Тод мэдээ
УИХ-ын Тамгын газар, байнгын хороодын ахлах зөвлөх, зөвлөхүүдэд зориулсан Жендэрийн сургалт боллоо
УИХ-ын Тамгын газар, “Шийдвэр гаргах түвшинд Жендэрийн тэгш байдал, эмэгтэйчүүдийн оролцоог дэмжих нь“ төслийн багтай хамтран Улсын Их Хурлын Тамгын газар, байнгын хороодын ахлах зөвлөх, зөвлөхүүдэд зориулсан Жендэрийн сургалтыг амралтын өдөр ( 2023.04.23) зохион байгууллаа.
Шийдвэр гаргах үйл явцад жендэрийн тэгш байдлыг хангахын ач холбогдол, нийгмийн бүлгийн төлөөллийг тэгш хамруулахын ач холбогдол, жендэрийн талаарх шинэ ойлголт, хандлагын талаар танилцуулга мэдээлэл сонсож, хэлэлцүүлэг өрнүүлэх хэлбэрээр сургалтыг зохион явуулсан. “Шийдвэр гаргах түвшинд Жендэрийн тэгш байдал, эмэгтэйчүүдийн оролцоог дэмжих нь“ төслийн сургагч багш нар “Ойлголтоо нэгтгэх нь”, “Хөгжлийн шалгуур үзүүлэлт “, “Бидний шийдвэр, түүний үр нөлөө”, “Шилжилтийг дэмжих жендэрийн хандлага”, “Бодлогын баримт бичигт жендэрийн үзэл баримтлалыг тусгах нь” зэрэг сэдвүүдээр илтгэл танилцуулж, оролцогчид энэ талын мэдлэг, мэдээлэл, ур чадвараа нэмэгдүүллээ. Авлигатай тэмцэх, засаглалыг сайжруулах зэрэг асуудлууд хангалттай үр дүнд хүрэхгүй байгаа нь Жендэрийн тэгш байдлыг хангаж чадахгүй байгаатай холбоотой гэж үзэж байна. Жендэрийн тэгш байдал гэдэг нь зөвхөн эмэгтэйчүүдийн асуудал биш. Дэлхий даяар жендэрийн тэгш байдал, эмэгтэйчүүдийн оролцоо гэсэн хоёр нэр томьёо хэрэглэж байна. Нэг талаас хамааралтай, нөгөө талаас тусдаа ойлголт. Жендэрийн тэш байдал нь хүйсийн аль алиных нь ижил төлөөлөл, оролцоог хангах тухай асуудал юм гэдгийг тодотгож байв. Харин дэлхий даяар жендэрийн тэгш байдлыг хангахын тулд эмэгтэйчүүдийн оролцоог нэмэгдүүлж, тэднийг хүчирхэгжүүлэх ёстой гэж үздэг. Тийм ч учраас дэлхий дахинд Мянганы хөгжлийн зорилтоо хэрэгжүүлж дуусгаад 2015-2030 оны хооронд дахин 15 жилийн хугацаанд тогтвортой хөгжлийн зорилтын тухай ярьж байна.
Манай улсад үйл ажиллагаа явуулдаг Олон улсын донор байгууллагууд хөгжлийн туслалцаа үзүүлэхдээ нэг асуудлыг онцгойлон анхаардаг нь Жендэрийн тэгш байдлыг хангах. Өөрөөр хэлбэл дэлхий даяар жендэрийн тэгш байдлыг хөгжлийн нэг шалгуур үзүүлэлт болгон авч үзэж байна. Авлигатай тэмцье гэвэл шийдвэр гаргаж байгаа бүтцийг өөрчлөх ёстой. 2030 он гэхэд Монгол улс Олон улсын байгууллагын өмнө хүлээсэн амлалтдаа хүрч, хөгжилд хүрье гэвэл хүчин чармайлт гаргах шаардлагатай гэдгийг онцолж байлаа. Тодруулбал, Парламент дахь эмэгтэйчүүдийн төлөөллийг 30 хувиас доошгүйд хүргэх зорилт дэвшүүлжээ. Харин дэлхийн улс орнууд 50:50 болгох зорилт тавьж байгаа аж.
