Бидэнтэй нэгдэх

Тод мэдээ

СПОРТ ДАХЬ АВЛИГА: Дэлхий дахинаа өсөн нэмэгдэж буй асуудал

Огноо:

,

Сэтгүүлч:

Спортын ертөнцөд авлигын дуулиан хаа сайгүй байна.

Спортын эргэн тойрон дахь авлигын хамгийн алдартай жишээ бол Орос, Катарын хөлбөмбөгийн дэлхийн аварга шалгаруулах тэмцээнтэй холбоотой дуулиан юм. Сануулахад, Азийн хөлбөмбөгийн холбооны ерөнхийлөгч асан Катар улсын иргэн Mohamed Bin Hammam нь 2022 оны дэлхийн аварга шалгаруулах тэмцээнийг зохион байгуулах эрхийн төлөө дэмжлэг авахын тулд Олон улсын хөлбөмбөгийн холбоо (FIFA)-ны албан тушаалтнуудад  5 сая доллар өгч, энэ үйлдлийнх нь улмаас түүнийг бүх насаар нь FIFA-гийн гишүүнчлэлээс хассан юм. Энэхүү дуулиан нь FIFA-гийн ерөнхийлөгч Sepp Blatter, дэд ерөнхийлөгч Michel Platini нарыг огцроход хүргэсэн бөгөөд тэдний гэм буруугийн шүүх хурал 7 дугаар сарын 8-ны өдөр болох юм. Хэрэв тэд дээрх хууль бус үйлдлийг хийсэн нь нотлогдвол 5 хүртэлх жилийн хорих ял оноох юм. 

Гэвч Швейцарийн прокурорууд сул дорой гэдгээ харуулан тэдэнд хорих ял бус 20 сарын тэнсэн харгалзах ял санал болгоод байна.

Швейцарийн давж заалдах шатны шүүхээс Катарын бизнесмэн, beIN Media Group-ийн ТУЗ-ийн дарга, Катарын спортын хөрөнгө оруулалтын байгууллагын ТУЗ-ийн дарга, Парис Saint-Germain спорт клубийн ерөнхийлөгч, Катарын теннисний холбооны ерөнхийлөгч, Азийн теннисний холбооны Баруун Азийн дэд ерөнхийлөгч Nasser Al-Khelaifi-д холбогдох авлигын хэргийг хэрэгсэхгүй болгов.

Al-Khelaifi-ийг Швейцарийн эрх бүхий байгууллагаас хахууль өгөх, бичиг баримт хуурамчаар үйлдэх болон залилан мэхлэх гэмт хэрэгт холбогдуулан шалгаж байсан. Мөн түүний хэрэгтэй холбогдуулан FIFA-гийн ерөнхий нарийн бичгийн дарга асан Jerome Valcke-г хахууль авч 2026, 2030 оны Ойрх Дорнод, Хойд Африкийн хөлбөмбөгийн дэлхийн аварга шалгаруулах тэмцээнийг нэвтрүүлэх эрхийг Al-Khelaifi-ийн эзэмшдэг “beIN Sports”-д олгосон байж болзошгүй хэмээн шалгаж байжээ.

Учир нь “beIN Sports” нь тендерт оролцож шалгаралгүйгээр нэвтрүүлгийн эрхийг авсан байна. Мөн 100 сая долларын нууц гэрээ байгуулсны дараагаар Valke “FIFA beIN-гийн санал болгосноос илүү их мөнгө авч чадахгүй" гэсэн нь түүнийг мөн хэрэгт холбогдуулан шалгахад хүргэсэн.

Эцсийн дүндээ Valke-д 11 сарын хорих ял, мөн 20,000 швейцарь франк (ойролцоогоор 21,000 доллар)-ын торгууль ногдуулан, хорих ялыг тэнссэн байна. Энэ үйл явдал нь Швейцарьчууд спорт дахь авлигын хэргийг мөрдөн шалгахдаа чадварлаг хэдий ч ял оноохдоо тааруухан байгааг харуулж байна.

Мөн нэмж дурдахад Дэлхийн байт харвааны холбооноос эхлээд Дэлхийн волейболын холбоо, тэр дундаа FIFA, Олон улсын олимпын хороо зэрэг олон улсын спортын бараг бүх томоохон байгууллага Швейцарийн Лозанна хотод төвтэй байдаг.

