Тод мэдээ
Эмэгтэйчүүд цалин хөлсгүй асрахуйн ажилд цаг их зарцуулж байна
2023 оны байдлаар манай улсын нийт хүн амын 51 хувийг эмэгтэйчүүд эзэлж байна.
Эрэгтэйчүүд эмэгтэйчүүдээс 1,6 дахин их цагийг хөлстэй хөдөлмөр эрхлэхэд зарцуулдаг бол эмэгтэйчүүд эрэгтэйчүүдээс 2 дахин их цагийг хөлсгүй хөдөлмөр эрхлэхэд зарцуулдаг гэсэн судалгаа гарчээ.
Эмэгтэйчүүд цалин хөлсгүй асрахуйн ажилд их цаг зарцуулж байгаагаас шалтгаалж эдийн засгийн боломжоос тэгш хүртэж чадахгүй байгаа юм.
Гэр бүл, хөдөлмөр, нийгмийн хамгааллын яам, НҮБ-ын Хөгжлийн хөтөлбөртэй хамтран зохион байгуулсан “Монгол Улсын Асрахуйн эдийн засагт хөрөнгө оруулах нь” хэлэлцүүлгийн үеэр бодлого боловсруулагчид, хувийн хэвшлийн төлөөлөл, хөгжлийн түншүүд асрахуйн үйлчилгээний тогтвортой санхүүжилтийг хэрхэн хангах, эмэгтэйчүүдийн хөлсгүй хөдөлмөр, асрах ажлын ачааллыг бууруулах арга замын талаар санал солилцлоо.
Асрахуйн эдийн засаг нь ядуурлыг бууруулах, нийгэм, эдийн засгийн тэгш бус байдлыг арилгах, зохистой хөдөлмөрийг бүтээх тогтвортой, бүтээмжтэй өсөлттэй шууд холбоотой бодлогын асуудал.
Гэр бүл, хөдөлмөр, нийгмийн хамгааллын яамнаас эмэгтэйчүүдийн хөдөлмөр эрхлэлтийг дэмжих, асрахуйн ажил эрхэлж буй иргэдийн нийгмийн хамгааллыг сайжруулах зорилготой бодлого хөтөлбөрийг хэрэгжүүлж байна.
Тухайлбал:
Хүүхэд харах үйлчилгээний төв байгуулахад санхүүгийн дэмжлэг үзүүлж улсын хэмжээнд 120 төвд 315 хүүхэд асрагч ажиллан нийт 1599 хүүхэд хамрагджээ.
Засгийн газраас 2025 онд хавсарсан, хүнд хэлбэрийн хөгжлийн бэрхшээлтэй хүүхдээ асарч байгаа эцэг, эх, асран хамгаалагчид олгож байгаа асаргааны тэтгэмжийг нэмэгдүүлж сард 445,000 төгрөг болгосон.
Мөн хүнд хэлбэрийн хөгжлийн бэрхшээлтэй хүүхдийг асарч байгаа иргэнд олгох асаргааны тэтгэмжийг 30 хувиар нэмлээ.
Боловсролын үйлчилгээнд хамрагдаж чадахгүй байгаа хүүхдийг хөгжүүлэх дэмжих төвийг байгуулан 1000 орчим хүүхдийг хамруулахаар болж 8,9 тэрбум төгрөгийг улсын төсөвт тусгаж, төвийн ажиллах дүрмийг батлаад байна.
Асаргааны хувилбарт үйлчилгээний нэг төрөл гэрийн үйлчилгээг нэвтрүүлэхээр Ахмад настны тухай хуульд тусгасан. Улсын болон орон нутгийн төсвөөс санхүүждэг 8, хувийн хэвшлийн 4 асрамжийн газарт улсын хэмжээнд нийт 507 асруулагч асруулж байна.
Цаашид эмэгтэйчүүдийн хөдөлмөр эрхлэлтийг дэмжих замаар асаргааны үйлчилгээг мэргэжлийн байгууллагууд хүргэдэг болох талаас илүү судалж байна.