Олон улсын парламентын холбооны гаргасан мэдээллээр Парламент дахь эмэгтэйчүүдийн оролцооны төлөөллөөр манай улс Олон улсын хэмжээнд 134-т эрэмбэлэгдэж байна. Хэрэв манай улс парламентад 25 хувийн төлөөлөлтэй болсон тохиолдолд Монгол Улс 96-р байранд, 30 хувийн төлөөлөлтэй болсон тохиолдолд дэлхийд 65-д, 35 хувийн эмэгтэйчүүдийн төлөөлөлтэй болбол 37-д гэхчлэн шийдвэр гаргах түвшин дэх эмэгтэйчүүдийн оролцоо маш хурдтай өсөн нэмэгдэх тооцоолол байна гэх зэрэг өргөн агуулгаар сургалт үргэлжилж, үр дүнтэй болж өнгөрлөө хэмээн УИХ-ын Хэвлэл мэдээлэл, олон нийттэй харилцах газраас мэдээллээ.
Тод мэдээ
Ерөнхий сайд Г.Занданшатар Монголын Ахмадын холбооны удирдлагуудтай уулзлаа
Монгол Улсын Ерөнхий сайд Г.Занданшатар Монголын Ахмадын холбооны ерөнхийлөгч Ц.Сүхбаатар болон тус холбооны удирдлагуудыг хүлээн авч уулзлаа. Уулзалтын эхэнд тус холбооны Ерөнхийлөгч Ц.Сүхбаатар ахмад настнуудын тэтгэврийг нэмэгдүүлэх, зээлийн хүүг бууруулах, хугацааг уртасгах, орон сууцны хөнгөлөлт, чөлөөлөлтөд хамруулах талаар ахмад настнуудын тавьж буй шаардлагыг уламжилж, зарим асуудлыг шийдвэрлэх боломжийн талаар саналаа хэллээ.
Тухайлбал, ахмад настнуудын тэтгэврийг инфляцын түвшинтэй уялдуулан нэмэгдүүлэхээр хуульчилсан. Гэхдээ 6 хувиар нэмэгдүүлэхэд өндөр тэтгэвэртэй ахмадуудын тэтгэвэр 200-300 мянган төгрөг, бага тэтгэвэртэй ахмадуудынх 40-60 мянган төгрөгөөр нэмэгдэхээр байгаа. Ийм зөрүү гарч байгаа тул бага тэтгэвэртэй ахмадуудын тэтгэврийг илүү нэмэгдүүлж болох юм. Мөн “Ахмадын орон сууц” хөтөлбөрийг үргэлжлүүлэн хэрэгжүүлэх, хүүхдийн тооноос шалтгаалан тэтгэврийн хэмжээг тогтоох асуудлыг эргэн харах шаардлагатай байна гэлээ. Ахмад настны тухай хуулийн зарим заалтын хэрэгжилтийг хангаж ажиллахаас гадна орон нутгийн засаг захиргаанаас ахмад настнуудад чиглэсэн бодлогод анхаарал хандуулахыг хүсэв.
Ерөнхий сайд Г.Занданшатар, ирэх онд тэтгэврийг 6 хувиар нэмэгдүүлэхэд нийт 333.5 тэрбум төгрөг зарцуулж, дундаж тэтгэврийн хэмжээг 901,000 төгрөгт хүргэхээр тооцож байна. Ахмад настнуудын тэтгэврийг нэмэгдүүлэх, амьдралын чанарыг сайжруулах зэрэг асуудал Засгийн газрын анхаарлын төвд байгаа. Нэн тэргүүнд холбогдох яамд болон Монголын Ахмадын холбоо хамтран ахмад настнуудын хөгжил, хамгааллын асуудлаар дунд хугацааны хөгжлийн хөтөлбөр боловсруулж гаргах шаардлагатай байна гэлээ.
Энэ жилийн төсвийн орлого 3,3 их наядаар тасарч, эдийн засгийн нөхцөл байдал хүнд байгаа. Энэ хүндрэлийг даван туулахын тулд Засгийн газар хэмнэлтийн зарчим баримтлан, хэмнэж болох бүх зардлыг танаж буй ч зайлшгүй зардал болох тэтгэвэр, тэтгэмж, хүүхдийн мөнгийг тасалдалгүй олгох бодлого баримталж буй. Төрөлт нэмэгдэж, ахмад настнуудын насжилт өндөрсөж буй учраас нийгмийн хамгааллын зардал тэр хэрээр өссөн. ҮСХ-ны тооцоогоор 2024 оны байдлаар нийт хүн амын 11.5 хувь нь ахмад настан байсан бол 2050 он гэхэд энэ үзүүлэлт 19.8 хувьд хүрч, таван хүн тутмын нэг нь ахмад настан болох төлөвтэй байна.