ШВЕЙЦАРЬ УЛС- АВЛИГЫН ТӨВ

Swissinfo.ch сайт "Яагаад Швейцарь улсад спортын авлига голомтолж байна вэ" гэх  нийтлэлдээ Швейцарийг "өөрийн байгууллага дахь авлигатай тэмцэх ажлыг эрчимжүүлэх", "эрүүгийн хууль дахь авлигын гэмт хэрэгт оногдуулах ялыг чангатгах"-ыг уриалсан байна. 

Ердөө хоёрхон хоногийн өмнө Швейцарийн томоохон банкны нэг болох Credit Suisse-ийн ажилтан мөнгө угаах гэмт хэргээс урьдчилан сэргийлж чадаагүйг анхан шатны шүүхээс тогтоосон нь авлигатай тэмцэх тал дээр тус улсад сүүлийн 10 гаруй жилийн хугацаанд бараг ахиц дэвшил гараагүйг харуулж байна.

Шүүхээс Credit Suisse банканд 2 сая швейцарь франк буюу 2.1 сая ам.долларын торгууль ногдуулсан бөгөөд дээрх хэрэгт холбогдсон ажилтанд 20 сарын тэнсэн харгалзах ял болон торгууль ногдуулжээ. 33.13 тэрбум ам.долларын хөрөнгөтэй Credit Suisse-ийн хувьд 2 сая доллар нь дуслын төдий мөнгө боловч тэд тус улсын хоёр дахь том банкны хувьд давж заалдахаар төлөвлөж байна. Хэрэв Nasser Al-Khelaifi-ийн хэрэг шиг шийдэгдвэл Швейцарийн давж заалдах шатны шүүх  авлигын хэргийг хүчингүй болгох хамгийн таатай газар болох нь батлагдах юм.

Олон улсын волейболын холбооны ерөнхийлөгч, 79 настай Ary Graça өдгөө Бразил улсад татварын луйвар, мөнгө угаах болон залилан мэхлэх хэргээр шалгагдаж байгаа бөгөөд "Graça нь Banco do Brasil болон Бразилын волейболын холбооны хооронд байгуулсан гэрээний төлбөрийг өөр сэжигтэй гэрээний төлбөр барагдуулахад ашигласан" тухай мөрдөгч нар мэдээлсэн байна.

Бразилын цагдаа нар эдгээр гэрээ нь нийтдээ 10 сая ам.долларын үнэтэй гэж мэдэгдсэн байдаг. Харин Graça энэхүү мэдэгдлийг няцаасан байна.

Мөн Лозанна хотод төвтэй Олон улсын боксын холбоо (IBA) 2024 онд Парис хотноо болох Олимпын наадамд оролцох эрх болон боксын тэмцээн зохион байгуулах эрхээ алдсан байна. Олон улсын Олимпын хорооны (IOC) Гүйцэтгэх зөвлөлийн энэхүү шийдвэр нь 2016 оны Рио-де-Жанейрогийн олимпын тоглолтуудын шударга бус байдал болон санхүүгийн зөрчилтэй холбоотой юм. 

ТОГЛОЛТЫН ТОХИРОО

Спортын онлайн бооцоог хуульчилснаар дэлхийн өнцөг булан бүрт байгаа спортын байгууллагууд дохиоллын программ хангамж ашиглан мөрийтэй тоглоомын зөрчлийг илрүүлэхээр ажиллаж байна. Канадын хөлбөмбөгийн лиг эдгээр төрлийн зөрчлийг хянахын тулд Genius Sports-той хамтран ажиллах болсноо мөн зарлалаа. 

Genius Sports-ын хувьд тэд саяхан мөрдөн байцаалтын программ хангамжийн үйлчилгээ үзүүлэгч Clue-тэй хамтран тоглолт дахь булхайг илрүүлэх илүү хүчирхэг системийг нэвтрүүлэхээр ажиллаж байна.

Тусгай зөвшөөрөлтэй бооцооны салбарт бооцооны шударга байдлын чиглэлээр дэлхийд тэргүүлэгч байгууллага болох Олон улсын бооцооны шударга байдлын нийгэмлэг (IBIA) нь спортын болон үйлчлүүлэгчдийн шударга байдлыг хамгаалах чиглэлээр уг салбар дахь авлигатай тэмцдэг. Хөлбөмбөг бооцооны зөрчлөөр хамгийн өндөр үзүүлэлттэй байгаа ч теннис тийм ч хол хоцрохгүй байна. 