Монгол Улсад Асрахуйн эдийн засагтай холбоотой гарч буй ахиц эмэгтэйчүүдийн хөдөлмөр эрхлэлтийг дэмжих замаар эмэгтэйчүүдийн хөлсгүй хөдөлмөрийг буруулах арга хэмжээ авах, төр, хувийн хэвшлийн уялдааг хангасан хамтын ажиллагаа бий болгоход анхаарна гэж Гэр бүл, хөдөлмөр, нийгмийн хамгааллын яамнаас мэдээллээ.
Тод мэдээ
Гуравдугаар сарын цаг агаарын ерөнхий төлөв
Цаг уурын байгууллагаас гаргасан ирэх гуравдугаар сарын цаг агаарын ерөнхий төлөвлөөр нэгдүгээр арав хоногийн сүүлч, хоёрдугаар арав хоногийн эхэн, гуравдугаар арав хоногийн сүүл үеүдэд ихэнх нутгаар олон жилийн дунджаас 1-3°С-аар хүйтэн, бусад хугацаанд олон жилийн дунджийн орчим дулаан байх төлөвтэй байна.
Нэгдүгээр арав хоногийн сүүлч, гуравдугаар арав хоногийн эхэн болон сүүлээр ихэнх нутгаар хур тунадас орж, салхи шуурга ихтэй байх магадлал ажиглагдаж байгаа тул хол замд гарахдаа богино хугацааны урьдчилсан мэдээг тогтмол авч ашиглахыг зөвлөж байна.
Баруун аймгуудын нутгаар: Энэ сард агаарын дундаж температур Увсын ихэнх, Завханы баруун хойд хэсгээр олон жилийн дунджаас хүйтэн, Говь-Алтай, Баянхонгорын өмнөд хэсгээр олон жилийн дунджаас дулаан, бусад нутгаар дунджийн орчим байна. Хур тунадас Баян–Өлгий, Увсын нутаг, Завхан, Ховдын ихэнх, Говь-Алтайн баруун хойд хэсгээр олон жилийн дунджаас ахиу, бусад нутгаар дунджийн орчим байх төлөвтэй байна. Нэгдүгээр арав хоногийн эхэн болон дунд, хоёрдугаар арав хоногийн дунд, гуравдугаар арав хоногийн эхэн болон сүүл үеүдэд ихэнх нутгаар олон жилийн дунджаас 1-2°С-аар дулаан байна. Нэгдүгээр арав хоногийн сүүл, хоёрдугаар арав хоногийн эхэн, гуравдугаар арав хоногийн эхэн болон сүүлч үеүдэд олон жилийн дунджаас 1-3°С-аар хүйтэн байна. Хур тунадас нэгдүгээр арав хоногийн дунд болон сүүлч, гуравдугаар арав хоногийн эхэн үеээр цас орж, салхи шуургатай байх төлөвтэй байна.
Төвийн аймгуудын нутгаар: Энэ сард агаарын дундаж температур Булган, Сэлэнгэ, Төв аймгийн нутаг, Өвөрхангайн зүүн хэсгээр олон жилийн дунджаас дулаан, бусад нутгаар дунджийн орчим байна. Хур тунадас нийт нутгаар олон жилийн дунджийн орчим байх төлөвтэй байна. Нэгдүгээр арав хоногийн эхэн болон дунд, хоёрдугаар арав хоногийн дунд, гуравдугаар арав хоногийн ихэнх хугацаанд олон жилийн дунджаас 1-2°С-аар дулаан, нэгдүгээр арав хоногийн сүүлч, хоёрдугаар арав хоногийн эхэн болон дунд, гуравдугаар арав хоногийн сүүлч үеүдэд олон жилийн дунджаас 1-3° хүйтэн байх төлөвтэй байна. Нэгдүгээр арав хоногийн эхэн болон дунд, хоёрдугаар арав хоногийн дунд, гуравдугаар арав хоногийн эхэн болон сүүлч үеүдэд ихэнх нутгаар хур тунадас орж, зарим газраар салхи шуургатай байх төлөвтэй байна.
