дүрмийн бус, ирц гүйцээгүй ҮБХ-ны хурлыг хуралдуулсан, мөн тухайн дүрмийн бус хурлаар АН-ын үндсэн дүрмийг өөрчлөх асуудал хэлэлцүүлэхдээ ҮБХ-ны гишүүдээр хэлэлцүүлэлгүйгээр хэт нэг талыг барьсан буюу өнөөгийн Ерөнхийлөгчийн эрх ашигт үйлчилсэн зүйл заалтыг хулгайн замаар дүрэмд нэмж дээд шүүхэд бүртгүүлэхээр өгсөн зэрэг үндэслэлээр шүүхэд хандаж Ц.Туваанд байсан АН-ын хуучин тамгыг хүчингүйд тооцуулж УБЕГ-аас албан ёсны хүчинтэй тамга тэмдэгийг дахин гаргуулан ашиглах болсноо мэдэгдээд байгаа. 

Мөн Улс төрийн намын тухай хуулиар дээд шүүхийн бүртгэлд АН-ын даргаар С.Эрдэнийг томилсон бүртгэл одоог хүртэл хэвээр байгаа нь С.Эрдэнийг АН-ын жинхэнэ дарга мөн гэдгийг нотолж байгаа. Харин Ц.Тувааны талаас өөрийгөө АН-ын үндсэн дүрмийг зөрчөөгүй, хүчин төгөлдөр тамга ашиглаж байгаа, Ардчилсан намыг удирдах эрх бүхий хүн гэдгээ удаа дараа мэдэгдсээр байгаа.

Энэ талаар АН-ын гишүүн Ц.Оюунгэрэл өөрийнхөө үзэл бодлыг мөн илэрхийлжээ. Тэрээр:

“Туваан намын их хурал зарлахдаа намын даргыг сонгох тухай биш намын дүрмийг өөрчлөх тухай гэнэт хэлэлцсэн. Хурлаар хэлэлцсэн дүрмээ дээд шүүхэд батлуулахаар өгөхдөө хурлаар огт яригдаагүй Ерөнхийлөгчид илт үйлчилсэн заалтуудыг нэмсэн байсан. 

Монгол улсын ерөнхийлөгч ахиж нэр дэвшвэл ямарч өрсөлдөгчгүйгээр нэр дэвших гэсэн заалтыг нэмж оруулсан байсан. УБЕГ-аас Ц.Тувааныг эрх мэдлээ хэтрүүлэн ашигласан байна гэж үзээд С.Эрдэнэд хүчин төгөлдөр шинэ тамгийг олгосон” гэжээ. Тэгэхээр Туваан намынхаа гишүүд гэхээсээ илүү Ерөнхийлөгчийн талд илүү үйлчилж байгаа нь гишүүд, дэмжигчдийнхээ болон С.Эрдэнийн дургүйцлийг нэлээн хүргэсэн бололтой.

Дэлгэрэнгүй унших
сурталчилгаа

Сэтгэгдэл

Тод мэдээ

"Зөвлөлдөж шийдье" зөвлөлдөх санал асуулгын эхний шатны мэдээлэл цуглуулалт орон даяар эхэллээ

Огноо:

,

Эхний шатны санал асуулга 2023 оны 1-р сарын 26-наас 2-р сарын 2-ныг дуустал үргэлжилнэ. Санал асуулгад түүвэрт сонгогдсон 157 нэгжийн 1570 иргэн хамрагдах бөгөөд статистикийн байгууллагаас тусгайлан бэлтгэсэн 77 мэдээлэл цуглуулагч ажиллаж байна гэж Үндэсний Статистикийн Хорооноос мэдээллээ.

Дэлгэрэнгүй унших

Тод мэдээ

Ерөнхий сайд Л.Оюун-Эрдэнэ Франц Улсын Элчин сайдыг хүлээн авч уулзлаа

Огноо:

,

Монгол Улсын Ерөнхий сайд Л.Оюун-Эрдэнэ Бүгд Найрамдах Франц Улсаас манай улсад суугаа Онц бөгөөд Бүрэн Эрхт Элчин сайд Себастиан Сүрүнийг хүлээн авч уулзаж, хоёр талын харилцаа, хамтын ажиллагааны талаар санал солилцлоо.

Монгол Улсын Засгийн газар цар тахлын дараах эдийн засгийн эрчимтэй өсөлтийг бий болгох, хөгжлийг хязгаарлагч хүчин зүйлсийг шийдвэрлэх зорилго бүхий “Шинэ сэргэлтийн бодлого” хэрэгжүүлж, боомт, эрчим хүч, аж үйлдвэр, хот хөдөөгийн тэнцвэрт хөгжил, ногоон хөгжил, төрийн бүтээмжийн зургаан багц зорилтын хүрээнд бүтээн байгуулалт, хөрөнгө оруулалт төвлөрүүлэн ажиллаж байгааг Ерөнхий сайд тэмдэглээд эдгээр салбарт Франц улстай хамтран ажиллах боломж нээлттэйг онцоллоо. Монгол, Францын харилцааг шинэ шатанд гаргахын тулд харилцаанд жинтэй хувь нэмэр оруулах, хоёр орны нийтлэг эрх ашигт нийцсэн хөгжлийн томоохон төсөл хэрэгжүүлэх нь ач холбогдолтойг Ерөнхий сайд тэмдэглэв.