Спортын бооцооны зах зээл 2021 онд 76.75 тэрбум ам.доллароор үнэлэгдэж, 2022 онд 83.65 тэрбум ам.долларт хүрэх төлөвтэй байгаа бөгөөд Technavio-ийн саяхан хийсэн зах зээлийн судалгаагаар 2020 оноос 2025 он хүртэл 106.25 тэрбум доллароор өсөх төлөвтэй байна.

Бооцоонд тавьж байгаа мөнгөний хэмжээ ийм их байхад спортын эргэн тойронд хахууль, мөнгө угаах, залилан мэхлэх гэмт хэрэг газар авч байгаад гайхах зүйлгүй.

2022 оны 5 дугаар сарын 12-ны өдөр Нигерийн Залуучууд, спортын хөгжлийн сайд Sunday Dare "тус улсын сагсан бөмбөгийн хөгжилд сөргөөр нөлөөлсөн эцэс төгсгөлгүй уналтын улмаас" энэ төрлөөр дахин олон улсын тэмцээнд оролцохгүй гэдгээ мэдэгдэв.

Dare нэмж хэлэхдээ "Нигерийг сагсан бөмбөгийн төрлөөр олон улсын тэмээнд оролцуулахгүй болсон нь засгийн газарт энэ спортыг анхан шатнаас нь шинэчлэх, мөн уналтад орсон дотоодын лигүүдийг сэргээх боломж олгох явдал юм" гэжээ.

Мөн энэ оны 12 дугаар сард Нигерийн Үндэсний сагсан бөмбөгийн холбооноос, тус холбооны ерөнхийлөгч асан Tijjani Umar-ийг тэтгэлгийн 12 сая ам.долларын гэрээнээс 2.2 сая ам.долларыг завшсан хэрэгт буруутгаж байгаа юм.

Нигерт болсон эдгээр эмх замбараагүй байдлын хохирогчид нь Африкийн аварга Нигерийн эмэгтэй сагсан бөмбөгийн баг бөгөөд тэд 2022 онд болох эмэгтэйчүүдийн сагсан бөмбөгийн дэлхийн аварга шалгаруулах тэмцээнд оролцох боломжгүй болсон юм. Нигерийн эмэгтэй сагсан бөмбөгийн багийн тамирчид твиттер хуудастаа “Энэхүү хориг нь Нигерийг алдаршуулах болон бидний бүхий л ирээдүйн тэмцээн уралдаан, амжилт, зорилгыг үгүй хийж байна” хэмээн жиргэжээ.

Энэ спортын ирээдүй гэж үү? Хэлэх хэцүү ч спорт нэгдмэл байдлаа алдвал шүтэн бишрэгчдээ алдах нь ойлгомжтой. Үүний хамгийн тод жишээ бол Болгарын хөлбөмбөгт албан тушаалтнуудаар дамжуулан хахууль өгч тохироо хийх явдал түгээмэл болсон бөгөөд Болгарчууд уг спортыг Америкийн мэргэжлийн бөхтэй адилтгах болсон. Үүний үр дүнд 10,000 үзэгчтэй тоглолтууд 2,000 бүр 500 хүртэл буурч, дотоодын лигүүд үндсэндээ сүйрсэн байдаг.

ХАМГИЙН ӨРТӨМТГИЙ СПОРТ

НҮБ-ын 2021 оны Спорт дахь авлигын тайланд цалингийн тэгш бус байдлын улмаас эмэгтэйчүүдийн спорт авлигад өртөмтгий болж байгааг анхааруулжээ. Бага цалинтай тамирчид хахуульд өртөмтгий байдаг гэсэн судалгаа байдаг бөгөөд энэ нь ч ойлгомжтой юм. Эрэгтэй, эмэгтэй тамирчдын цалин хөлсний зөрүүг харгалзан АНУ, Канадын хөлбөмбөгийн холбооноос эмэгтэй хөлбөмбөгчдийн нөхөн олговрыг нэмэгдүүлэх шийдвэр гаргасан нь шударга ёсыг хангахад чухал алхам болсон юм. 

