Бидэнтэй нэгдэх

Тод мэдээ

УАУ-ы Их эмч Ж.Гончигдорж: Хий, шар, бадганы хувь тэнцүү хурсан өвөрчлөлтэй хүүхэд төрүүлэх боломжтой

Огноо:

,

Сэтгүүлч:

    Темперамент. Энэ бол хүний үйл явдал, төрх байдал, зан аашинд илрэн гарч буй сэтгэл зүйн төрөлхийн шинж чанар. Өөрөөр хэлбэл бидний сэтгэцийн үйл ажиллагааны тогтвортой бөгөөд зүй тогтолт харьцаа, мэдрэлийн тогтолцооны хэв шинжийн онцлог гэдэг. Тэгвэл УАУ-д хий, шар, бадганы өвөрчлөлийн тухай яригдах бөгөөд  энэхүү өвөрчлөлөөр дамжуулан “хэн болохыг” мэдэж бас болно. Үүний дэлгэрэнгүйг бидний дараах ярилцлагаас хүлээн авна уу.

- Хий, шар, бадган гэж юу вэ?
- Хий, шар, бадган нь хүний биед бодитоор оршдог бөгөөд таван махбодын мөн чанарыг агуулдаг. Үүнд: хий нь хий, шар нь гал, бадган нь ус, шороо махбодын мөн чанарыг агуулдаг юм. Хий, шар, бадган нь бас өөрийн мөн чанарыг тодорхойлогч бэлгэ чанаруудтай. Тодруулбал, хий нь зургаан бэлгэ чанартай бол шар, бадган нь тус бүр долоон бэлгэ чанарыг агуулдаг. Эдгээр бэлгэ чанар нь дүрээ хувиргалгүй харилцан тэнцвэртэй оршиж байж хүн эрүүл байна. Хэрвээ дүр байдал хувирч тэнцвэрээ алдвал бие, сэтгэлийн өвчлөл үүсдэг. Ингэж хий, шар, бадганы өөрчлөлтөөс шалтгаалан хүний бие, сэтгэл өвчилдөг учраас хорлогч буюу гэм гэж нэрлэдэг. Тэгэхээр гурван гэм буюу хий, шар, бадган нь нэг талаараа гэмтээгч хүчин зүйл болдог байх нь.
-Юуг гэмтээх үү?
-Хүний цус, мах, булчинлаг хэсэг, өөх, яс, чөмөг, дусал буюу долоон тамирыг гэмтээнэ.
-Тэгвэл хий, шар, бадганы өвөрчлөл гэж юу вэ?
- Өвөрчлөл гэдэг нь тухайн хүнд хий, шар, бадганы аль нэг илүү эсвэл дутуу  тогтсон төрөлх чанар гэж ойлгож болно. Энэхүү төрөлх чанар нь эхийн хэвлийд анх үр тогтсон үеэс эхлээд төрөх хүртэл алгуур  бүрэлддэг. Энэ нь ээжийн сэтгэл санааны байдал, явдал мөр, идээ ундтай холбоотойгоор тогтдог чанар. Тэгээд хүүхэд төрөхөд хий, шар, бадган, хий-шар, хий-бадган, шар-бадган хавсарсан, эсвэл гурвуул тэнцвэртэй хурсан долоон өвөрчлөлийн нэг нь хэдийнэ бий болж, тогтсон байна. Тэрхүү өвөрчлөл нь насан туршид нь өөрчлөгдөхгүй хадгалагдаж үлддэг.
Өвөрчлөл нь өвчлөлийн байдалтай ихээхэн уялдаа холбоотой. Жишээ нь хийн өвөрчлөлтэй хүн хийн өвчнөөр өвдөх, хийн улиралд, хийн цагаар илүү хямрах магадлалтай байдаг. Гэхдээ хийн өвөрчлөлтэй хүн зөвхөн хийн өвчнөөр өвчилнө гэж бодож болохгүй. Хийн өвөрчлөлтэй хүн бадганы, шарын, бадганы өвөрчлөлтэй хүн хийн, шарын гэхчилэн аль алинаар нь өвчлөх эрсдэлтэй. Гагцхүү шарын өвөрчлөлтэй хүн шарын мөн чанартай халуун өвчнөөр өвчилбөл илүү хүнд, хурц хэлбэртэй тусдаг, бадганы өвчнөөр өвдвөл эмчлэхэд арай хялбар байдаг зэрэг махбодын мөн чанараас хамааралтай зүйлүүд бий.
-Тийм байх нь ээ. Өвөрчлөл өөр юуг “хэлж” болох вэ?
