Үйл явдал
Улаанбаатарт өдөртөө 13 хэм дулаан
Дохио!!! Цаг агаарын аюултай үзэгдлээс сэрэмжлүүлэх мэдээ: 22-ны өдөр Булган, Төв, Хэнтийн өмнөд, Архангай, Өвөрхангай, Дундговь, Өмнөговь аймгийн нутгаар салхи секундэд 18-20 метр, зарим үед секундэд 24 метрийг давж салхилж, хүчтэй шороон шуурга шуурна.
Малчид, иргэд, тээвэрчдийн анхааралд: 22-нд ихэнх нутгаар, 23-нд нутгийн зүүн хагаст хүчтэй салхи, шороон шуурга шуурч, хуурайшилт нэмэгдэхийг анхааруулж байна.
2025 оны дөрөвдүгээр сарын 22-ны 08 цагаас 20 цаг хүртэл:
Хур тунадас: Нутгийн хойд хэсгээр үүлэрхэг, бусад нутгаар багавтар үүлтэй. Баруун аймгуудын нутгийн зүүн хойд, төвийн аймгуудын нутгийн хойд, зүүн аймгуудын нутгийн баруун хойд хэсгээр бороо, нойтон цас орж, цасан шуурга шуурна. Бусад нутгаар хур тунадас орохгүй.
Салхи: Нутгийн хойд хэсгээр баруун өмнөөс баруун хойш эргэж, бусад нутгаар баруун өмнөөс, секундэд 7-12 метр, нутгийн баруун хагаст секундэд 18-20 метр, зарим үед секундэд 24 метр давж ширүүсэж, шороон шуурга шуурна.
Агаарын температур: Дархадын хотгор, Хөвсгөлийн уулархаг нутаг, Тэс голын хөндийгөөр 1 хэмийн хүйтнээс 4 хэм, Увс нуурын хотгор болон Алтай, Хангай, Хэнтийн уулархаг нутаг, Хүрэнбэлчир орчим, Завхан голын эх, Орхон-Сэлэнгийн сав газар, Идэр, Эг, Үүр, Туул, Тэрэлж голын хөндийгөөр 5-10 хэм, Их нууруудын хотгор, говийн бүс нутгийн өмнөд хэсгээр 18-23 хэм, бусад нутгаар 11-16 хэм дулаан байна.
УЛААНБААТАР ХОТ ОРЧМООР: Үүлэрхэг. Бага зэргийн бороо орно. Салхи баруун өмнөөс баруун хойш эргэж секундэд 6-11 метр, зарим үед секундэд 13-15 хүрч ширүүсэж, шороон шуурга шуурна. Өдөртөө 11-13 хэм дулаан байна.
БАГАНУУР ОРЧМООР: Үүлэрхэг. Хур тунадас орохгүй. Салхи баруун өмнөөс баруун хойш эргэж секундэд 7-12 метр, зарим үед секундэд 14-16 метр хүрч ширүүсэж, шороон шуурга шуурна. Өдөртөө 13-15 хэм дулаан байна.
ТЭРЭЛЖ ОРЧМООР: Үүлшинэ. Хур тунадас орохгүй. Салхи баруун өмнөөс баруун хойш эргэж секундэд 6-11 метр, зарим үед секундэд 13-15 метр хүрч ширүүсэж, шороон шуурга шуурна. Өдөртөө 9-11 хэм дулаан байна.