Засгийн газар хүний хөгжлийг дэмжих бодлогын хүрээнд ойрын 5 жилийн хугацаанд цалин хөлс, тэтгэвэр тэтгэмжийг олон улсын жишигт хүргэж нэмэгдүүлэх зорилт тавьсан. Ирэх сард Монгол Улсын хөгжлийн 2026-2030 он хүртэлх Үндсэн чиглэлийг УИХ-д өргөн барина. Энэхүү баримт бичигт ахмад настны талаар төрөөс баримтлах цогц бодлогыг тусгаж байгаа юм.
Уулзалтын төгсгөлд Ерөнхий сайд Г.Занданшатар Гэр бүл, хөдөлмөр, нийгмийн хамгааллын яам болон бусад холбогдох яам, агентлаг, төрийн бус байгууллагуудын оролцоог хангаж, ахмад настнуудын талаарх хууль эрх зүйн орчныг сайжруулах, тулгамдаж буй асуудлыг шийдвэрлэх чиглэлээр ажиллах Ажлын хэсэг байгуулах чиглэл өгөв.
Тод мэдээ
Монгол Улсын Их Хурлын 2025 оны намрын ээлжит чуулган нээлтээ хийлээ
Улсын Их Хурлын чуулганы нээлтийн хуралдаанд, Монгол Улсын Ерөнхий сайд Г.Занданшатар, Үндсэн хуулийн цэцийн дарга, Улсын Дээд шүүхийн Ерөнхий шүүгч, Улсын ерөнхий прокурор, Засгийн газрын гишүүд, Ерөнхийлөгчийн Тамгын газрын дарга, Үндэсний аюулгүй байдлын зөвлөлийн нарийн бичгийн дарга, Нийслэлийн болон Улсын Их Хуралд ажлаа шууд тайлагнадаг байгууллагын удирдлага, Монгол Улсад байнгын ажиллагаатай парламент байгуулагдсанаас хойш ажиллаж байсан Улсын Их Хурлын дарга, Ерөнхий нарийн бичгийн дарга нар, Монгол Улсад суугаа Дипломат төлөөлөгчийн газар, Олон Улсын байгууллагын суурин төлөөлөгчийн газрын тэргүүнүүд уригдан оролцов.
Монгол Улсын Их Хурлын 2025 оны хаврын ээлжит чуулганыг нээж, Улсын Их Хурлын дарга Д.Амарбаясгалан үг хэллээ. Тэрбээр хэлсэн үгийнхээ эхэнд Монгол Улсад байнгын ажиллагаатай парламент байгуулагдсаны 35 жилийн ойн болон Олон Улсын Ардчиллын өдрийн мэндийг дэвшүүлэв. Улсын Их Хурал найман байнгын хороотой болсон шинэ бүтцээр ажиллаж эхэлсэн болон татварын ачааллыг бодитоор бууруулж ард түмний “нурууг тэнийлгэх” шинэчлэл хийх, төрийн өмчийн бодлогын шинэчлэн, төрийн өмчит компаниудын ашиг, үр өгөөжийг нэмэгдүүлж хувийн хэвшлийн бизнесийн орчныг сайжруулах чуулган эхэлж буйг тэрбээр онцолсон юм. Түүнчлэн эрчим хүчний салбарын эрх зүйн шинэчлэл, төрийн үйлчилгээний процессын дахин инженерчлэл, боловсрол, хүүхдийн хөгжил хамгааллын бодит шийдлүүд хүлээгдэж байгааг онцгойлон дурдаж, Улсын Их Хурал баталсан хууль тогтоомжийн хэрэгжилтэд нэг бүрчлэн хяналт тавьж ажиллах нь Монгол хүний амьдралын чанарт сөргөөр нөлөөлж буй хүчин зүйлсийг арилгах, боловсрол, эрүүл мэндийн үйлчилгээнд ахиц гаргах боломж бийг тоо баримт эш татан анхааруулав.
