Тод мэдээ
Загасчид бохирдсон далайн уснаас болон хохирч байна
Энэ талаарх загасчдын сэтгэгдэлийг та бүхэнд хүргэе.
- Усан онгоц шатсан хэрэг явдал хүн амын нэг хэсэгт сонирхолтой мэдээ байж болох ч үүнээс гадна олон зүйлийг анхаарч үзэх хэрэгтэй. Эдгээр газарт амьдардаг хүмүүс ихэвчлэн загасчид байдаг бөгөөд энэ явдлын улмаас тэдний амьжиргаанд ихээхэн нөлөөлж байна. Маш их хэмжээний нүүрстөрөгч далай болон тэнгисийн биологийн агаар мандалд ялгаруулж байгаа тул үр нөлөө нь тодорхой хугацаанд удаан үргэлжлэх болно. Загасчдын эдийн засагт ирээдүйд болон одоо ихээхэн хохиролтой байх болно.
- Цар тахлын үеэрх хөл хорионы улмаас өдөр тутамдаа хоол хүнсээ олдог загасчид ихээхэн хохирол амссан. Гэтэл цар тахал дуусаж амжилгүй дахин далайн биологийн орчны бохирдол, сүйрлээс болж загасчид бүр л хэцүүхэн болох нь. Эрх баригчдын хайхрамжгүй байдлаас болж загасчид дор хаяж хоёр жилийн турш өлсгөлөнд нэрвэгдэж магадгүй юм.
- Далайн түрлэг, давалгаа борооны улирлын үеэр маш хүчтэй байдаг. Эвдэрсэн чингэлэг эрэг орчим хөвж байгаа тул загасчид тороо тавих, мөн далайд загасчлахаар гарах нь хэцүү байж магадгүй юм. Энэ үйл явдал загасчдын амьдралд нөлөөлөх нь гарцаагүй юм.
- Загасчдын өдөр тутмын амьдралд шууд нөлөөлсөн зүйл болж байхад хохирол үүсгэсэн байгууллагаас болон засгийн газраас ямар нэгэн дэмжлэг одоохондоо байхгүй л байна.
Тод мэдээ
Монгол Улсын Ерөнхийлөгч У.Хүрэлсүхийг БНХАУ-ын дарга Ши Жиньпин угтлаа
ШХАБ-ын гишүүн орнуудын Төрийн тэргүүн нарын зөвлөлийн өргөтгөсөн хуралдаанд оролцохоор БНХАУ-ын Тяньжин хотноо хүрэлцэн ирсэн Монгол Улсын Ерөнхийлөгч Ухнаагийн Хүрэлсүх, гэргий Лувсандоржийн Болорцэцэг нарыг БНХАУ-ын дарга Ши Жиньпин, гэргий Пөн Лиюань нар албан ёсоор угтлаа.
Угтах ёслолын дараа ШХАБ-ын гишүүн болон ажиглагч орнууд, ШХАБ+ хүрээнд оролцогч орнууд, олон улсын байгууллагын төлөөлөгчдийн тэргүүн, гэргий нар дурсгалын зураг татуулав.
Монгол Улсын Ерөнхийлөгч У.Хүрэлсүх маргааш ШХАБ-ын гишүүн орнуудын Төрийн тэргүүн нарын зөвлөлийн өргөтгөсөн хуралдаанд оролцож, үг хэлнэ.
Тод мэдээ
Монгол Улсад албан ёсны айлчлал хийхээр Шинэ Зеланд Улсын Парламентын Төлөөлөгчдийн танхимын дарга Жерард Браунли хүрэлцэн ирлээ
Улсын Их Хурлын дарга Д.Амарбаясгалангийн урилгаар манай улсад албан ёсны айлчлал хийхээр Шинэ Зеланд Улсын Парламентын Төлөөлөгчдийн танхимын дарга, ноён Жерард Браунли тэргүүтэй төлөөлөгчид өчигдөр (2025.08.31) хүрэлцэн ирлээ.
