Тод мэдээ
Авлигын эсрэг үгүй гэж хэлэхийн төлөө Монгол Ардын намыг багаар нь дэмжихийг Хархорумчуудаас хүслээ
Монгол Ардын намын дарга, Ерөнхий сайд Л.Оюун-Эрдэнэ Өвөрхангай аймгийн Хархорин сумын иргэд сонгогчидтой уулзлаа. Тэрбээр “Эзэнт гүрний нийслэл Хархорум хотын туурь Хархорумчууд Та бүхэнтэйгээ уулзаж байгаадаа баяртай байна. Энэ удаагийн сонгуульд авлигын эсрэг үгүй гэж хэлэхийн төлөө Монгол Ардын намыг багаар нь бүтэн дэмжихийг Хархорумчуудаасаа хичээнгүйлэн хүсч байна. Та, бид хамтдаа ардчилсан хувьсгалын анхны үнэт зүйлийг эргүүлэн авчрах Шударга ёсны реформд улс үндэстнээрээ нэгдэж, төлөвшсөн ардчиллын хоёр дахь давлагааг эхлүүлцгээе” гэлээ.
УИХ-ын сонгуулийн 1 дүгээр тойрогт Монгол Ардын намаас Г.Занданшатар, Д.Тогтохсүрэн, Б.Батцэцэг, Г.Тэмүүлэн, С.Чинзориг, Г.Ганболд, А.Цогцэцэг, Б.Даваадалай нар нэр дэвшиж байна.
Ерөнхий сайд Эдийн засгийн 4 жилийн төлөвлөгөөг “Алсын хараа-2050” хөгжлийн бодлого, “Шинэ сэргэлтийн бодлого”-д тулгуурлан Бүсчилсэн хөгжлийн реформ нэртэй зарласан. Хангайн бүсийг (Архангай, Өвөрхангай, Баянхонгор) Хөгжлийн алтан гурвалжин гэж тодорхойлж, тэргүүлэх чиглэл нь байгалийн төрөлжсөн аялал жуулчлал байх юм. Энэ хүрээнд эртний нийслэл Хархорумыг холбосон 4 эгнээ зам баригдана.
Мөн “Шинэ Хархорум” хотын бүтээн байгуулалтад шаардлагатай суурь судалгаа, иж бүрэн хотын ерөнхий төлөвлөгөөг боловсруулж байна. Ирэх дөрвөн жилд дуусган, бүтээн байгуулалтын эхний ээлжийн ажлыг эхлүүлэхээр Монгол Ардын нам мөрийн хөтөлбөртөө тусгажээ.
Шинэ Хархорум хотын усны хэрэгцээг хангах бүтээн байгуулалтыг эхлүүлж, говийн бүсийг усаар хангах “Орхон Онги” төслийн ТЭЗҮ-ийг батлуулах, барилга байгууламжийг үе шаттай байгуулахаар мөн төлөвлөөд байгаа юм.
Өвөрхангай аймгийн Хархорин суманд 19 шинэ хоршоо байгуулагджээ. Эдгээрт 196 малчин гишүүнээр элсэж, дөрвөн хоршоо нийт 411.8 сая төгрөгийн хөрөнгө оруулалтын зээл аваад байна.
Монгол Ардын намын, Ерөнхий сайдын эхлүүлсэн ажлыг үргэлжлүүлэхийн тулд хангайн бүсэд нэр дэвшсэн нэр дэвшигчдийг багаар нь дэмжиж, авлига, хулгай, шударга бустай хамтдаа тэмцэнэ гэдэгт итгэлтэй байна. Үзэл бодол, үнэт зүйлдээ үнэнч байж, мөнгөөр зарчмаа сольж болохгүй. Шинэ 30 жилийг эхлүүлэхэд, ард түмний дуу хоолой парламентад олуулаа байхад та бүхний оролцоо туйлын чухал” гэдгийг Ерөнхий сайд хэллээ.
Тод мэдээ
"Орчлон" хорооллын зүүн талын хашааг буулгаж, явган хүний зам барилаа
СХД-ийн 27 дугаар хороо, "Орчлон" хорооллын зүүн талын хашааг буулгаж, явган хүний зам барьж ашиглалтад орууллаа.
Дээрх байршилд өмнө нь орон сууцны барилга барих зориулалтаар гурван иргэн, аж ахуйн нэгж байгууллага газар эзэмшиж байсан. Газрыг хоёр жил ба түүнээс дээш хугацаагаар зориулалтын дагуу ашиглаагүй, явган хүний орц гарц хааж хашаалсан байсан юм.
Иймээс зөрчлийг арилгаж, дүүргийн Захиалагчийн алба ОНӨААТҮГ-аас өнгөрсөн амралтын өдрүүдэд явган хүний зам барьж ашиглалтад орууллаа.
Тод мэдээ
Ураны төслийг хэрэгжүүлэхэд ОУ-ын итгэмжлэгдсэн лаборатори байгуулж давхар хяналт хийнэ
Монгол-Францын Засгийн газар хоорондын комиссын хуралдаан 11 жилийн дараа Парис хотод болж, дараах асуудлаар харилцан тохиролцоонд хүрлээ. Хуралдаанд Францын талаас Европ, Гадаад хэргийн яамны Ерөнхий нарийн бичгийн дарга, хатагтай Анн-Мари Дэкот, Монголын талаас ЗГХЭГ-ын дарга Н.Учрал нар оролцлоо.