Коллежийн хөлбөмбөгийн хувьд, коллежийн тамирчдад ивээн тэтгэгчийн гэрээ болон бусад зар сурталчилгаанаас мөнгө олох боломж олгохоор "Нэр, дүр төрх, ижил төстэй байдал" бодлогыг нэвтрүүлсэн нь аль хэдийн тэнцвэргүй болоод байсан тоглоомын талбарыг илүү өөгшүүлэх нь дамжиггүй. Гэхдээ энэ бодлого нь эцсийн дүндээ шударга байдлыг хадгалахад ихээхэн ач холбогдолтой байж болох юм.

Энэ бүхэн хаашаа хөтөлж байгааг тааварлаж болох ч эхний ээлжинд авлигын хэрэгт оногдуулж буй ялыг бодитойгоор хэрэгжүүлэхэд анхаарах шаардлагатай байна. Мөн спортын удирдах байгууллагууд спорт дахь авлигыг бууруулахын тулд мөрийтэй тоглоомын үйл ажиллагааг сайтар хянаж байх шаардлагатай байна.

Эх сурвалж: https://boxscorenews.com

Дэлгэрэнгүй унших
сурталчилгаа
Монгол Улсын Ерөнхийлөгчийн 2021 оны сонгуулийн санал хураалт дуусах хүртэл сайтын сэтгэгдэл бичих талбарыг түр хаасан тул хүлцэл өчье. TODOTGOL.MN сайтын редакц

Тод мэдээ

"Хятад орныг танин мэдэх, Монгол Улстай холбогдох” Өвөр монголын соёлын өдрүүдийн нээлт боллоо

Огноо:

,

Монгол, Хятад хоёр улс бол уул усаар залгалдсан сайн хөрш, сайн найз, сайн түншүүд билээ. Дипломат харилцаа байгуулсны 70 гаруй жилийн турш, хоёр улс нөхөрсөг хамтран оршиж, гар гараас хөтлөлцөн урагш ахиж, найрамдлаар харилцдаг, бие биеэ туслалцдаг, хамтран ажиллаж хамтаар хождог хөрш орнуудын найрамдлын харилцааны жишиг болсон билээ. Ковид-19 цар тахал дэгдсэнээс хойш, талууд эв нэгдэн цар тахалтай тэмцэж, “Хонины хариуд цай бэлэглэсэн” хоёр улсын хоорондын найрамдлын шинэ дуурсгалтай яриаг бичилцсэн билээ.



Энэ жил гарснаас хойш, Хятад Монголын дээд хэмжээний харилцан айлчлалын давтамж тасралтгүй болж, хоёр улсын иж бүрэн стратегийн түншлэлийн харилцаа тасралтгүй шинэ шатанд гарч, бүх салбарын харилцаа хамтын ажиллагааны ололт амжилт ихтэй, хоёр улс болон хоёр улсын ард түмэнд үнэн бодитой ашиг хүртээсээр байна.



ӨМӨЗО Хятад Монгол хоёр улсын удирдлага нарын хүмүүнлэгийн салбар дахь харилцаа хамтын ажиллагааг гүнзгийрүүлэх тухай чухал нэгдмэл ойлголтыг эрс хэрэгжүүлж, Ши Жиньпин даргын дурдсан хөрш орнуудтай харилцах “Дотно үнэнч хүртээмж багтаамжтай байх” дипломат харилцааны ойлголтыг нарийн хянамгай хэрэгжүүлж, олон төрлийн соёлын солилцооны арга хэмжээнд идэвхтэй оролцож, талууд харилцан соёлын өдрүүдийн арга хэмжээ зохион байгуулах нь нэгэнт уламжлал болов. Цар тахал дэгдсэнээс хойш, хоёр улс цахимаар олон удаагийн соёл солилцооны арга хэмжээг зохион байгуулж, цахимаар том хэмжээний соёлын солилцооны арга хэмжээний цоо шинэ арга замыг нээж, хоёр улсын ард түмний харилцан ойлголцлыг ахиулж, уламжлалт найрамдлыг зузаатгасаар байна.



Энэ удаагийн арга хэмжээ нь цахим концерт, гэрэл зургийн үзэсгэлэн, кино олон ангит уран сайхны кино, ном хэвлэл, дууны уралдаан, эрүүл мэндийн мэдлэгийн лекц гэсэн 6 талын 9 арга хэмжээг оролцуулна.
Нэг. Цахим концерт
1. Бүжгийн жүжиг “Тал нутгийн баатар бяцхан эгч дүү”.  Уг жүжгийг Өвөр монголын урлагийн дээд сургууль найруулан бүтээсэн, ХХ зууны 60-аад оны Өвөр монголын тал нутгийн баатар бяцхан эгч дүү Лүн Мэй, Юй Рүн хоёул хамт олны хонин сүргийг амь насаа хайхралгүй аварсан үлгэрээр эх болгож, өнөөгийн өнцгөөс, орон зайн өөрчлөлтийн өвөрмөц илрүүлэх аргаар, бяцхан эгч дүү хоёулын тухайн жилийн баатарлаг үйл явдлыг дахин харуулсан байна.