Мөн Улсын Их Хурлын дарга, хуулийг ерөнхийлөн боловсруулж, амин чухал асуудлыг нь журам руу “чулуудаж” байсан, товчхон хууль гаргах залхуу арга барил авлига, дур зоргыг цэцэглүүлж, амьдралд саад тотгор үүсгэж байгааг цохон тэмдэглэж, ямар нэг баримтлах зарчимгүй, хязгаарлагдах цар хүрээгүй үзэмж, дур зоргоор баталсан журмуудыг цэгцлэх Хууль тогтоомжийн тухай хуульд нэмэлт, өөрчлөлт оруулах тухай хууль энэ оны наймдугаар сарын 01-ний өдрөөс хэрэгжиж эхэлснийг онцолсон юм. Тус хууль батлагдсантай холбогдуулан гаргасан Улсын Их Хурлын тогтоолоор хүчин төгөлдөр үйлчилж байгаа бүх хуулийг энэхүү хуульд нийцүүлэх асуудлыг 2026 оны тавдугаар сарын 01-ний өдрийн дотор Улсын Их Хуралд өргөн мэдүүлэхийг Засгийн газарт даалгаад байгаа юм.Засгийн газраас өргөн мэдүүлээд байгаа Монгол Улсын 2026 оны төсвийн төслийг 1.3 их наяд төгрөгийн алдагдагдалтай боловсруулсан, боловсролын салбарт зарцуулах төсөв өмнөх оныхоос нэмэгдээгүй зэргийг Улсын Их Хурлын дарга Д.Амарбаясгалан шүүмжилж, өвөлжилтийн бэлтгэлийг цаг алдалгүй, чанартай хангах шаардлагатайг анхаарууллаа.
Өнгөрөгч хаврын чуулганаар Монгол Улсын Их Хурлын тухай хуульд нэмэлт, өөрчлөлт оруулж, урьд нь жил бүрийн 10 дугаар сарын 01-ны өдөр эхэлдэг байсан намрын ээлжит чуулганыг есдүгээр сарын 15-ны өдрөөс эхэлж, 75-аас доошгүй ажлын өдөр чуулахаар заасан. Намрын ээлжит чуулганы эхний өдрийн нэгдсэн хуралдаанаар үдээс хойно Монгол Улсын 2026 оны төсвийн хүрээний мэдэгдэл, 2027-2028 оны төсвийн төсөөллийн тухай хуульд өөрчлөлт оруулах тухай болон Монгол Улсын 2026 оны төсвийн тухай, Үндэсний баялгийн сангийн 2026 оны төсвийн тухай, Нийгмийн даатгалын сангийн 2026 оны төсвийн тухай, Эрүүл мэндийн даатгалын сангийн 2026 оны төсвийн тухай хуулийн төслүүдийн нэг дэх хэлэлцүүлгээр үргэлжилнэ хэмээн Улсын Их Хурлын Хэвлэл мэдээллийн газраас мэдээллээ.Тод мэдээ
ABU PRIZES-2025: ABU-гийн 2025 оны "Онцлох телевиз" шагналыг МҮОНРТ хүртлээ
“ABU PRIZES-2025” уралдаанд энэ жил Ази Номхон Далайн орнуудаас нийт 318 бүтээл ирснээс шилдэг бүтээлүүдийг шалгаруулж, шагналыг гардууллаа. ABU-гийн 2025 оны "Онцлох телевиз" шагналыг МҮОНРТ хүртлээ.
МҮОНРТ энэ жил Ази- Hомхон далайн өргөн бүсийн томоохон хоёр ажлыг гардан зохион байгуулсан. Тодоруулбал “ABU” робокон, оюутан залуусын роботын тэмцээнийг сагсан бөмбөгийн төрлөөр амжилттай зохион байгуулсан. Мөн өв соёлоо хадгалах, хамгаалах зорилгыг шингээн, “ABU”-гийн 62 дугаар чуулганыг амжилттай зохион байгуулж байна.
-
Тод мэдээ2021/12/21
ЗГ: Бараа тээврийн өртгийг 75 хувь хэмнэж, экспортын хэмжээг 2 дахин нэмнэ
-
Тод зураг2020/04/01
Гэрийн тусгаарлалтад шилжсэн иргэдэд өдөр бүр 3 удаа хяналт тавьж ажиллана
-
Тод мэдээ2021/07/23
Эрүүл мэндийн сайд С.Энхболд БНСУ-ын К2BIO компанийн төлөөллийг хүлээн авч уулзл...
-
Тод зураг2020/03/05
Улаанбаатарт өдөртөө 4 хэм хүйтэн