Бидэнтэй нэгдэх

Тод мэдээ

Гэр хорооллын дахин төлөвлөлтийн барилга угсралтын ажлын явцтай танилцлаа

Огноо:

,

Сэтгүүлч:

Нийслэлийн хэмжээнд барилга угсралтын ажил  эхэлсэнтэй холбоотойгоор өнөөдөр Нийслэлийн Засаг даргын Барилга, орон сууц, үйлдвэр, технологийн паркийн асуудал хариуцсан орлогч Б.Сүхбаатар, Нийслэлийн Орон сууцны бодлогын газрын дарга Г.Ганхүү нар Баянзүрх дүүргийн 12 хорооны нутагт гэр хорооллыг дахин барилгажуулах төслийн хүрээнд баригдаж буй барилгын  В, Е хэсэгчилсэн талбарт ажиллалаа. Тэрхүү хэсэгчилсэн талбарт төсөлд шалгарсан “Скай вип констракшн”, “Гурван бухат” ХХК, “Батхэрэйд” ХХК-ийн барилгажуулах ажлын явцтай газар дээр нь танилцаж, тулгамдаж буй зарим асуудлыг шийдвэрлэсэн юм.

Баянзүрх дүүргийн 12-р хороо  Е хэсэгчилсэн талбайн  23.3 га газарт 4000 айлын орон сууц, 500 хүүхдийн цэцэрлэг, 1000 хүүхдийн сургууль, В хэсэгчилсэн талбайн 25.6 га газарт 3200 айлын орон сууц, 640 хүүхдийн сургууль, 240 хүүхдийн цэцэрлэг ашиглалтад орох юм. Одоогоор В хэсэгчилсэн талбайд төсөл хэрэгжүүлэгч “Батхэрэйд” ХХК нийт талбайн 30 гаруй хувьд орон сууц бариад байна.

Нийслэлийн Засаг даргын Барилга, орон сууц, үйлдвэр, технологийн паркийн асуудал хариуцсан орлогч Б.Сүхбаатар:

-Улаанбаатар хотын гэр хорооллын дахин төлөвлөлт өмнөх жилүүдэд удаашралтай явагдаж, жилд 1500 орчим айлын орон сууц дахин төлөвлөлтийн хүрээнд ашиглалтад орж байсан. Энэ жилээс бид энэ тоог 3-5 мянгад хүргэхээр зорьж байна. Гэр хорооллын дахин төлөвлөлтийг хэрэгжүүлэх ажлын хүрээнд олон төрлийн бодлого хэрэгжүүлж байж бид зорьсон тоондоо хүрнэ. Төсөлд шалгарсан компаниуд маань  үнийн өсөлтийг сөрөн ажлаа үргэлжлүүлсээр байгаад талархаж байна. Мөн ард иргэдийнхээ эрүүл аюулгүй орчинд амьдрах орчинг бүрдүүлэн гэр хорооллын нүхэн жорлонг буулгажээ. Гэр хорооллын дахин төлөвлөлт хэрэгжсэнээр төвлөрөл саарч, агаар хөрсний бохирдол буурахын дээр тэр хэрээр ядуурал буурч, амьдрах орчин сайжирна. Цаашид нийслэл, хувийн хэвшил, иргэний хамтын түншлэл, шийдвэрээр Гэр хорооллыг барилгажуулах төсөл урагшлах ёстой.  Цаашид хотын зүгээс бүхий л талаар аж ахуйн нэгжүүдээ дэмжиж ажиллана.  Манай төслүүд хэрэгжсэнээр иргэдийн амьдралын чанар дээшлэн, газар эдийн засгийн эргэлтэд орж, ажлын байр нэмэгдэх төдийгүй байгаль орчинд ээлтэй ногоон ирээдүйг үр хойчдоо өвлүүлэх өндөр ач холбогдолтой юм гэлээ.

“Гурван бухат” ХХК-ийн захирал М.Гантулга:

-Манай нэгж талбарт энэ хаврын хувьд газраа чөлөөлсөн 27 айл бий. Тэдгээрийн 13 нь нүүж явсан. Нийтдээ 18 блок 5, 12, 16  давхар барилгууд барихаас зургаан барилгыг энэ жилдээ багтаан ашиглалтад оруулахаар зорин ажиллаж байна. Бид зөвхөн орон сууцнаас гадна үзэсгэлэнгийн танхим, төр захиргааны байр барина.