Төлөөлөгчдийг Улсын Их Хурлын дэд дарга Х.Булгантуяа, Монгол Улсаас Шинэ Зеланд Улсад хавсран суугаа Онц бөгөөд Бүрэн эрхт Элчин сайд Д.Даваасүрэн, Улсын Их Хурал дахь Монгол-Шинэ Зеландын парламентын бүлгийн дарга С.Эрдэнэболд болон албаны бусад хүмүүс угтав.
Айлчлалын хүрээнд Улсын Их Хурлын дарга Д.Амарбаясгалан, Шинэ Зеланд Улсын Парламентын Төлөөлөгчдийн танхимын дарга Жерард Браунли нар албан ёсны хэлэлцээ хийж, хоёр улсын харилцаа болон хууль тогтоох байгууллагуудын хамтын ажиллагааг өргөжүүлэн хөгжүүлэх талаар санал солилцоно.
Энэхүү айлчлал Шинэ Зеланд Улсын Парламентын даргын түвшинд Монгол Улсад хэрэгжүүлж буй анхны айлчлал юм. Монгол Улс, Шинэ Зеланд Улсын хооронд 1975 онд дипломат харилцаа тогтоосон бөгөөд энэ онд 50 жилийн ой тохиож байна гэж Улсын Их Хурлын Хэвлэл мэдээллийн газраас мэдээлэв.
Тод мэдээ
Ерөнхийлөгч У.Хүрэлсүх гэргий Л.Болорцэцэгийн хамт БНХАУ-ын Тяньжин хотноо хүрэлцэн ирлээ
Монгол Улсын Ерөнхийлөгч Ухнаагийн Хүрэлсүх гэргий Лувсандоржийн Болорцэцэгийн хамт Шанхайн хамтын ажиллагааны байгууллага /ШХАБ/-ын гишүүн орнуудын Төрийн тэргүүн нарын зөвлөлийн өргөтгөсөн хуралдаанд оролцохоор Бүгд Найрамдах Хятад Ард Улс /БНХАУ/-ын Тяньжин хотноо хүрэлцэн ирлээ.
Монгол Улсын Ерөнхийлөгч У.Хүрэлсүх, гэргий Л.Болорцэцэг нарыг Тяньжин хотын “Биньхай” олон улсын нисэх онгоцны буудалд хүрэлцэн ирэхэд БНХАУ-ын Ардын банкны Ерөнхийлөгч Пан Гуншөн, Тяньжин хотын Улс төрийн зөвлөлийн дарга Ван Чансун, БНХАУ-аас Монгол Улсад суугаа Онц бөгөөд Бүрэн эрхт Элчин сайд Шэнь Миньжюань, Монгол Улсаас БНХАУ-д суугаа Онц бөгөөд Бүрэн эрхт Элчин сайд Н.Энхболд болон албаны бусад төлөөлөгчид угтав.
Ерөнхийлөгч У.Хүрэлсүх БНХАУ-д ажиллах үеэрээ ШХАБ-ын гишүүн орнуудын Төрийн тэргүүн нарын зөвлөлийн өргөтгөсөн хуралдаанд оролцож, үг хэлнэ. Мөн БНХАУ-ын дарга Ши Жиньпинтэй хоёр талын уулзалт хийж, Монгол, Орос, Хятадын Төрийн тэргүүн нарын гурван талт VII уулзалтад оролцохоор төлөвлөж байна.
-
Тод мэдээ2020/08/09
Үер усны аюулаас урьдчилан сэргийлэхийг анхааруулж байна
-
Тод зураг2019/09/10
Өнөөдөр цахилгаан шугам тоноглолд засвар үйлчилгээ хийх хуваарь
-
Тод мэдээ2021/02/17
Израиль Улсад сонгууль болохын өмнөхөн Нетаньяахугийн шүүх хурал товлогдлоо
-
Тод мэдээ2025/07/29
Увс аймгийн ИТХ-ын хуралдааны танхимд Үндсэн хуулийг заллаа