2023 он Монгол, Франц хоёр улсын харилцаа, хамтын ажиллагааны чухал жил болно гэдэгт итгэлтэй байгаагаа Элчин сайд Себастиан Сүрүн илэрхийлэв.  Соёл, боловсрол, шинжлэх ухаан, хөдөө аж ахуйн салбарын хамтарсан төслүүд амжилттай хэрэгжиж байгаад талууд санал нэгтэй байлаа.

Дэлгэрэнгүй унших

Тод мэдээ

Автомашины нүүрсэн яндан хулгайлдаг бүлэг этгээдийг баривчиллаа

Огноо:

,

Нийслэлийн хэмжээнд “Toyota Prius” маркийн тээврийн хэрэгсэл 133,235 байгаагаас “Toyota Prius – 20” маркийн тээврийн хэрэгсэл 67,456  буюу 50,6 хувь, “Toyota Prius – 30” маркийн тээврийн хэрэгсэл 50,631 буюу 38,0 хувь, “Toyota Prius – 40” маркийн тээврийн хэрэгсэл 15,148 буюу 11,3 хувийг эзэлж байна. Нийслэлийн нутаг дэвсгэрт гудамж талбай, автомашины ил зогсоолд байрлуулсан “Toyota Prius” маркийн автомашины нүүрсэн яндан хулгайлдаг Т, Д, Э нарын гурван бүлгийн 12 этгээд холбогдох нүүрсэн яндан хулгайлах 27 гэмт хэргийг цагдаагийн алба хаагчид илрүүлэн, мөрдөн шалгах ажиллагаа явуулж байна.

Ташрамд мэдээлэхэд, Улаанбаатар хотын хэмжээнд сүүлийн гурван жилийн байдлаар “Тоёото Приус” маркийн автомашины нүүрсэн яндан алдагдсан нийт 234 хэрэг бүртгэгджээ. 2023 оны 1 дүгээр сарын байдлаар 21 гэмт хэрэг бүртгэгдсэнээс 17 хулгайлах гэмт хэргийн буруутныг олж тогтоон, илрүүлэлт 80.9 хувьтай байна. 

Түүнчлэн иргэдийг өөрийн эзэмшиж буй тээврийн хэрэгслийн нүүрсэн янданг бусдад зарж борлуулахгүй байх, тээврийн хэрэгслээ хараа хяналтгүй газар орхихгүй байж хяналтын камертай бүсэд харуул хамгаалалттай орчинд байрлуулж, энэ төрлийн гэмт хэргээс урьдчилан сэргийлэхийг цагдаагийн байгууллагаас зөвлөлөө.

Дэлгэрэнгүй унших
сурталчилгаа
Тод мэдээ2023/01/27

"Зөвлөлдөж шийдье" зөвлөлдөх санал асуулгын эхний шатны мэ...

Тод мэдээ2023/01/27

Ерөнхий сайд Л.Оюун-Эрдэнэ Франц Улсын Элчин сайдыг хүлээн авч уулзл...

Тод индэр2023/01/27

Д.Амарбаясгалан: Төрийн өмчит компаниудад нээлттэй сонгон шалгаруула...

Тод мэдээ2023/01/27

Автомашины нүүрсэн яндан хулгайлдаг бүлэг этгээдийг баривчиллаа

Өнөөдөр2023/01/27

“Амар байна уу 2023” үзэсгэлэнд 1000 гаруй жижиг, дунд б...

Тод мэдээ2023/01/27

“Эртэч өглөө” хөтөлбөр хэрэгжүүлж эхэллээ

Өнөөдөр2023/01/27

Улсын тусгай хэрэгцээнд 496 га газрыг авахыг дэмжив

Тод мэдээ2023/01/27

13А маягтыг цахимд шилжүүлэх туршилтыг ирэх долоо хоногт эхлүүлнэ

Өнөөдөр2023/01/27

Ойрын хоногуудад ихэнх нутгаар хүйтний эрч суларна

Өнөөдөр2023/01/27

Үс шинээр үргээлгэх буюу засуулбал өнгө зүс сайжирна

Өнөөдөр2023/01/26

"Зөвлөлдөж шийдье" зөвлөлдөх санал асуулгын эхний шатны мэ...

Тод мэдээ2023/01/26

УБТЗ уурхайчдын вагон захиалгыг 100 хувь хангаж байна

Санал болгох