-Хийн өвөрчлөлтэй хүн бие жижиг туранхай, царайны өнгө хөхөлбөр, юмыг цээжлэхдээ хурдан ч мартах нь амархан, зүрхний өвчин, даралт ихсэх,толгой өвдөх, нойргүйдэх  гэх мэт өвчнөөр өвдөх магадлалтай. Тэгвэл шарын өвөрчлөлтэй хүн биеийн овор хэмжээ дунд, хөлрөмтгий, оюун ухааны өндөр чадамжтай, элэг, цөс, нарийн гэдэс, нүдний гэх мэт өвчнөөр өвдөх магадлалтай. Хий, шарын өвөрчлөлтэй галын илч ихтэй хүмүүс хөнгөн хөлбөрөнхий чанараар нэг их таргалаад байдаггүй. Гэтэл бадганы өвөрчлөлтэй хүн жаахан идэх төдийд л таргалчих гээд байдаг. Тиймээс бадганы өвөрчлөлтэй хүн аль болох хөдөлгөөнтэй, сэргэг соргог байх ёстой. Хий, шарын өвөрчлөлтэй хүн хөнгөн хурц чанараараа аливаа зүйлийг маш хурдан хүлээж авч ойлгож, тогтоодог бол бадганы өвөрчлөлтэй хүн идэвхтэй байхгүй бол бүр л мунхуураад, таргалаад байна. Иймээс дасгал хөдөлгөөн тогтмол хийхгүй бол таргалалт өвчинд өртөх өндөр эрсдэлтэй. Энд нэмэхэд бадганы өвөрчлөлтэй хүн цайвар царайтай, удаан хөдөлгөөнтэй, ой тогтоолт удаан ч хадгалах чанар нь удаан гэх мэт төрөлх чанартай.
-Ямар өвөрчлөлтэй хүүхэдтэй болмоор байгаагаа зохицуулж болох хэрэг үү?
-Дангаараа байгаа өвөрчлөлүүд өвчинд өртөмтгий байх нь давамгай байдаг. Тэгэхээр хий-шар, хий-бадган, бадган-шар гэж хавсарсан байвал зүгээр. Харин хий, шар, бадган тэнцүү хэмжээтэй хурсан байвал хамгийн сайн өвөрчлөл гэж үздэг.
Хийн хөнгөн чанар, бадганы уужуу, батлаг чанар, шарын хурц, бүтээлч чанар гэдэг ч юм уу хий, шар, бадганы мөн чанарууд хувь тэнцүү өвөрчлөлтэй бол амьдралд ахуй болоод тавилан ч их сайн байна. Өвчлөлийн хувьд ч тэсвэр тэвчээртэй харьцангуй эрүүл хүн төрнө гэсэн үг. Иймээс эх хүн хүүхдээ хэвлийдээ тээж байхдаа энэрэнгүй зөөлөн, уур уцааргүй, хүсэл шунал багатай, аль болох гэгээлэг, зөв зүйлийг санаж, сэдэж, уужуу, тайван ухаантай байх хэрэгтэй. Ээжийн сэтгэл санааны байдал болоод хоол тэжээл нь хэвлий дэх хүүхдэд маш чухал нөлөөтэй. Дан бадганыг үүсгэх усан махбодтой хүнд чанарын хоол идэх, эсвэл халуун исгэлэн идээ ундыг хэтрүүлэх, хоолоо хорих  нь маш муу. Тиймээс жирэмсний хугацаанд хоол унд, сэтгэл санаагаа ихэд анхаарах хэрэгтэй. Тэгж байж хий, шар, бадганы хувь тэнцүү хурсан өвөрчлөлтэй хүүхэд төрүүлэх боломжтой.
-Нялх хүүхдийг сүүлний тосоор тосолж, иллэг хийж, ясны шөлөнд оруулдаг. Нас ахихаар ч бас ингэх ёстой юу?
-Яг тийм. Уламжлалт анагаах ухаанд хөгшид болон нялхас гэж ярьдаг шүү. Хий махбодыг тэнцвэржүүлэх эм, эмчилгээ нь урт наслуулж, хөгшрөлтийг удаашруулах арга болчхоод байгаа юм. Хүний биеийн доод хэсэг буюу сүүж, бэлхүүсний орчим, хүйсээс дооших хэсгийг хийн орон гэдэг. Зүрх судас, яс, чих, мэдрэлийн тогтолцоо, арьс хүрэлцэхүй, олгой, амин судал гэх мэт эрхтнүүдийг хий гэдэг ойлголтод хамруулж үзэж болно. Хийн өвчнүүд гэхээр ядаргаа, зүрх судасны эмгэгүүд байх жишээтэй. Ийм үед төөнүүр эмчилгээ хийнэ. Шар тос хэрэглэнэ. Бас хонины махтай шөл, таван цулын шөл, саримстай хар шөл, битүү шөл, банштай шөл уух нь хийг дардаг. Ингэснээр ядаргаа тайлж, хийг тэнцвэржүүлж, хөгшрөлтийг удаашруулах нөлөөтэй.
-Удахгүй өвөл боллоо. Энэ улиралд яаж идээ ундаа тохируулах ёстой вэ?
-Өвлийн улиралд хүний хоол шингээх чадал нь маш сайн байдаг учраас шим, тэжээлтэй хоолыг цадталаа идэж болно. Харин хаврын улиралд галын илч буурч ходоод, гэдэсний бадган салс ихсэж хоол шингээх чадвар багасдаг учир бүлээн, хөнгөн чанарын зүйл идэж, уух хэрэгтэй. Зун бол шингэц сайтай хөнгөн, бүлээн, тослог хоол ундыг хэтрүүлэлгүй хэрэглэнэ. Намар халууны улирал учир хөнгөн, сэрүүн хоолыг бага багаар иднэ.
-Ярилцсанд баярлалаа.
П.Ундраа 
Дэлгэрэнгүй унших
сурталчилгаа

