Бидэнтэй нэгдэх

Тод мэдээ

Баян-Өлгийн аймгийн Булган сум 5-50см цастай, өвөлжилт хүндэрч болзошгүй байна

Огноо:

,

Сэтгүүлч:

Баян-Өлгий аймгийн Цэнгэл, Улаанхус, Булган, Дэлүүн, Буянт, Алтай, Ногооннуур суманд ХХААХҮ-ийн Дэд сайдаар ахлуулсан Мал аж ахуйн салбарын өвөлжилтийн байдалтай газар дээр нь танилцах ажлын хэсэг ажиллалаа.

ХХААХҮ-ийн Дэд сайд Ж.Сауле тус аймгийн Онцгой комиссыг хуралдуулж, Төрөөс малчдын талаар баримтлах бодлогыг танилцуулж, өвөлжилтийн нөхцөл байдалтай газар дээр нь танилцаж үүрэг чиглэл өгсөн юм.

Баян-Өлгийн аймгийн Цэнгэл, Буянт сум аюулгүйн нөөцийн өвсөө задлаагүй байна

Баян-Өлгийн аймгийн Цэнгэл сум 2019 оны мал тооллогоор 312602 толгой мал тоолуулж, 8301 толгой мал нэмэгджээ. Тус сумын малчид  7800 тн өвс, 3100 тн гар тэжээл, 1650 тн давс, хужир,  сумын аюулгүй нөөцөд 49,8 тн өвс, 11,8 тн тэжээл нөөцөлсөн. Сумын аюулгүй нөөцөд байгаа өвс тэжээлийг задлаагүй байна. Малчид бэлтгэсэн өвс, тэжээлийн 30%-ийг ашиглажээ. Өнгөрсөн жилийн 1-р сард цаасны зузаан 10-80см малын хорогдол гарч байсан бол энэ жил 10 см цаастай өвөлжилтийн байдал одоогоор хэвийн байна.

Буянт сумын Хөх-Эрэг, Хөлцөөт, Өмнөгол, Шар тохой гэсэн 4 багийн нийт 754 өрх, 2862 хүн амтай. 2019-2020 онд Буянт суманд 389 малчин өрхийн тэмээ 204, адуу 4993, үхэр 9452, хонь 79878, ямаа 37371 толгой буюу нийт 131898 толгой мал өвөлжиж, хаваржихаар  байна.

Хадлангийн талбайг 6 сарын 10-аас эхлэн малын хөлөөс чөлөөлж, талбайг өтөг бууцаар бордох, услах, зарим хадлангийн талбайг хашиж хамгаалах, шуудуу татах, шинээр хадлангийн талбай бий болгох, уулын хадлан бэлтгэх замаар сумын хэмжээнд одоогоор 1813 тн байгалийн хадлан өвс, 235тн гар тэжээл бэлтгэж авсан байна. Сумын мал хамгаалах санд 7,3 сая төгрөгийн хөрөнгөтэй бөгөөд 2019 оны 10 сард Ховд аймгийн Буянт сумаас 992 боодол ногоон өвс худалдан авч тэжээлийн фондод нөөцлөөд байна. 2019 онд хэрэглээд үлдсэн 310 боодол шар өвс байгаа бөгөөд одоогоор 26тн өвс тэжээл бэлтгэжээ.

 
 
 
 
 
 

Баян-Өлгий аймгийн Улаанхус, Дэлүүн, Булган, Алтай суманд өвөлжилт  хүндэрч болзошгүй байна

2019 оны эцсээр Баян-Өлгийн аймгийн Улаанхус сум нийт 220760, Булган сум 130216 толгой мал тус тус тоологдсон. Улаанхус сумын нийт тоологдсон малын 41 хувь буюу 86674   хээлтэгч мал, 1% буюу 2231 хээлтүүлэгч мал эзэлж байна. Булган суманд ингэ 198, үнээ 5472, хонь 12818, ямаа 36395, адуу 2362 нийт 57245 хээлтэгч байна. Харин Дэлүүн сум  өнгөрсөн оны жилийн эцсийн байдлаар 1653 өрх, 7744 хүн ам, 228875 толгой мал тоолуулсан. 

