Дэлхий нийтээр..
“Нэг хаалга-нэг шинжилгээ”-нд шаардлагатай оношлуур, хамгаалах хувцас хэрэгслийг хангалаа
Нийслэлийн хэмжээнд гамшгаас хамгаалах бүх нийтийн бэлэн байдлын зэрэгт шилжсэнтэй холбогдуулан 2021 оны 02 дугаар сарын 11-нээс 23-ны хооронд хийгдэх “Нэг хаалга-Нэг шинжилгээ” үйл ажиллагааг зохион байгуулж байна. Энэ хүрээнд нийслэлийн есөн дүүрэгт 73 шинжилгээний төв, явуулын 137 багийг зохион байгуулж, халдварын голомтын идэвхтэй бүсэд хамаарах эрсдэл бүхий хороодоос сонгогдсон айл өрхийн нэг гишүүнийг шинжилгээнд хамруулж байна.
Коронавируст “Ковид-19” халдварыг илрүүлэх, тандах зорилготой тус үйл ажиллагаанд нийт 1923 эмч, эмнэлгийн мэргэжилтэн ажиллаж буй бөгөөд Нийслэлийн Эрүүл мэндийн газраас шаардлагатай урвалж, оношлуур, ариутгалын бодис болон хамгаалах хувцас хэрэгслээр ханган ажиллаж байна.
Нийслэлийн Эрүүл мэндийн газарт хуваарилагдсан нөөцөөс 410 мянган өрхөд шинжилгээ хийхэд зориулж шинжилгээ авах бамбар (тубе) 130.500 ширхэг, хамгаалах комбинзон 47.214 ширхэг, N95 амны хаалт 36.722 ширхэг, жавелион (300ш) 247 ширхэг, гар халдваргүйжүүлэгч (1 литр) 20.184 ширхэг, улавч 365.994 ширхэг, нэг удаагийн бээлий 1.681.608 хос, нэг удаагийн халаад 339.000 ширхэг, нэг удаагийн амны хаалт 43.036 ширхэг, нэг удаагийн малгай 47.706 ширхэг, гадаргуу ариутгагч (500 мл) 246 ширхэг, нүүрний хаалт 47.224 ширхэг, хогны хар уут 16.860 ширхэг, хогны шар уут 33.720 ширхэгийг нийт харьяа болон тусгай мэргэжлийн 29 эрүүл мэндийн байгууллагуудад хангалт, түгээлт хийлээ гэж Нийслэлийн эрүүл мэндийн газраас мэдээллээ.
Дэлхий нийтээр..
АНУ, Израилийн цохилтын улмаас Иранд мянга мянган хүн амиа алджээ
АНУ, Израилийн Иранд хийсэн цэргийн цохилтын улмаас олон мянган хүн амиа алдаж, шархадсан талаар Al Jazeera мэдээлжээ. Тус сувгийн мэдээлснээр 2026 оны хоёрдугаар сарын 28-наас хойш Иранд хийсэн цохилтын улмаас дор хаяж 3375 хүн амиа алдаж, 26,500 гаруй хүн шархадсан байна.
Мөн Израилд 26 хүн амиа алдаж, 7000 гаруй хүн шархадсан бол Ирак, Ливанд ч хохирол бүртгэгдсэн байна. Энэхүү мөргөлдөөн нь бүс нутгийн хэмжээнд өргөжиж, олон улс оронд хүний амь нас, дэд бүтцэд ноцтой хохирол учруулж байгааг онцолжээ.
Гэсэн хэдий ч хохирлын тоо, нөхцөл байдлын талаарх мэдээлэл цаг хугацааны явцад өөрчлөгдөж болзошгүйг эх сурвалж анхааруулсан байна.
Дэлхий нийтээр..
Путин Ираны Гадаад хэргийн сайдтай уулзаж, энх тайвныг дэмжихээ илэрхийлэв
ОХУ-ын Ерөнхийлөгч Владимир Путин 2026 оны дөрөвдүгээр сарын 27-ны өдөр Ираны Гадаад хэргийн сайд Аббас Арагчитэй уулзаж, Ойрх Дорнодын бүс нутгийн нөхцөл байдал болон хоёр орны харилцааны асуудлаар санал солилцлоо.