Сэтгэгдэл

Тод мэдээ

Компанийн засаглалын тогтолцоог системийн инженерчлэлийн аргаар бэхжүүлэх талаар хэлэлцлээ

Огноо:

,

Компанийн засаглалын тогтолцоог үр дүнтэйгээр хэрэгжүүлэх нь аливаа байгууллагын урт хугацааны тогтвортой өсөлт, хөгжлийг хангахад чухал ач холбогдолтой.

Үүнтэй холбогдуулж Санхүүгийн зохицуулах хороо, “Залуу судлаачдыг дэмжих сан” болон “Санхүүгийн боловсролын зангилаа” ТББ хамтран “ISO 37000 стандарт дээр суурилсан байгууллагын засаглалын тогтолцоог системийн инженерчлэлийн аргаар бэхжүүлэх нь” уулзалт, хэлэлцүүлгийг энэ сарын 1-нд зохион байгууллаа.

“Залуу судлаачдыг дэмжих сан” ТББ-ын тэргүүн Д.Жаргалсайхан энэ үеэр сэтгэлгээний алгоритм, системийн логик зураглал, байгууллагын нэгдмэл зорилгыг хэрэгжүүлэх тохиргоо бүхий угсардаг загвар, компанийн засаглалын олон улсын стандартын шалгууруудыг системийн инженерчлэлийн аргаар хангах талаар танилцуулсан юм. Оролцогчдын зүгээс ISO 9001, ISO 37000 стандарт, Steward-Leadership болон Санхүүгийн зохицуулах хорооноос баталсан “Компанийн засаглалын кодекс” зэрэг засаглалын баримт бичгүүдэд тусгагдсан шаардлагуудыг шийдвэрлэхэд дижитал платформыг хэрхэн ашиглах мөн цаашид хамтран хэрэгжүүлэх шаардлагатай сургалт, судалгаа, шинжилгээний талаар санал солилцож, хэлэлцүүлэг өрнүүлэв гэж Санхүүгийн зохицуулах хорооноос мэдээллээ.

Дэлгэрэнгүй унших

Тод мэдээ

Хог тээвэрлэлтийг уртасгасан цагаар зохион байгуулна

Огноо:

,

Хот, нийтийн аж ахуйн үйл ажиллагаа эрхэлдэг байгууллагуудын шуурхай зөвлөгөөний төгсгөлд Улаанбаатар хотын Ерөнхий менежер М.Баяраа дараах үүрэг, даалгаврыг өглөө. 

