Тод мэдээ
Г.САЙХАНБАЯР: Цаашдаа сурталчилгаагаа үргэлжлүүлээд сонгуульдаа оролцоод явна
Өвөрхангай аймгийн Сант суманд гарсан хүн амины хэрэгтэй холбоотойгоор намаас нь УИХ-ын сонгуулийн нэгдүгээр тойрог буюу Архангай, Баянхонгор, Өвөрхангай аймагт нэр дэвшүүлэхээс татгалзаж, эгүүлэн татсан Батлан хамгаалахын сайд Г.Сайханбаяр мэдээлэл хийлээ.
Тэрээр "Талийгаачийн гэр бүлд гүн эмгэнэл илэрхийлье. Би эр хүн, эцэг хүний хувьд туйлын их харамсаж байна. Улс төрийн ёс зүйгээ баримталж, монгол хүний жудгийг сахиж сонгуулийн сурталчилгаагаа түр зогсоогоод байна. Гэтэл АН-ын дарга Л.Гантөмөр, нэр дэвшигч С.Ганбаатар нар намайг улс төрийн захиалгат аллага, онц ноцтой гэмт хэрэгт ичгүүр сонжуургүйгээр гүтгэж байна. Энэ их уй гашууг өөрсдийнхөө улс төрийн өчүүхэн зорилгод ашиглаж байгаа энэ ёс жудаггүй асуудлаа нэн даруй зогсоохыг монгол хүний ёсоор шаардаж байна. Энэ асуудлаар сонгуулийн болон хууль шүүхийн байгууллагад хандана. Л.Гантөмөр, С.Ганбаатар нартай байгаа газар нь нүүр тулан уулзахад бэлэн байна. Уулзана гэж бодож байгаа.
Энэ харамсалтай хэрэгт холбогдсон хүн нь миний нэр дээр бүртгэгдсэн ухуулагч юм билээ. Тиймээс АН-ынхан над руу хандаад байгаа юм. Би тэр хүнийг огт танихгүй. Таньдаг байх боломжгүй.
Тэрээр "Талийгаачийн гэр бүлд гүн эмгэнэл илэрхийлье. Би эр хүн, эцэг хүний хувьд туйлын их харамсаж байна. Улс төрийн ёс зүйгээ баримталж, монгол хүний жудгийг сахиж сонгуулийн сурталчилгаагаа түр зогсоогоод байна. Гэтэл АН-ын дарга Л.Гантөмөр, нэр дэвшигч С.Ганбаатар нар намайг улс төрийн захиалгат аллага, онц ноцтой гэмт хэрэгт ичгүүр сонжуургүйгээр гүтгэж байна. Энэ их уй гашууг өөрсдийнхөө улс төрийн өчүүхэн зорилгод ашиглаж байгаа энэ ёс жудаггүй асуудлаа нэн даруй зогсоохыг монгол хүний ёсоор шаардаж байна. Энэ асуудлаар сонгуулийн болон хууль шүүхийн байгууллагад хандана. Л.Гантөмөр, С.Ганбаатар нартай байгаа газар нь нүүр тулан уулзахад бэлэн байна. Уулзана гэж бодож байгаа.
Энэ харамсалтай хэрэгт холбогдсон хүн нь миний нэр дээр бүртгэгдсэн ухуулагч юм билээ. Тиймээс АН-ынхан над руу хандаад байгаа юм. Би тэр хүнийг огт танихгүй. Таньдаг байх боломжгүй.
Нэр дэвшигчийг эгүүлэн татахтай холбоотой асуудлыг хуулиар зохицуулсан хоёрхон тохиодол бий. Нэгдүгээрт, нэр дэвшигч нас барсан тохиодол. Хоёрдугаарт, шүүхээс шийдвэр гарсан тохиодол. Үүнээс бусдаар нам нэр дэвшигчийг эгүүлэн татах эрх зүйн үндэслэл байхгүй. Тиймээс эгүүлэн татах асуудал яригдахгүй. Сонгуулийн сурталчилгаагаа түр зогсоосон байгаа. Цаашдаа сурталчилгаагаа үргэлжлүүлээд сонгуульдаа оролцоод явна" гэлээ.
Дэлгэрэнгүй унших
АНХААРУУЛГА: УИХ-ын 2024 оны ээлжит сонгуулийн хуулийн холбогдох заалтын хүрээнд тус сайтын сэтгэгдэл хэсгийг түр хугацаанд хаасан болно.
