Бидэнтэй нэгдэх

Тод мэдээ

Сургууль, цэцэрлэгийн орчинд халдвар хамгааллын дэглэмийг сайжруулж, хяналтаа чангатгахыг үүрэг болголоо

Огноо:

,

Сэтгүүлч:

Улсын онцгой комиссын өргөтгөсөн хуралдаан 2021 оны 02 дугаар сарын 25-ны өдөр боллоо. Хуралдаанаар “Нэг хаалга-Нэг шинжилгээ”-ний хүрээнд хийсэн ажил болон бусад асуудлыг хэлэлцлээ.

Мөн бүх шатны боловсролын байгууллагын танхимын хичээл, сургалтыг үе шаттай эхлүүлэх бэлтгэл ажлын хүрээнд аймгуудын Засаг дарга нарын мэдээллийг сонслоо. Монгол Улсын Шадар сайд, Улсын онцгой комиссын дарга С.Амарсайхан сургууль, цэцэрлэгийн орчинд халдвар хамгааллын дэглэмийг сайжруулж, “Үдийн цай”-ны чанарт онцгой анхаарахыг Засаг дарга нарт үүрэг болгов.

Хот хоорондын зорчих хөдөлгөөнийг 03 дугаар сарын 01-ний өдрөөс нээх болсонтой холбогдуулан бэлтгэлээ бүрэн хангах, хөдөлгөөнд тавих хяналтаа сайжруулах, халдвар хамгааллын дэглэмийг чанд сахиулах, шаардлагатай бусад арга хэмжээг тухай бүр нь шуурхай авч байхыг даалгав.

Дэлгэрэнгүй унших
сурталчилгаа

Сэтгэгдэл

Тод мэдээ

Хөгжлийн банк 500 сая ам.долларын “Ди Би Эм 2023” бондоос 99.7 сая ам.долларыг эргүүлэн худалдаж авлаа

Огноо:

,

Монгол Улсын Хөгжлийн банк 2018 онд нийт 500.0 сая ам.долларын дүнтэй, 7.25%-ийн хүүтэй “Евро” бонд буюу “Ди Би Эм 2023”  бондыг Засгийн газрын баталгаагүй бие даан олон улсын зах зээлд гаргасан. Тус бонд нь Сингапурын Хөрөнгийн биржэд бүртгэлтэй бөгөөд олон улсын зах зээлд нээлттэй арилжаалагддаг бонд юм.

Хөгжлийн банканд зохистой өрийн удирдлагыг хэрэгжүүлэх зорилгоор Төлөөлөн удирдах зөвлөлөөс 2022 оны 52 дугаар тогтоол, 2023 оны 3 дугаар тогтоолын дагуу  “Ди Би Эм 2023”  бондоос худалдан авч тухай бүр хэсэгчлэн хүчингүй болгох шийдвэр гаргасан билээ. Дээрх шийдвэрийн хүрээнд банк нь 2022 оны 10 дугаар сараас хойш тус бондыг хэсэгчлэн буцаан худалдан авах ажлыг хэрэгжүүлж байна. Энэ хугацаанд банк нийт 99.7 сая ам.долларын нэрлэсэн дүнтэй бондыг хүчингүй болгосон. Ингэснээр “Ди Би Эм 2023” бондын үлдэгдэл 500 сая ам.доллароос эргэн төлөх дүн буурч 400.2 сая ам.доллар боллоо.

Хөгжлийн банк нь 100.0 ам.доллар нэрлэсэн үнэтэй “Ди Би Эм 2023” бондыг хугацаанаас нь өмнө 92.4 ам.долларын жигнэсэн дундаж үнэ дээр худалдан авснаар одоогийн эзэмшиж байгаа багцын хүрээнд нийт  13.8 сая ам.доллар хэмнэж байна. Тодруулбал, “Ди Би Эм 2023” бондын эргэн төлөлтийг хийх хугацаа буюу 2023 оны 10 дугаар сарын 23-ны өдөр хүртэл  үндсэн дүнгээс 7.54 сая ам.доллар, хүүгийн зардлаас 6.34 сая ам.доллар хэмнэсэн үзүүлэлттэй байна.

