Тод зураг
Монголын баг шилдэг тамирчдаар бүрджээ
“Аравт” олон улсын морин цэргийн уралдаанд оролцож байгаа ЗХЖШ-ын Сургалтын хэлтсийн Биеийн тамир спортын тасгийн мэргэжилтэн, дэд хурандаа Ч.Мөнхтүшиг дасгалжуулагчтай Монгол Улсын Зэвсэгт хүчний баг Зэвсэгт хүчний 120, 232, 256, 330 дугаар ангийн шилдэг офицер, ахлагчаас бүрджээ.
Олонх нь Зэвсэгт хүчний уралдаан тэмцээний тэргүүн эгнээнд явдаг тамирчид. Тухайлбал, тасгийн дарга, дэслэгч Т.Түмэнцэнд гэхэд Зэвсэгт хүчний аварга шалгаруулах марш тактик, гурван төрөлт, саадын зурвас мэргэн буудагчийн хоёр төрөлт, өвлийн хоёр төрөлт, зуны таван төрөлт, цэрэгжлийн гимнастик гээд олон уралдаан тэмцээнд тогтмол амжилттай оролцож ирсэн спортын мастер. Жүдо бөхийн дэд мастер. Зэвсэгт хүчний уралдаан тэмцээн бүрт манлайлан оролцдог дэслэгч маань Зэвсэгт хүчний 120 дугаар ангийн биеийн тамир, спортын дарга бөгөөд Сэлэнгэ аймгийн Алтанбулаг сумынх. Магадгүй малчин айлд төрж өссөн түүний хувьд эмнэг сургаж, хурдны морь унах нь гар доорх "ажил" нь байх.
Моринд эрэмгий, спортод гарамгай энэ залуу эх орондоо зохион байгуулагдаж байгаа морин цэргийн уралдаанд монгол цэрэг л түрүүлэх ёстой. Түүний төлөө манай баг тамирчид маш их хичээж байгаа, багийн дасгалжуулагч, дэд хурандаа Ч.Мөнхтүшиг өөрийнх нь хүүхэд шигээ хайрлаж, зэмлэж байдагт нь баярлаж явдаг гэлээ. Аав, ээж нь уралдааны хаалтын ёслолыг нь үзэхээр хөдөөнөөс ирэх болсонд баяртай буйгаа ч дуулгалаа.
Тус багийн олон шилдэг тамирчны нэг нь дэслэгч Г.Цэнд-Аюуш (256), дэслэгч Г.Өлзийбаяр (232), ахлагч М.Идэрбат (330) нар юм. Дэслэгч Г.Цэнд-Аюуш мөн л Зэвсэгт хүчний уралдаан тэмцээнүүдэд тогтмол амжилттай оролцож ирсэн сагсан бөмбөг болон гар бөмбөгийн шилдэг довтлогч. Монгол Улсын Зэвсэгт хүчний тэргүүний алба хаагчдаас шигшигдэж, "Аравт"-ын анхны оролцогч болж байгаадаа баяртай байгаа. Хамгийн том зорилт нь багаараа түрүүлэх гэсэн бол дэслэгч морь бугуйлдахдаа сурмаг дэслэгч Г.Өлзийбаяр баг хамт олноо нэг гар шиг цул гэж онцлов.
Тэдний хувьд нь онооноос нь "чангаах" дасгал харьцангуй гайгүй. Зургаадугаар сараас эхэлсэн сургалтын үр дүнг одоо л харах ёстой. Бид монгол хүлгийн эзэд гэдгээ баталж, "Аравт"-д түрүүлэхийн төлөө бүгд хичээж байгаа гэлээ. Харин ахлагч М.Идэрбатын хувьд 2012 онд БХИС-ийн Ахлагчийн сургуулийг дүүргэснээс хойш Зэвсэгт хүчинд алба хааж байна. 2013, 2014, 2017, 2019 оны Зэвсэгт хүчний болон Ерөнхийлөгчийн нэрэмжит марш тактикийн тэмцээнд анги байгууллагаараа амжилттай оролцсон шилдэг ахлагч юм.
Эх сурвалж: ЗХЖШ
Тод зураг
Хүүхдийн паркт амьтны хүрээлэн ажиллаж байна
Хотын соёлыг төлөвшүүлэх хүрээнд амьтны хүрээлэн, музейн хөтөлбөрүүдийг хэрэгжүүлж, нийслэлийн ерөнхий боловсролын сургуулийн сурагчдад амьтдыг таниулах ажлыг зохион байгуулж байна. Ингэснээр хичээлийн явцад судалсан мэдлэгээ бататган, амьтны онцлог шинжийг ялгаж харах боломж бүрдэж байгаа бөгөөд цаашид уг хөтөлбөрийг жил бүр уламжлал болгон зохион байгуулах юм.
Тод зураг
Хаки, Инга нар дэвжээн дээр өрсөлдөв
“Улаанбаатар-2023” Зүүн Азийн залуучуудын наадмын Таеквондогийн тэмцээний сүүлийн өдрийн өрсөлдөөн “Степпе Арена”-д үргэлжлэн явагдаж байна. Энэхүү наадмын бэлгэдэл Хаки, Инга нар таеквондогоор тулалдав.
Тод зураг
Үс шинээр үргээлгэх буюу засуулахад тохиромжгүй
Аргын тооллын 2023 оны зургаадугаар сарын 19. Даваа гараг. Билгийн тооллын XVII жарны “Үзэсгэлэн болгогч” хэмээх усан туулай жилийн Зуны дунд шар морь сарын шинийн нэгэн. Сумъяа гараг. Хэрцгий охин одтой, найман цагаан мэнгэтэй шар бич өдөр.
Өдрийн наран 4 цаг 53 минутад мандан, 20 цаг 54 минутад жаргана. Тухайн өдөр хулгана, луу жилтнээ аливаа үйлийг хийхэд эерэг сайн. Эл өдөр эм, эмнэлгийн элдэв үйл, хагалгаа хийлгэх, биеийн тамирыг сэргээх, сан тавиулах, угаал үйлдэх, бүжиг наадам хийх, цэцэрлэг байгуулах, хур оруулах, дархны үйлд сайн. Хувцас эсгэх, шинэ хувцас өмсөх, зөвлөгөө хийх, сэтгэлд сэвтэй газар очиход муу.
Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод зүүн зүгт мөрөө гаргавал зохистой. Үс шинээр үргээлгэх буюу засуулахад тохиромжгүй бөгөөд Нас ахар болно хэмээжээ.
Сэтгэгдэл