Зүүн аймгуудын нутгаар: Энэ сард агаарын дундаж температур нийт нутгаар олон жилийн дунджаас дулаан, хур тунадас Хэнтийн зүүн, Дорнодын ихэнх, Сүхбаатарын хойд хэсгээр олон жилийн дунджаас бага, бусад нутгаар дунджийн орчим байх төлөвтэй байна. Нэг болон хоёрдугаар арав хоногийн дунд, гуравдугаар арав хоногийн эхэн үеүдэд олон жилийн дунджаас 1-3°С-аар дулаан, хоёрдугаар арав хоногийн эхэн болон сүүл, гуравдугаар арав хоногийн сүүлчээр олон жилийн дунджаас 1-3°С-аар хүйтэн байна. Нэгдүгээр арав дунд болон сүүл, гуравдугаар арав хоногийн эхэн болон сүүл үеүдэд ихэнх нутгаар хур тунадас орж, зарим газраар салхи шуургатай байна.
Говийн аймгуудын нутгаар: Энэ сард агаарын дундаж температур нийт нутгаар олон жилийн дунджаас дулаан, хур тунадас Өмнөговийн зүүн өмнөд, Дорноговийн өмнөд хэсгээр олон жилийн дунджаас ахиу, бусад нутгаар дунджийн орчим байх төлөвтэй байна. Нэгдүгээр арав хоногийн ихэнх хугацаа, хоёрдугаар арав хоногийн дунд, гуравдугаар арав хоногийн эхэн болон дунд үеүдэд ихэнх нутгаар олон жилийн дунджаас 1-3°С-аар дулаан харин хоёрдугаар арав хоногийн эхэн болон сүүл, гуравдугаар арав хоногийн сүүлээр олон жилийн дунджаас 1-3°С-аар хүйтэн байх төлөвтэй байна. Нэгдүгээр арав хоногийн сүүлч, гуравдугаар арав хоногийн эхэн болон сүүлч үеүдэд ихэнх нутгаар хур тунадас орж, зарим газраар салхи шуургатай байна.
Тод мэдээ
Монгол-Оросын хамтарсан 3-р сургуулиас улаанбурханы сэжигтэй тохиолдол илэрчээ
Уг сэжигтэй тохиолдол Монгол-Оросын хамтарсан 3-р сургуульд явдаг өгүүлэмжтэй тул тус сургуулийн багш, сурагч, ажилчид улаанбурханы эсрэг вакцинд болон үзлэгт ХӨСҮТ-ийн Яаралтай тусламжийн тасгийн 1 болон 2 дугаар өрөөнд 08:30- 17:30 цагийн хооронд яаралтай ирж хамрагдана уу гэж ХӨСҮТ-өөс мэдээллээ.
Мөн энэ утсаар 89016199 холбогдож мэдээлэл авах боломжтой аж.
Тод мэдээ
ХСҮТ-д бөөр шилжүүлэн суулгах мэс заслыг нутагшуулна
Хавдар судлалын үндэсний төв нь 2018 оноос элэгний хорт хавдартай өвчтөнд амьд донороос элэг шилжүүлэх мэс засал хийснээр Монгол Улсад эрхтэн шилжүүлэн суулгадаг 2 дахь эмнэлэг болсон бөгөөд эдүгээ 181 удаа элэг амжилттай шилжүүлэн суулгажээ.
Хавдартай өвчтний амь насыг аварч байгаа хэдий ч энэхүү өндөр өртөгтэй мэс заслын үр дүнг улам нэмэгдүүлэх, хагалгааны дараах өвчтөний амьдралын чанарыг баталгаажуулахад тулгамддаг олон асуудлуудын нэг нь тухайн өвчтөнд байгаа хавдрын бус бусад архаг суурь эмгэгүүд, тэр дотроо хүн амын дунд зонхилон тохиолддог шээс бэлгийн тогтолцооны эмгэгүүдийн 55 хувийг эзэлж буй бөөрний архаг дутагдалтай холбоотой юм.