Биржийн бус зах зээлд 75.0 сая ам.доллартай тэнцэх төгрөгийн эх үүсвэрийг татан төвлөрүүлэв

Мөн Хөгжлийн банк нь Төлөөлөн удирдах зөвлөлийн 2023 оны 4 дүгээр сарын 24-ний өдрийн 22 дугаар тогтоолын дагуу биржийн бус зах зээлд хаалттай бонд гаргах замаар гадны хөрөнгө оруулагчдаас 75.0 сая ам.доллартай тэнцэх төгрөгийн эх үүсвэрийг амжилттай татан төвлөрүүллээ. Тодруулбал, 2023 оны 5 дугаар сарын 12-ны өдөр Их Британи Умард Ирландын Нэгдсэн Вант улсын Лондон хотод бүртгэлтэй Мопане Секьюритистэй ХХК-тай гэрээ байгуулан,  дээрх эх үүсвэрийг амжилттай татан төвлөрүүлсэн болно.

Гадаад  валютын  ханшийн  эрсдэлгүй буюу  төгрөгийн  үнэт  цаас  арилжаалах  замаар  хөрөнгө  оруулалт  татсан нь  Хөгжлийн банкны эх үүсвэрийг  төрөлжүүлэх,  гадаад  валютын  ханшийн  эрсдэлээс хамгаалах боломжийг бүрдүүлсэн юм.

Эх сурвалж: Монгол Улсын Хөгжлийн Банк

Дэлгэрэнгүй унших

Тод мэдээ

Нийгмийн даатгалын асуудлаар Япон Улсын туршлагыг судлах уулзалт зохион байгууллаа

Огноо:

,

Монгол Улсын Засгийн газраас өргөн мэдүүлсэн Нийгмийн даатгалын багц хуулийн төслийг Улсын Их Хурлаар хэлэлцэж буйтай холбогдуулан Нийгмийн бодлогын байнгын хорооноос 2023 оны тавдугаар сарын 29-ний өдөр Япон Улсаас туршлага судлах уулзалт зохион байгууллаа.

Уулзалтад Улсын Их Хурлын Нийгмийн бодлогын байнгын хорооны дарга П.Анужин, Улсын Их Хурлын гишүүн С.Ганбаатар, Б.Жаргалмаа, Япон Улсаас Монгол Улсад суугаа Онц бөгөөд Бүрэн эрхт Элчин сайд Кобаяши Хироюки, “ЖАЙКА”-ийн Монгол дахь төлөөлөгчийн газрын дарга Танака Шиничи болон холбогдох албаны хүмүүс оролцов.

Нийгмийн даатгалын тухай хуулийг 1994 онд баталснаас хойш 28 жилийн хугацаанд 30 гаруй удаа нэмэлт, өөрчлөлт оруулсан ч нийгэм, эдийн засгийн харилцаа, хүн амын насжилт өөрчлөгдөхийн хэрээр нийгмийн даатгалын хамрах хүрээг өргөтгөх, даатгалын шимтгэлийн бодит хуримтлалыг бий болгох, тэтгэврийг шударга тогтоох, инфляцтай уялдуулан тэтгэврийг нэмэгдүүлэх, даатгуулагчийн эрх ашгийг хамгаалж нийгмийн даатгалын сангийн санхүүгийн чадавхыг сайжруулах, нийгмийн даатгалын үйлчилгээг түргэн шуурхай ил тод болгож цахимжуулах зэрэг арга хэмжээг хуульчлах асуудлууд тулгарч байгаа тул энэхүү хуульд шинэчлэл хийхээр төслийг Засгийн газраас боловсруулсан гэдгийг Байнгын хорооны дарга П.Анужин уулзалтын эхэнд тодотголоо.

