Тод мэдээ
ОХУ-аас Монгол Улсад суух Элчин сайд Итгэмжлэх жуух бичгийн хувийг гардуулав
Монгол Улсын Гадаад харилцааны дэд сайд Г.Амартүвшин Оросын Холбооны Улсаас Монгол Улсад суух Онц бөгөөд Бүрэн эрхт Элчин сайд Эрхэмсэг ноён Алексей Николаевич Евсиковыг өнөөдөр хүлээн авч уулзав.
Элчин сайд А.Н.Евсиков Оросын Холбооны Улсаас Монгол Улсад суух Онц бөгөөд Бүрэн эрхт Элчин сайдаар томилогдсон Итгэмжлэх жуух бичгийн хувийг Гадаад харилцааны дэд сайд Г.Амартүвшинд гардуулав.
Дэд сайд Г.Амартүвшин Элчин сайд А.Н.Евсиковт ОХУ-аас Монгол Улсад суух Элчин сайдаар томилогдсонд баяр хүргэж, Монгол, Оросын сайн хөршийн, уламжлалт найрсаг, иж бүрэн стратегийн түншлэлийн харилцааг өргөжүүлэн хөгжүүлэхийн төлөө нягт хамтран ажиллахаа тэмдэглэв.
Орос, Монголын харилцаа, хамтын ажиллагааг өргөжүүлэн хөгжүүлэх нь ОХУ-ын гадаад бодлогын тэргүүлэх чиглэл болохыг Элчин сайд онцолж, Монгол Улсад томилогдон ажиллах болсондоо баяртай байгаагаа илэрхийлэв.
Тод мэдээ
“Сөүлийн найрамдлын фестиваль” олон улсын арга хэмжээ үргэлжилж байна
БНСУ-ын Сөүл хотын захиргаанаас уламжлал болгон жил бүр зохион байгуулдаг “Сөүлийн найрамдлын фестиваль” олон улсын арга хэмжээ энэ сарын 25, 26-ны өдрүүдэд болж байна.
Уг фестивальд “Улаанбаатар театр” ОНӨТҮГ-ын уран бүтээлчид оролцож, Монгол Улсын үндэсний соёл, урлагийг сурталчилж байна.
Мөн Бээжин, Бангкок, Жакарта, Вьентьян, Веллингтон, Хаккайдо, Лима зэрэг 10 хотын 110 гаруй уран бүтээлчид оролцож, өөрсдийн улс, үндэстний соёл, урлагийг сурталчилж байгаа нь онцлог юм.
Ташрамд, Улаанбаатар болон Сөүл хотууд 1995 онд анх найрсаг харилцаа тогтоосон түүхтэй юм. Энэ онд хоёр хотын ах дүүгийн харилцаа тогтоосны 30 жилийн ой энэ жил тохиож байна. Хоёр хот соёл, урлаг, аялал жуулчлал, боловсрол, эрүүл мэнд зэрэг олон салбарт найрсаг харилцаа, хамтын ажиллагааг өргөжүүлж байгаа билээ.
Тод мэдээ
АИ-92 шатахууны үнийг литр тутамд 200 төгрөгөөр нэмжээ
Ерөнхий сайдын дэргэдэх Эдийн засгийн зөвлөхөөс АИ-92 шатахууны үнийг 200 төгрөгөөр нэм гэсэн үүрэг өгч, угаас алдагдалтай байсан шатахуун импоргтлогч компаниуд алгаа ташин хүлээн авсан гэсэн мэдээлэл байна. Энэ нь Засгийн газрыг унагахтай зэрэгцэн хийж буй акц уу, эс бөгөөс цаг үетэй давхардан ийм шалтаг шалтгаан үүсэв үү гэдэг нь тодорхойгүй байна.
Тод мэдээ
Бүгд Найрамдах Австри Улсын Ерөнхийлөгч Монгол Улсад өнөөдөр айлчилна
Монгол Улсын Ерөнхийлөгч Ухнаагийн Хүрэлсүхийн урилгаар Бүгд Найрамдах Австри Улсын Ерөнхийлөгч Александр Ван дер Беллен 2025 оны тавдугаар сарын 25-28-ны өдрүүдэд төрийн айлчлал хийнэ.
Айлчлалын үеэр төрийн тэргүүн нар албан ёсны хэлэлцээ хийж, харилцаа, хамтын ажиллагааг өргөжүүлэх, эдийн засаг, хөрөнгө оруулалт, уур амьсгалын өөрчлөлт, цөлжилттэй тэмцэх зэрэг даян дэлхийн тулгамдсан асуудлуудыг шийдвэрлэхэд хамтын хувь нэмрээ оруулах, тогтвортой хөгжлийн зорилтуудыг хангах зэрэг чиглэлээр ярилцана.
Айлчлалын үеэр Монгол-Австрийн Хамтарсан тунхаглал болон харилцаа, хамтын ажиллагааг нийгмийн хамгаалал, санхүү, ашигт малтмал, шинжлэх ухаан, соёл, урлаг зэрэг салбарт гүнзгийрүүлэхтэй холбоотой баримт бичгүүдэд гарын үсэг зурж, хэвлэл мэдээллийн байгууллагын төлөөлөлд мэдээлэл өгнө.
Монгол Улс, Бүгд Найрамдах Австри Улсын хооронд 1963 оны 07 дугаар сарын 01-ний өдөр дипломат харилцаа тогтоосон. Бүгд Найрамдах Австри Улсын төрийн тэргүүн манай улсад анх удаа айлчилна.
-
Тод индэр2022/02/08
Монгол Улсын Ерөнхий сайд Л.Оюун-Эрдэнэ БНХАУ-ын дарга Ши Жиньпинтэй уулзав
-
Өнөөдөр2022/06/21
Улаанбаатарт өдөртөө 26 хэм дулаан
-
Тод мэдээ2022/07/26
Оюуны өмчийн чиглэлээрх хамтын ажиллагааны баримт бичиг байгуулав
-
Өнөөдөр2025/01/10
Алтай, Хангай, Хөвсгөлийн уулархаг нутгаар цас орно