2. Циркийн жүжиг “Манай сайхан амьдрал”. Уг жүжгийг Өвөр монголынн урлагийн театрын циркийн чуулгаас бүтээж тоглосон байна. Уг жүжигт голдуу оюутан Танаа сурлагаа төгсгөн нутаг буцан ирж, аж ахуй эрхэлж, ээжийн монгол үндэстний уламжлалт хатгамлын технологийг өвлөн залгамжилж, мөн орчин үеийн технологитой уялдуулах дэвшилтэт ойлголтоор инновацын хөгжилд хүрч, нутгийн хөдөөг сэргээн хөгжүүлэх үйлсэд тусалсан үлгэрийг хүүрнэсэн байна.
Хоёр. Цахим үзэсгэлэн
“Өвөр монгол дөрвөн улиралд бүгд үзэсгэлэнтэй” цахим гэрэл зургийн үзэсгэлэн. Энэ удаагийн үзэсгэлэнд голдуу Өвөр монголын гэрэл зурагчдын эвлэлийн гишүүдийн бүтээлүүд болон Монгол улсын гэрэл зурагчин Өвөр монголд авхуулсан хэсэг гэрэл зургийн бүтээлүүдээс сонгожээ. Хятад Монгол хоёр улсын гэрэл зурагчид адил бус өнцгөөс ӨМӨЗО-ны үзэсгэлэнт байгаль, ардын зан заншил, эдийн засаг нийгмийн хөгжлийн ололт амжилт болон ард түмний аз жаргалт амьдралыг харуулжээ, энэ нь мөн Хятад Монгол хоёр улсын гэрэл зурагчдын урлагийн салбар дахь харилцаа хамтын ажиллагааны хамтын бүтээлүүд болно.
Гурав. Цахим кино уран сайхны олон ангит кино үзүүлнэ
1. Хятадын кино үзүүлэх арга хэмжээ. Үзүүлэх 8 кино нь “Ангалын ирмэг дээр”, “Гэрэл дунд одогсод”, “Бяцхан улаан цэцэг”, “Эгч”, “Цаг хугацааны төгсгөлд би хүлээж байна”, “Надтай гэрлээч”, “Цагаан могойн үлгэр”, “Багш сайн уу”, эдгээр кинонууд нь жирийн Хятадын хүмүүсийн ажил, амьдрал, хайр сэтгэлийн өдөр тутмын үлгэрээр дамжуулж, Хятад орны нийгмийн хөгжлийн байдлыг шууд тусгаж, Монгол улсын үзэгчдэд олон өнцгөөс Хятад орныг ойлгох цонх хангасан болно.

2. Олон ангит уран сайхны кино үзүүлэх арга хэмжээ. Монгол улсын ТВ5 телевиз, боловсрол телевизээр олон ангит уран сайхны кино “Шанхайн хайр” болон хүүхэлдэйн кино “Панда болон Лүта”-г үзүүлэх болно. “чин сэтгэл” нь Ниншягийн Шихайгүгийн ард түмэн зүүн баруун бүс нутаг хамтралцан салбар хоорондын ядуурлыг бууруулах бодлогын доор, юу ч үгүй байсан хоосон газар шинэ гэр орон байгуулж, хайрга чулуу хийсдэг байсан “Хоосон хайргын тан”-д “Алтан орд” байгуулсан үнэн бодит үлгэр болно. Олон ангит уран сайхны кино нь жирийн иргэдийн өнцгөөс Хятадын ард түмэн ядуурлаас ангижирч, сайн сайхан амьдралыг бүтээлцсэн тэмцэл дунд төрөн гарсан хүмүүсийн сэтгэлийг хөдөлгөм үлгэрийг харуулжээ. “Панда болон Лүта” нь орчин үеийн домгийн хүүрнэх загварыг ашиглаж, зочинсог Панда болон Лүта модон гэрээ тав тухтай орон сууц болгон өөрчилж, эрэгчин тахиа Лүтатай хамт буудалд буудалдаг бяцхан амьтадад туслан олон зүйлийн асуудлыг нь шйидвэрлэн өгч, талуудын найрамдлыг зузаатгасан үлгэрийг хүүрнэсэн байна.
Дөрөв. Ном хэвлэл.
1. “Хятадын сонгодог утга зохиолын дээж” цуврал кирил хэлний хэвлэл бэлэглэнэ, нийт 10 ширхэг, тэдгээр нь “Их суртахуй”, “Хэв дундын ёсон”, “Шүүмжлэл өгүүлэл”, “Мэнз”, “Зурайт ном”, “Шүлэглэлт ном”, “Засагт ном”, “Ёслолт ном”, “Гурван үсгийн ном”, “Мянган үсгийн нийтлэл”, “Мэргэдийн зохиолын түүвэр”. Монгол улсын уншигчдын уншин суралцахад дөхөм болохыг харгалзан хялбарчилсан хятад хэл, уйгаржин монгол хэл болон кирил монгол хэл гэсэн гурван хэлээр харгуулан хэвлэжээ.