Элчин сайд Кобаяши Хироюки 1990-ээд оны эхэн үед Монгол Улс чөлөөт ардчилсан зах зээлийн эдийн засагт шилжсэн явдал нь өнөөгийн хөгжилд ихээхэн түлхэц болсон хэмээгээд, социализмын үеэс ялгаатай нь иргэн тус бүрийн өөрийн хүчин чармайлт нь амьдралын үндэс тулгуур болох бөгөөд нөгөөтэйгүүр өвчин эмгэг, ажилгүйдэл, өндөр насжилт зэрэг амьдралд тохиолдох төрөл бүрийн бэрхшээлээс ард иргэдийг хамгаалж, эмнэлгийн болон сувилахуйн тусламж үйлчилгээг эдлэхүйц тогтвортой нийгмийн хамгааллын тогтолцоог бэхжүүлэх нь нэн чухал гэдгийг онцолж байсан юм.

Япон Улсын нийт хүн амын 28.9 хувийг 65-аас дээш насныхан эзэлдэг бөгөөд дэлхийд хамгийн өндөр насжилттай улс юм. Урт наслалтын хувь нь сайн үзүүлэлт хэдий ч дараах асуудлуудыг дагуулж байгаа аж. Эдийн засгийн өсөлтийн чухал хүчин зүйл болох ажиллах хүчний тоо буурчээ. Түүнчлэн нэг ахмад настанд ногдох хөдөлмөрийн насны хүний тоо 1960 онд 11.2 хүн байсан бол 1990 онд 7.4 хүн, 2014 онд 2.4 хүн болж буурч, нэг хүнд ногдох нийгмийн хамгааллын зардлын ачаалал нэмэгдэж байгаа нь асуудал үүсгэж байгаа аж.

Уулзалтын үеэр “ЖАЙКА” олон улсын байгууллагын Нийгмийн хамгааллын ахлах зөвлөх Шинтаро Накамура “Японы нийгмийн хамгааллын тойм, Японы нийгэмд гарч буй өөрчлөлт, нийгмийн хамгаалалд үзүүлэх нөлөөлөл, Японы нийгмийн хамгаалал нь өөрчлөлтөд хэрхэн уялдах талаар тайлах нь, Ирээдүйд өндөр насжилтын асуудалтай тулгарах улс орнууд японы жишээнээс хэрхэн санаа авах нь зэрэг сэдвүүдийн хүрээнд “Нийгэм-Эдийн засгийн өөрчлөлт ба нийгмийн даатгал: Японы туршлагаас суралцахуй” илтгэл тавьж, хэлэлцүүлсэн юм хэмээн Улсын Их Хурлын Хэвлэл мэдээлэл, олон нийттэй харилцах хэлтсээс мэдээлэв.

Дэлгэрэнгүй унших

Тод мэдээ

“Онцгой хүүхдүүд” өдөрлөгт 1000 гаруй хүүхэд, багачууд оролцлоо

Огноо:

,

Нийслэлийн Онцгой байдлын газраас олон улсын хүүхдийн эрхийг хамгаалах өдрийг угтан Үндэсний соёл амралтын хүрээлэнтэй хамтран ”Онцгой хүүхдүүд” өдөрлөгийг хоёр дахь жилдээ зохион байгууллаа.

Арга хэмжээний нээлтэд ОБЕГ-ын тэргүүн дэд бөгөөд штабын дарга, бригадын генерал Ж.Чүлтэмсүрэн оролцож, хүүхэд багачуудад мэндчилгээ дэвшүүлсэн юм. 

Өдөрлөгт тус газрын алба хаагчдын 1000 гаруй хүүхэд, багачууд оролцож, насны ангиллаар дуу, бүжиг, зураг зурах болон асуулт хариултын аха, тэмцээнээр өрсөлдөж нэгэн өдрийг хамтдаа хөгжилтэй өнгөрүүллээ.

Энэ үеэр мөн циркийн үзүүлбэр, урлагийн үзүүлбэр үзүүлж, амьд хөгжмийн Хангарди хамтлаг ая дуугаа өргөн, өдөрлөгт оролцсон хүүхэд, багачууд хөнгөлөлттэй үнээр тоглоомуудаар үйлчлүүлэхийн зэрэгцээ Аврах ангийн усчин аврагчид нууранд завиар аялууллаа. 

Эх сурвалж: ОБЕГ

Дэлгэрэнгүй унших
сурталчилгаа
Тод мэдээ15 цаг 55 минут

Хөгжлийн банк 500 сая ам.долларын “Ди Би Эм 2023” бондоо...