Баян-Өлгий аймгийн Булган сум Ховд аймгийн Мөнххайрхан суманд  239 өрхийн 29600 толгой мал, Дуут суманд 115 өрхийн 9619 толгой мал, Хөх сэрх Дунд голын тусгай хамгаалалтын газарт 277 өрхийн 22700 толгой мал, Дэлүүн суманд 36 өрхийн 3900 толгой мал, бүгд 667 өрхийн 65819 толгой мал оторлон өвөлжиж байна. Өөрийн нутагт 64397 толгой мал өвөлжиж байна. Тус сум хойд хэсгээрээ 25-50см, зүүн хэсгээрээ 35-45см, баруун хэсгээрээ 15-50см, урд хэсгээрээ 25-35 см цастай нутгийн 80 хувь нь цасан бүрхүүлтэй байна.

Харин Дэлүүн сумаас хөрш зэргэлдээ Ховд аймгийн Дуут сум, Хөх сэрхийн ДЦГазарт нийтдээ 2 багийн найман суурийн 10000  гаруй мал оторлож байна. Оторт нийтдээ давхардсан тоогоор 36 малчин явж байгаа. Тус сумын уулархаг нутгаар 10-15 см, тал газраар 0-5 см цастай байна. Он гарснаас хойш Хөх сэрхийн дархан цаазат газар болон  7,8 дугаар багуудын нутгаар бага зэргийн цас нэмж орсон. Цаг агаарын байдал цаашид энэ чигээрээ үргэлжлэвэл 5,6,7,8 дугаар багуудын газар нутгийн бэлчээрийн гарц тааруу байсан учир мал төллөх үеэр хаваржилт хүндэрч болзошгүй байна.

Улаанхус сум нийт малчдын төвшинд 3720 тн өвс, 327,5 тн гар тэжээл бэлтгэж төлөвлөгөөг 100 хувиар биелүүлсэн. Сумын нөөцөд 30 тн өвс, 15 тн тэжээл бэлтгэж төлөвлөгөөг 56,3 хувиар биелүүлсэн. Одоогийн байдлаар малчид өөрсдийн бэлтгэсэн өвс, гар тэжээлийг нь хэрэглэж, сумын нөөцийн өвс, тэжээлийн нөөцийг одоогоор задлаагүй байна.

Булган сумын нөөцөд 26 тн өвс, бэлтгэсний 10 тн нь 500 боодол пресслэсэн өвс, улсын нөөцийн фонтод хадгалж байна. 16 тн  байгалийн хадлангаас бэлтгэсэн өвс багуудын нөөцөд бэлэн байна. Сумын аюулгүйн нөөцийн фонтод аймгийн мал хамгаалах сангаас 60 тн боодол өвс, сумын улсын нөөцийн фонтод өнгөрсөн жилийн үлдэгдэл болон энэ жил шинээр нэмж татсан тэжээлийн зохих нөөц байна. Аймгаас өгөгдсөн хадлангийн төлөвлөгөө-  3900 тн   байсныг 4100 тн өвс бэлтгэж, 200 тн-оор давуулан биелүүлсэн бол гар тэжээлийн төлөвлөгөө-350 тн-ыг 380 тн гар тэжээл бэлтгэж, гар тэжээлийн төлөвлөгөөг 30 тн-оор тус тус давуулан биелүүлжээ.

Харин Дэлүүн сумын малчид өөрийн хүч хөрөнгөөр 2018 онд 10 га талбайд тордолт хийж, хашиж хамгаалалт хийх замаар өвс, тэжээл бэлтгэх ажлыг жил бүр нэмэгдүүлжээ.  2019 онд сумын хэмжээнд 3178,8 тн өвс, 922 тн гар тэжээл, Сумын аюулгүй нөөцөд 30тн өвс бэлтгэж нөөцөлжээ.

Алтай суманд малчин өрх 726, мал бүхий өрх 184, нийт өвөлжих малын тоо 154,714 байна. Бэлчээрийн хүрэлцээ хангамж нийт бэлчээрийн 268211 га талбайтай өвөл, хаврын бэлчээрийн дундаж ургац 3.2 ц/га нийт малын 65 хувьд хүрэлцээтэй байна.

Малчдын хэрэгцээнд бэлтгэх  байгалийн хадланг 1020 иргэний 1600 га талбайг координатаар баталгаажуулан гэрээгээр ашиглаж 5500 тн байгалийн хадлан, гар тэжээл 1350 тн, хужир шүү 650 тн,  нийт малд шаардагдах тэжээл 100 хувь бэлтгэжээ. Энэ жил өөрийн нутагтаа отор хийх  боломж гарч сум дотроо 1 дүгээр баг Хар нуур, Цалгар, Чихэртэй, 3 дугаар баг Жалангаш, Даваат, 5 дугаар баг Боомын ам, Тошин, Гурван булаг газруудад  40 өрхийн 3000 бод, 20650 бог, 3 дугаар баг болох Чихэртэй, жаланаш, Даваат чиглэлд 25 өрх 2795 бод, 11250 бог, 1 дүгээр багийн нутаг Хар нуур, Цалгар, Чихэртэй чиглэлд 30 өрхийн 2500 бод, 11800 бог мал тус тус отор нүүдэл хийж байна.