-Газар чөлөөлөлт хийгээд барилга, орон сууц барихад тулгарч буй бэрхшээл юу байна вэ?

-Газар чөлөөлөх явцад багагүй бэрхшээл учирч байна. Бид газраа чөлөөлсөн айл өрхүүдэд байр өгөхөөр гэрээ байгуулж байгаа. Иргэд газраа бэлэн мөнгөөр өгөх, их хэмжээний талбай бүхий орон сууц хүсэх нь бий. Манай төсөл нийт 259 нэгж талбарт хэрэгжинэ. Түүний 30 орчим хувьд нь аж ахуй эрхэлдэг айлууд бий. Тэд хэлэлцээр хийхгүй гэсэн байр суурьтай байна. Зарим айлууд урьд өмнөх компаниудтайгаа ойлголцохгүйгээс болоод бүлэг үүсгэчихсэн жаахан хүндрэлтэй л байна. Таван давхар барилга бүхий хэсэгт 360 айлын орон сууц баригдана.

Өнөөдрийн уулзалтад иргэдийн төлөөлөл оролцсон бөгөөд амьдрах орчноо сайхан болгохын тулд түргэн нүүсэн гэх иргэд цөөнгүй байлаа. Харин иргэн Н.Баярцог дахин төлөвлөлтийг дэмжиж буй боловч хашаандаа 30 жил амьдрахдаа 500 гаруй мод тарьсан нэгэн аж. Нарс гацуураас эхлээд алим, лимоны мод хүртэл тарьсан тул хашаандаа амины орон сууц барьж аж төрөх сонирхолтойгоо илэрхийллээ.  Түүний хүсэлтийг сонсоод Нийслэлийн Засаг даргын орлогч Б.Сүхбаатар дараах тайлбарыг хэлсэн.

-Иргэн Н.Баярцог шиг хүсэлтэй иргэд байдаг. Тэдний хувьд амины орон сууц маягаар аж төрж болно. Хэсэгчилсэн ерөнхий төлөвлөгөөндөө тусгаад өгч болно. Амины орон сууц маягаар үлдэж буй айлууд 2-3 давхраас өндөр, 400 метр квадратаас илүү талбайтай байр барьж болохгүй. Үйлдвэрлэл, үйлчилгээ эрхлэх боломжгүй гэх мэт шаардлагуудыг тавина. Нэг хоёр жилийн дараа газар дээрээ өөр барилга бариулчихна гэж бодож буй хүмүүс байгаа бол боломжгүй юм шүү гэдгийг сайн ойлгоорой хэмээсэн юм.

Нийслэлийн удирдлагуудын очсон удаах талбар нь В талбар юм. Тус газарт “Бат хэрэйд” ХХК сургууль, цэцэрлэг барьж, 12 дугаар хорооны хүүхдүүдийг оруулах ажээ.

“Бат хэрэйд” ХХК-ийн захирал Д.Байгалмаа:

-Манай компани үйлчилгээтэй 128 айлын орон сууц барьж байна. В хэсэгчилсэн талбарт 295 айлын хашааны газрыг чөлөөлөхөөс 80 гаруй хувь нь гэрээгээ хийсэн. 78 айлын хашааг чөлөөлж 120 гаруй айлыг орон сууцанд оруулаад байна. Гэр хорооллын дахин төлөвлөлтийн ажил бол яалт ч үгүй иргэд, төр, компани гурав ойлголцож, хамтарч байж үр дүн гарах юм. Орон сууцанд орсон айлууд маань баяртай байгаа. Энэ орчинд олон жил суурьшаад орчин нөхцөл тааруу, хөрсний бохирдол ихтэй, нүхэн жорлонгоо сэлгэж барих газаргүй болсон байсан.

Манай төсөл нийтдээ 3800 гаруй айлын орон сууц, сургууль, цэцэрлэг барина. 2028 оны хүртэлх төлөвлөгөө график гаргаад, түүнийхээ дагуу ажиллаж байна гэсэн юм.