Тодруулбал,

  • Дүүрэг, хороод болон иргэдээс ирж байгаа гомдол мэдээллийн дагуу Баянзүрх дүүргийн 11, 20 дугаар хорооны нутаг дэвсгэрт хамаарах чиглэлд нийтийн тээврийн том оврын автобусны хүртээмжийг нэмэгдүүлэх, мөн Улиастайн чиглэлийн автобусны богино эргэлтийг Кино үйлдвэрийн урд уулзвараар буцаж эргэдэг болгох талаар судлах, Хонхорын чиглэлд дунд оврын автобусны тоог нэмэгдүүлэх.
  • Сар шинийн баярыг угтан зам, талбайн цэвэрлэгээ, үйлчилгээг эрчимжүүлэх, иргэдийн худалдан авалт нэмэгдэж, айл өрхөөс хог их хэмжээгээр гарахтай холбогдуулан хогийн цуглуулалт, тээвэрлэлтийг уртасгасан цагаар зохион байгуулах, мөн өдөр шөнийн хуваарьт шилжүүлэх.
  • Эзэнгүй нохой муурыг устгах ажлыг эрчимжүүлэх хуваарийн дагуу дүүрэг, хороод, хэсгийн ахлагч, олон нийтийн байцаагч нарыг хамруулан зохион байгуулж ажиллах.
  • Үерийн хамгаалалтын суваг дагуу хуримтлагдсан ахуйн хог хаягдлыг цэвэрлэх.
  • “Манай хороо-Миний гудамж” аяны батлагдсан удирдамжийн дагуу дүүргүүдэд дэд ажлын хэсгүүдийг байгуулах.
  • Худалдаа, үйлчилгээний болон бусад байгууллагын хог хаягдал, цас, мөсийг хариуцан цэвэрлэх 50 метр хүртэлх нийтийн эдэлбэр газрын зураглалыг гаргаж баталгаажуулах ажлыг эрчимжүүлэх.
  • Сар шинийн баярыг тохиолдуулан иргэдэд мах, цагаан идээ болон бусад хүнс, өргөн хэрэглээний бараа, бүтээгдэхүүнийг нэг дороос өргөн сонголтоор худалдан авах боломжийг бүрдүүлэх, батлагдсан байршлуудад өргөтгөсөн худалдааг чанарын өндөр түвшинд зохион байгуулж, мэргэжил арга зүйн удирдлагаар хангах зэрэг үүрэг, даалгаврыг өгсөн юм.
Дэлгэрэнгүй унших

Тод мэдээ

Япон улсаас Монгол Улсад жуулчин хүлээн авдаг тур компанийн төлөөлөлтэй мэдээлэлтэй солилцох уулзалт хийв

Огноо:

,

Монгол Улсын Засгийн газраас 2023-2025 оныг Монгол зочлох жил болгон зарласантай холбогдуулан Японы зах зээлд ажилладаг тур компанийн төлөөллийг БОАЖ-ын сайд Б.Бат-Эрдэнэ, сайдын зөвлөх О.Одбаяр нар хүлээн авч уулзав.
 
Монгол Улсад Япон улсаас ирэх жуулчдын тоо багагүй хувийг эзэлдэг бөгөөд өнгөрсөн онд 5352, 2023 оны 1 дүгээр сарын 1-31-ны хооронд 426 жуулчин ирсэн үзүүлэлттэй байна. Харин 2019 онд Япон улсаас 24000 орчим жуулчин ирсэн ба энэ тоог 2023 онд 50000 мянгад хүргэх зорилт тавин ажиллаж байна.
 
Иймд Япон жуулчдын онцлог, маршрут, аяллын хөтөлбөрийн судалгаа гаргах, хамтарч ажиллахад ямар дэмжлэг хэрэгтэй байгаа тухай санал солилцлоо.
Эх сурвалж: БОАЖЯ
Дэлгэрэнгүй унших
сурталчилгаа
Тод мэдээ2023/02/02

Компанийн засаглалын тогтолцоог системийн инженерчлэлийн аргаар бэхж...

Тод мэдээ17 цаг 39 минут

Хог тээвэрлэлтийг уртасгасан цагаар зохион байгуулна

Тод индэр17 цаг 45 минут

Г.Занданшатар: Хөдөө аж ахуйд суурилсан өрхийн үйлдвэрлэлийг хөгжүүл...

Тод мэдээ17 цаг 46 минут

Япон улсаас Монгол Улсад жуулчин хүлээн авдаг тур компанийн төлөөлөл...

Тод мэдээ17 цаг 50 минут

ЗТХЯ: Хамтарсан зохицуулах хорооны хурал боллоо

Тод мэдээ17 цаг 56 минут

Монголбанк: Нэгдүгээр сард 519.8 кг үнэт металл худалдан авлаа

Тод индэр18 цаг 2 минут

Зудын эрсдэл, нөлөөллөөс хүүхэд багачуудаа хамтдаа хамгаалцгаая

Тод мэдээ18 цаг 6 минут

УИХ-ын гишүүн Ж.Чинбүрэн БНСУ-ын Үндэсний сүрьеэгийн нийгэмлэгийн тө...

Өнөөдөр18 цаг 8 минут

Улаанбаатарт өдөртөө 11 хэм хүйтэн

Өнөөдөр18 цаг 13 минут

Үс шинээр үргээлгэх буюу засуулбал жаргал ирнэ

Тод мэдээ2023/02/02

ЗГ: Инновацын төсөл хэрэгжүүлэгчдэд хөнгөлөлт, чөлөөлөлт эдлэх болом...

Тод мэдээ2023/02/02

ЗГ: “Засгийн газрын хэрэгжүүлэгч агентлаг-Хөрөнгө оруулалт, ху...

Санал болгох