Мөн сумын өвс тэжээлийн аюулгүй нөөц бүрдүүлэх зорилгоор хавар Ченжүүдээс 20 тн пресс, 5 тн ногоон өвсийг сумын малчдаас бэлтгэн тэжээлийн нөөц бүрдүүлэн ажилласан.

Одоогийн байдлаар сумын нийт нутгийн 80 орчим хувь нь цасан бүрхүүлтэй. Уулархаг газар 8-10 см зузаан цастай, хунгарласан газарт 40-50 см,  нам доор газар 2-5 см цасан бүрхүүл тогтсон. Цаашид цас нэмэгдэж орсон нөхцөлд сумынхаа нийт газар нутагт өвөлжилт хүндэрэх төлөвтэй байна.

ХХААХҮ-ийн Дэд сайд Ж.Сауле Баян-Өлгий аймгийн Алтай сумын малчин М.Донайн хотонд зочилж, өвөлжилтийн нөхцөл байдалтай танилцаж, малчны санал хүсэлтийг сонссон юм.

Баян-Өлгий аймгийн Булган сумаас мал төллөлтийн үед эх малыг 10-20 хоног нэмэлт тэжээлд оруулахад шаардагдах 130-150 тн хүчит тэжээлийг хөнгөлөлттэй үнээр борлуулах, Их хуурайн салааг гүний  худагтай болгох,  сумын ХАА-н тасгийн мэргэжилтнүүдийг компьютер болон бусад тавилга, тоног төхөөрөмжөөр хангахад туслах, суманд жил бүр өвсний нөөц бүрдүүлэхэд шаардлагатай дунд оворын иж бүрэн, тоноглолтой трактортай болох санал гаргасан юм. Харин Дэлүүн сум хавар төллөх малд нэмэгдэл тэжээлийн хэрэгцээг байгааг ажлын хэсгийнхэнд уламжилсан бол Улаанхус сумын онцгой комиссоос Хүрэн хайрхан уулын орчмын айлуудыг худагтай болгох асуудлыг шийдвэрлэж өгөхийг  хүссэн юм.

Дэлгэрэнгүй унших
сурталчилгаа
Монгол Улсын Ерөнхийлөгчийн 2021 оны сонгуулийн санал хураалт дуусах хүртэл сайтын сэтгэгдэл бичих талбарыг түр хаасан тул хүлцэл өчье. TODOTGOL.MN сайтын редакц

Тод мэдээ

"Эмзэг цэг" арга хэмжээг өдөр бүр зохион байгуулж байна

Огноо:

,

Архидан согтуурахтай тэмцэх тухай хуулийн хэрэгжилтийг хангах "Эмзэг цэг" арга хэмжээг өдөр бүр зохион байгуулж байна.

Архи, согтууруулах ундаагаар үйлчилдэг, худалдан борлуулдаг аж ахуйн нэгжүүд нийтээр дагаж мөрдөх тогтоол, шийдвэрийг зөрчиж, иргэдийн амь нас, аюулгүй байдлыг тооцолгүй зөвхөн бизнесийн эрх ашгийн үүднээс цагийн хязгаар хэтрүүлэх, 21 насанд хүрээгүй хүнд архи, согтууруулах ундаагаар үйлчлэх, шөнийн цагаар гар дээрээс архи худалдан борлуулах зэрэг зөрчил бүртгэгдэж байна.

Тухайлбал, 2021 оны 12 дугаар сарын 01-ний өдрөөс 02-ны өдрийн хооронд дараах байгууллага, аж ахуйн нэгжүүд зөрчил гаргасныг эрх бүхий албан тушаалтанд шийдвэрлүүлэхээр хүлээлгэн өгчээ.