Нийслэлийн хэмжээнд Гэр хорооллын дахин төлөвлөлтийн 43 талбарт төсөл хэрэгжүүлэх аж ахуйн нэгжүүдийг  шалгаруулаад   байгаа юм. 2020 онд л гэхэд 30 орчим аж ахуйн нэгж төсөлд шалгарсан боловч 10 нь ажиллаад, 10 нь огт ажиллаагүй, үлдсэн нь иргэдтэйгээ ойлголцоогүйгээс ажлаа зогсоосон зэрэг хүндрэлтэй байсан бол өнгөрч буй хоёр жилийн хугацаанд нэлээд эрчимтэй ажилласан. Ковидын үед бид бодлогын баримт бичгээ цэгцэлсний үр шим одоо гарч байна хэмээн  Нийслэлийн Засаг даргын  орлогч онцоллоо.

Дэлгэрэнгүй унших
АНХААРУУЛГА: УИХ-ын 2024 оны ээлжит сонгуулийн хуулийн холбогдох заалтын хүрээнд тус сайтын сэтгэгдэл хэсгийг түр хугацаанд хаасан болно.

Тод мэдээ

ХӨСҮТ: Цэцэрлэг, сургууль эхэлсэнтэй холбоотой вирусийн тархалт нэмэгдэж байна

Огноо:

,

Халдварт өвчин судлалын үндэсний төвөөс өнөөдөр /2025.02.14/ ээлжит мэдээллээ хийлээ.


ХӨСҮТ-ийн Вирус судлалын тасгийн эрхлэгч, доктор Ц.Наранзул:

-2025 оны зургадугаар долоо хоногийн вирус судлалын тандалтын мэдээг танилцуулъя. Вирусийн тархалт шинжилгээ хийлгэсэн хүмүүсийн 60.9 хувьд зургаан төрлийн эмгэг төрүүлэгч илэрсэн. Өмнөх тавдугаар долоо хоногтой харьцуулахад, энэ тоо хэмжээ 18.9 хувиар өссөн үзүүлэлттэй байна. Сүүлийн долоо хоногт вирусийн тархалт нэмэгдсэн нь сургууль, цэцэрлэгийн хөдөлгөөнтэй холбоотой гэж үзэж байна. Зургаан төрлийн эмгэг төрүүлэгчийг задлавал реновирус, амьсгалын замын синцитиал вирусийнн халдвар давамгайлах хандлагатай буюу тус бүр 20.3 хувийг эзэлж байна. Ялангуяа реновирус вирусийн тархалт 14.3 хувиар нэмэгдсэн үзүүлэлттэй байна.

Дэлхийн бөмбөрцгийн хойд хагасын сэрүүн бүсийн улс орнуудад улирлын томуугийн идэвхжил өндөр түвшинд байна.

  • Европын улс орнуудад улирлын томуугийн вирусийн бүх хэв шинж, Хойд Америкийн орнуудад томуугийн А вирус, Азийн улс орнуудад А(H1N1)pdm09 вирус давамгайлан орчилд байна.
  • SARS-CoV-2 вирусийн идвэхжил Европ, Өмнөд Америк, Өмнөд Азийн улс орнуудад өндөр байна.
  • Сармагчны цэцэг өвчний 2025 оны хоёрдугаар сарын 1-ний байдлаар анх бүртгэгдсэн 2022 оноос хойш нийт 128 оронд 123 мянга гаруй бүртгэгдээд байна. Мөн өчигдрийн ирсэн мэдээллээр Франц улсад сармагчны цэцэг өвчний нэг, Тайланд улсад гурван тохиолдол, Бангладеш улсад зика вирусийн халдварын толхиолдлууд бүртгэгдсэн байна.

Иймээс манай иргэд гадаад улс орнуудад албан болон албан бусаар зорчих, удаан хугацаагаар амралтаа өнгөрөөх, аялах байдлаар нилээд явдаг тул та бүхэн маань өөрсдийгөө хамгаалах, тухайн очиж буй улс орнуудад ямар өвчлөл зонхилж байгааг судлах, юуг анхаарах, ямар вакцин хийлгээд явах талаар мэдээлэл зөвлөмж авах бүрэн боломжтой.

Менингококкт халдвар 5-6 жилийн зайтай хүн амын дунд дэгдэлтийг үүсгэдэг ба 2019 онд дэгдэлт бүртгэгдснээс хойш 5-6 жил болж байна. Сүүлийн 10 жилийн менингококкт халдварын хөдлөл зүйг сараар авч үзвэл 1-5 дугаар сард өндөр бүртгэгддэг зүй тогтол байна. Өнгөрсөн 2024 оноос эхлэн ирэх жилүүдэд нэмэгдэж, тогтвортой хугацаанд үргэлжлэх хандлага ажиглагдаж байгааг эмч нар онцоллоо.