Энэ үеэр:
- Дорноговь аймагт олон улсын итгэмжлэгдсэн лаборатори байгуулж цацраг идэвхит ашигт малтмалын хүн, мал, амьтан, хүрээлэн байгаа орчинд үзүүлэх цацрагийн нөлөөлөлд хийсэн хэмжилт, шинжилгээг давхар хяналтанд оруулах санал гаргалаа. Хөрөнгө оруулагч талын зүгээс итгэмжлэгдсэн лаборатори байгуулахыг дэмжин ажиллах,
- Төслийн дэргэд хараат бус хяналтын зөвлөлийг иргэний нийгмийн байгууллагууд, мэргэжлийн холбоод, орон нутгийн иргэдийн төлөөллийг оролцуулан байгуулж иргэний хяналт тогтоож, ил тод нээлттэй ажиллах нөхцлийг бүрдүүлж, олон нийтийн мэдэх эрхийг хангаж ажиллах,
- Хоёр улс Онцгой байдлын нисдэг тэрэг, техник төхөөрөмжийн туслалцаа, эрчим хүчний эс үүсвэрийг төрөлжүүлэх, боловсрол, соёлын хамтын ажиллагааг өргөжүүлэх,
- Ажлын хэсгийн хуралдааны үеэр Монгол Улсын Иргэний нисэхийн ерөнхий газар, Бүгд Найрамдах Франц Улсын Иргэний нисэхийн ерөнхий газар хоорондын “Иргэний нисэхийн салбарт хамтран ажиллах тухай Техник хамтын ажиллагааны гэрээ”-нд гарын үсэг зурлаа.
Мөн 2026 онд Монгол Улсад зохион байгуулагдах Цөлжилттэй тэмцэх тухай НҮБ-ын суурь конвенцын Талуудын 17 дугаар бага хуралд дэмжин оролцохоор тохиролцлоо.
Сануулахад, энэ онд хоёр улсын хооронд дипломат харилцаа тогтоосны 60 жилийн ой тохиож байна.
Тод мэдээ
Бусдын эрүүл мэндэд хохирол учруулсан 192 хэргийг шүүхээр шийдвэрлүүлжээ
Тээврийн прокурорын газраас 2024 онд зам тээврийн ослын 224 эрүүгийн хэрэгт Эрүүл мэндийн даатгалын тухай хуулийн 12 дугаар зүйлийн 12.1 дэх хэсгийн 12.1.1-т заасны дагуу эрүүл мэндийн даатгалын сангаас гаргасан 412 сая төгрөгийн төлбөрийг гэм буруутай этгээдээр нөхөн төлүүлэхээр шүүхээр шийдвэрлүүлсэн байна.
2025 оны 5 дугаар сарын 01-ний өдрийн байдлаар Эрүүгийн хуулийн 27.10 дугаар зүйлд заасан “Тээврийн хэрэгслийн хөдөлгөөний аюулгүй байдал, ашиглалтын журам зөрчиж” бусдын эрүүл мэндэд хохирол учруулсан 192 хэргийг шүүхээр шийдвэрлүүлсэн. Үүнээс 135 хэрэгт Эрүүл мэндийн даатгалын санд учирсан 230.3 сая төгрөгийн хохирлыг гэм буруутай этгээдээр нөхөн төлүүлэхээр шийдвэрлүүлсэн.
Шүүхээр шийдвэрлэсэн хэргээс “Тээврийн хэрэгслийн хөдөлгөөний аюулгүй байдал, ашиглалтын журам зөрчих” гэмт хэргийн улмаас хүний эрүүл мэндэд хүндэвтэр хохирол учруулсан 97, хүнд хохирол учруулсан 35, хүний амь нас хохироосон 3 хэрэг байна.
Тээврийн прокурорын газраас 2025 оны эхний 5 сарын байдлаар гэмт хэргийн улмаас Эрүүл мэндийн даатгалын санд учирсан хохирлыг гэм буруутай этгээдээс гаргуулж, эрүүгийн хэрэгт хамтатган шийдвэрлүүлсэн хэргийн тоог өмнөх оны мөн үетэй харьцуулахад 31.8 хувиар, шийдвэрлүүлсэн хохирлын хэмжээ 26.7 хувиар тус тус өссөн дүнтэй байна.
-
Тод мэдээ2022/05/02
Цахим салбарынхан нийгмийн сэтгэлзүйн асуудлыг хөндөнө
-
Тод мэдээ2019/06/21
Хорт хавдрын туяа эмчилгээнд шинэ технологи нэвтэрч байна
-
Тод мэдээ2022/05/09
Дулааны шугам сүлжээний засварын ажил энэ сарын 15-наас эхэлнэ
-
Тод мэдээ2022/10/27
Угаарын хийн хордлогоос урьдчилан сэргийлэх Шуурхай штаб ажиллаж байна