Тод мэдээ
Монгол Ардын Нам мөрийн хөтөлбөрөө “Daisy” форматаар болон БРАЙЛЬ үсгээр хэвлэлээ
Тодруулбал, Монгол Ардын намаас Монголын хараагүйчүүдийн үндэсний холбоо, “Тэгш оролцоот ээлтэй нийгэм” ТББ-ын дэргэдэх “Хүртээмжтэй хэвлэлийн төв”-тэй хамтран сонгогчдын сонгох эрхийг хангах, сонгогчийн боловсролыг дээшлүүлэх үүднээс харааны бэрхшээлтэй иргэдэд зориулж, 2024 оны УИХ-ын сонгуулийн мөрийн хөтөлбөрийг “Daisy” форматаар сонсох хувилбараар болон брайль үсгээр хэвлэн түгээгээд байна.
Монгол Улсын хэмжээнд 111 мянга гаруй хөгжлийн бэрхшээлтэй иргэн байдгаас харааны бэрхшээлтэй 12 мянган иргэн мэдээллээр тэгш хангагдах боломж хязгаарлагдмал байдаг аж.
Иймд Монгол Ардын Намаас мэдээллийн хүртээмжтэй байдлыг хангах үүднээс мөрийн хөтөлбөрөө харааны бэрхшээлтэй иргэдэд зориулан брайль үсгээр хэвлэн нийслэл Улаанбаатар хотын дүүрэг, хороод болон 21 аймаг, томоохон сум, суурин газарт хүргүүлээд байна.
Мөн мөрийн хөтөлбөрөө “Daisy” форматаар бэлтгэн цахим орчинд нээлттэй нийтлэлээ.
Тод мэдээ
2027 оныг “Эрүүл мэндийг дэмжих жил”-ээр зарлалаа
Засгийн газрын ээлжит хуралдаанаар Монгол Улсын Засгийн газрын 2024-2028 оны уйл ажиллагааны хөтөлбөрт туссан "Эрүүл монгол хүн" зорилгыг хэрэгжүүлэх, нийгмийн эрүүл мэндийн тогтолцоог бэхжүүлэх зорилгоор 2027 оныг "Эрүүл мэндийг дэмжих жил"-ээр зарлаж, хэрэгжүүлэх арга хэмжээний төлөвлөгөө боловсруулан Засгийн газарт танилцуулахыг Эрүүл мэндийн сайд Ж.Чинбүрэнд даалгав.
Эрүүл мэндийг дэмжих чиглэлээр авч хэрэгжүүлэх үйл ажиллагаа, арга хэмжээний хэрэгжилтийг хангаж, бүх талын дэмжлэг үзүүлж ажиллахыг Засгийн газрын гишууд, аймаг, нийслэлийн Засаг дарга нарт үүрэг болголоо.
Эрүүл мэндийг дэмжих чиглэлээрх үйл ажиллагаа, арга хэмжээг улсын хэмжээнд нэгдсэн удирдлагаар ханган ажиллах, холбогдох санхүүжилтийг 2027 оны улсын төсвийн төсөлд тусган шийдвэрлэх, салбар дундын уялдааг хангаж ажиллахыг холбогдох сайд нарт үүрэг болголоо.
Тод мэдээ
Энэ сард олгох нийгмийн халамжийн тэтгэвэр, тэтгэмж, хөнгөлөлт, тусламжийн хуваарь
Нийгмийн халамжийн тэтгэвэр, тэтгэмж, хөнгөлөлт, тусламжийн 2025 оны 11 дүгээр сарын олголтын хуваарийг танилцуулж байна.
Тод мэдээ
“Эрдэнэс Тавантолгой” ХК-ийн сүүлийн гурван жилийн үйл ажиллагаанд аудит хийнэ
Засгийн газрын ээлжит хуралдаан 2025 оны арваннэгдүгээр сарын 5-нд болж дараах асуудлыг хэлэлцэн шийдвэрлэлээ.
“Эрдэнэс Тавантолгой” ХК-ийн хувьцааг хөрөнгийн биржээр нээлттэй арилжаалах бэлтгэл ажлыг эхлүүлэх хүрээнд олон улсад хүлээн зөвшөөрөгдсөн хөндлөнгийн хараат бус аудитын компаниар тус компанийн сүүлийн гурван жилийн үйл ажиллагаанд аудит хийлгэх, хөндлөнгийн үнэлгээний компанийн үнэлгээг шинэчлэн тогтоолгох зэрэг ажлуудыг шуурхай зохион байгуулахыг холбогдох албан тушаалтнуудад даалгалаа.
Монгол Улсын Их Хурлын 2010 оны 39 дүгээр тогтоолоор “Эрдэнэс Тавантолгой” ХК-ийн хувьцааны 20 хүртэлх хувийг, 2018 оны 73 дугаар тогтоолоор “Эрдэнэс Тавантолгой” ХК-ийн хувьцааны 30 хүртэлх хувийг гадаад, дотоодын хөрөнгийн биржээр арилжаалахаар шийдвэрлэсэн.
Монгол Улсын Засгийн газрын хуралдаанаас “Эрдэнэс Тавантолгой” ХК-ийг нээлттэй хувьцаат болгох чиглэлээр удаа дараа үүрэг даалгавар өгсөн бөгөөд “Эрдэнэс Тавантолгой” ХК-ийг нээлттэй хувьцаат компани болгох бэлтгэл ажлыг үе шаттайгаар хэрэгжүүлэх хүрээнд тус компанийн үйл ажиллагаанд олон улсад хүлээн зөвшөөрөгдсөн, хараат бус хөндлөнгийн аудитын байгууллагаар аудит хийлгэх шаардлага үүсжээ.
“Эрдэнэс Тавантолгой” ХК-ийг нээлттэй хувьцаат компани болгох, хувьцааг биржээр арилжаалах бэлтгэл ажлын хүрээнд компанийн сүүлийн гурван жилийн үйл ажиллагаанд аудит хийлгэж дүгнэлт гаргуулахаар гүйцэтгэгчийг нээлттэй зарлаж, шалгаруулах Ажлын даалгаврыг боловсруулсан байна.
-
Тод мэдээ2022/09/07
Ерөнхийлөгч У.Хүрэлсүх БНЭУ-ын Батлан хамгаалахын сайдыг хүлээн авч уулзав
-
Өнөөдөр2019/09/05
Засгийн газрын хуралдаан боллоо
-
Тод мэдээ2021/09/01
Халдвар авсан иргэд гурав дахь тун хийлгэх шаардлагагүй
-
Тод мэдээ2021/09/13
18-аас дээш насны иргэдийг нэмэлт тунгаар вакцинжуулж эхэллээ