Иймээс иргэд дараах зөвлөмжийг байнгын дагаж мөрдөөрэй.

  • Амны хаалт зөв газарт зөв зүүж, зөв хаях
  • Дотоод орчны чийгтэй цэвэрлэгээ
  • Агаар сэлгэлт
  • Гараа бохирдсон тухай бүр савандаж угаах
  • Хүүхдийн байгууллагуудад шинж тэмдгийн тандалт
  • Зовиур илэрвэл эмчид хандах, эмчээс зөвлгөө авах
  • Дархлаагээ дэмжих
  • Дулаан хувцаслах
  • Хамар хоолой амны хөндийн архаг үрэвслийг эрт илрүүлж эмчлэх
  • Шим тэжээлтэй хоол хэрэглэх
  • Сайн унтаж амрах
  • Хүүхдийг үнсэхгүй байх
  • Онцын шаардлагагүй бол олон нийтийн газраар явахгүй байх, гэртээ зочин урихгүй байх, цайллага, уулзалт зохион байгуулахдаа онцгой анхаарах
  • Зөв мэдээллийг зөв сувгаар авах
Дэлгэрэнгүй унших

Тод мэдээ

Хөвсгөл далай дээгүүр зорчихгүй байхыг анхааруулав

Огноо:

,

Хөвсгөл аймгийн Хатгал тосгоноос зүүн хойд зүгт 17 км-т буюу Дээд модот булан гэдэг газарт цагаан хил хөдлөж мөс овоорсон, задарсан байдалтай байгаа аж. Энэ газар нь "Хөх сувд-2025" олон улсын наадам болж буй Хайчийн ам гэдэг газраас ердөө 15 км зайд байрладаг аж. "Хөх сувд-2025"  наадам эхэлсэнтэй холбоотойгоор ойрын өдрүүдэд Ханх сум, Ренчинлхүмбэ сум, Тойлогт амралтын газар луу иргэдийн хөдөлгөөн эрс өссөн тул мөсөн замаар хөдөлгөөн үйлдэхгүй, аюулгүй байдлаа хангаж зорчихыг Хөвсгөл аймгийн Онцгой байдлын газраас анхаарууллаа.

Дэлгэрэнгүй унших

Тод мэдээ

Хэвийн боов нэр төрлөөс хамаарч нэг ширхэг нь 5300-12500 төгрөг байна

Огноо:

,

Энэ жилийн хувьд хэвийн боов үнийн хувьд 5100-6800 төгрөгийн үнэтэй байна. Томоохон зах, худалдааны төв, цагаан сарын үзэсгэлэн худалдаанд үндэсний үйлдвэрлэгчид өөрсдийн нэрийн лангуугаа гаргасан учир жижиглэнгээс бусад бүх худалдаанд хэвийн боов үйлдвэрийн үнээр гарчээ. Тухайлбал, "Талх чихэр" ХК-ийн хэвийн боовны үнэ 250-600 граммтай нэр төрлөөс хамаарч нэг ширхэг нь 5300-12500 төгрөг, гавжийн дугуй 15 мянган төгрөг,  "Өгөөж чихэр боов" ХК-ийн хэвийн боов хоёр төрлөөр гарсан бөгөөд Хотол нь 10 ширхэгийн савлагаатай, угалз хэвийн боов нь ширхэг нь 5600 төгрөгийн үнэтэй худалдаанд гарчээ.

Харин "Бамбууш" ХХК-ийн хэвийн боов багцаар гарсан бөгөөд зүсэлттэй есөн ширхэг боов, гурван ширхэг тахилын боов, нэг ширхэг суурь еэвэнтэй 95 мянган төгрөг, 21 ширхэг хэвийн боовтой тавгийн идээний том багц нь 220 мянган төгрөгөөр, зүсэлтгүй хэвийн боов нь төрлөөс хамаарч 5000-7000 төгрөгийн үнэтэй, "Суман гүн трейд" ХХК-ийн хэвийн боов 5000-5500 төгрөгөөр худалдаанд гарчээ.

Энэ жилийн тухайд үйлдвэрүүдийн хэвийн боов гурил, бусад хэрэглэгдэхүүний зардал өссөнтэй холбоотой ширхэг бүр дээр 300-700 төгрөг нэмжээ.

