Тод мэдээ
Камбож: Тосгоны иргэд биогазийг хийн түлшээр орлуулан ашиглаж байна
Энэ талаар Ангк Та Саом тосгоны фермер, "Би 3 үхэртэй, тэдний ялгадас миний жижигхэн биогазны хэрэглээг бүрэн хангаж чаддаг. Надад 4 м3 хэмжээний биогаз боловсруулах хэсэг байгаа. Хийн түлшинд өгөх төсвөөс маань хэмнээд би хоол хийхдээ бага мөнгө зарцуулах болсон. Миний биогаз одоохондоо манай гэр бүлийн хэрэглээг л хангаж чадна, бага дөлтэй учир зочид ирэхэд том тогоондоо хоол хийх боломжгүй нэмэлт гал түлэх шаардлагатай болдог. Аав маань үүнийг барихад 400-450 доллар зарцуулсан, мэргэжлийн хүмүүс ирж суурилуулж өгсөн. 20 жил ашиглах ёстойгоос манайх аль хэдийн 15 жил ашигласан байна." гэж байв.
Мөн Самраонг мужийн иргэн ярихдаа, "Энэ системийг ашиглахын тулд үхрийн ялгадсыг ямар нэгэн хоггүйгээр цуглуулаад ялгадас усны 1/1 харьцаатайгаар хийн хутгадаг. Хэрэглэх үедээ хольсон ялзмаг доош бууж шаар шиг саванд цугларах бөгөөд хий нь дээд хэрэгтэй цугларсан байдаг. Хийн хоолойг нээн гал тогоондоо хоол хийхдээ ашигладаг. Хутгах явцад хийн хоолой заавал хаалттай байх ёстой. Энэ бол биогазны хэмжигч, хэрвээ 2 кг-с бага хэмжээтэй ялзмаг байвал заавал нэмж ялгадас хийх ёстой. Үхрийн би маш хэрэгтэй амьтан гэж боддог, тэдний ялгадсыг эрчим хүч гаргахад ашиглаж байна, харин түүний үлдэгдлийг бордоо болгон ашигладаг.
Биогаз ашиглан хоолоо хийж дууссаны дараа үлдэгдлийг би ногоо тарихдаа эсвэл банана оранж зэрэг тэжээл их шаарддаг ургамалд бордоо болгон ашигладаг. Ингэснээр үнэтэй химинй бодис авах шаардлагагүй болно. Үхрийн ялгадас их үнэ цэнэтэй, гэхдээ яаж хэрэглэхээ мэдэхгүй бол зүгээр л хог болох болно." гэлээ.
Тод мэдээ
Мал аж ахуйн удирдах ажилтны зөвлөгөөн боллоо
Хүнс, хөдөө аж ахуй, хөнгөн үйлдвэрийн яамны Мал аж ахуй бодлогын хэрэгжилтийг зохицуулах газраас салбарын удирдах ажилтны зөвлөгөөнийг зохион байгууллаа.
Зөвлөгөөнийг мал аж ахуйн салбарын бүтээмжийг нэмэгдүүлж, эрсдэлийг бууруулах зорилгоор “Уур амьсгалд ухаалаг мал аж ахуй ба гамшгийн эрсдэлийн удирдлага” сэдвийн хүрээнд явуулж, 21 аймаг, нийслэлий, Хүнс, хөдөө аж ахуйн газрын Мал аж ахуйн хэлтсийн дарга болон харьяа байгууллагуудын төлөөллийг хамруулав.
Энэ үеэр салбарын тулгамдсан асуудлыг тодорхойлж, тогтвортой хөгжүүлэх гарц шийдлийг хэлэлцсэн. Тухайлбал, өсвөр мал бордож, эдийн засгийн эргэлтэд оруулах, малын гаралтай бүтээгдэхүүний экспортыг тогтвортой тогтмол байлгах тухай асуудлуудыг зөвлөлдлөө гэж ХХААХҮЯ-наас мэдээллээ.
Тод мэдээ
БНСУ-д хөдөлмөрийн гэрээний ажилтан илгээсээр байна
Монгол Улсын Засгийн газар Гэр бүл, хөдөлмөр, нийгмийн хамгааллын яам болон БНСУ-ын Засгийн газар Хөдөлмөр эрхлэлт, хөдөлмөрийн яам хооронд байгуулсан гэрээ, хэлэлцээрийн дагуу хөдөлмөрийн гэрээт ажилтан илгээх үйл ажиллагааг ХХҮЕГ тасралтгүй зохион байгуулан ажиллаж байна.
БНСУ нь 17 улс орноос гадаад ажилтан хүлээн авдаг бөгөөд Монгол Улс 2004 оноос өнөөг хүртэл жил бүр ажиллах хүсэлтэй иргэдийг бүртгэх, илгээх үйл ажиллагааг зохион байгуулдаг Засгийн газрын хэрэгжүүлэгч агентлаг Цорын ганц Төрийн байгууллага юм.
БНСУ-ын хөдөлмөрийн хөлсний 2024 онд мөрдөгдөж буй хэмжээ цалингийн доод 2,060,740 вон байна.
Өнгөрсөн 2024 онд 722 хүн илгээсэн байна. Хөдөлмөрийн биржийн ажил хайгчаар байршсан иргэдэд улирал тутам ажлын санал ирж, сар бүрийн тогтсон өдөр илгээсээр байна.
Өнөөдөр буюу 2025 оны 04 сарын 02-ны өдөр аж үйлдвэрийн салбарт 22 ажилтан ажиллахаар тус улсыг зорилоо.
Мөн 04 дүгээр сарын 08-нд тогтвортой 13 ажилтан, ХАА, газар тариалан 2 ажилтан, Үйлчилгээ 2 салбарт 5, Барилга 1 ажилтан тус тус илгээхээр бэлтгэл ажил хийгдэж байна.
Мөн барилгын салбарт илгээгдэх иргэн хувийн шалтгаанаар явах боломжгүй гэх хариу өгөөд байгаа аж.
Сүүлийн үед БНСУ-аас ажлын санал ирсний дараа иргэдийн өөрсдийн хариуцлагагүй байдлаас шалтгаангүйгээр хойшлуулах, явахгүй гэх мэт шалтгаан ихээр гарч байгаа тул БНСУ-ын ажил олгогч тухайн ажилтныг 17 улсын ажил хайгч олон дундаас сонгож, тухайн улсдаа татвар төлж, бичиг баримтыг бүрдүүлэн 6 сар орчим хүлээсний дараа хүлээн авах, цаг хугацаа, санхүүгийн тодорхой хохирол амсах эрсдэлтэй байдал удаа дараа үүсгэж байна.
Иймд манай улсын ажил хайгч иргэдийг олноор сонгохгүй байх эрсдлийг үүсгэж байгаа тул ажлын санал ирсэн иргэдийг дээрх асуудал үүсгэхгүй байхыг сануулж байна.
Тод мэдээ
УИХ-ын чуулганы нэгдсэн хуралдаан /2025.04.03/