2. “Хятадын ном уншлагын танхим”-ын нээлтийн ёслол. Өвөр монголын хэвлэлийн групп болон Монгол улсын соёл урлагийн их сургууль, Чингис хааны их засаг олон улсын их сургууль хамтран байгуулсан “Хятадын ном уншлагын танхим”-аас Хятадын монгол хятад хэлний номыг бэлэглэж, нээлтийн ёслол болно.
Тав. “Хятадын сайхан дуу Монгол улсын сайхан дуу” дууны уралдаан
Энэ бол энэ удаагийн соёлын өдрүүдийн танхимд зохион байгуулах арга хэмжээ болно, уг арга хэмжээ нь дуугаар найзлах, дуугаар хайр дамжуулах, дуу дуулах хэлбэрээр хоёр улсын иргэд сэтгэлээр ололцох болон найрамдлыг зузаатгах, Монгол улсын жирийн иргэд Хятад орныг  нэн сайн ойлгоход чиглэгдэх юм.
Зургаа. Цахимаар эрүүл мэндийн лекц унших.
Цахимаах хятад эмнэлэгмонгол эмнэлэг-ээр сэдэвлэсэн мэдлэгийн лекц уншина. Өвөр монголын анагаах ухааны их сургуулийн хятад эмнэлгийн тасаг, монгол эмнэлгийн тасгийн 4 нэрт мэргэжилтэнг урьж “Хятад эмнэлэгмонгол эмнэлэг-ийн эрүүл мэндийн соёлыг түгээн дэлгэрүүлэх” цахим цуврал мэдлэгийн лекц унших болно. Ковид-19 цар тахал, хэрэх яс үе мөчний өвчин, цусны өвчин, зүрх судасны шигдээс өвчин гэсэн 4 төрлийн өвчингөөс урьдчилан сэргийлэх болон эмчлэх тухай нарийн тайлбарлаж, Хятад Монгол хоёр улсын эмчилгээ эрүүл мэндийн салбар дахь харилцаа хамтын ажиллагааг цаашид өргөтгөхийг зорьсон болно.

Цахим соёлын өдрүүдийн арга хэмжээний агуулгыг нэн олон сэлжээ хэрэглэгчдэд ойлгуулах зорилгоор, cri.cn, Солонго сайт, Улаанбаатар дахь Хятадын соёлын төвийн сайтуудад тусгай булан нээж, Facebookээр дамжуулах болно. Мөн Монголын сайтуудтай идэвхтэй хамтран ажиллах болно. Цахимаар гол болгож олон арга замаар соёлын өдрүүдийн арга хэмжээний агуулгыг харуулах болно.