Дэлгэрэнгүй унших
сурталчилгаа
Тод мэдээ1 цаг 24 минут

ХӨСҮТ: Цэцэрлэг, сургууль эхэлсэнтэй холбоотой вирусийн тархалт нэмэ...

Тод мэдээ1 цаг 31 минут

Хөвсгөл далай дээгүүр зорчихгүй байхыг анхааруулав

Тод мэдээ1 цаг 37 минут

Хэвийн боов нэр төрлөөс хамаарч нэг ширхэг нь 5300-12500 төгрөг бай...

Өнөөдөр1 цаг 51 минут

УИХ-ын хаврын чуулганд Хувийн нэмэлт тэтгэврийн тухай хуулийг өргөн ...

Тод мэдээ1 цаг 56 минут

Кето хоол захиалаад залилуулжээ

Өнөөдөр1 цаг 58 минут

Аюулт үзэгдэл, ослын 80 удаагийн дуудлага бүртгэгдлээ

Тод мэдээ2 цаг 2 минут

БНТУ-ын төлөөлөгчдийг хүлээн авч уулзлаа

Өнөөдөр2 цаг 16 минут

Монголын Үндэсний Бөхийн Холбооны БНСУ дахь салбар холбоо байгуулагд...

Өнөөдөр2 цаг 18 минут

Улсын хэмжээнд 16.8 мянган толгой мал хорогдсон байна

Өнөөдөр2 цаг 22 минут

Улаанбаатарт өдөртөө 10 хэм хүйтэн

Өнөөдөр2025/02/14

Бусдад Туслахуй Анагаах Ухааны Манба Дацан хийдийн зурхайч, Анагаах ...

Тод мэдээ2025/02/14

Монгол-Хятадын талууд хил холболтын төмөр замын хэлэлцээрт өнөөдөр г...

Тод мэдээ2025/02/14

Ерөнхий сайд Л.Оюун-Эрдэнийн БНХАУ-д хийх ажлын айлчлал эхэлж байна

Тод мэдээ2025/02/14

БНСУ-ын Интерполын Үндэсний төв товчоотой хамтран албадан авчрах ажи...

Тод мэдээ2025/02/14

“Монгол” нүүдэлчин фестивалийг зорих иргэдэд автобусаар үнэгүй ү...

Өнөөдөр2025/02/14

Орон сууцны үнэ өмнөх оны мөн үеэс 13.3 хувиар өсжээ

Тод мэдээ2025/02/14

Улсын хэмжээнд 7814 шинэ хоршоо байгуулагдаж, 77.233 малчин хоршоонд...

Чөлөөт бүс2025/02/14

Улсын хэмжээнд ижил нэртэй 360 хос байна

Тод мэдээ2025/02/14

Зайсангийн шинэ гүүрний хөдөлгөөнийг ирэх зургаадугаар сард нээнэ

Өнөөдөр2025/02/14

Улаанбаатарт өдөртөө 3 хэм хүйтэн

Тод мэдээ2025/02/13

Төрийн байгууллагуудын үйлчилгээ, мэдээллийг нэгтгэсэн цахим хуудас ...

Тод мэдээ2025/02/13

Согтуугаар тээврийн хэрэгсэл жолоодсон 73 зөрчил бүртгэгджээ

Тод мэдээ2025/02/13

Хилийн боомтын менежментийг хувийн хэвшилд хариуцуулна

Тод мэдээ2025/02/13

Н.Учрал: НҮБ-ын Тогтвортой хөгжлийн стандартыг төрийн өмчит компаниу...

Тод мэдээ2025/02/13

Д.Амарбаясгалан: Хүний хөгжил нь төрийн бодлогын өмнө тавигдаж, хуул...

Тод мэдээ2025/02/13

Нийслэлд энэ онд 25 сургууль, 50 цэцэрлэгийн барилгыг ашиглалтад ору...

Тод мэдээ2025/02/13

Нийслэлийн мөсний шагай сонирхогчдын аварга шалгаруулах харваа эхэлл...

Тод мэдээ2025/02/13

“Хөх сувд-2025” мөсний баяр өнөөдөр эхэлнэ

Өнөөдөр2025/02/13

Улсын аварга тариаланч хамт олон тодорлоо

Өнөөдөр2025/02/13

Улаанбаатарт өдөртөө 5 хэм хүйтэн

Санал болгох