-Баянгол дүүрэг 19-р хороо Секрэйт караоке НЗД-ын захирамж зөрчиж, цаг хэтрүүлэн шөнийн цагаар ажилласан

-Баянгол дүүрэг 14-р хороо иргэн Б.Төгөлдөр гар дээрээс архи худалдан борлуулсан

-Баянгол дүүрэг 22-р хороо Гэгээ зочид буудлын гадна З.Хосбаяр гар дээрээс архи худалдан боруулсан

-Чингэлтэй дүүрэг 3-р хороо "S" караоке НЗД-ын захирамж зөрчиж, цаг хэтрүүлэн шөнийн цагаар ажилласан

-Чингэлтэй дүүрэг 4-р хороо “Мелоди” кароаке нь НЗД-ын захирамж зөрчиж, цаг хэтрүүлэн шөнийн цагаар ажилласан

-Чингэлтэй 5-р хороо “Yumi” кароаке насанд хүрээгүй иргэнд архи согтууруулах ундаагаар үйлчилсэн

-Чингэлтэй 9-р хороо Баян зочид буудлын урд зохих гар дээрээс архи, согтууруулах ундааны зүйл худалдан борлуулсан

-Чингэлтэй 5-р хороо “VIP” короаке НЗД-ын захирамж зөрчиж, цаг хэтрүүлэн шөнийн цагаар ажилласан

-Чингэлтэй 5-р хороо “Эксотик” баар НЗД-ын захирамж зөрчиж, цаг хэтрүүлэн шөнийн цагаар ажилласан

Монгол Улсын хууль тогтоомж, Нийслэлийн Засаг даргын захирамж, УОК, НОК-ын шийдвэр, иргэд, олон нийт, тэдний гэр бүлийн гишүүд, үр хүүхдийнхэн эрүүл аюулгүй байдлыг хангах нь байгууллага, аж ахуйн нэгж, иргэн бүрийн үүрэг, архи согтууруулах ундааны зүй зохисгүй хэрэглээтэй холбоотой өдөр бүр гэр бүлийн хүчирхийлэл, хүүхдийн зовлон шаналал бүртгэгдсээр байгааг харгалзан архи, согтууруулах ундаагаар үйлчилгээ эрхэлдэг бизнес эрхлэгч та хүүхдийнхээ ирээдүйд санаа тавьдаг шигээ бусдад мөн санаа тавьж, хууль тогтоомжийг хэрэгжүүлж ажиллахыг уриалж байна.

Эх сурвалж: НЦУГ


Дэлгэрэнгүй унших

Тод мэдээ

Улсын Их Хурлын хүндэтгэлийн хуралдаан Хархорин суманд болно

Огноо:

,

Монгол Улс үндэсний эрх чөлөө, тусгаар тогтнолоо сэргээн мандуулсны 110 жилийн ой энэ онд тохиож байна. 1911 оны Үндэсний эрх чөлөөний хувьсгал нь Монголын ард түмний түүхийн онцгой хуудас, хойч үе нь бахархан дурсах түүхт үйл явдал билээ.

Хоёр зуу гаруй жил үргэлжилсэн Манж Чин гүрний ноёрхлыг 1911 оны арван хоёрдугаар сарын 29-нд эцэс болгон, монголчууд Богд хаант Монгол Улсаа байгуулсан. Энэхүү түүхэн ойд зориулсан Улсын Их Хурлын хүндэтгэлийн хуралдааныг 2021 оны арван хоёрдугаар сарын 29-ний өдөр Их Монгол Улсын нийслэл Хархорум хот оршиж байсан Өвөрхангай аймгийн Хархорин суманд зарлан хуралдуулах гэж байна.

Цар тахлын нөхцөл байдлаас шалтгаалан хүндэтгэлийн хуралдааныг хязгаарлагдмал хүрээнд хийж гадаад, дотоодын зочид төлөөлөгчдийг цахимаар оролцуулах юм. УИХ-ын гишүүд хүндэтгэлийн чуулганаас гадна Монгол нутагт оршин байсан үе үеийн эзэнт гүрний нийслэл хотууд төвлөрч, өрнө дорныг холбосон худалдаа, зам харилцаа, соёл, эдийн засгийн төв болж байсан Орхоны хөндийн хөгжлийн асуудлаарх хэлэлцүүлэгт оролцоно.

Улсын Их Хурлын хүндэтгэлийн чуулганыг түүхэн байршилд, уламжлалт хэлбэрээр зохион байгуулах нь арга хэмжээний ач холбогдлыг тодруулах, өв соёлоо сурталчлах чухал ач холбогдолтой юм.

Хуралдааныг Монголын үндэсний олон нийтийн телевиз орон даяар шууд дамжуулна. 2011 оноос Үндэсний эрх чөлөө, тусгаар тогтнолоо сэргээсний баярын өдрийг улс нийтээр тэмдэглэж эхэлсэн билээ.