“Соёл иргэншил нь солилцоо хийхээр дамжуулж олон өнгөөр солонгордог, соёл иргэншил харилцан суралцахаар дамжуулж баяждаг”. Соёлын өдрүүдийн цуврал арга хэмжээгээр дамжуулж, Монгол улсын ард түмэнд бүх талын, олон өнцгөөс, ойрын зайнаас Хятад орныг танин мэдэх, Хятад орныг мэдрэх, Хятад орныг ойлгох цонх хангаж, үнэн бодитой гүнзгий ойлгон итгэж, сэтгэлээр ололцон мэдэрх, соёлын солилцоогоор шинэ ололт амжилтаас харилцан суралцаж, Хятад Монголын харилцан ашигтай хамтын ажиллагааг шинэ шатанд гаргаж, Хятад Монгол хоёр улсын ард түмний хоорондын уламжлалт найрамдлыг цаашид гүнзгийрүүлэхийг хүсье.
Дэлгэрэнгүй унших

Тод мэдээ

“Тавантолгой-Зүүнбаян” чиглэлийн төмөр замд гарсан ослын үр дагаврыг шуурхай арилгаж хөдөлгөөн нээлээ

Огноо:

,

Дорноговь аймаг дахь Зүүнбаян өртөөнөөс Зүүнбаян-Ханги-Мандал чиглэлд баригдаж буй төмөр замын бүтээн байгуулалтад хэрэглэгдэх рельс болон төмөр бетон дэр ачсан “Болд төмөр ерөө гол” ХХК-ийн харьяа “Монголиан транс ложистик” ХХК-ийн эзэмшлийн зүтгүүр, ачаатай 17 вагонтой галт тэрэг Хулангийн шанд зөрлөгт орж ирэх үедээ осолдож хөдлөх бүрэлдэхүүнүүд замаас гарсан.
 
“Монголиан транс ложистик” ХХК-ийн зүтгүүрийн машинч болон туслах машинч нь согтууруулах ундаа хэрэглэсэн нь тогтоогдсон бөгөөд хурд хэтрүүлснээс осол гарсан гэж урьдчилсан дүгнэлт гарсан байна. Зам, тээврийн хөгжлийн яамны төлөөллөөр ахлуулсан “Монголын төмөр зам” ТӨХК, УБТЗ ХНН, “Болд төмөр ерөө гол” ХХК, “Монголиан транс ложистик” ХХК -ийн хамтарсан сэргээн босголтын баг газар дээр нь шуурхай ажиллаж богино хугацаанд ослын үр дагаврыг арилгах арга хэмжээ авч гол замыг 09 дүгээр сарын 28-ны өдрийн 21 цаг 07 минутад хөдөлгөөнд нээлээ.
“Тавантолгой-Зүүнбаян” чиглэлийн төмөр замаар тээвэрлэлт хэвийн үргэлжилж байна.
Дэлгэрэнгүй унших

Тод мэдээ

Нийслэлийн хөгжлийн 2023 оны төлөвлөгөөний төслийг баталлаа

Огноо:

,

НИТХ-ын ээлжит бус VIII хуралдаан 2022 оны 9 дүгээр сарын 30-ны өдөр болж, Нийслэлийн хөгжлийн 2023 оны төлөвлөгөөний төслийг Нийслэлийн Засаг даргын Эдийн засаг, дэд бүтцийн асуудал хариуцсан нэгдүгээр орлогч Ж.Сандагсүрэн танилцуулав.

Нийслэлийн хөгжлийн 2023 оны төлөвлөгөөний төслийг зургаан бүлэг, 21 зорилт, 432 арга хэмжээтэй байхаар төлөвлөжээ. Эхний бүлэг болох Хүний хөгжлийн бодлогын хүрээнд нийгмийн дэд бүтцийн хүртээмжийг нэмэгдүүлж, хүн амын эрүүл мэндийг хамгаалах, чанартай боловсролыг хүртээмжтэй хүргэх, зохистой хөдөлмөр эрхлэлтийг дэмжих, нийгмийн даатгалын тогтолцооны шинэчлэлийг хэрэгжүүлэх зэрэг 114 төсөл, арга хэмжээг хэрэгжүүлэхээр төлөвлөсөн байна. Эдийн засгийн бодлогын хүрээнд цар тахлын дараа Улаанбаатар хотод тулгарч буй эдийн засгийн хүндрэлийг богино хугацаанд даван туулах, төсвийн сахилга батыг сайжруулах, санхүүгийн шинэ эх үүсвэр, хөрөнгө оруулалтыг нэмэгдүүлэх, өрсөлдөх чадвартай үйлдвэр, үйлчилгээг дэмжих зэрэг 95 төсөл арга хэмжээ төлөвлөжээ.