Уулзалтын үеэр талууд бүс нутгийн хурцадмал байдлыг намжаах, дипломат аргаар шийдвэрлэх боломжийн талаар ярилцсан байна. Владимир Путин зөрчил мөргөлдөөнийг намжааж, энх тайвныг тогтоохын төлөө ажиллахад бэлэн байгаагаа илэрхийлжээ.
Мөн Орос, Ираны стратегийн түншлэлийн харилцааг бэхжүүлэх, хамтын ажиллагааг цаашид өргөжүүлэх асуудлыг хэлэлцсэн байна. Ираны талаас дээд удирдлагын захидлыг дамжуулсан бөгөөд ОХУ-ын Ерөнхийлөгч талархал илэрхийлсэн тухай албаны эх сурвалж мэдээлэв.
Энэ удаагийн уулзалтаар тодорхой гэрээ, шийдвэр гаргаагүй ч хоёр тал дипломат шугамаар асуудлыг шийдвэрлэх, харилцаагаа хадгалж, бэхжүүлэх байр сууриа дахин нотолсон байна.
Дэлхий нийтээр..
“Стандарт энд Пурс” агентлаг Бельгийн зээлжих зэрэглэлийг буурууллаа
Газрын тосны үнэ огцом өсөж буйтай зэрэгцэн олон улсын зээлжих зэрэглэлийн Стандарт энд Пурс агентлаг дөрөвдүгээр сарын 24-нд Бельги улсын зээлжих зэрэглэлийг “AA”-аас “AA-” болгон бууруулж, төлөвийг “тогтвортой” хэвээр үлдээсэн байна.
Тус агентлагийн мэдэгдэлд дурдсанаар зэрэглэл бууруулсан гол шалтгаан нь Бельгийн санхүүгийн урт хугацааны тэнцвэргүй байдалтай холбоотой аж. Ялангуяа 2025 оны төсвийн алдагдал мэдэгдэхүйц нэмэгдэж, 2026–2029 онд санхүүгийн сахилга батыг сайжруулах төлөвлөгөө удаашралтай хэрэгжиж байгаа нь улсын төсөвт дарамт үүсгэж байгааг онцолжээ.
Мөн тус улсын Засгийн газрын цэвэр өрийн хэмжээ дотоодын нийт бүтээгдэхүүнд эзлэх хувь 2025 онд 103 хувь байсан бол 2029 он гэхэд 109 хувь болж өсөх төлөвтэй байгааг дурджээ. Үүнтэй зэрэгцэн өрийн хүүгийн зардал нэмэгдэх хандлагатай байгаа нь төсвийн ачааллыг улам нэмэгдүүлэхээр байна.
Шинжээчдийн үзэж байгаагаар Бельгийн төсвийн алдагдлын хэмжээ Евро бүсийн орнуудын дунд өндөр түвшинд хэвээр байгаа бөгөөд зээлжих зэрэглэл буурсан нь санхүүжилтийн өртөг өсөх, зарим хөрөнгө оруулалтын сангууд тус улсын бондыг бууруулах эрсдэл дагуулах магадлалтай юм.
Үүнээс өмнө Moody’s Analytics мөн Бельгийн зээлжих зэрэглэлд сөрөг үнэлгээ өгч байжээ.
-
Үйл явдал2021/02/08
ЭМЯ-ны ээлжит мэдээлэл /2021.02.08/
-
Дэлхий нийтээр..2020/12/14
Энэ сард дөрвөн удаа тусгай үүргийн нислэг үйлдэнэ
-
Үйл явдал2020/07/08
Үс шинээр үргээлгэх буюу засуулахад тохиромжгүй
-
Дэлхий нийтээр..2020/02/20
Монгол Улсын Ерөнхий сайд У.Хүрэлсүх мэргэжлийн хяналтын байгууллагад ажиллалаа