2025 оны дөрөвдүгээр сарын 23-наас 27-ныг хүртэлх
цаг агаарын урьдчилсан төлөв
Дөрөвдүгээр сарын 23-нд төвийн аймгуудын нутгийн зүүн хэсэг, зүүн аймгуудын нутгийн зарим газраар, 24-нд Увс нуурын хотгор, Алтай, Хөвсгөлийн уулархаг нутгаар, 25-нд баруун аймгуудын ихэнх нутаг, төвийн аймгуудын нутгийн зарим газраар, 26-нд баруун аймгуудын нутгийн өмнөд хэсэг, говь, зүүн аймгуудын нутгийн зарим газраар бороо, нойтон цас, цас орж, зөөлөн цасан шуурга шуурна. Салхи 23-нд нутгийн зүүн хагаст зарим үед секундэд 18-20 метр, 24-нд тал, хээрийн нутгаар, 25-нд баруун болон төвийн аймгуудын нутгийн зарим газраар секундэд 14-16 метр хүрч ширүүсэж, шороон шуурга шуурна. 23, 26-нд нутгийн зүүн хагаст, 25-нд баруун болон төвийн аймгуудын нутгаар сэрүүсэж Монгол-Алтай, Хангай, Хөвсгөл, Хэнтийн уулархаг нутаг, Завхан голын эх, Идэр, Тэс голын хөндийгөөр шөнөдөө 8-13 хэм хүйтэн, өдөртөө 3 хэмийн хүйтнээс 2 хэмийн дулаан, говийн бүс нутгийн өмнөд хэсгээр шөнөдөө 1-6 хэм, өдөртөө 11-16 хэм дулаан, бусад нутгаар шөнөдөө 2-7 хэм хүйтэн, өдөртөө 5-10 хэм дулаан байна. Дөрөвдүгээр сарын 24-нд ихэнх нутгаар, 25-нд нутгийн өмнөд хэсгээр дулаарна.
Үйл явдал
“Эль Хардинеро” хочит картелийн толгойлогчийг шуудуунд нуугдаж байхад нь илрүүлжээ
Мексикийн баруун хэсэгт үйл ажиллагаа явуулдаг хар тамхины томоохон бүлэглэл болох "Jalisco New Generation Cartel"-ийн нэгэн толгойлогчийг эрх баригчид баривчилсан талаар албаны эх сурвалжууд мэдээллээ.
“Эль Хардинеро” хочоороо танигдсан уг этгээдийг эрх баригчид нуугдаж байсан шуудуунаас илрүүлсэн байна. Түүнийг баривчлах ажиллагааг тус улсын аюулгүй байдлын хүчнийхэн явуулсан бөгөөд мөрдөн шалгах ажиллагаа үргэлжилж байгаа аж.
Албаныхны мэдээлснээр, баривчлагдсан этгээд нь тус картелын бүс нутгийн үйл ажиллагааг зохион байгуулж, хар тамхи тээвэрлэх, хамгаалах сүлжээг хариуцдаг байсан байж болзошгүй байна.
"Jalisco New Generation Cartel" нь Мексикийн хамгийн хүчирхэг, аюултай бүлэглэлүүдийн нэгт тооцогддог бөгөөд олон улсын хэмжээнд хар тамхины наймаа, хүчирхийллийн гэмт хэрэгт холбогддог ажээ.
Үйл явдал
Баруун бүс эрчим хүчээр
Баруун бүсийн тулгуур төв Ховд аймагт "Сэргээгдэх эрчим хүч" үзэсгэлэн, хэлэлцүүлэг өчигдөр /2026.04.27/ болж, салбарынхан болон төр засгийн удирдлагууд цугларлаа. УИХ-ын дарга С.Бямбацогт тус арга хэмжээнд оролцохдоо баруун аймгууд өнөөдрийг хүртэл Орос, Хятадаас эрчим хүчний хараат байгааг дурдаад, энэ байдлыг халж, өөрсдөө тог цахилгаанаа хангадаг болох нь улс орны тусгаар тогтнолын амин чухал асуудал гэдгийг онцлов.
Хамгийн сонирхолтой нь, айл өрхүүд одоо зөвхөн тог хэрэглэдэг биш, харин "үйлдвэрлэгч" болох боломж бүрэн нээгджээ. Шинэ журмаар айл өрхүүд 20 кВт хүртэлх хүчин чадалтай нар, салхины үүсгүүр тавиад, илүү гарсан эрчим хүчээ ямар нэгэн хүнд сурталгүйгээр төв сүлжээндээ буцааж зараад мөнгө олох боломжтой болсон байна. Энэ нь өрхийн төсөвт нэмэр болохоос гадна улсын эрчим хүчний ачааллыг хуваалцах том шийдэл юм.