Элэгний хүнд эмгэгийн шалтгаантай элэг бөөрний хамшинжийн төгсгөлийн үе шатанд байгаа өвчтөн элэг шилжүүлэн суулгасны дараа бөөрниий дутагдлын шалтгаанаар эмнэлэг хооронд явах, олон эмч, олон эмнэлгүүдийн хяналтад орох хүндрэл чирэгдэлтэй нүүр тулж байгаа нь мэс заслын үр дүн хангалтгүй байх, хагалгааны дараах хүндрэл гарах эрсдлийг нэмэгдүүлж байна.
Тусламж үйлчилгээний энэхүү нөхцөл байдлын улмаас манай иргэд элэг-бөөр шилжүүлэн суулгах мэс заслыг зэрэг хийлгэх зорилгоор БНСУ болон Энэтхэг улсруу явах нь түгээмэл байгаа хэдий ч энэ нь эдийн засгийн хувьд зардал өндөртэй, өвчтөний аюулгүй байдлыг хангах, эмчилгээний дараах хяналтад хүндрэл учрах зэрэг олон асуудлыг дагуулж, мөн олон хүн эдийн засгийн дарамтаас болж шаардлагатай эмчилгээгээ хийлгэж чадахгүйд хүргэсээр байгаа юм.
Улсын нэгдүгээр төв эмнэлэг /УНТЭ/ 2006 онд анхны бөөр шилжүүлэн суулгах мэс заслыг амжилттай хийснээр Монгол улсад эрхтэн шилжүүлэн суулгах мэс заслын хөгжил сууриа тавьжээ. Эдүгээ тус эмнэлэг 331 удаа бөөр, 234 удаа элэг шилжүүлэн суулгах эмчилгээг амжилттай хийсэн байна. Гэвч улсын хэмжээнд бөөр шилжүүлэн суулгах эмчилгээний хүлээх жагсаалтад 350, элэг шилжүүлэн суулгах хүлээх жагсаалтад 250 гаруй иргэн бүртгэлтэй байгаа бөгөөд цаашид тасралтгүй өсөн нэмэгдэх хандлагатай байна.
ХСҮТ өнөөгийн тоног төхөөрөмж, хүний нөөцийн чадамж дээрээ тулгуурлан, амьд донор болон тархины үхэлтэй донороос элэг-бөөр нэгэн зэрэг шилжүүлэн суулгах мэс заслыг нутагшуулах зорилгоор 2025 оны хоёрдугаар сарын 25-нд УНТЭ-тэй хамтын ажиллагааны санамж бичгийг байгууллаа.
Хамтын ажиллагааны хүрээнд талууд элэгний хавдартай өвчтөнд элэг-бөөр зэрэг шилжүүлэн суулгах мэс заслыг нэвтрүүлэх, мэргэжил арга зүйн хувьд харилцан суралцаж чадавхиа бэхжүүлэхийг зорьж байна гэж Хавдар судлалын үндэсний төвөөс мэдээллээ.
-
Өнөөдөр2024/01/03
Үс шинээр үргээлгэх буюу засуулбал идээ ундаа элбэг олдоно
-
Өнөөдөр2022/09/14
Ерөнхийлөгч У.Хүрэлсүх ШХАБ-ын дээд түвшний уулзалтад оролцохоор эх орноосоо мор...
-
Тод мэдээ2023/04/13
Ц.Хулан Б.Отгонбаатар нарт холбогдох хэргийг хэлэлцэх шүүх хуралдаан товлогдлоо
-
Өнөөдөр2020/02/28
Монгол Улсын Ерөнхийлөгч Х.Баттулга, БНХАУ-ын Дарга Ши Жиньпин нар уулзлаа