Дэлгэрэнгүй унших

Тод мэдээ

Европын холбооны төлөөлөгчийн газрын төлөөлөлтэй уулзалт хийв

Огноо:

,

Европын холбооноос Монгол Улсад суугаа Төлөөлөгчийн Газрын тэргүүн, Элчин сайд хатагтай Аксель Никейзтэй Хүний эрхийн Үндэсний Комиссын даргын үүргийг түр орлон гүйцэтгэгч, гишүүн Ж.Хунан нар уулзлаа. Уулзалтад Комиссын гишүүн Г.Нарантуяа, Комиссын Тамгын газрын дарга Ц.Адъяахишиг, Олон улсын гэрээ, эрх зүй, хамтын ажиллагааны хэлтсийн дарга Ө.Ундрах, Төлөөлөгчийн газрын дэд тэргүүн, Элчин зөвлөх ноён Марко Фэрри, улс төрийн атташе Пола Вестлунд, хөтөлбөрийн менежер Евгениа Фараз, төслийн менежер М.Бямбарагчаа, бодлого хариуцсан ажилтан М.Ганчимэг нар байлцлаа.

IMG_0013-2.jpg

Комиссын даргын үүргийг түр орлон гүйцэтгэгч, гишүүн Ж.Хунан шинээр томилогдсон Элчин сайдад баяр хүргэж, Хүний эрхийн Үндэсний Комиссын үйл ажиллагаа, хүний эрхийг хангах, хамгаалах чиглэлээр сүүлийн үед гарсан ахиц дэвшил, авч хэрэгжүүлж буй арга хэмжээ, төлөвлөж буй ажлын талаар танилцуулав.

Хүний эрхийн Үндэсний Комисс Европын холбоотой хамтран “Дэмжих бүлэг болон хүний эрхийн сургалтаар туслах малчдыг чадавхижуулах нь” төслийг амжилттай хэрэгжүүлж, бодит үр дүн гарч байгааг дуулгахын зэрэгцээ цаашид хүний эрхийг хангах, хамгаалах чиглэлээр урт хугацаанд хамтран ажиллах чиглэл, Хүний эрхийн Үндэсний Комиссын дэргэд шинээр байгуулагдаж буй эрүү шүүлтээс урьдчилан сэргийлэх болон Хүний эрх хамгаалагчийн механизмын талаар ярилцаж санал солилцсон.

IMG_0011.JPG

Уулзалтын үеэр Хүний эрхийн Үндэсний Комиссын даргын үүргийг түр орлон гүйцэтгэгч, гишүүн Ж.Хунан Элчин сайд хатагтай Аксель Никейзийг 12 дугаар сарын 10-ны өдөр зохион байгуулагдах Хүний эрхийн үндэсний форумд оролцохыг урилаа.

Эх сурвалж: ХЭҮК

Дэлгэрэнгүй унших
сурталчилгаа
Тод мэдээ2021/12/03

"Эмзэг цэг" арга хэмжээг өдөр бүр зохион байгуулж байна

Тод мэдээ2021/12/03

Улсын Их Хурлын хүндэтгэлийн хуралдаан Хархорин суманд болно

Тод мэдээ2021/12/03

Европын холбооны төлөөлөгчийн газрын төлөөлөлтэй уулзалт хийв

Өнөөдөр2021/12/03

Та өөрт ойр вакцины аль ч цэгт очиж дархлаажуулалтад хамрагдах болом...

Өнөөдөр2021/12/03

Өнөөдөр ажиллах шинжилгээний цэгүүд

Тод мэдээ2021/12/03

Нийслэл хотод шилжин суурьшигчдын дийлэнх нь залуус байна гэв

Тод мэдээ2021/12/03

Д.Зүмбэрэллхамыг Төрийн албаны зөвлөлийн орон тооны гишүүний үүрэгт ...

Тод мэдээ2021/12/03

Шадар сайд аялал жуулчлалын салбарын төлөөлөлтэй уулзав

Өнөөдөр2021/12/03

Улаанбаатарт өдөртөө 4 хэм хүйтэн

Өнөөдөр2021/12/03

Үс шинээр үргээлгэх буюу засуулахад тохиромжгүй

Тод индэр2021/12/02

ЗГ: Эрсдэлд суурилсан хилийн хорио хийхийг ДЭМБ санал болгож байна

Тод мэдээ2021/12/02

ЕБС-ийн сурагчдын амралт энэ сарын 18-наас эхэлнэ

Санал болгох