Тод мэдээ16 цаг 4 минут

Нийгмийн даатгалын асуудлаар Япон Улсын туршлагыг судлах уулзалт зох...

Тод мэдээ16 цаг 14 минут

“Онцгой хүүхдүүд” өдөрлөгт 1000 гаруй хүүхэд, багачууд о...

Тод мэдээ16 цаг 18 минут

Дэлхийн шилдэг 50 сургуульд суралцуулах 2 дахь шатны сонгон шалгаруу...

Тод мэдээ16 цаг 52 минут

БНКирУ-ын Гадаад хэргийн сайд Ж.Кулубаев Монгол Улсад албан ёсны айл...

Өнөөдөр17 цаг 19 минут

Өнөөдөр Говь-Алтай, Баянхонгор, Өмнөговийн нутгаар салхи, шороон шуу...

Тод мэдээ17 цаг 29 минут

УИХ: Чуулганы нэгдсэн хуралдаан болно

Тод мэдээ17 цаг 35 минут

УИХ: Намын бүлэг, ажлын хэсгүүд өнөөдөр хуралдана

Өнөөдөр17 цаг 39 минут

УБЦТС: Өнөөдөр хийгдэх засварын хуваарь

Өнөөдөр17 цаг 48 минут

Үс шинээр үргээлгэх буюу засуубал эрч, хүч ихсэнэ

Өнөөдөр2023/05/29

Г.Одонцэцэг: Харшлын өвчин цусанд хор үүсгээд байгаа учраас цус, цөс...

Тод мэдээ2023/05/29

Завхан аймагт газар хөдлөлт боллоо

Тод мэдээ2023/05/29

Нийт 65 компанийн хувьцаа арилжаалжээ

Тод мэдээ2023/05/29

“Хасбанк” ХХК-ийн анхдагч зах зээлийн арилжаа өнөөдөр эх...

Тод индэр2023/05/29

Ерөнхий сайд Л.Оюун-Эрдэнэ соёл урлагийн салбарынхантай уулзаж байна...

Чөлөөт бүс2023/05/29

Мобайл банк үйлчилгээний аюулгүй байдлын зөвлөмж

Тод мэдээ2023/05/29

“Уусан бол бүү жолоод” шөнийн хяналт шалгалтыг 7 хоног б...

Тод мэдээ2023/05/29

"Төгсөлт" тусгай арга хэмжээ зохион байгуулагдаж байна

Өнөөдөр2023/05/29

УБЦТС: Өнөөдөр хийгдэх засварын хуваарь

Өнөөдөр2023/05/29

Улаанбаатарт өдөтөө 24 хэм дулаан

Өнөөдөр2023/05/29

Үс шинээр үргээлгэх буюу засуулахад тохиромжгүй

Тод мэдээ2023/05/26

Онцгой байдлын ажиллагааны удирдлагын төв, сургуулийн бодлого, төлөв...

Тод индэр2023/05/26

Саудын Арабын хаант улсын Гадаад хэргийн сайд ханхүү Файсал бин Фарх...

Тод мэдээ2023/05/26

“Нүүдлийн соёлын боловсрол” хөтөлбөрийн нээлт болно

Тод мэдээ2023/05/26

“Капитал” банканд бүртгэлтэй үл хөдлөх хөрөнгөнөөс сонго...

Тод мэдээ2023/05/26

“Барилга байгууламжийн чанарын улсын зөвлөгөөн-2023” бол...

Тод мэдээ2023/05/26

Сайд А.Бямбацогт элчин сайд Алексей Николаевич Евсивковтай уулзаж, с...

Чөлөөт бүс2023/05/26

ЦАГ АГААР: Улаанбаатарт өдөртөө 15 хэм дулаан

Өнөөдөр2023/05/26

Үс шинээр үргээлгэх буюу засуулахад тохиромжгүй

Тод мэдээ2023/05/25

Ирэх долоодугаар сараас эхлэн орон нутгийн 9 чиглэлд нислэг үйлдэнэ

Санал болгох