Тод мэдээ
“Тархцын хяналт-2025” нэгдсэн арга хэмжээний хүрээнд 21 гэмт хэргийг илрүүллээ
Цагдаагийн байгууллагаас Улаанбаатар хот руу нэвтрүүлж буй мансууруулах үйлчилгээтэй ургамлын урсгалыг таслан зогсоох, илрүүлэх, урьдчилан сэргийлэх зорилгоор “Тархцын хяналт-2025” нэгдсэн арга хэмжээг энэ оны наймдугаар сарын 18-ны өдрөөс есдүгээр сарын 25-ны өдрийн хооронд зохион явууллаа.
Арга хэмжээний хүрээнд орон нутгаас нийслэл хот руу нэвтрэх замын хөдөлгөөний хяналтын 8 цэг, орон нутгийн хяналтын 6 пост, хяналтгүй замуудад шалгалтын ажлыг тасралтгүй зохион явуулж 45 холбогдогчтой 21 гэмт хэргийг илрүүлж эд мөрийн баримтаар хураагдсан бодисыг өмнөх оны мөн үетэй харьцуулахад мансууруулах ургамал (каннабис) 4 дахин, ургамлын гаралтай бодисын хэмжээ 17,5 дахин тус тус өссөн байна. Эд мөрийн баримтаар 156,150 хүний нэг удаагийн хэрэглэх боломжтой бодисыг хураан авч хууль бус үйлдлийг таслан зогсоосон.
Цагдаагийн байгууллагаас нийслэл хот руу нэвтрэх авто зам дээр гэмт хэрэг, зөрчлийг таслан зогсоох, урьдчилан сэргийлэх чиглэлээр хяналт шалгалтын ажлыг үргэлжлүүлэн зохион байгуулж байна.
Тод мэдээ
Монгол Улсын хамгийн өндөр настан 107 настай
Монгол Улсын нийт хүн амын 9.0 хувийг ахмадууд эзэлж байгаагаас 40.2 хувь нь эрэгтэйчүүд бол 59.8 хувь нь эмэгтэйчүүд байна. Улсын хэмжээнд хамгийн өндөр настан 107 настай байна гэж Үндэсний Статистикийн Хорооноос мэдээллээ.
Тод мэдээ
Нийгмийн даатгалын сангийн хөрөнгө 8.6 тэрбум төгрөгөөр дахин арвижлаа
Нийгмийн даатгалын ерөнхий хуулийн 13 дугаар зүйлд Нийгмийн даатгалын сангийн чөлөөт үлдэгдлийг найдвартай, үр өгөөжтэй, хариуцлагатай, ил тод, хараат бус байх зарчмыг баримтлан зөвшөөрөгдсөн санхүүгийн хэрэгсэлд хөрөнгө оруулж болно гэж заасан.
Нийгмийн даатгалын үндэсний зөвлөлийн 2025 оны 7 дугаар тогтоолоор арилжааны банканд мөнгөн хадгаламж хэлбэрээр байршуулах хөрөнгийн дүнг 8 дугаар тогтоолоор хадгаламжийн хүүгийн хэмжээг шинэчлэн тус тус баталсан.
Нийгмийн даатгалын ерөнхий газар арилжааны банканд мөнгөн хадгаламж байршуулах тооцоолол хийж Нийгмийн даатгалын үндэсний зөвлөлийн дэргэдэх орон тооны бус Мэргэжлийн хороо, Олон нийтийн хяналтын зөвлөлөөр хянуулж банкны системд нөлөө бүхий арилжааны 4 банканд нийгмийн даатгалын сангийн чөлөөт үлдэгдэл болох 700 тэрбум төгрөгийг нэг жилийн хугацаатай, жилийн 15 хувийн хүүтэйгээр мөнгөн хадгаламж хэлбэрээр байршуулсан.
Банкуудтай байгуулсан гэрээний дагуу 2025 оны 9 дүгээр сарын ээлжит хүү болох 8.6 тэрбум төгрөгийг санд хүлээн авч нийгмийн даатгалын сангийн хөрөнгийг дахин арвижууллаа. Өмнө нь 5, 6, 7, 8 дугаар сарын хүү болох 35.0 тэрбум төгрөгийг хүлээн авсан ба одоогийн байдлаар нийт 43.6 тэрбум төгрөгийн хүүгийн орлогыг санд хүлээн аваад байна. Энэхүү хадгаламжийн хугацаанд нийт 105.0 тэрбум төгрөгийн хүүгийн орлого олох юм гэж Нийгмийн даатгалын ерөнхий газраас мэдээллээ.