Харин Засаглалын бодлогын хүрээнд нийслэлээс үзүүлж байгаа үйлчилгээнээс хүнд суртал, авлигад хамгийн их өртөж буй үйлчилгээг үе шаттай цахимжуулах, төрийн үйлчилгээний чанар, хүртээмжийг нэмэгдүүлэх, төрийн албан хаагчийн ажлын хариуцлага, хяналтыг сайжруулах зэргээр 40 төсөл, арга хэмжээг төсөвлөсөн байна. Мөн Ногоон хөгжлийн бодлогын хүрээнд байгалийн нөөц баялаг, эко системийг хадгалж хамгаалах, нөхөн сэргээх, усны нөөц, урсац бүрэлдэх эхийг хамгаалалтад авах, хүрээлэн буй орчны бохирдлыг бууруулж, иргэдийн эрүүл, аюулгүй орчинд амьдрах нөхцөлийг бүрэлдүүлэх зорилгоор 75 төсөл, арга хэмжээг хэрэгжүүлэхээр зорьжээ. Улаанбаатар хотын авто замын түгжрэлийг бууруулах зорилтын хүрээнд авто зам, замын өргөтгөл, шинэтгэл, зогсоол, гүүр, гүүрэн байгууламж барих, нийтийн тээврийн хүртээмжийг нэмэгдүүлэх зэргээр 31 төсөл, арга хэмжээ хэрэгжүүлэхээр төлөвлөсөн байна.

Нийслэлийн хөгжлийн 2023 оны төлөвлөгөөний төслийг хэрэгжүүлснээр цэцэрлэг, сургууль, эрүүл мэндийн байгууллагын хүртээмж нэмэгдэнэ гэдгийг албаныхан онцолж байлаа. Намын бүлгүүд болон хороодын санал, дүгнэлтийг танилцуулсны дараа төлөөлөгчид хөгжлийн төлөвлөгөөг чухал гэдгийг онцлоод, холбогдох албаны хүмүүсээс асуулт асуусан юм. Тодруулбал, нийслэлийн  цахилгаанд холбогдоогүй айлууд, ажлын байрны нөхцөл байдал, өрхийн эмнэлэг, спорт цогцолборын барилгын явц, төрийн албан хаагчдын цалинг нэмэх эсэх, “Тэрбум мод” хөдөлгөөний талаарх мэдээллийг асууж, төсөлд тусгах саналаа хэлж байлаа.

Ийнхүү НИТХ-ын төлөөлөгчид, ажлын хороод, намын бүлгүүдээс гарсан нийт 14 саналыг Нийслэлийн хөгжлийн 2023 оны төлөвлөгөөний төсөлд тусган, хавсралтаар баталлаа.

Дэлгэрэнгүй унших
сурталчилгаа
Тод мэдээ16 цаг 21 минут

"Хятад орныг танин мэдэх, Монгол Улстай холбогдох” Өвөр м...

Өнөөдөр20 цаг 11 минут

Сэрэмжлүүлэг: Өнөөдөр нутгийн баруун хэсгээр, цаашдаа ихэнх нутгаар ...

Тод индэр21 цаг 13 минут

Агаарын тээврийн либералчлалд анхаарч, аюулгүй ажиллагааг шаардаж ба...

Өнөөдөр21 цаг 16 минут

Цэргийн дүйцүүлэх албаны тусгай үүргийн бэлтгэл шатны сургалтыг зохи...

Тод мэдээ21 цаг 24 минут

“Тавантолгой-Зүүнбаян” чиглэлийн төмөр замд гарсан ослын...

Тод мэдээ21 цаг 27 минут

Нийслэлийн хөгжлийн 2023 оны төлөвлөгөөний төслийг баталлаа

Тод мэдээ21 цаг 31 минут

Хөшгийн хөндийн бүтээн байгуулалтын үндэсний хорооны анхдугаар хурал...

Тод мэдээ21 цаг 33 минут

Монгол Улсын 2023 оны төсвийн төслийг өргөн барилаа

Тод мэдээ21 цаг 35 минут

Цэцэрлэгийн цахим бүртгэлийн II шатанд 11078 хүүхэд хамрагджээ

Өнөөдөр21 цаг 40 минут

Үс шинээр үргээлгэх буюу засуулбал эд, мал арвидна

Тод мэдээ2022/09/29

Өвөр Монголын соёлын өдрүүд нээлтээ хийлээ

Тод мэдээ2022/09/29

Соёлын салбарт хийгдэж байгаа хөрөнгө оруулалтын ажлын явцтай танилц...

Санал болгох