Мөн бүс нутгийн хэмжээнд томоохон бүтээн байгуулалтууд эрчээ авч байгааг дуулгалаа. Тухайлбал, Ховдын Мянгад суманд нарны том станц, аварга батарей хуримтлуурын систем барих ажил эхэлсэн бол Эрдэнэбүрэнгийн усан цахилгаан станц баруун бүсийг найдвартай эрчим хүчээр хангах гол түшиц газар болох нь ээ. Уг арга хэмжээг санаачилсан УИХ-ын гишүүн М.Энхцэцэгийн хэлснээр, энэхүү үзэсгэлэн цувралаар 12 дахь аймагтаа ийнхүү амжилттай болж, 20 орчим аж ахуйн нэгж өөрсдийн технологио танилцуулж байна.
Үйл явдал
ӨНӨӨДӨР: Хөдөлмөрийн аюулгүй байдал, эрүүл ахуйн дэлхийн өдөр
Жил бүрийн дөрөвдүгээр сарын 28-ны өдрийг дэлхий нийтээр Хөдөлмөрийн аюулгүй байдал, эрүүл ахуйн дэлхийн өдөр болгон тэмдэглэдэг. Энэхүү өдрийг ажлын байран дахь осол, гэмтэл, мэргэжлээс шалтгаалах өвчлөлийг бууруулах, урьдчилан сэргийлэхэд олон нийтийн анхаарлыг хандуулах зорилгоор тэмдэглэн өнгөрүүлдэг юм.
Олон улсын хөдөлмөрийн байгууллагаас санаачилсан уг өдөр нь хөдөлмөрийн аюулгүй байдлыг хангах, эрүүл ахуйн стандартыг мөрдүүлэх, ажил олгогч, ажилтнуудын хариуцлагыг нэмэгдүүлэхэд чиглэдэг.
2026 онд уг өдрийг “Хиймэл оюун ба дижитал технологиор хөдөлмөрийн аюулгүй байдлыг сайжруулах нь” сэдвийн дор тэмдэглэж байна. Энэхүү сэдвийн хүрээнд ажлын байранд хиймэл оюун, автоматжуулалт, дижитал шийдлүүдийг нэвтрүүлэх замаар эрсдэлийг урьдчилан илрүүлэх, осол гэмтлийг бууруулах боломжийг онцолж байгаа юм.
Гэвч технологийн дэвшил нь шинэ төрлийн эрсдэлийг дагуулж болзошгүй тул хүний аюулгүй байдал, эрүүл мэндийг нэн тэргүүнд тавих шаардлагатайг олон улсын байгууллагууд анхааруулж байна.
Дэлхийн хэмжээнд жил бүр сая сая хүн ажлын байртай холбоотой осол, өвчлөлд өртдөг бөгөөд үүнээс урьдчилан сэргийлэх нь улс орнуудын нийгэм, эдийн засгийн тогтвортой хөгжилд чухал нөлөөтэйд тооцогддог.
-
Хэн юу хэлэв...2021/07/23
Ерөнхий сайд Л.Оюун-Эрдэнэ Япон Улсын Ерөнхий сайд Ё.Сүгатай албан ёсны уулзалт ...
-
Дэлхий нийтээр..2020/09/08
АШУҮИС-ийн Монгол-Япон эмнэлэг тусламж, үйлчилгээгээ өргөжүүлэн ажиллаж эхэллээ
-
Үйл явдал2025/07/10
Улаанбаатарт өдөртөө 25 хэм дулаан
-
Дэлхий нийтээр..2021/08/27
Монгол Улсын Ерөнхийлөгч У.Хүрэлсүхэд Азийн хөгжлийн банкны төлөөлөгчид бараалха...